19:36 19.05.2023
ՀՀ քննչական կոմիտեի նախագահի տեղակալ Արսեն Այվազյանն այսօր ընդունել է ՀՀ-ում ԱՄՆ դեսպանատան պատվիրակությանը, որի կազմում էին ԱՄՆ պետդեպարտամենտի Թմրամիջոցների դեմ պայքարի և իրավապահ համագործակցության (INL) Հայաստանյան օժանդակության ծրագրերի պատասխանատու Ռեյչլ Քուկը, ԱՄՆ դեսպանատան Թմրամիջոցների դեմ պայքարի և իրավական համագործակցության գրասենյակի տնօրեն Ալեքսիս Հաֆտվանը, նույն գրասենյակի ծրագրերի ղեկավար Քրիստինա Աֆոյանը։
ՀՀ ՔԿ նախագահի տեղակալը նախ շնորհավորել է տիկին Ռեյչլ Քուկին՝ ԱՄՆ պետդեպարտամենտի Թմրամիջոցների դեմ պայքարի և իրավապահ համագործակցության Հայաստանյան օժանդակության ծրագրերի պատասխանատուի պաշտոնն ստանձնելու կապակցությամբ, մաղթել հաջողություն և հույս հայտնել, որ նրա գործունեությունն ավելի կխթանի իրավապահ ոլորտում հայ-ամերիկյան գործակցությունը։
Արսեն Այվազյանը նշանակալի է համարել ԱՄՆ պետքարտուղարության Թմրամիջոցների դեմ պայքարի և իրավապահ համագործակցության գրասենյակի աջակցությամբ Հայաստանի իրավապահ համակարգում մարդու իրավունքների պաշտպանության ինստիտուցիոնալ ամրապնդմանը, ՀՀ քննչական կոմիտեի կարողությունների կատարելագործմանն ուղղված ծրագրերը, որոնք բազմաշերտ են և ընդգրկում են տեխնիկական աջակցությունից մինչև մասնագիտական հմտությունների զարգացումը։
Հատկապես ընդգծվել են էլեկտրոնային նախաքննության նոր համակարգի ներդրման գործըթնացի, ՀՀ ՔԿ կիբեռհանցագործությունների դեմ պայքարի լաբորատորիան տեխնիկական ժամանակակից և հզոր միջոցներով համալրելու, ինչպես նաև՝ ընտանեկան բռնությունների, կիբեռհանցագործությունների, թրաֆիկինգի դեմ քրեաիրավական պայքարի մասնագիտական հմտությունների կատարելագործմանն ուղղված վերապատրաստումների գործնական նշանակությունը։
ԱՄՆ պետդեպարտամենտի Թմրամիջոցների դեմ պայքարի և իրավապահ համագործակցության Հայաստանյան օժանդակության ծրագրերի պատասխանատու Ռեյչլ Քուկը կարևոր ձեռքբերում է համարել Հայաստանում նոր քրեական և քրեական դատավարության օրենսգրքերում մարդու իրավունքների պաշտպանության ավելի բարձր երաշխիքների ապահովման իրողությունը և կարևորել դրանց պրակտիկ կենսագործումը։
Տիկին Ալեքսիս Հաֆտվանը ևս գոհունակություն է հայտնել իր ղեկավարած գրասենյակի և ՀՀ քննչական կոմիտեի միջև գործակցության արդյունավետության կապակցությամբ։ Նա շեշտել է ՀՀ քննչական կոմիտեի ակտիվ ներգրավվածությունը Դեսպանատան նախաձեռնությամբ իրականացվող տարբեր հիմնախնդիրների լուծման, առանձին խոցելի խմբերի քրեադատավարական իրավունքների պաշտպանության մակարդակի բարձրացման նպատակ հետապնդող երկկողմ և բազմակողմ քննարկումներին։
Հանդիպման ընթացքում մանրամասն քննարկվել են համագործակցության ընդլայնման նոր հնարավորություններն ու ուղղությունները։ Հաշվի առնելով իրավական փոխօգնության շրջանակներում քննչական հարցումների արդյունավետության բարձրացման, անդրազգային բնույթի հանցագործությունների, հատկապես թմրամիջոցների ապօրինի շրջանառության, թրաֆիկինգի, կիբեռհանցագործությունների, փողերի լվացման և դրանում կրիպտոարժույթների օգտագործման դեպքերի բացահայտման հարցում երկու երկրների իրավապահ կառույցների միջև փոխգործակցության խորացման, կարողությունների զարգացման անհրաժեշտությունը՝ երկուստեք առաջնային է համարվել այդ ուղղություններով նոր ծրագրերի իրականացումը։
Քննարկվել են նաև փոխադարձ հետաքրքրություն ներկայացնող այլ հարցեր։
16:10 12.07.2025
Էլինա Դանիելյանը և Լիլիթ Մկրտչյանը պարտվել են 2-րդ փուլի թայ-բրեյքում2025 թվականի շախմատի կանանց աշխարհի գավաթի երկրորդ փուլի թայ-բրեյքում Էլինա Դանիելյանը զիջեց գրոսմայստեր Անտոանետա Ստեֆանովային, իսկ Լիլիթ Մկրտչյանը՝ միջազգային վարպետ Ալեքսանդրա Մալցևսկայային: Այս մասին հայտնում են Հայաստանի շախմատի ֆեդերացիայից։ Երկրորդ փուլում պայքարից դուրս մնաց նաև աշխարհի ներկայիս գավաթակիր, գրոսմայստեր Ալեքսանդրա Գորյաչկինան, ով թայ-բրեյքում զիջեց միջազգային վարպետ Մերուերտ Կամալիդենովային: ...
15:54 12.07.2025
ՆԳՆ-ն հերքում է նախատեսված հանրահավաքին ընդառաջ արցախցիների նկատմամբ ճնշումների մասին պնդումներըՀայաստանի ներքին գործերի նախարարությունը հերքում է Արցախցիների իրավունքների պաշտպանության խորհրդի հայտարարությունն այն մասին, թե ՀՀ իշխանությունների կողմից իրենց նկատմամբ բռնաճնշումներ են իրականացվում՝ հուլիսի 12-ին կայանալիք հանրահավաքին ընդառաջ։ «Բռնաճնշումների վերաբերյալ պնդումը բացարձակապես չի համապատասխանում իրականությանը: ՆԳՆ ոստիկանությունը ինչպես ցանկացած, այնպես էլ այս հավաքի կազմակերպիչների հետ կազմակերպչական բնույթի հարցեր է քննարկում: Արտոնված հավաքի ընթացքում ՆԳՆ ոստիկանությունը պարտավոր […] ...
15:35 12.07.2025
Կալասի այցն արդյո՞ք շրջադարձ է ՀՀ-ԵՄ հարաբերություններում. Հեռանկար բանավեճԿալասի այցն արդյո՞ք շրջադարձ է ՀՀ-ԵՄ հարաբերություններում: Որքա՞ն են մերձ Եվրոպական միությունն ու Հայաստանը: Ի՞նչ էր նշանակում ԵՄ բարձր ներկայացուցչի հայտարարությունը: Ի՞նչ կարող է ակնկալել Հայաստանը անվտանգության ու պաշտպանության ոլորտում: Ինչքա՞ն հեռանալ Ռուսաստանից, որքա՞ն մոտենալ ԵՄ -ին: Որտե՞ղ է հարաբերությունների բալանսավորման սահմանը։ Այս թեմաների մասին իրենց կարծիքն են հայտնել «Հանուն սոցիալական արդարության» կուսակցության նախագահ, քաղաքագետ […] ...
15:16 12.07.2025
Շղթայական ավտովթար Երևան-Սևան ավտոճանապարհին՝ Հրազդանի վարչական տարածքումԱյսօր՝ հուլիսի 12-ին, խոշոր ու շղթայական ավտովթար է տեղի ունեցել Կոտայքի մարզում։ Ժամը 12։30-ի սահմաններում Երևան-Սևան ավտոճանապարհի Հրազդանի վարչական տարածքում բախվել են «Lexus», «Mercedes», «Kia», «Toyota Altezza», «BYD», «Daewoo» և «ԶԻԼ» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան։ Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, որտեղ էլ […] ...
14:46 12.07.2025
Հուլիսի 13-ին Երևանում կմեկնարկի «Ոսկե ծիրան» միջազգային հեղինակավոր կինոփառատոնըԵրևանի քաղաքապետարանից տեղեկացնում են․ «Սիրելի’ երևանցիներ և քաղաքի հյուրեր, Վաղը՝ հուլիսի 13-ին, Երևանում կմեկնարկի «Ոսկե ծիրան» միջազգային հեղինակավոր կինոփառատոնը։ Մեկ շաբաթ շարունակ մայրաքաղաքը կդառնա համաշխարհային կինոյի կենտրոն՝ հյուրընկալելով տասնյակ ճանաչված ռեժիսորների, պրոդյուսերների, դերասանների և արվեստի ներկայացուցիչների։ Փառատոնը կմեկնարկի Կաննի կինոփառատոնի Ոսկե արմավենու ճյուղի դափնեկիր ֆիլմով՝ Ջաֆար Փանահի «Մի պարզ պատահար»: Միացեք Երևանի կինոմշակույթի ամենասպասված իրադարձությանը»: ...
