21:27 06.07.2022
Երևանում Իսպանիայի Թագավորության ռեզիդենտ դիվանագիտական ներկայացուցչության բացումը, որը տեղի է ունենալու առաջիկայում, ցույց է տալիս Իսպանիայի հետաքրքրությունը ամրապնդելու իր հարաբերությունները Հայաստանի հետ: «Արմենպրես»-ի թղթակցի հաղորդմամբ՝ այդ մասին Հայաստանի արտգործնախարար Արարատ Միրզոյանի հետ հանդիպումից հետո հայտարարել է Իսպանիայի ԱԳ նախարար Խոսե Մանուել Ալբարես Բուենոն:
Հիշեցնելով, որ այս տարի Իսպանիան և Հայաստանը տոնում են երկկողմ դիվանագիտական հարաբերությունների հաստատման 30-ամյակը՝ Իսպանիայի արտգործնախարարը ընդգծել է, որ Իսպանիան և Հայաստանը գերազանց հարաբերություններ ունեն:
«Այս տարի՝ 2022 թվականին, մենք տոնում ենք մեր դիվանագիտական հարաբերությունների հաստատման 30-րդ տարեդարձը, և սա իմ հայ գործընկերոջ այցի պատճառներից մեկն է: Այս երեսուն տարվա ընթացքում մենք կառուցել և ընդլայնել ենք մեր փոխհարաբերությունները», – ասել է Իսպանիայի ԱԳ նախարարը:
Խոսե Բուենոյի խոսքով՝ Արարատ Միրզոյանի հետ իր հանդիպումը և Երևանում Իսպանիայի ռեզիդենտ դիվանագիտական ներկայացուցչություն հիմնելու Իսպանիայի կառավարության որոշումը ցույց են տալիս Իսպանիայի հատուկ հետաքրքրությունը ամրապնդելու Հայաստանի հետ իր հարաբերությունները և ավելացնելու Թագավորության ներկայությունը Հարավային Կովկասի տարածաշրջանում:
Ինչպես Հայաստանի արտգործնախարարը, այնպես էլ Իսպանիայի արտգործնախարարը իրենց խոսքում շեշտել են, որ հայկական առաջին արբանյակի տիեզերք ուղարկելը հայկական «Գեոկոսմոս» պետական ընկերության և իսպանական «Սատլանտիս» ընկերության գերազանց համատեղ աշխատանքի արդյունքն է:
«Մեր առևտրային և տնտեսական կապերը մեծ ներուժ ունեն և դրանք բառացիորեն հասնում են մինչև երկինք, քանի որ առաջին հայկական արբանյակը տիեզերք է ուղարկվել այս տարվա մայիսին շնորհիվ հայկական և իսպանական ընկերությունների համատեղ նախագծի: Նաև համագործակցության մեծ հնարավորություններ կան տարբեր ոլորտներում՝ ինչպիսիք են ենթակառուցվածքները, գյուղատնտեսությունը, տրանսպորտային փոխադրումները և վերականգնվող էներգետիկան», – ասել է Իսպանիայի արտգործնախարարը:
ՀՀ արտաքին գործերի նախարար Արարատ Միրզոյանը հուլիսի 5-7-ը աշխատանքային այցով Իսպանիայի Թագավորությունում է: Այցի շրջանակներում Հայաստանի արտգործնախարարը հանդիպումներ է ունեցել Իսպանիայի Պատգամավորների կոնգրեսի նախագահ Մերիչել Բատետի և արտգործնախարար Խոսե Մանուել Ալբարես Բուենոյի հետ: Նախատեսված է հանդիպում նաև ՄԱԿ-ի Զբոսաշրջության համաշխարհային կազմակերպության գլխավոր քարտուղար Զուրաբ Պոլոլիկաշվիլիի հետ:
13:00 14.07.2025
Արծաթե մեդալ՝ Քիմիայի 57-րդ միջազգային օլիմպիադայում
13:00 14.07.2025
Արծաթե մեդալ՝ Քիմիայի 57-րդ միջազգային օլիմպիադայումՀուլիսի 5-14-ը Արաբական Միացիալ Էմիրությունների Դուբայ քաղաքում տեղի ունեցած Քիմիայի 57-րդ միջազգային օլիմպիադայում Հայաստանի թիմն արժանացել է արծաթե մեդալի և երեք գովասանագրերի: Արծաթե մեդալի է արժանացել Վանաձորի մաթեմատիկական և բնագիտական առարկաների խորացված ուսուցմամբ հատուկ դպրոցի 12-րդ դասարանի աշակերտ Արման Խառատյանը, իսկ գովասանագրերի՝ «Քվանտ» վարժարանի 12-րդ դասարանի աշակերտ Դավիթ Ղազարյանը, Գյումրու «Ֆոտոն» վարժարանի 12-րդ դասարանի աշակերտ Սևադա Հարությունյանը և Վանաձորի մաթեմատիկական և բնագիտական առարկաների խորացված […] ...
12:47 14.07.2025
Մեկնարկել է Նիկոլ Փաշինյանի, Անտոնիու Կոշտայի և Ուրսուլա ֆոն դեր Լայենի եռակողմ հանդիպումըԲրյուսելում մեկնարկել է Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի եռակողմ հանդիպումը: Այս մասին հայտնում են ՀՀ կառավարությունից։ ...
12:40 14.07.2025
Ընկերության աշխատակիցները կատարել են հանցագործությունների պարտակումՀՀ քննչական կոմիտեի հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ Արմավիրի մարզում գործող գազալցակայանում տեղի ունեցած սպանության դեպքից հետո գազալցակայանի 2 աշխատակից կատարել է հանցագործությունների պարտակում: Մասնավորապես՝ մարզում գործող գազալցակայանի հերթափոխի պետը սպանություն կատարած անձի բացահայտմանը […] ...
12:34 14.07.2025
Բրիջիթ Մակրոնը բողոքարկելու է իրեն տղամարդ անվանած կանանց նկատմամբ վճիռըՖրանսիայի նախագահ Էմանուել Մակրոնի կինը՝ Բրիջիթ Մակրոնը, դատարանում կբողոքարկի երկու կանանց արդարացման դատավճիռը, որոնք նախկինում հայտարարել էին, որ առաջին տիկինը տղամարդ է ծնվել, հաղորդում է Franceinfo ռադիոն՝ հղում անելով նրա փաստաբանին։ «Բրիջիթ Մակրոնը վճռաբեկ դատարան կբողոքարկի երկու կանանց արդարացման դատավճիռը, որոնք ինտերնետում լուր էին տարածել, որ առաջին տիկինը տրանսգենդեր է», – ասել է նրա փաստաբան […] ...
12:20 14.07.2025
Ձերբակալվածի մոտ առանձնապես խոշոր չափերի մեթամֆետամին կար. Երևանի քրեական ոստիկանների բացահայտումըՔրեական ոստիկանության Երևան քաղաքի վարչության թմրամիջոցների անօրինական շրջանառության դեմ պայքարի բաժնի ծառայողները թմրամիջոց ապօրինի պահելու և իրացնելու վերաբերյալ հերթական օպերատիվ տեղեկությունն իրացրին հուլիսի 10-ին: Ժամը 19-ին մայրաքաղաքի Ռուբինյանց փողոցում նրանք ձերբակալեցին Հրազդան քաղաքի բնակիչ երկու տղամարդու, երկուսն էլ 41 տարեկան: Մեկի վարած «Օպել» մակնիշի ավտոմեքենայով հանդերձ նրանք տեղափոխվեցին վարչություն: Նրանցից մեկի` Հրազդանի Միկրոշրջան թաղամասի բնակչի […] ...
12:10 14.07.2025
Վարչական ղեկավարի կողմից տրամադրված կեղծ տեղեկանքների հիման վրա մի շարք անձինք ազատվել են ՀՀ ՊՆ կողմից կազմակերպվող վարժական հավաքներից. քրեական վարույթն ուղարկվել է դատարանՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ ՀՀ Գեղարքունիքի մարզի Գավառ համայնքի բնակավայրերից մեկի վարչական ղեկավարը, 2025 թվականի մարտի 18-ից ապրիլի 11-ը ՀՀ ՊՆ կողմից կազմակերպվող 25-օրյա վարժական հավաքներից իր ազգականին ազատելու դիտավորությամբ, նշված ժամանակահատվածում վերջինիս՝ ՀՀ-ում գտնվելու պայմաններում, 2025 թվականի փետրվարի 11-ի թվագրմամբ ստորագրել և իր կնիքով հաստատել է կեղծ […] ...
