16:28 08.10.2022
Կոտայքի մարզային փրկարարական վարչության Եղվարդի հրշեջ-փրկարարական ջոկատը քաղաքի Հ. Թադևոսյանի անվան թիվ 2 հիմնական դպրոցում անցկացրել է ցուցադրական հատուկ տակտիկական ուսումնավարժություն՝ «Հրդեհաշիջման և տարահանման աշխատանքների կազմակերպումը և իրականացումը դպրոցում առաջացած հրդեհի դեպքում» թեմայով:
Ըստ մտահղացման՝ էլեկտրական լարերի կարճ միացման հետևանքով հրդեհ է բռնկվել. վնասվել են գույքը, պատուհանները, կրակը տարածվել է դեպի միջանցք: Տուժել են աշակերտներ, իսկ որոշները՝ ուսուցիչների հետ միասին, հայտնվել ծխապատ գոտում:
Առաջին տեղամասում Եղվարդի հրշեջ-փրկարարներն իրականացրել են հրդեհաշիջում՝ օգտագործելով համապատասխան գույք, իսկ երկրորդ տեղամասում ՀՓՋ-ի անձնակազմը փրկարարական պարանների միջոցով շենքում արգելափակված աշակերտներին, այդ թվում վնասվածք ստացածներին, դուրս է բերել: Բացի այդ, դպրոցում գործող խմբակները մուտքից պատգարակներով տարահանել են տուժած մարդկանց:
Ուսումնավարժությունն անցկացվել է Կոտայքի մարզպետի կողմից հաստատված պլանի համաձայն, կազմակերպվել է Եղվարդի հրշեջ-փրկարարական ջոկատի, Կոտայքի մարզպետարանի, շտապօգնության, ոստիկանության, գազի սպասարկման ծառայության, դպրոցի տնօրինության համատեղ ջանքերով։
Տարահանմանը ներկա էին Կոտայքի մարզպետի տեղակալ Հ. Մկրտչյանը, մարզպետարանի կրթության, մշակույթի և սպորտի վարչության պետ Կ. Հունանյանը, Կոտայքի մարզային փրկարարական վարչության պետ, փ/ծ մայոր Գ. Սեդրակյանը, Կոտայքի մարզային փրկարարական վարչության ճգնաժամային կառավարման կենտրոնի պետ, փ/ծ փոխգնդապետ Ա. Գյուրջինյանը, Եղվարդի հրշեջ-փրկարարական ջոկատի հրամանատար, փ/ծ փոխգնդապետ Հ. Ասատրյանը և հրամանատարի տեղակալ, փ/ծ մայոր Ա. Սարդարյանը:
Կոտայքի մարզային փրկարարական վարչության պետը պարգևատրել է Եղվարդի հրշեջ-փրկարարական ջոկատի՝ տարվա ընթացքում աչքի ընկած երկու աշխատակիցներին։ Տեղի է ունեցել կատարված աշխատանքների ամփոփիչ քննարկում, բացթողումների վերհանում։ Դպրոցի տնօրենը շնորհակալություն է հայտնել բոլոր մասնակիցներին։
18:14 14.05.2025
Թրամփը չի բացառել իր մասնակցությունը Ստամբուլում կայանալիք ռուս-ուկրաինական բանակցություններինԱՄՆ նախագահ Դոնալդ Թրամփը չի բացառել Ռուսաստանի և Ուկրաինայի միջև մայիսի 15-ին Թուրքիայում նախատեսված բանակցություններին իր մասնակցությունը, սակայն չգիտի՝ արդյոք Ռուսաստանի նախագահ Վլադիմիր Պուտինը կմասնակցի՞, թե՞ ոչ։ Ինչպես «Արմենպրես»-ը տեղեկանում է Reuters-ից, այս մասին Կատար մեկնելիս նախագահական ինքնաթիռում լրագրողների հետ զրույցում նշել է Թրամփը։ «Նա (խմբ.՝ Պուտինը) կցանկանար, որ ես այնտեղ լինեմ, և դա հնարավոր […] ...
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
17:54 14.05.2025
Բենզինի ռեզերվուարում բռնկված հրդեհը մարվել էՄայիսի 14-ին` ժամը 09:37-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արին Բերդի փողոցում, նախնական տվյալներով, այրվում է բենզինի դատարկ ռեզերվուար: Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային […] ...
17:45 14.05.2025
Համագործակցության հուշագիր՝ Քրեակատարողական ծառայության և ԵՊՀ սոցիոլոգիայի ֆակուլտետի միջևԱյսօր՝ մայիսի 14-ին, ՀՀ արդարադատության նախարարության քրեակատարողական ծառայության և Երևանի պետական համալսարանի սոցիոլոգիայի ֆակուլտետի միջև կնքվել է համագործակցության հուշագիր, որը ստորագրել են Ծառայության պետ Ծովինար Թադևոսյանը և ֆակուլտետի դեկան Արթուր Մկրտիչյանը։ Համագործակցության անհրաժեշտությունը պայմանավորված է քրեակատարողական համակարգում սոցիալական աշխատանքի ինստիտուտի զարգացման կարևորությամբ, ազատազրկված անձանց վերասոցիալականացման քաղաքականության ամրապնդմամբ, ինչպես նաև քրեակատարողական ոլորտում գիտության և պրակտիկայի միջև […] ...
17:39 14.05.2025
Ընտրակաշառք տալու և ստանալու դեպքերի առթիվ քննված քրեական վարույթով նախաքննությունն ավարտվել էՀՀ հակակոռուպցիոն կոմիտեի կողմից ձեռնարկված օպերատիվ-հետախուզական միջոցառումների արդյունքում նախաձեռնված քրեական վարույթով պարզվել է, որ Գյումրի համայնքի՝ 2025 թվականի մարտի 30-ին նշանակված ավագանու արտահերթ ընտրություններին մասնակցող կուսակցությունների դաշինքի թեկնածուն Գյումրի քաղաքի բնակչին խոստացել է ընտրակաշառք՝ ընտրությանը մասնակցելու, ինչպես նաև իր ներկայացրած կուսակցությունների դաշինքի օգտին քվեարկելու համար ընտրողների հավաքագրում ապահովելու դիմաց: Մասնավորապես՝ նախաքննությամբ պարզվել է, որ հիշյալ […] ...
