Մայրանալու դժվարին որոշում 22 տարի անց. ծնվել է 44-օրյա պատերազմի հերոս գյումրեցի Պավել Մանուկյանի քույրը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
18 05 2024
  • $
    387.60
  • RUBLE
    4.26
  • 420.12
WEATHER
+12.09 oC

 Մայրանալու դժվարին որոշում 22 տարի անց. ծնվել է 44-օրյա պատերազմի հերոս գյումրեցի Պավել Մանուկյանի քույրը

19:39 28.04.2023

22 տարի անց Հասմիկ Մանուկյանը նորից մայրացել է։ Գյումրիի Մոր և մանկան Ավստրիական հիվանդանոցում ծնվել է 44-օրյա պատերազմում զոհված գյումրեցի Պավել Մանուկյանի քույրը։

Որդու լուսանկարները մշտապես տիկին Հասմիկի հետ են, կարոտը  լուսանկարներից է կարողանում առնել։ Հերթով թերթում է ու հիշում  դեռ երեք տարի առաջ կենսախինդ օրերի հետաքրքիր ակնթարթները։ Երեք տարի է ծնողների զրույցները  բարձրաձայն թե մտովի, որդու լուսանկարների հետ են։ Պաշի բացակայության հետ անհաշտ ծնողները տանը մենակ էին, դատարկությունն էլ ավելի էր սրել հոգեբանական ու առողջական վիճակը, և նորից մայրանալու որոշումը դարձավ անբեկանելի։

«Շատ դժվար էր, մենք  մենակ էինք՝ ես ու ամուսինս, շատ վատ վիճակի մեջ էինք երկուսս էլ։ Հարազատներս ասացին, որ դա ճիշտ որոշում է, ձեր կյանքը կփոխվի ու մենք գնացինք այդ քայլին»,-ասում է Հասմիկ Մանուկյանը։

Դժվարությունները հաղթահարելու կամքը զորեղ գտնվեց, 22 տարի անց տիկին Հասմիկը նորից մայրացավ։ Հղիության 9 ամիսների ընթացքում եղել է բժիշկների հսկողությամբ և մշտապես հոգատարությամբ շրջապատված։ Հերոսի քրոջն    անվանակոչել են Էմմի։ Նա Մանուկյանների ընտանիքի երրորդ դուստրն է։

Հերոսի ուժեղ մայրը շրջապատված է հարազատներով, ուրախությունն ու տխրությունը միախառնվել են։ Դստեր ծնվելուց օրեր առաջ միայն մեկ անգամ երազում որդուն է տեսել։

«Մինչև հիմա երազիս չէի տեսել, նախքան էրեխի ծնվելը տեսա, որ էրեխեն ծնվավ ու առաջինը Պաշս գրկեց, բայց Պաշս փոքր էր։ Երազիս էդ եմ տեսել, թե դա ինչ  կնշանակեր, չգիտեմ»,- հուզված պատմում է հերոսի մայրը։

 

Էմմիի ավագ քույրերը  29 և 27 տարեկան են, երկուսն էլ ունեն երկուական երեխաներ։ Չորս թոռնիկներից հետո իր դստեր ծնունդը ուրիշ զգացողություն  ու սեր է ավելացնելու ընտանիքում։ Ավագ քույրերը մայրիկի կողքին են, նորածին քրոջ մեջ փորձում են նմանություններ գտնել։

Ավագ քույրը՝  Լարիսան,  բնակվում է Ֆրանսիայում, առաջին ծանոթությունը փոքրիկի հետ տեսակապով էր, իսկ վաղն արդեն կլինի Գյումրիում։ Հիմա կարևորը իրենց մայրիկի առողջությունն է։

Փոքրիկ Էմմիի ծննդյան առիթով տիկին Հասմիկը շնորհավորանքներ ստանում է  ոչ հարազատներից, բարեկամներից, նաև անծանոթ մարդկանցից, որոնք հպարտանում  են Հասմիկի նման ուժեղ մայրերով, որոնք զոհված որդիներից հետո կրկին մայրացել են։

19-ամյա Պավելը դիրքի ավագն էր,  նրա հրամանատարությամբ զինվորները անզիջում կռիվ էին տվել թշնամու դեմ։ Պավելը  բեկորային վիրավորումով տեղափոխվել էր հիվանդանոց ,որտեղ էլ երեք օր անց ՝ հոկտեմբերի երկուսին, մահացել էր։ Նրա կյանքի շարունակությունը փոքրիկ Էմմին է ու  դեռ լսելու է եղբոր մասին պատմությունները։

Բոլոր լուրերը

Կապակցված լուրեր

Տիգրան Ավինյանն այցելել է Փարիզի տրանսպորտի կենտրոն

21:30 18.05.2024

Տիգրան Ավինյանն այցելել է Փարիզի տրանսպորտի կենտրոն

Երևանի քաղաքապետ Տիգրան Ավինյանն այցելել է Փարիզի տրանսպորտի կենտրոն: «Երևանցիների համար տրանսպորտային համակարգի բարելավման ծրագրի քննարկման նպատակով այցելել ենք Փարիզի տրանսպորտի կենտրոն, որն ամբողջությամբ համակարգում և վերահսկում է քաղաքի երթուղային ցանցի բնականոն աշխատանքը: Իլ դը Ֆրանսի մեր գործընկերների հետ քննարկեցինք Երևանի երթուղային և ճանապարհային ցանցի վերաբերյալ արված ուսումնասիրությունը և այն քայլերը, որոնք անհրաժեշտ են տրանսպորտային […] ...

ՎԶԵԲ տարեկան հանդիպման և գործարար համաժողովի շրջանակներում ցուցադրվել է հայկական մշակույթի մասին ֆիլմ-ներկայացում

21:12 18.05.2024

ՎԶԵԲ տարեկան հանդիպման և գործարար համաժողովի շրջանակներում ցուցադրվել է հայկական մշակույթի մասին ֆիլմ-ներկայացում

Մայիսի 15-ին ՎԶԵԲ տարեկան հանդիպման և գործարար համաժողովի շրջանակներում Օպերայի և բալետի ազգային ակադեմիական թատրոնում համաժողովի մասնակիցների համար ցուցադրվել է աննախադեպ ու տպավորիչ ֆիլմ-ներկայացում, որը յուրահատուկ կերպով ներկայացրել է հայկական մշակույթն իր ամբողջ հմայքով, ինչպես նաև բացահայտել է ՎԶԵԲ համաժողովի խորհրդանիշը՝ հավերժության նշանը: Այս մասին հայտնում են Ֆինանսների նախարարությունից: Մանրամասները՝ տեսանյութում: ...

Կրակոցներ՝ Հրազդան քաղաքում․ կան զոհեր և վիրավոր

20:52 18.05.2024

Կրակոցներ՝ Հրազդան քաղաքում․ կան զոհեր և վիրավոր

Այսօր՝ մայիսի 18-ին, կրակոցներ և սպանություններ են տեղի ունեցել Կոտայքի մարզում։ Ժամը 19։10-ի սահմաններում ՀՀ ՆԳՆ ոստիկանության քրեական ոստիկանության գլխավոր վարչությունում և ՀՀ ՆԳՆ ոստիկանության Կոտայքի մարզային վարչությունում օպերատիվ տեղեկություններ են ստացվել, որ Հրազդան քաղաքի եկեղեցու հարևանությամբ գտնվող տարածքում կրակոցներ են հնչել, կան զոհեր ու վիրավոր։ Ինչպես հայտնում է shamshyan.com-ը, ոստիկաններն ու պարեկները նշված վայրում […] ...

Թանգարանների միջազգային օրը՝ լուսանկարներով

20:44 18.05.2024

Թանգարանների միջազգային օրը՝ լուսանկարներով

Այսօր նշվում է Թանգարանների միջազգային օրն ու «Թանգարանների գիշեր» համաեվրոպական միջոցառումը՝ նաև Հայաստանում: Իսկ դա նշանակում է՝ 118 թանգարանները բոլոր այցելուների համար անվճար սկզբունքով բաց կլինեն մինչև ժամը 24:00-ն: Ինչպես տեղեկացնում են ԿԳՄՍ նախարարությունից, օրվա շրջանակում կազմակերպվել են տարաբնույթ միջոցառումներ: Ծրագրին ծանոթացե՛ք այստեղ: ...

Աշխաբադում բացվել է Սայաթ-Նովայի արձանը

20:26 18.05.2024

Աշխաբադում բացվել է Սայաթ-Նովայի արձանը

ՀՀ կրթության, գիտության, մշակույթի և սպորտի նախարար Ժաննա Անդրեասյանը Թուրքմենստանի մայրաքաղաք Աշխաբադում մասնակցում է բանաստեղծ Մախթումկուլի Ֆրագիի ծննդյան 300-ամյակին նվիրված մշակույթի նախարարների միջազգային խորհրդաժողովին: Այս մասին տեղեկացնում են ԿԳՄՍ նախարարությունից: Ֆորումի բացմանը մասնակցել են ավելի քան 20 երկրների բարձրաստիճան պատվիրակություններ, միջազգային կառույցների ներկայացուցիչներ։ Թուրքմեն հայտնի բանաստեղծ և մտածող Մագթիմգուլի Ֆրագիի ծննդյան 300-ամյակի շրջանակում Աշխաբադում բացվել […] ...

ՀՀ սահմանապահ զորքերի մի խումբ ծառայողներ արդեն Կիրանցում են

20:16 18.05.2024

ՀՀ սահմանապահ զորքերի մի խումբ ծառայողներ արդեն Կիրանցում են

ՀՀ սահմանապահ զորքերի մի խումբ ծառայողներ արդեն Կիրանցում են: «Ազատություն»-ը հաղորդում է, որ նրանք այսօրվանից այնտեղ են մնալու՝ հետագա աշխատանքների համար տեղազննություն իրականացնելու նպատակով: Այսօր Կիրանցում է եղել նաև տարածքային կառավարման և ենթակառուցվածքների նախարար Գնել Սանոսյանը և խոսել բնակիչների հետ: Վրաստան տանող միջպետական ճանապարհի Կիրանցի հատվածում ադրբեջանական կողմին է անցնում կամուրջը։ Կառավարությունը հայտարարել է, որ […] ...

BACK_TO_TOP