13:51 16.03.2022
Այսօր՝ մարտի 16-ին, վերականգնվել է միջազգային նշանակության Մցխեթա-Ստեփանծմինդա-Լարս ավտոճանապարհի Կոբի-Գուդաուրի հատվածում երթևեկությունը, փոխանցում է Aliq.ge-ն։
Վրաստանում Հայաստանի դեսպանատան փոխանցմամբ, դեռևս առկա են կուտակումներ, հերթեր, մեծաքանակ շարասյուներ, ակնկալվում է, որ այսօր երեկոյան կուտակումները կթեթևանան, իսկ վաղը ցերեկը, հավանաբար, հերթերը կվերանան։
«Սահմանը բացվել է այսօր գիշերը՝ ժամը 2-3-ի սահմաններում, այդ իսկ պատճառով դեռևս հերթեր և բեռնատարների կուտակումներ են։ Հայկական բեռնատարներ ևս կան, որոնք կանգնած են մարտի 9-ից՝ եղանակի վատթարացումից սկսած։ Ճանապարհներին կա մերկասառույց, ինչի պատճառով երթևեկության վերականգնման գործընթացը դանդաղ է ընթանում։ Ներկա պահին վրացական կողմը աշխատում է հերթերը հնարավորինս նվազեցնելու ուղղությամբ, բեռնատարների հստակ թիվ դեռևս պարզ չէ»,- «Ալիք մեդիային» փոխանցեցին դեսպանատնից։
Վրաստանի հացաբուլկեղենի ընկերությունների փոխանցմամբ, արդեն մեկ շաբաթ Ռուսաստանից ալյուր բերող բեռնատարները կանգնած են ռուս-վրացական ցամաքային սահմանին, ինչը հանգեցրել է ալյուրի պաշարների նվազմանը։ «Իփքլի Դիղոմի» հացաբուլկեղենի ընկերությունից «Ալիք մեդիային» հայտնեցին, որ բեռնատարները դանդաղ ընթացքով շարժվում են․
«Երեկվա տվյալներով 200-ից ավելի բեռնատար՝ բարձված ռուսական ալյուրով կանգնած էր ճանապարհին, մի մասը Ռուսական կողմում, մի մասն էլ, թեև անցել էր սահմանը, սակայն եղանակային վատ պայմանների պատճառով կանգնած էր Գուդաուրի-Կոբի հատվածում։ Այսօր արդեն եղանակային պայմանների բարելավման արդյունքում բեռնատարները շարժվում են, չնայած որ կեսից ավելին սահմանը դեռ չեն հատել մեծ կուտակումների և ավտոշարասյունների պատճառով»։
Ընկերությունից հայտնում են, որ բնակչության շրջանում սխալ տեղեկություններ են տարածվում, թե Ռուսաստանի հետ քաղաքական հարցերի պատճառով բեռնատարները չեն կարողանում հատել սահմանը․ «նման բան չկա»։
«Ընդգծենք նաև, որ Վրաստանն ունի առնվազն երկու շաբաթվա ալյուրի պաշար, իսկ մինչ այդ ալյուրը կներմուծվի երկիր, հուսով ենք բեռնատարները անարգել կհասնեն հնարավորինս շուտ»,- հույս են հայտնում հացաբուլկեղենի արտադրությամբ զբաղվող ընկերությունից։
Հավելենք, որ Վրաստան ալյուրի հիմնական մատակարարը Ռուսաստանի Դաշնությունն է։
Վերջին մեկ տարում (հունվարի դրությամբ) Ռուսաստանից ալյուրի ներմուծումը 699 հազար տոննայից (197 հազար դոլար) հասել է 8,8 միլիոն տոննայի (2,9 միլիոն դոլար)։
Հիշեցնենք, որ ձյան և մերկասառույցի պատճառով Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում արգելված էր բոլոր տեսակի տրանսպորտային միջոցների երթևեկությունը։
13:00 14.07.2025
Արծաթե մեդալ՝ Քիմիայի 57-րդ միջազգային օլիմպիադայումՀուլիսի 5-14-ը Արաբական Միացիալ Էմիրությունների Դուբայ քաղաքում տեղի ունեցած Քիմիայի 57-րդ միջազգային օլիմպիադայում Հայաստանի թիմն արժանացել է արծաթե մեդալի և երեք գովասանագրերի: Արծաթե մեդալի է արժանացել Վանաձորի մաթեմատիկական և բնագիտական առարկաների խորացված ուսուցմամբ հատուկ դպրոցի 12-րդ դասարանի աշակերտ Արման Խառատյանը, իսկ գովասանագրերի՝ «Քվանտ» վարժարանի 12-րդ դասարանի աշակերտ Դավիթ Ղազարյանը, Գյումրու «Ֆոտոն» վարժարանի 12-րդ դասարանի աշակերտ Սևադա Հարությունյանը և Վանաձորի մաթեմատիկական և բնագիտական առարկաների խորացված […] ...
12:47 14.07.2025
Մեկնարկել է Նիկոլ Փաշինյանի, Անտոնիու Կոշտայի և Ուրսուլա ֆոն դեր Լայենի եռակողմ հանդիպումըԲրյուսելում մեկնարկել է Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի եռակողմ հանդիպումը: Այս մասին հայտնում են ՀՀ կառավարությունից։ ...
12:40 14.07.2025
Ընկերության աշխատակիցները կատարել են հանցագործությունների պարտակումՀՀ քննչական կոմիտեի հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ Արմավիրի մարզում գործող գազալցակայանում տեղի ունեցած սպանության դեպքից հետո գազալցակայանի 2 աշխատակից կատարել է հանցագործությունների պարտակում: Մասնավորապես՝ մարզում գործող գազալցակայանի հերթափոխի պետը սպանություն կատարած անձի բացահայտմանը […] ...
12:34 14.07.2025
Բրիջիթ Մակրոնը բողոքարկելու է իրեն տղամարդ անվանած կանանց նկատմամբ վճիռըՖրանսիայի նախագահ Էմանուել Մակրոնի կինը՝ Բրիջիթ Մակրոնը, դատարանում կբողոքարկի երկու կանանց արդարացման դատավճիռը, որոնք նախկինում հայտարարել էին, որ առաջին տիկինը տղամարդ է ծնվել, հաղորդում է Franceinfo ռադիոն՝ հղում անելով նրա փաստաբանին։ «Բրիջիթ Մակրոնը վճռաբեկ դատարան կբողոքարկի երկու կանանց արդարացման դատավճիռը, որոնք ինտերնետում լուր էին տարածել, որ առաջին տիկինը տրանսգենդեր է», – ասել է նրա փաստաբան […] ...
12:20 14.07.2025
Ձերբակալվածի մոտ առանձնապես խոշոր չափերի մեթամֆետամին կար. Երևանի քրեական ոստիկանների բացահայտումըՔրեական ոստիկանության Երևան քաղաքի վարչության թմրամիջոցների անօրինական շրջանառության դեմ պայքարի բաժնի ծառայողները թմրամիջոց ապօրինի պահելու և իրացնելու վերաբերյալ հերթական օպերատիվ տեղեկությունն իրացրին հուլիսի 10-ին: Ժամը 19-ին մայրաքաղաքի Ռուբինյանց փողոցում նրանք ձերբակալեցին Հրազդան քաղաքի բնակիչ երկու տղամարդու, երկուսն էլ 41 տարեկան: Մեկի վարած «Օպել» մակնիշի ավտոմեքենայով հանդերձ նրանք տեղափոխվեցին վարչություն: Նրանցից մեկի` Հրազդանի Միկրոշրջան թաղամասի բնակչի […] ...
12:10 14.07.2025
Վարչական ղեկավարի կողմից տրամադրված կեղծ տեղեկանքների հիման վրա մի շարք անձինք ազատվել են ՀՀ ՊՆ կողմից կազմակերպվող վարժական հավաքներից. քրեական վարույթն ուղարկվել է դատարանՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ ՀՀ Գեղարքունիքի մարզի Գավառ համայնքի բնակավայրերից մեկի վարչական ղեկավարը, 2025 թվականի մարտի 18-ից ապրիլի 11-ը ՀՀ ՊՆ կողմից կազմակերպվող 25-օրյա վարժական հավաքներից իր ազգականին ազատելու դիտավորությամբ, նշված ժամանակահատվածում վերջինիս՝ ՀՀ-ում գտնվելու պայմաններում, 2025 թվականի փետրվարի 11-ի թվագրմամբ ստորագրել և իր կնիքով հաստատել է կեղծ […] ...
