20:48 09.02.2023
Երևանի քաղաքապետի առաջին տեղակալ Լևոն Հովհաննիսյանը հյուընկալել է «Բաց կառավարման գործընկերություն նախաձեռնության» արևելյան գործընկերության ծրագրի ղեկավար Պիտեր Վարգային: Հանդիպմանը մասնակացել են նաև «Բաց կառավարման գործընկերություն-Հայաստան»-ի համակարգող Լիլյա Աֆրիկյանը, քաղաքապետարանի զարգացման և ներդրումային ծրագրերի վարչության պետ Արմեն Հարությունյանը:
2022 թվականին Երևանը դարձել է «Տեղական բաց կառավարման գործընկերություն» նախաձեռնության անդամ: Քաղաքացիական հասարակության ներկայացուցիչների, հասարակական կազմակերպությունների, նաև ակտիվ քաղաքացիների հետ համատեղ գործակցությամբ մշակվել է Երևանի 2023-2024թթ. գործողությունների ծրագիրը, որը տարեվերջին հաստատվել է Երևանի ավագանու կողմից, իսկ հունվարին արդեն հրապարակվել «Բաց կառավարման գործընկերության» պաշտոնական էջում:
«Որպես «Բաց կառավարման գործընկերության» ընտանիքի անդամ՝ առաջին անգամ ենք մշակում նման ծրագիր և անելու ենք հնարավորն այն հաջողությամբ կյանքի կոչելու համար, որպեսզի հետագայում առավել հավակնոտ հանձնառություններ ստանձնենք: Մինչև 2024 թվականը գործողությունների ծրագրով ստանձնել ենք երեք հիմնական հանձնառություն: Կառավարման թափանցիկությունը բխում է պետության ու քաղաքական թիմի որդեգրած քաղաքականությունից և ժողովրդավար երկիր ունենալու մեր ընդհանուր նպատակներից: Լիահույս եմ, որ փոխգործակցության շնորհիվ կառավարման համակարգը միասին կդարձնենք առավել թափանցիկ, քաղաքացիակենտրոն, մասնակցային և նորարար»,-ընդգծել է Լևոն Հովհաննիսյանն ու ներկայացրել այս առումով վերջին տարիների աշխատանքները՝ մասնավորեցնելով փաստաթղթաշրջանառության թվայնացման, անկանխիկ վճարումների նոր համակարգերի ներդրումը, առցանց ծառայությունների ավելացումը: Քաղաքապետի առաջին տեղակալը նաև նշել է, որ քաղաքային իշխանությունը պարբերաբար մշակում է ծրագրեր՝ քաղաքացիներին ներգրավելով քաղաքի զարգացման տարեկան և հեռանկարային ծրագրերի մշակման ու կիրառման գործընթացներում:
Շնորհակալություն հայտնելով հանդիպման համար՝ «Բաց կառավարման գործընկերություն նախաձեռնության» արևելյան գործընկերության ծրագրի ղեկավար Պիտեր Վարգան նշել է, որ կառույցը պատրաստակամ է աջակցել Երևանին հանձնառությունների կատարման գործում. «Ուրախ ենք, որ այսուհետ մեր թիմի և Բաց կառավարման մեծ ընտանիքի անդամ եք: Նախանշված բոլոր ուղղությունները կարևոր են: Վստահ եմ, որ Երևանը մեծ հաջողություններ կգրանցի, և առաջիկա տարիներին ծրագրով էական բարելավումներ կգրանցվեն: Մայիսին կազմակերպության անդամ բոլոր երկրներում անցկացվում է բաց կառավարման գործընկերության շաբաթ, կազմակերպվում հետաքրքիր միջոցառումներ, որին, հուսով ենք, կմասնակցի նաև Երևանը: Իսկ արդեն սեպտեմբերին Էստոնիայում նախատեսվում է անցկացնել գագաթնաժողով, որին սիրով կսպասենք նաև Երևանի պատվիրակությանը»:
«Բաց կառավարման գործընկերություն-Հայաստան»-ի համակարգող Լիլյա Աֆրիկյանն իր հերթին առանձնացրել է համայնքային ծառայողների բարեվարքության կանոնների մշակումն ու ներդրումը, ինչը, ըստ նրա, ծրագրի կարևորագույն բաղադրիչներից է:
Հանդիպման ընթացքում քննարկվել են նաև ծրագրի իրագործմանն առնչվող մի շարք տեխնիկական խնդիրներ:
16:14 02.05.2025
Մի խումբ ուսանողներ հյուրընկալվել են խորհրդարանումՀՀ պետական կառավարման ակադեմիայի ուսանողներին մայիսի 2-ին Ազգային ժողովում հյուրընկալել է ԱԺ «Քաղաքացիական պայմանագիր» խմբակցության պատգամավոր Տաթեւիկ Գասպարյանը: Հանդիպումն անցել է հարցուպատասխանի ձեւաչափով: Պատգամավորը պատասխանել է ուսանողների հարցերին, որոնք վերաբերել են Հայաստանի արտաքին քաղաքականությանը, մասնավորապես, հարեւան երկրների հետ հարաբերությունների զարգացմանը, «Իրական Հայաստան» հասկացությանը, Հայաստանի պետական սահմանի սահմանազատման եւ սահմանագծման գործընթացին, երկրի տնտեսության զարգացման խնդիրներին: Հանդիպման […] ...
16:06 02.05.2025
Տեղի կունենա քահանայական ձեռնադրությունՆ.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ մայիսի 4-ին Միածնաէջ Մայր Տաճարում Սուրբ Պատարագի ընթացքում տեղի կունենա քահանայական ձեռնադրություն: Քահանայական ձեռնադրության և օծման կարժանանան տարբեր եկեղեցական կառույցներում իրենց սպասավորությունը բերող Մայր Աթոռ Սուրբ Էջմիածնի միաբան յոթ սարկավագներ: Սուրբ Պատարագի սկիզբը` ժամը 11:00-ին: ...
15:57 02.05.2025
Սուբվենցիոն ծրագրով ավարտվել են Վանաձորի թիվ 8 մանկապարտեզի կառուցման աշխատանքներըՍուբվենցիոն ծրագրով ավարտվել են Վանաձորի թիվ 8 մանկապարտեզի կառուցման աշխատանքները: Ծրագրի ընդհանուր արժեքը կազմում է 306 մլն դրամ, որից 214 մլն դրամը հատկացրել է Կառավարությունը: Այս մասին ֆեյսբուքյան իր էջում գրել է վարչապետ Նիկոլ Փաշինյանը՝ կից տեսանյութ հրապարակելով: ...
15:50 02.05.2025
Վերականգնողական կենտրոնից վերադարձված կալանավորված անձը բժշկական գոտու տակ թաքցրել էր 7 բջջային հեռախոս և բաժանորդային քարտերՀՀ արդարադատության նախարարության Նուբարաշեն քրեակատարողական հիմնարկի հերթապահ խմբի և պահպանության ապահովման բաժնի ծառայողները նախապես առաջացած կասկածանքի հիման վրա խուզարկության են ենթարկել բժշկական վերականգնողական կենտրոնից հիմնարկ վերադարձված կալանավորված անձ Կ․Մ․-ին։ Խուզարկության արդյունքում Կ․Մ․-ի գոտկատեղին ամրացված բժշկական գոտու տակից ծառայողները հայտնաբերել են 7 բջջային հեռախոս և 6 բաժանորդային քարտ։ Դեպքի առթիվ ձեռնարկվել են համապատասխան միջոցառումներ։ ...
15:44 02.05.2025
Գազա մեկնող մարդասիրական նավն ԱԹՍ-ի հարձակման պատճառով խորտակվում է Մալթայի ափերի մոտԳազայի հատված նավարկող մարդասիրական օգնությամբ նավը, որը պատկանում է «Ազատության նավատորմի կոալիցիա» (FFC) կազմակերպության ակտիվիստներին, Մալթայի ափերի մոտ անօդաչու թռչող սարքի հարձակման է ենթարկվել, որից հետո նավում հրդեհ է բռնկվել։ «Արմենպրես»-ի փոխանցմամբ՝ այս մասին CNN-ին հայտնել է կազմակերպության հասարակայնության հետ կապերի բաժնի աշխատակից Յասեմին Աքարը։ Նրա խոսքով՝ հարձակումը տեղի է ունեցել մայիսի 2-ին, տեղական ժամանակով […] ...
15:35 02.05.2025
Ամբողջ աշխարհը կարող է տեսնել, թե որքան լավն է նա․ Մխիթարյանը՝ Յամալի մասինՀենրիխ Մխիթարյանը Միլանի «Ինտերի» կազմում «Բարսելոնայի» դեմ Չեմպիոնների լիգայի կիսաեզրափակչի առաջին խաղից հետո գովեստի խոսքեր է ասել կատալոնական ակումբի 17-ամյա ֆուտբոլիստ Լամին Յամալի մասին, հաղորդում է ՈՒԵՖԱ-ն: «Ամբողջ աշխարհը կարող է տեսնել, թե նա որքան լավ խաղացող է: Նա ֆուտբոլիստ է, որը փայլում է: Մենք փորձում էինք կանգնեցնել նրան, բայց այնքա՜ն դժվար էր, քանի որ […] ...
