21:25 21.08.2018
Այսօր հայազգի աշխարհահռչակ ռոք երաժիշտ, System of a Down խմբի վոկալիստ, քաղաքացիական ակտիվիստ Սերժ Թանկյանի ծննդյան օրն է:
ShantNews.am-ը ներկայացնում է հետաքրքիր փաստեր արտիստի կյանքի և գործունեության մասին:
Սերժ Թանկյանը ծնվել է Լիբանանի մայրաքաղաք Բեյրութում: 5 տարեկանում ընտանիքի հետ տեղափոխվել է Լոս Անջելես և հաճախել տեղի հայկական Rose and Alex Pilibos դպրոցը: Հատկանշական է, որ տարբեր ժամանակներում այդ դպրոցն են հաճախել նաև System of a Down խմբի մյուս ադամները՝ Դարոն Մալաքյանն ու Շավո Օդադջյանը:
Թանկյանի երաժշտական կարիերան բավական ուշ է սկսվել: 20 տարեկանից նոր նա սկսել է լրջորեն զբաղվել երաժշտությամբ: Մինչև երաժշտի կարիերա սկսելը հասցրել է զբաղվել առք ու վաճառքով, ծրագրավորմամբ և ստեղծել է իր սեփական ծրագրավորական ընկերությունը: Նա նույնիսկ պատրաստվել է ընդունվել իրավաբանական դպրոց, սակայն շուտով հասկացել է, որ դա իր համար չէ:
Նա մանկուց լսել է տարբեր ժանրի երաժշտություն՝ ռոք, հիփ-հոփ, դետ-մետալ, փանկ և այլն: Լսել է բազմալեզու երաժշտություն՝ հայկական, արաբական, հունական, իտալական, ֆրանսիական և անգլիական: Կարելի է ասել, որ Թանկյանը լսել է համարյա բոլոր ժանրերը, որից հետո այդ բոլոր ոճերը մեկտեղել է իր երգերում:
Սերժ Թանկյանը շատ է սիրում Նոր Զելանդիան և այնտեղ առանձնատուն ունի: Այնտեղ նա հաճախ է հանգստանում:
Արտիստին շատ են հետաքրքրում մարդու իրավունքների հետ կապված հարցերը և սոցիալական արդարությունը: Հենց դա է պատճառը, որ շատ հաճախ նրա երգերի թեմաներն են դառնում ահաբեկչությունը, արտագաղթը, ցեղասպանությունը, շրջակա միջավայրի խնդիրները, քաղաքականությունը և այլն:
Թանկյանը և System of a Down խմբի մյուս անդամները նկարահանվել են Screamers ֆիլմում, որում ներկայացվում է ցեղասպանությունը: Ֆիլմում պատմվում է նաև հերոսների և իրենց հարազատների պատմությունը, որոնք Հայոց ցեղասպանության վերապրածներն են։
Համաձայն Vintage Vinyl News-ի կատարած հետազոտության՝ Թանկյանը ունի չափազանց բարձր և բազմաժանր վոկալ: Նրա ձայնի դիապազոնը կազմում է 4.2 օկտավա: Ձայնի նման դիապազոն ունեն Էլվիս Փրեսլին, Սթիվեն Թայլերը և Էնթոնի Քիդիսը:
2017-ի մարտին Սերժ Թանկյանը Լոս Անջելեսում տեղի ունեցած համերգի ժամանակ բոլորի համար անակնկալ կատարել է «Գահերի խաղը» հեռուստասերիալի The Rains Of Castamere երգը, որը սերիալում Լանիստերների տան հիմն է: Համերգից հետո շատերը նշեցին, որ Թանկյանի կատարումը օրիգինալից լավն էր, ավելի կատարյալ ու ավելի զգացմունքային:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
