13:00 12.03.2018
Իսրայելում ներքաղաքական ճգնաժամը խորացել է այնքան, որ իշխանության տարբեր թևեր քննարկում են վաղաժամկետ ընտրություններ անցկացնելու տարբերակը:
Իշխող կոալիցիային ընդդիմադիր, ձախ կենտրոնական «Սիոնիստական ճակատ» դաշինքի ղեկավար Ավի Գաբայը մարտի 11-ի երեկոյան հայտարարել է, որ իրենք չեն պատրաստվում խաղալիք լինել Նեթանյահուի ձեռքին և հաստատուն քայլերով գնում են արտահերթ ընտրությունների: «Սիոնիստական ճակատ» դաշինքը ձևավորվել է 2014-ին Իսրայելում մեծ ժողովրդականություն վայելով «Ավոդ» և «Հատնուհա» կուսակցությունների միավորմամբ: Իսրայելի այժմյան խորհրդարանում այս դաշինքը ունի 24 աթոռ:
«Սիոնիստական ճակատ» դաշինքի ղեկավարը հայտարարել է, որ իրենք խորհրդարանական մյուս խմբակցությունների հետ պայմանավորվել են ներքաղաքական ճգնաժամը լուծել վաղաժամկետ ընտրությամբ, քանի որ վարչապետ Բենիամին Նեթանյահուն ի վիճակի չէ կառավարել երկիրը այն դեպքում, երբ թաթախված է կոռուպցիոն սկանդալների մեջ:
«Ես հիմա կոալիցիոն խմբակցությունից հաղորդագրություններ եմ ստանում, որ վաղաժամկետ ընտրությունները հետաձգենք մինչև սեպտեմբեր կամ ավելի ուշ, բայց ես բազմիցս ասել եմ, որ մենք խաղալիք չենք նրանց ձեռքին, որպեսզի մեզ օգտագործեն իրենց քաղաքական խաղերի մեջ»,- մասնավորապես ասել է Ավի Գաբայը:
Իսրայելցի քաղաքական գործչի խոսքով՝ Իսրայելի գործող վարչակազմը դարձել է եսակենտրոն խմբավորում, որի համար պետությունը ստորադասվում է անձնական շահերին, և դա, ըստ Գաբայի, գալիս է Նեթանյահուի՝ չափից երկար կառավարելուց:
«Երբ նայում ենք ներկա ռեժիմի կառավարման տարիները, պարզ տեսնում ենք երկար ձգվող վտանգավոր համակարգ, որը մեկուսանում է ժողովրդից ու նորանոր թշնամիներ ստեղծում ոչ միայն դրսում, այլև երկրի ներսում: Այսօր Իսրայելի թշնամիները ոչ թե Իրանը, «Հզբոլլահը» կամ «Համաս»-ն են, այլ Նեթանյահուի ռեժիմը»,- նշել է Գաբայը:
Հիշեցնենք, որ Իսրայելի վարչապետ Նեթանյահուն մեղադրվում է կոռուպցիոն սկանդալների մեջ ներքաշվելու, պետական միջոցներն իր և շրջապատի համար ծառայեցնելու մեջ: Ընդդիմությունը կարողացել է հասնել վաղաժամկետ ընտրություններ անցկացնելու համաձայնության, սակայն ժամկետների վերաբերյալ դեռևս որևէ կոնկրետ պայմանավորվածություն չկա:
23:59 08.06.2025
Ալկարասը և Սիններն անցկացրել են Ռոլան Գարոսի ամենաերկար եզրափակիչըՖրանսիայի բաց առաջնության եզրափակիչը իսպանացի Կառլոս Ալկարասի և իտալացի Յաննիկ Սինների միջև դարձավ մրցաշարի պատմության մեջ ամենաերկարը։ Եզրափակչում Ալկարասը հաղթեց Սիններին 4:6, 6:7 (4:7), 6:4, 7:6 (7:3), 7:6 (10:2) հաշվով։ Խաղը տևեց 5 ժամ 29 րոպե։ Մրցաշարի նախորդ ռեկորդը սահմանվել էր 1982 թվականին, երբ շվեդ Մաթս Վիլանդերի և արգենտինացի Գիլյերմո Վիլասի միջև եզրափակիչ խաղը տևեց […] ...
23:51 08.06.2025
Գրենլանդիայի սառցադաշտային ակոսները և Ատլատյան օվկիանոսի ջրի շրջանառությունը«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել Գրենլանդիայի սառցադաշտային ակոսների և Ատլատյան օվկիանոսի ջրի շրջանառության մասին: Ատլանտյան օվկիանոսի ջրի շրջանառության շնորհիվ տաք ջրերը տեղափոխվում են դեպի Հյուսիսային բևեռային շրջաններ, իսկ սառը և խիտ ջրերը՝ դեպի արևադարձային լայնություններ: Գրենլանդիայի ափամերձ տարածքները կարևորագույն վայրեր են, որոնք ազդում են ջրի և սննդանյութերի շրջանառության վրա: Գրենլանդիայի ափի մայրցամաքային […] ...
23:40 08.06.2025
Հեծանվի սիրահարները Հանրապետության հրապարակից իրականացրել են հեծանվաշքերթ դեպի ԷջմիածինՀեծանվի համաշխարհային օրվա շրջանակում հեծանվի սիրահարներն այսօր Հանրապետության հրապարակից իրականացրել են հեծանվաշքերթ դեպի Էջմիածին։ Այս մասին հայտնել են ԿԳՄՍ նախարարությունից: Նպատակն էր խթանել առողջ կենսակերպի տարածումը, ինչպես նաև ընդգծել հեծանվի՝ որպես էկոլոգիապես մաքուր և ժամանակակից փոխադրամիջոցի դերը։ Միջոցառումը կազմակերպվել է ՀՀ կրթության, գիտության, մշակույթի և սպորտի նախարարության, Վաղարշապատի համայնքապետարանի, ինչպես նաև Հեծանվորդների և սիրողական հեծանվասպորտի […] ...
23:27 08.06.2025
Կրակոցներ՝ Կոտայքի մարզում․ հրազենային վնասվածքներով հիվանդանոց է տեղափոխվել մի քաղաքացի․ կա ևս 2 վիրավորՀունիսի 8-ին, վիճաբանություն, ծեծկռտուք և կրակոցներ են տեղի ունեցել Կոտայքի մարզում։ Ժամը 21։30-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչությունում, նույն վարչության Կոտայքի մարզային քրեական վարչությունում օպերատիվ տեղեկություններ են ստացվել, որ «Աբովյան» բժշկական կենտրոն հրազենային վնասվածքներով ծայրահեղ ծանր ախտորոշմամբ քաղաքացի է տեղափոխվել։ Ինչպես հայտնում է shamsyan.com-ը, հիվանդանոց են ժամանել քրեական ոստիկանության ծառայողները, […] ...
23:13 08.06.2025
Կառլոս Ալկարասը՝ Ռոլան Գարոսի կրկնակի չեմպիոնԻսպանացի թենիսիստ Կառլոս Ալկարասը հաղթել է Ֆրանսիայի բաց առաջնությունում («Ռոլան Գարոս»): Մրցաշարն անցկացվել է Փարիզում։ Եզրափակիչ խաղում նա հաղթել աշխարհի առաջին ռակետ Յաննիկ Սիններին, որը ներկայացնում է Իտալիան: Խաղն ավարտվել է 4:6, 6:7 (4:7), 6:4, 7:6 (7:3), 6:7 (10:2) հաշվով: Ալկարասը արդեն հինգ Մեծ սաղավարտի մրցաշարերի հաղթող է: Իսպանացին նախկինում հաղթել է ԱՄՆ բաց առաջնությունում […] ...
22:59 08.06.2025
Բարնաուլի մի շարք ճանապարհներին երթևեկությունը սահմանափակվել է հեղեղների պատճառովԲարնաուլում ուժեղ անձրևների պատճառով մի քանի մայրուղիներ հեղեղվել են, իսկ մի շարք հատվածներում երթևեկությունը ժամանակավորապես սահմանափակվել է։ Այս մասին հաղորդվել է քաղաքապետարանի պաշտոնական Telegram ալիքում։ Նշվում է, որ ուժեղ անձրևը ուղեկցվել է մեծ թվով կայծակներով և որոտներով։ Քաղաքի բնակիչները սոցիալական ցանցերում տեսանյութեր են հրապարակում, որոնցում երևում է, թե ինչպես են մեքենաներն անցնում ջրի միջով: Ջուրը […] ...
