14:09 25.03.2023
«Մասնագիտություն ընտրելիս ճիշտ կլինի հասկանալ՝ ի՞նչն է ավելի հոգեհարազատ։ Տարիների ընթացքում կարելի է սովորել եւ ձեռք բերել նոր մասնագիտություն»,- այս մասին խոսել է «Քաղաքացիական պայմանագիր» խմբակցության պատգամավոր Արփինե Դավոյանը «Բաց դաս» ծրագրի շրջանակում խորհրդարան այցելած Լոռու մարզի Լեռնապատի Երվանդ Դալլաքյանի անվան միջնակարգ դպրոցի աշակերտների եւ ուսուցիչների հետ հանդիպման ժամանակ։
Աշակերտների այն հարցին, թե ինչպես ճիշտ կողմնորոշվել մասնագիտություն ընտրելիս, պատգամավորը խորհուրդ է տվել ոչ միայն մասնագիտություն ընտրելիս, այլ առհասարակ լինել նպատակասլաց, քանի որ հենց նպատակասլացությունը կօգնի մասնագիտական բարձունքների հասնելու հարցում, իսկ լավ սովորելն ու շատ կարդալն էլ կօգնեն ապագայում պիտանի մասնագետ դառնալուն։
Արփինե Դավոյանը հյուրերին ներկայացրել է պատգամավորի աշխատանքի մանրամասները, գործելաոճը։
Խոսելով քաղաքականությունից՝ հյուրերը հետաքրքրվել են՝ արդյո՞ք մեր երկրում սխալ չէ ունենալ մի քանի տասնյակ կուսակցություն, ինչին ի պատասխան՝ խորհրդարանականը նշել է․ «Մենք ժողովրդավարական երկիր ենք եւ չենք կարող սահմանափակել կուսակցությունների քանակը, պարզապես քաղաքացին ինքը պետք է հետաքրքրվի եւ հասկանա՝ դրանցից որո՞նք են գործում ի նպաստ ժողովրդի»։
Արփինե Դավոյանը հորդորել է երբեք կանգ չառնել, միշտ քայլել առաջ՝ նպատակին եւ երազանքին հասնելու համար եւ հավելել է․ «Դուք եք մեր ապագան, ձեր սերունդը պետք է պատասխանատվություն զգա, քանզի մեր երկրի համար դուք կարեւոր մարդիկ եք։ Միշտ գնացե՛ք առաջ»։
Նույն օրը խորհրդարանում էին Արմավիրի մարզի Մեծամոր համայնքի Ամասիայի միջնակարգ դպրոցի աշակերտները եւ ուսուցիչները։
Նրանց հետ հանդիպել են «Քաղաքացիական պայմանագիր» խմբակցության պատգամավորներ Թագուհի Ղազարյանը եւ Արսեն Թորոսյանը։
Հանդիպման ընթացքում հյուրերը կիսվել են իրենց մտահոգություններով՝ նշելով, որ դպրոցը չունի գրադարան եւ լաբորատորիա, մարզադահլիճն էլ բարվոք վիճակում չէ։
Թագուհի Ղազարյանը տեղեկացրել է, որ ՀՀ կառավարության ծրագրով նախատեսված է վերանորոգել կամ հիմնանորոգել 300 դպրոց։ Նա պատրաստակամություն է հայտնել ԿԳՄՍ նախարարից հետաքրքրվել՝ արդյո՞ք նրանց դպրոցն ընդգրկված է ծրագրում եւ եթե չլինի ընդգրկված, ապա հետամուտ կլինի, որպեսզի դպրոցը ներառվի այդ ծրագրում։
Թագուհի Ղազարյանն անդրադարձել է նաեւ տասներկուամյա կրթությանը՝ նշելով, որ դպրոցներում վերջին երկու տարիների կրթությունը պետք է լինի մասնագիտական ուղղվածությամբ, ինչը կնպաստի կրկնուսույցներին չդիմելուն, մասնագիտական ուղղվածության առարկաների դժվարություններն ինքնուրույն հաղթահարելուն եւ բուհեր ընդունվելու համար հիմնարար գիտելիքներ ստանալուն։
Հյուրերը նաեւ հետաքրքրվել են իրենց համայնքում գյուղատնտեսության զարգացման ծրագրերով։
Ի պատասխան Արսեն Թորոսյանը նշել է․ «Մեր Կառավարության ջանքերն ուղղված են նրան, որ ունենանք բաց ճանապարհներ հարեւան երկրների հետ, ինչը կնպաստի մեր գյուղատնտեսական ապրանքների արտահանմանը։ Մենք պետք է ջանք չխնայենք անել ամեն ինչ՝ տեղական ապրանքներն ավելի մրցունակ դարձնելու նպատակով»։ Նա նաեւ տեղեկացրել է, որ ՀՀ կառավարությունը գյուղատնտեսական ոլորտը զարգացնելու համար իրականացնում է տարբեր ծրագրեր։
Հագեցած օրվա ավարտին դպրոցականներն այցելել են Ազգային ժողովի գրադարան եւ թանգարան, ծանոթացել խորհրդարանի շենքի պատմությանը։
13:07 11.07.2025
Աշնանացան ցորենի մոմային հասունացման կանխատեսում լեռնային շրջաններումՄասնագիտացված ագրոօդերևութաբանական հաշվարկների և դիտված եղանակային պայմանների վերլուծության արդյունքում՝ 2025թ․ աշնանացան ցորենի մոմային հասունացումը Շիրակի մարզում սպասվում է 17․07-21․07-ը, մնացած լեռնային շրջաններում՝ 24 -28.07-ն ընկած ժամանակահատվածում։ Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։ ...
12:55 11.07.2025
ԵՄ-ն Ադրբեջանին ու Հայաստանին կոչ է անում հնարավորինս շուտ սկսել խաղաղության համաձայնագրի նախագծի ստորագրումըԵՄ-ն Ադրբեջանին ու Հայաստանին կոչ է անում հնարավորինս շուտ սկսել խաղաղության համաձայնագրի նախագծի ստորագրումն ու վավերացումը: Այդ մասին հայտնել է ԵՄ արտաքին գործերի և անվտանգության քաղաքականության հարցերով ներկայացուցիչ Անիտա Հիփերը։ «ԵՄ-ն վճռականորեն աջակցում է երկու երկրի միջև հարաբերությունների կարգավորման գործընթացին։ Մենք կոչ ենք անում կողմերին հնարավորինս շուտ սկսել խաղաղության համաձայնագրի նախագծի ստորագրումն ու վավերացումը»,- ասել […] ...
12:48 11.07.2025
Միացյալ Նահանգներն աջակցում է Հարավային Կովկասում խաղաղությունը և կայունությունը խթանելու ջանքերին․ Թեմի ԲրյուսՄիացյալ Նահանգներն աջակցում է Հարավային Կովկասում խաղաղության և կայունության խթանմանն ուղղված ջանքերին։ Այս մասին լրագրողների հետ ճեպազրույցում նշել է Միացյալ Նահանգների պետքարտուղարության խոսնակ Թեմի Բրյուսը։ Թեմի Բրյուսն պատասխանել է հարցին, թե արդյոք Վաշինգտոնը կոնկրետ պլան կամ առաջարկ ունի՝ աջակցելու Հայաստանի և Ադրբեջանի միջև խաղաղության համաձայնագրին։ «Միացյալ Նահանգներն աջակցում է Հարավային Կովկասում խաղաղությունը և կայունությունը խթանելու […] ...
12:40 11.07.2025
Հրայր Մկոյանը տեղափոխվել է «Վան»Գյումրիի «Շիրակի» պաշտպան Հրայր Մկոյանը պայմանագիր է կնքել «Վանի» հետ, հայտնում է Չարենցավանի ակումբի պաշտոնական էջը: 38-ամյա փորձառու կենտրոնական պաշտպանը, հարազատ «Շիրակից» բացի, խաղացել է նաև «Արարատում», «Ուլիսում», «Միկայում», «Գանձասարում», «Արարատ-Արմենիայում», «Ալաշկերտում», ինչպես նաև Ռուսաստանի, Իրանի և Չեխիայի առաջնություններում: Հրայր Մկոյանը Հայաստանի ազգային հավաքականում մասնակցել է 52 հանդիպման և խփել է 1 գոլ: Հիշեցնենք, որ […] ...
12:36 11.07.2025
Սիրանուշ Սահակյանը ՄԻԵԴ-ում փաստեր է ներկայացրել Բաքվի դատարանում Ռուբեն Վարդանյանի իրավունքների կոպտագույն խախտումների վերաբերյալՄարդու իրավունքների եվրոպական դատարանում (ՄԻԵԴ) հայ ռազմագերիների ներկայացուցիչ և փաստաբան Սիրանուշ Սահակյանը պարզաբանումներ է ներկայացրել Բաքվի դատարանում Ռուբեն Վարդանյանի իրավունքների կոպտագույն խախտումների վերաբերյալ: «Արմենպրես»-ի փոխանցմամբ՝ իրավապաշտպան Սիրանուշ Սահակյանը նշել է, որ կոպտորեն խախտվել են արդար դատաքննության երաշխիքները, մասնավորապես՝ կողմերի հավասարության և մրցակցության սկզբունքը: Թե՛ նախաքննական մարմինները, թե’ դատարանն անտեսել են պաշտպանական կողմի ներկայացրած բոլոր միջնորդությունները՝ […] ...
12:28 11.07.2025
ՆԱՏՕ-ում ԱՄՆ մշտական ներկայացուցիչը կարծում է, որ Եվրոպան պետք է ստանձնի Ուկրաինայի համար ծախսերի առյուծի բաժինըԵվրոպացիները պետք է ստանձնեն Ուկրաինային աջակցելու ծախսերի զգալի մասը, հինգշաբթի Newsmax-ին ասել է ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը։ «Եվրոպացի դաշնակիցները պետք է ստանձնեն Ուկրաինային ցուցաբերվող աջակցության առյուծի բաժինը։ ՆԱՏՕ-ի դաշնակիցները մեծացրել են իրենց պատրաստակամությունը՝ ստանձնելու եվրոպական մայրցամաքի ավանդական պաշտպանությունը՝ միաժամանակ ավելի մեծ պատասխանատվություն ստանձնելով Ուկրաինային զենքի մատակարարման համար», – ասել է մշտական ներկայացուցիչը։ ...
