Բացահայտում են Արմավիրի բաժնի ոստիկանները – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
08 07 2025
  • $
    384.19
  • RUBLE
    4.90
  • 450.58
WEATHER
+30.09 oC

Բացահայտում են Արմավիրի բաժնի ոստիկանները

15:49 22.12.2022

Գողությունները տարածված հանցատեսակ են, որոնց դեմ պայքարի ուղղությամբ բազմաբնույթ կանխարգելիչ միջոցառումներ են իրականացվում: Յուրատեսակ կանխարգելիչ նշանակություն ունեն նաև բացահայտումները: Իսկ այդ առումով առյուծի բաժինը քրեական հետախույզներինն է, որոնց ամենօրյա ծառայությունը հենց հանցագործությունների բացահայտման ուղղությամբ է:
Ներկայացնենք գողությունների մի քանի դեպք, որոնք բացահայտվել են Արմավիրի բաժնի ոստիկանների ձեռնարկած օպերատիվ-հետախուզական միջոցառումների արդյունքում:
Գողության վերաբերյալ ահազանգը ոստիկանության Արմավիրի բաժնում ստացվեց օգոստոսի 18-ին: Լուկաշին գյուղի Երևանյան փողոցում գործող ակումբից գողացել էին բարձրախոսներ, լուսաէֆեկտային լապտերներ, տեսախցիկների հիշողության սարք, հեռուստացույցներ, 300 հազար դրամ և այլն: Նախաձեռնվել էր քրեական վարույթ:

Արմավիրի ոստիկանները, իրացնելով ստացված տեղեկություններ, պարզեցին, որ գողությանը մասնակից էր եղել Սարդարապատ գյուղի 29-ամյա մի բնակիչ: Քրեական վարույթի շրջանակում, դատարանի որոշմամբ, խուզարկություն կատարվեց 29-ամյա սարդարապատցու տանը, որի արդյունքում հայտնաբերվեց գողացված ձեռքի ժամացույցը և՝ ոչ միայն: Խուզարկությամբ հայտնաբերվեցին կանեփանման զանգվածներ, Մակարով տեսակի ատրճանակ՝ լիցքավորված 5 փամփուշտով: Իսկ Սարդարապատ գյուղի մեկ այլ տան խուզարկությամբ հայտնաբերվեցին Լուկաշին գյուղի ակումբից գողացված հեռուստացույցներից մեկը և տեսանկարահանող սարքի հիշողության կրիչը:
Սարդարապատ գյուղի 29-ամյա բնակիչը ձերբակալվեց, ներկայացվեց Արմավիրի մարզային քննչական վարչություն, ապա կալանավորվեց:
Նոյեմբերի 24-ին Արմավիրի ոստիկանները բացահայտեցին գողության փորձի և գողության դեպքեր:
Նախ հաղորդում ստացվեց, որ փորձել էին գողություն անել Արմավիր քաղաքի Բաղրամյան փողոցի շենքերից մեկի մի բնակարանից, սակայն իրենց կամքից անկախ՝ հանցագործությունն ավարտին չէին հասցրել:
Հաջորդ հաղորդումն արդեն գողության մասին էր, որը ստացվել էր ոստիկանության Մեծամորի բաժնում: Մի բնակարանից գողացել էին ոսկյա զարդեր և 30 000 դրամ:

Արմավիրի բաժնի քրեական հետախույզները, իրացնելով ստացված տեղեկություններն ու ձեռնարկելով օպերատիվ-հետախուզական ծավալուն միջոցառումներ, պարզեցին, որ Երևանի 59-ամյա և Էջմիածին քաղաքի 64-ամյա երկու բնակիչ նոյեմբերի 24-ին, էջմիածինցու Մազդա մակնիշի մեքենայով, գողության նպատակով գնացել էին Արմավիրի Բաղրամյան փողոցի շենքերից մեկն ու փորձել էին բացել բնակարաններից մեկի դուռը, սակայն ներսից ձայներ լսելով՝ դիմել էին փախուստի: Անհաջողությունից, այսպես ասած, չէին հուսահատվել: Գնացել էին Մեծամոր, մեքենան կայանել էին 1-ին թաղամասի սուպերմարկետի մոտ, ապա հարմարեցված գործիքով բացելով մոտակա շենքերից մեկի վերոհիշյալ բնակարանի դուռը՝ գողացել էին ոսկյա զարդեր և 30 հազար դրամ:
Արմավիրի բաժնի, մարզային վարչության, Վաղարշապատի և Մեծամորի ոստիկանների ձեռնարկած համատեղ միջոցառումների արդյունքում դեկտեմբերի 13-ին Էջմիածին քաղաքի 64-ամյա բնակիչը հայտնաբերվեց, ձերբակալվեց և ներկայացվեց Արմավիրի մարզային քննչական վարչություն, որտեղ տվեց խոստովանական ցուցմունք: Նրա Մազդա մակնիշի մեքենան նույնպես հայտնաբերվեց և տեղափոխվեց Արմավիրի բաժնի հատուկ պահպանվող տարածք: Ձեռնարկվում են միջոցառումներ՝ երևանցի հանցընկերոջը հայտնաբերելու ուղղությամբ:

Բոլոր լուրերը

Կապակցված լուրեր

Իսրայելի և ՀԱՄԱՍ-ի միջև համաձայնության հասնելը ժամանակ կպահանջի․ Կատարի ԱԳ նախարար

16:30 08.07.2025

Իսրայելի և ՀԱՄԱՍ-ի միջև համաձայնության հասնելը ժամանակ կպահանջի․ Կատարի ԱԳ նախարար

Իսրայելի և պաղեստինյան ՀԱՄԱՍ շարժման միջև Գազայի հատվածում հրադադարի վերաբերյալ համաձայնությունների հասնելը ժամանակ կպահանջի: Այս մասին հայտարարել է Կատարի վարչապետի խորհրդական և արտաքին գործերի նախարարության պաշտոնական ներկայացուցիչ Մաջիդ բին Մոհամմեդ ալ-Անսարին: «Չեմ կարծում, որ այս պահին կարող եմ որևէ ժամանակացույց նշել, բայց կարող եմ հիմա ասել, որ գործընթացը ժամանակ է պահանջում», – ասել է նա […] ...

Արթուր Սարգսյանի նկատմամբ քրեական հետապնդում հարուցելուն համաձայնություն տալու մասին միջնորդագիրը բավարարվեց

16:19 08.07.2025

Արթուր Սարգսյանի նկատմամբ քրեական հետապնդում հարուցելուն համաձայնություն տալու մասին միջնորդագիրը բավարարվեց

Գլխավոր դատախազ Աննա Վարդապետյանի միջնորդագիրը՝ պատգամավոր Արթուր Սարգսյանի նկատմամբ քրեական հետապնդում հարուցելուն համաձայնություն տալու մասին, բավարարվեց: Այս մասին հայտնում են Գլխավոր դատախազությունից։ ...

Ռոբերտ Աբիսողոմոնյանը ՄԱԿ Գլխավոր քարտուղարի աշխատակազմի ղեկավարի հետ քննարկել է Հարավային Կովկասում տիրող իրավիճակը

16:14 08.07.2025

Ռոբերտ Աբիսողոմոնյանը ՄԱԿ Գլխավոր քարտուղարի աշխատակազմի ղեկավարի հետ քննարկել է Հարավային Կովկասում տիրող իրավիճակը

Հուլիսի 7-ին Նյու Յորքում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է ՄԱԿ Գլխավոր քարտուղարի աշխատակազմի ղեկավար Էրլ Քորթնի Ռեթրիի հետ։ Հանդիպմանը մտքեր են փոխանակվել ՄԱԿ Գլխավոր քարտուղարի «ՄԱԿ 80» նախաձեռնության վերաբերյալ՝ ընդգծելով ներառականության և հավասարակշռության ապահովման կարևորությունը։ Անդրադարձ է կատարվել Հարավային Կովկասում տիրող իրավիճակին: ԱԳ նախարարի տեղակալ Ռոբերտ Աբիսողոմոնյանը վերահաստատել է տարածաշրջանում խաղաղության օրակարգի […] ...

ԱԳ նախարարի տեղակալն ընդգծել է Հայաստանի հետևողական աջակցությունը միջազգային իրավական մեխանիզմներին

16:00 08.07.2025

ԱԳ նախարարի տեղակալն ընդգծել է Հայաստանի հետևողական աջակցությունը միջազգային իրավական մեխանիզմներին

Հուլիսի 7-ին Նյու Յորքում ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և ելույթով հանդես է եկել Միջազգային քրեական դատարանի Հռոմի կանոնադրության մասնակից պետությունների վեհաժողովի՝ Ագրեսիայի հանցագործության վերանայման հատուկ նստաշրջանին: ԱԳ նախարարի տեղակալ Ռոբերտ Աբիսողոմոնյանն իր խոսքում ընդգծել է Հայաստանի հետևողական աջակցությունը միջազգային իրավական մեխանիզմներին՝ ուղղված միջազգային իրավունքի կոպիտ խախտումների կանխմանը և հաշվետվողականության ապահովմանը։ Այս համատեքստում […] ...

Վարչապետն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներին

15:52 08.07.2025

Վարչապետն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներին

Վարչապետ Նիկոլ Փաշինյանն ընդունել է Սևծովյան առևտրի և զարգացման բանկի կառավարիչների խորհրդի տարեկան հանդիպման մասնակիցներին՝ բանկի նախագահ Սերհաթ Կոկսալի գլխավորությամբ: Անդրադարձ է կատարվել Սևծովյան առևտրի և զարգացման բանկի կողմից Հայաստանում իրականացվող ծրագրերին և ապագա նախաձեռնություններին: Վարչապետը կարևորել է տարբեր ոլորտներում գործունեություն ծավալող մասնավոր հատվածի ֆինանսավորումն ու բիզնես նախագծերին աջակցությունը: Սերհաթ Կոկսալը շնորհակալություն է հայտնել Սևծովյան […] ...

2 օրում բացահայտվել է ավազակության դեպքը. քրեական վարույթի նախաքննությունն ավարտվել է

15:44 08.07.2025

2 օրում բացահայտվել է ավազակության դեպքը. քրեական վարույթի նախաքննությունն ավարտվել է

ՀՀ քննչական կոմիտեի Լոռու մարզային քննչական վարչությունում 2025 թվականի հունիսի 30-ին ավարտվել է հունիսի 12-ին նախաձեռնված քրեական վարույթի նախաքննությունը: Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ հունիսի 12-ին Վանաձոր ուղևորվող 2 անձինք դանակի միջոցով բռնություն են գործադրել ճանապարհից իրենց միացած օտարազգի քաղաքացու նկատմամբ՝ վերջինիս պատճառելով մարմնական վնասվածքներ: Արդյունքում, քաղաքացիներին […] ...

BACK_TO_TOP