22:52 20.10.2022
Չադի վարչապետ Սալեհ Քեբզաբոն հայտնել է, որ երկրում անցումային շրջանի երկարաձգման դեմ ցույցերի ընթացքում զոհերի թիվը հասել է մոտ 50-ի, իսկ մոտ 300 մարդ վիրավորվել է։
Հինգշաբթի ավելի վաղ Agence France-Presse-ը, վկայակոչելով երկրի կառավարությանը, տեղեկատվություն էր հրապարակել ցույցերի ընթացքում 30 զոհվածների մասին, այդ թվում՝ անվտանգության 10 աշխատակիցների:
«Այս ապստամբները հսկայական պատասխանատվություն են կրում մոտ 50 զոհերի և մոտ 300 վիրավորների համար, հիմնականում Նջամենայում, բայց նաև Մունդու, Դոբա և Կումրա քաղաքներում», – ասել է վարչապետը Twitter-ում հեռարձակված մամուլի ասուլիսի ժամանակ։
Նա նաև հայտարարել է թվարկված քաղաքներում ժամը 18:00-ից մինչև 06:00-ն պարետային ժամ սահմանելու և ցույցերին մասնակցող քաղաքական կուսակցությունների գործունեությունը դադարեցնելու մասին։
ԶԼՄ-ները հայտնում են, որ հինգշաբթի օրը Չադի մայրաքաղաք Նջամենայում և երկրի այլ քաղաքներում բողոքի ցույցեր են սկսվել՝ ընդդեմ երկրում անցումային շրջանի երկարաձգման՝ չնայած ցույցերի արգելքին։ Նշվում է, որ բախումների ժամանակ ոստիկանությունն արցունքաբեր գազ ու զենք է կիրառել։ Ցուցարարներից զոհերի և վիրավորների մասին հաղորդումներ են ստացվել։ Ցուցարարները գրոհել են նաև վարչապետ Սալեհ Քեբզաբոյի «Ժողովրդավարության և նորացման ազգային միություն» (UNDR) կուսակցության շտաբը:
Անցյալ շաբաթ հրապարակվեց Չադում անցումային նոր կառավարության կազմը, ներառյալ ապստամբների նախկին առաջնորդները։ Ավելի վաղ նախագահի հրամանագրով Քեբզաբոն նշանակվել էր երկրի վարչապետ։
2021 թվականի ապրիլին Չադի նախագահ Իդրիս Դեբին, որը երկար տարիներ ղեկավարել է, մահացել է երկրի հյուսիսում ապստամբների դեմ մարտերի ժամանակ ստացած վնասվածքներից։ Այնուհետև Չադի զինվորականները հայտարարեցին խորհրդարանը և կառավարությունը ցրելու և երկիրը կառավարելու համար անցումային 15 անդամներից բաղկացած ռազմական խորհրդի ձևավորման մասին: Խորհուրդը գլխավորում էր 37-ամյա գեներալ Մահամաթ Իդրիս Դեբին՝ մահացած նախագահի որդին։ Զինվորականները հայտնել են, որ անցումային շրջանը երկրում կտևի մեկուկես տարի, որից հետո կանցկացվեն ընտրություններ։
Չադի Անցումային ռազմական խորհուրդը և կիսառազմական ընդդիմադիր շարժումները օգոստոսի 8-ին Կատարի մայրաքաղաք Դոհայում խաղաղության համաձայնագիր են ստորագրել, նրանք պարտավորվել են օգոստոսի 20-ին Չադում սկսել ազգային երկխոսության համաժողով բոլոր քաղաքական ուժերի մասնակցությամբ, որի արդյունքում պետք է ձևավորվի նոր կառավարություն, որը կիրականացնի համաժողովում ընդունված որոշումները։
2022 թվականի հոկտեմբերի 8-ին ռազմական խորհուրդը լուծարվեց, և Մահամաթ Իդրիս Դեբին հռչակվեց Չադի Հանրապետության ժամանակավոր նախագահ։
19:06 10.07.2025
ԶՈՒ ԳՇ պետ Էդվարդ Ասրյանն ընդունել է գեներալ-լեյտենանտ Ջոն ՄիդինՀուլիսի 10-ին ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանն ընդունել է Բրունսումում ՆԱՏՕ-ի դաշնակցային միացյալ ուժերի հրամանատարության հրամանատարի տեղակալ, գեներալ-լեյտենանտ Ջոն Միդին։ Քննարկվել են համագործակցությանն առնչվող հարցեր: Այս մասին հայտնում են ՀՀ ՊՆ-ից։ ...
19:00 10.07.2025
Ապօրինի հրազենների կամավոր հանձնման դեպքեր Նոյեմբերյանի բաժնում․ բացատրական աշխատանքը շարունակվում էԲնակչության շրջանում հետևողականորեն անցկացվող բացատրական աշխատանքների արդյունքում Համայնքային ոստիկանության գլխավոր վարչության տարածքային բաժիններում շարունակվում են արձանագրվել ապօրինի զենք-զինամթերքի կամավոր հանձնման դեպքեր։ Մասնավորապես, հուլիսի 8-ին ապօրինի պահվող զենք-զինամթերքի հանձնան դեպքեր են գրանցվել Համայնքային ոստիկանության Նոյեմբերյանի բաժնում: Բերդավան գյուղի 50-ամյա բնակիչը բաժնում կամավոր հանձնել է «ԻԺ» հրացան: Հայտնել է, որ հանգուցյալ պապին պատկանած հրացանը հայտնաբերել է անասնագոմի […] ...
18:51 10.07.2025
Սառնաղբյուրցի երիտասարդը բակում կանեփ էր աճեցրել. նախաձեռնվել է քրեական վարույթՔրեական ոստիկանության Շիրակի մարզային վարչության ծառայողներն օպերատիվ տեղեկություն էին ստացել, որ Սառնաղբյուր գյուղի բնակիչ 31-ամյա երիտասարդը տանը պահում և օգտագործում է թմրամիջոց, ինչպես նաև բակում կանեփ է աճեցնում: Նախաձեռնվել է քրեական վարույթ, որի շրջանակում կատարված զննությամբ սառնաղբյուրցի երիտասարդի տան բակում հայտնաբերվել է կանեփ տեսակի 380 բույս: Կատարվում է նախաքննություն: ...
18:40 10.07.2025
Սյունիքով Ադրբեջանին միջանցք տրամադրելու բոլոր խոսույթները կեղծ են. Տարոն ՉախոյանՀՀ վարչապետի աշխատակազմի ղեկավարի տեղակալ Տարոն Չախոյանը գրել է․ «Սյունիքով Ադրբեջանին միջանցք տրամադրելու բոլոր խոսույթները կեղծ են։ Հայաստանի տարածքով անցնող բոլոր ճանապարհները գործելու են ՀՀ ինքնիշխանության, տարածքային ամբողջականության եւ իրավազորության ներքո»։ ...
18:33 10.07.2025
Ճապոնիայի աջակցությամբ կթարմացվի Հայաստանի օդի մոնիթորինգի համակարգըՀայաստանը և Ճապոնիան կհամագործակցեն մթնոլորտային օդի որակի վերահսկման համակարգի արդիականացման ուղղությամբ։ ՀՀ կառավարությունը հուլիսի 10-ին հավանություն է տվել դրամաշնորհային համաձայնագրի ստորագրմանը, որը թույլ կտա շարունակել ոլորտի տեխնոլոգիական զարգացումը։ Այս մասին հայտնում են ՀՀ ՇՄՆ-ից։ «Օդի որակի մոնիթորինգը կարևոր գործիք է ինչպես մարդու առողջության պաշտպանության, այնպես էլ կլիմայական փոփոխությունների դեմ պայքարի համար։ Սակայն ներկայումս կիրառվող մեթոդները […] ...
18:25 10.07.2025
Դանակահարություն գազալցակայանում․ Կոտայքի քրեական ոստիկանները մեղադրյալին ձերբակալել ենՀուլիսի 6-ին՝ ժամը 21․43-ին, ոստիկանություն հիվանդանոցից հաղորդում է ստացվել, որ մարմնական վնասվածքներով բուժօգնության է տեղափոխվել Արագածոտնի մարզի Ծաղկաշեն գյուղի բնակիչ 28-ամյա երիտասարդ: Քրեական ոստիկանության Կոտայքի մարզային վարչության և Համայնքային ոստիկանության Նաիրիի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ ժամը 21.30-ի սահմաններում Պռոշյան գյուղի 5-րդ փողոցում գտնվող գազալցակայանում վիճաբանություն է եղել պռոշյանցի 49-ամյա […] ...
