17:32 24.05.2023
Արդարադատության նախարարի տեղակալ Կարեն Կարապետյանը ԵՄ/ԵԽ Գործընկերություն հանուն լավ կառավարման (ԳԼԿ) 2023-2027թթ. Արևելյան գործընկերության երկրների համար տեղական համակարգող հանձնաժողովի նիստին անդրադարձել է Եվրոպական միության և Եվրոպայի խորհրդի աջակցությամբ իրականացված ծրագրերին:
Նիստը համանախագահել են Երևանում Եվրոպայի խորհրդի գրասենյակի ղեկավար Մարտինա Շմիդտը և Համագործակցության բաժնի ղեկավար, Հայաստանում Եվրոպական միության պատվիրակության ներկայացուցիչ Ֆրանկ Հեսսը:
Հանդիպման ընթացքում ամփոփվել են ԳԼԿ II ծրագրերի հիմնական արդյունքները, և ներկայացվել են ԳԼԿ III ծրագրերը:
Արդարադատության նախարարի տեղակալ Կարեն Կարապետյանը նշել է, որ նախարարությունը բարձր է գնահատում Եվրոպական միության և Եվրոպայի խորհրդի հետ հաստատված բազմաշերտ ու բազմոլորտ համագործակցությունը, որի արդյունքում գրանցվել են տեսանելի և շոշափելի արդյունքներ մարդու իրավունքերի պաշտպանության, ժողովրդավարական ինստիտուտների և օրենքի գերակայության ամրապնդման համատեքստում:
ԳԼԿ արդարադատության ամրապնդմանն ուղված ծրագրի վերաբերյալ Կարեն Կարապետյանը կարևորել է դատական և իրավական բարեփոխումների շրջանակում շարունակական աջակցությունը, մասնավորապես՝ ուղղված դատական և իրավական բարեփոխումների 2022-26թթ. ռազմավարության մշակման, այլընտրանքային վեճերի լուծման մեխանիզմների ներդրման և դատական ոլորտի օրենսդրության մշակմանը:
Միաժամանակ, նախարարի տեղակալն ընդգծել է քրեական արդարադատության ոլորտում ոչ միայն իրավաստեղծ, այլև իրավակիրառ գործընթացներին ԳԼԿ շրջանակներում ցուցաբերված աջակցությունը, մասնավորապես՝ քրեական և քրեական դատավարության օրենսգրքերի մշակումը և դրանցով ներմուծված կալանավորմանն այլընտրանք հանդիսացող խափանման միջոցներից տնային կալանքի և վարչական հսկողության իրականացման համար անհրաժեշտ էլեկտրոնային հսկողության համակարգի ներդնումը:
ԳԼԿ կարևորագույն բաղադրիչներից է նաև «Հայաստանում կոռուպցիայի դեմ պայքարի և կանխարգելման ինստիտուցիոնալ կարողությունների հզորացում» ծրագիրը, որի շրջանակում գրանցվել են կարևորագույն ձեռքբերումներ, մասնավորապես՝ 2019-2022 թվականների հակակոռուպցիոն ռազմավարության ընդունումը, հակակոռուպցիոն մարմինների կարողությունների զարգացումը, ոլորտի օրենսդրական բարեփոխումներին փորձագիտական աջակցությունը և այլն:
Անդրադառնալով ԳԼԿ շրջանակներում իրավահավասարության խթանմանը և խտրականության բացառմանն ուղված գործողություններին՝ Կարեն Կարապետյանը նշել է, որ հաջողությամբ իրականացվել են ատելության խոսքի կարգավորումների համակարգված քարտեզագրում և ատելության խոսքի դեմ պայքարի ոլորտում առկա իրավակարգավորումների վերհանում:
Նախարարի տեղակալն ընդգծել է ԳԼԿ III-րդ ծրագրի կարևորությունը վերոնշյալ ոլորտներին հետագա աջակցության համար, ինչպես նաև ներկայացրել արդարադատության նախարարության առաջարկություններն ու տեսլականը ապագա համագործակցության շրջանակներում:
15:16 12.07.2025
Շղթայական ավտովթար Երևան-Սևան ավտոճանապարհին՝ Հրազդանի վարչական տարածքումԱյսօր՝ հուլիսի 12-ին, խոշոր ու շղթայական ավտովթար է տեղի ունեցել Կոտայքի մարզում։ Ժամը 12։30-ի սահմաններում Երևան-Սևան ավտոճանապարհի Հրազդանի վարչական տարածքում բախվել են «Lexus», «Mercedes», «Kia», «Toyota Altezza», «BYD», «Daewoo» և «ԶԻԼ» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան։ Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, որտեղ էլ […] ...
14:46 12.07.2025
Հուլիսի 13-ին Երևանում կմեկնարկի «Ոսկե ծիրան» միջազգային հեղինակավոր կինոփառատոնըԵրևանի քաղաքապետարանից տեղեկացնում են․ «Սիրելի’ երևանցիներ և քաղաքի հյուրեր, Վաղը՝ հուլիսի 13-ին, Երևանում կմեկնարկի «Ոսկե ծիրան» միջազգային հեղինակավոր կինոփառատոնը։ Մեկ շաբաթ շարունակ մայրաքաղաքը կդառնա համաշխարհային կինոյի կենտրոն՝ հյուրընկալելով տասնյակ ճանաչված ռեժիսորների, պրոդյուսերների, դերասանների և արվեստի ներկայացուցիչների։ Փառատոնը կմեկնարկի Կաննի կինոփառատոնի Ոսկե արմավենու ճյուղի դափնեկիր ֆիլմով՝ Ջաֆար Փանահի «Մի պարզ պատահար»: Միացեք Երևանի կինոմշակույթի ամենասպասված իրադարձությանը»: ...
14:30 12.07.2025
Դոնարուման օգնել է ՊՍԺ-ի պաշտպանին համբուրել կնոջըՖԻՖԱ-ի աշխարհի ակումբային առաջնության կիսաեզրափակչի ՊՍԺ – «Ռեալ Մադրիդ» խաղից հետո հետաքրքիր դրվագ է գրանցվել։ Փարիզյան թիմի բրազիլացի պաշտպան Լուկաս Բերալդոն թիմի հաղթանակից հետո մոտեցել է տրիբունային, որտեղ գտնվում էր իր կինը և ցանկացել համբուրել նրան։ Սակայն փորձը ձախողվել է։ Բերալդոյին օգնության է հասել թիմի իտալացի դարպասապահ Ջանլուիջի Դոնարուման, որը գրկել և վեր է բարձրացրել […] ...
14:14 12.07.2025
Միջազգային համագործակցության ուրուգվայական գործակալության տնօրենի հետ քննարկվել են համագործակցության հեռանկարներըՈւրուգվայում Հայաստանի Հանրապետության դեսպան Մարիամ Գևորգյանը հուլիսի 10-ին հանդիպում է ունեցել Ուրուգվայի նախագահի աշխատակազմին առընթեր Միջազգային համագործակցության ուրուգվայական գործակալության (AUCI) գործադիր տնօրեն Մարտին Կլավիխոյի հետ։ Ինչպես տեղեկացնում է Ուրուգվայում ՀՀ դեսպանությունը, կայացած հանդիպման շրջանակներում զրուցակիցներն անդրադարձ են կատարել փոխադարձ հետաքրքրություն ներկայացնող մի շարք ոլորտներում համագործակցության հեռանկարներին: ...
14:00 12.07.2025
Հայաստանն ու Վրաստանը մշակույթի բնագավառում համագործակցության ծրագիր են ստորագրելՀՀ կրթության, գիտության, մշակույթի և սպորտի նախարար Ժաննա Անդրեասյանը Վրաստան կատարած աշխատանքային այցի շրջանակում հանդիպել է Վրաստանի մշակույթի նախարար Թինաթին Ռուխաձեի հետ։ Հանդիպմանը մասնակցել են ԿԳՄՍ նախարարի տեղակալ Ալֆրեդ Քոչարյանը և Վրաստանում ՀՀ դեսպան Աշոտ Սմբատյանը։ Շնորհակալություն հայտնելով հրավերի համար՝ Ժաննա Անդրեասյանը կարևորել է երկու պետությունների միջև բարեկամական սերտ համագործակցությունը, ինչպես նաև մշակույթի ոլորտում համատեղ […] ...
