19:38 22.06.2023
Ադրբեջանի կողմից արդեն 8 օր ամբողջությամբ արգելափակվել է Արցախից բուժառուների տեղափոխումը Հայաստանի Հանրապետության մասնագիտացված բուժհաստատություններ, ինչպես նաև անհրաժեշտ դեղորայքի ու բուժպարագաների ներկրումը:
«Արմենպրես»-ի թղթակցի հետ զրույցում Արցախի Առողջապահության նախարարի մամուլի խոսնակ Անգելինա Իսախանյանը նշել է, որ ստեղծված իրավիճակի հետևանքով օրեցօր կրճատվում են դեղորայքի առանց այն էլ սուղ պաշարները:
«Չնայած՝ մինչև ադրբեջանական վերջին սադրանքը, ԿԽՄԿ-ի միջոցով հաջողվել էր որոշ խմբաքանակով դեղորայք և բուժպարագաներ ձեռք բերել ու պահեստավորել, սակայն լիակատար շրջափակման շարունակականության դեպքում լուրջ խնդիրներ կառաջանան: Աշխատում ենք առկա սուղ պաշարներն օգտագործել խիստ խնայողաբար: Այդ պատճառով դադարեցվել են բոլոր պլանային հետազոտություններն ու միջամտությունները»,-մանրամասնեց խոսնակը՝ հավելելով, որ ներկայում բուժհաստատությունների ամբուլատոր հատվածում դեղորայքային ապահովվածությունը կազմում է ընդամենը 20 տոկոս, իսկ ստացիոնարում՝ 40 տոկոս: «Արդեն իսկ 190 բուժառու տարբեր ախտորոշումներով սպասում է ՀՀ մասնագիտացված բուժհաստատություններ տեղափոխվելու հնարավորությանը: Կան նաև անհապաղ տեղափոխման կարիք ունեցողներ՝ ուռուցքային և սիրտ-անոթային ախտորոշումներով»,-ընդգծել է զրուցակիցը:
Նրա տեղեկատվությամբ՝ «Արևիկ» մանկական բուժմիավորումում այսօրվա դրությամբ 6 երեխա գտնվում է վերակենդանացման և նորածնային բաժանմունքում, իսկ Հանրապետական բժշկական կենտրոնի վերակենդանացման բաժանմունքում՝ 5 հիվանդ, որից 2-ը ծայրահեղ ծանր վիճակում:
Ըստ Իսախանյանի՝ արդեն իսկ դեղորայքի ու բուժպարագաների սղություն է զգացվում բոլոր դեղատներում. հատկապես սուր է զգացվում մանկական սննդի ու տակդիրների պակասը:
15:08 14.05.2025
Թրամփը չի բացառել Ռուսաստանի և Իրանի դեմ նոր պատժամիջոցներըԱՄՆ նախագահ Դոնալդ Թրամփը հայտարարել է, որ «մշտապես քննարկում է» Ռուսաստանի և Իրանի դեմ պատժամիջոցները խստացնելու հնարավորությունը։ «Ես չեմ ուզում դրա մասին խոսել, բայց ես միշտ դիտարկում եմ երկրորդական պատժամիջոցների հնարավորությունը», – Սաուդյան Արաբիայից թռիչքից հետո նախագահական ինքնաթիռում լրագրողներին ասել է ամերիկացի առաջնորդը՝ պատասխանելով լրագրողի հարցին։ Ամերիկայի նախագահի խոսքով՝ «Իրանի դեմ երկրորդական պատժամիջոցները «երկիրը հասցրել […] ...
14:48 14.05.2025
Մարտունիում հացամթերքի արտադրամասի գործունեություն է կասեցվելՀՀ սննդամթերքի անվտանգության տեսչական մարմնի Գեղարքունիքի մարզային կենտրոնի տեսուչները վերահսկողական միջոցառումներ են իրականացրել «ՎԱԳԵ» ՍՊԸ-ին պատկանող հացամթերքի արտադրամասում (Գեղարքունիքի մարզ, ք․ Մարտունի), որտեղ պարզել են, որ այն գործում է սանիտարահիգիենիկ պայմանների խախտումներով։ Այս մասին տեղեկացնում է ՍԱՏՄ-ն։ Մասնավորապես՝ – արտադրական օբյեկտի պատերի, առաստաղների մակերևույթները պատրաստված չեն եղել անջրանցիկ, լվացվող, ախտահանվող նյութերից. – արտադրական օբյեկտը ապահովված […] ...
14:35 14.05.2025
Արարատ Միրզոյանը և Ալեն Բերսեն քննարկել են ՀՀ-ԵԽ փոխգործակցության հարցերըԼյուքսեմբուրգում կայացած քննարկումների ընթացքում ՀՀ ԱԳ նախարար Արարատ Միրզոյանը և ԵԽ գլխավոր քարտուղար Ալեն Բերսեն անդրադարձ են կատարել ՀՀ-ԵԽ փոխգործակցության հարցերի, այդ թվում՝ առաջիկա ծրագրերին։ Այս մասին հայտնում են ՀՀ ԱԳՆ-ից։ ...
14:33 14.05.2025
Ռուսաստանը պատրաստ է մայիսի 15-ին Ուկրաինայի հետ ուղիղ բանակցությունների․ ՈւշակովՌուսաստանը պատրաստ է մայիսի 15-ին Ստամբուլում վերսկսել Ուկրաինայի հետ ուղիղ բանակցությունները, ինչպես նշել էր Ռուսաստանի նախագահ Վլադիմիր Պուտինը, հայտարարել է ՌԴ նախագահի օգնական Յուրի Ուշակովը։ «Դուք գիտեք նախագահի մայիսի 11-ի հայտարարությունը, որ մենք պատրաստ ենք մայիսի 15-ին Ստամբուլում ուղիղ բանակցություններ սկսել։ Ավելի ճիշտ՝ նույնիսկ չսկսել, այլ վերսկսել այն բանակցությունները, որոնք ընդհատվել էին ուկրաինական կողմի կողմից […] ...
14:28 14.05.2025
ՊԵԿ պատվիրակությունը Բրյուսելում մասնակցել է մաքսային հարցերով ենթակոմիտեի հինգերորդ նիստինՊետական եկամուտների կոմիտեի պատվիրակությունը ՊԵԿ նախագահի տեղակալ Ռաֆայել Գևորգյանի գլխավորությամբ Բրյուսելում մասնակցել է Հայաստանի Հանրապետության և Եվրոպական Միության միջև կնքված Համապարփակ և ընդլայնված գործընկերության համաձայնագրի ներքո գործող մաքսային հարցերով ենթակոմիտեի հինգերորդ նիստին։ Նիստի ընթացքում ներկայացվել են մաքսային ոլորտին առնչվող օրենսդրական բարեփոխումները, ինչպես նաև մաքսային գործառնությունների թվայնացման ուղղությամբ երկու կողմերի ձեռքբերումները և առաջիկա քայլերը։ Քննարկվել է […] ...
