10:50 11.10.2023
Հոկտեմբերի 10-ին ՄԱԿ-ում Հայաստանի մշտական ներկայացուցչության երրորդ քարտուղար Արաքսյա Բաբիկյանը հայտարարությամբ է հանդես եկել Երկրորդ կոմիտեի օրակարգի 19-րդ կետով, որը վերաբերել է «Կայուն զարգացում» թեմային: Նա ներկայացրել է, որ Հայաստանը խստորեն հավատարիմ է մնում 2030-ի օրակարգի իրականացմանը՝ առաջնահերթություն տալով ներառական, հավասար և որակյալ կրթության խթանմանը, համաճարակներին դիմակայող համընդհանուր, մատչելի և որակյալ առողջապահական համակարգ ապահովելուն և կարիքները բավարարելու համար սոցիալական պաշտպանության ծառայության կարողությունների հզորացմանը։ Նշել է.
«Զարգացող երկրներից շատերը շարունակում են կրել կլիմայի փոփոխության սարսափելի հետևանքները, որոնք ամենաքիչն են դրան նպաստում: Բավարար կլիմայական ֆինանսավորման բացակայությունը խիստ սահմանափակում է խոցելի երկրների զարգացման ձգտումները։ Այս առումով չափազանց կարևոր է ֆինանսավորման նոր նորարարական գործիքների ներդրումը, ինչպիսին է, օրինակ, կլիմայի փոխանակման պարտքը»:
Նա ընդգծել է նաև, որ Հայաստանը հավատարիմ է մնում Փարիզի համաձայնագրին և իր «Ազգային որոշված ներդրումներին» (NDC) համապատասխան նպատակ է դրել մինչև 2030 թվականը ջերմոցային գազերի արտանետումները կրճատել 40 տոկոսով և մինչև 2050 թվականը հասնել զուտ զրոյական նպատակին: Այդ նպատակով Հայաստանի կառավարությունը ձեռնարկում է էներգետիկ անցումը խթանելուն ուղղված քայլեր՝ էներգիայի արտադրության մեջ վերականգնվող էներգիայի աղբյուրների մասնաբաժինն ավելացնելու նպատակով։
Բաբիկյանը շեշտել է նաև, որ կայուն զարգացումը էականորեն ազդում է, երբ տարածաշրջանում երկիրը բախվում է ուժի կիրառման սոցիալ-տնտեսական, մարդասիրական հետևանքների, տնտեսական և այլ ձևերի հարկադրանքի:
«Լեռնային Ղարաբաղի ժողովրդի դեմ Ադրբեջանի կողմից իրականացված վերջին ռազմական ագրեսիայի արդյունքում ավելի քան 100.000 մարդ էթնիկ զտումների է ենթարկվել, որոնք ստիպված են եղել լքել իրենց տները՝ ապաստան գտնելով Հայաստանում։ Լեռնային Ղարաբաղի ողջ բնակչության զանգվածային տեղահանումը Հայաստան պահանջում է անմիջական մարդասիրական արձագանք և ռեսուրսների մոբիլիզացիա։ Տարածաշրջանային խաղաղությանն ու անվտանգությանը սպառնացող վտանգներն ուղղակիորեն խաթարում են տարածաշրջանի բնակչության կայուն զարգացմանն ու բարեկեցությանը նպաստելու ջանքերը:
Ստեղծված իրավիճակը պահանջում է միջազգային հանրության, համապատասխան մարդասիրական կազմակերպությունների, ՄԱԿ-ի իր մասնագիտացված գործակալությունների անհապաղ և գործնական գործողությունները՝ մեղմելու Լեռնային Ղարաբաղի ժողովրդի շարունակական դժվարությունները, զրկանքները և տառապանքները: ՄԱԿ-ը պետք է մոբիլիզացնի միջազգային հանրության կարողությունները՝ լուծելու փախստականների կյանքի փրկության, պաշտպանության և վաղ վերականգնման կարիքները և ապահովելու նրանց մարդու հիմնարար իրավունքները, ներառյալ՝ իրենց նախնիների հայրենիք անվտանգ և արժանապատիվ վերադարձի իրավունքը»,-ընդգծել է ՄԱԿ-ում Հայաստանի մշտական ներկայացուցչության երրորդ քարտուղարը:
19:20 02.05.2025
Դատախազական ակտի կիրառման արդյունքում վերականգնվել է պետությանը պատճառված 75 միլիոն դրամ վնասըՔննչական կոմիտեում քննվող քրեական վարույթի ուսումնասիրությամբ պարզվել է, որ բազմաբնակարան շենքերի կառուցապատմամբ և բնակարանների վաճառքով զբաղվող ընկերության սեփականատեր Ա.Մ.-ն նույն ընկերության տնօրեն Գ.Վ.-ի հետ նախնական համաձայնությամբ, առանձնապես խոշոր չափերով հարկեր վճարելուց խուսափելու, այդ միջոցով շահույթ ստանալու նպատակով՝ Երևան քաղաքի Նորք-Մարաշ վարչական շրջանում կառուցվող բազմաբնակարան շենքից 2022-2024 թվականների ընթացքում իրացրել է բնակարաններ՝ կառուցվող շենքից անշարժ գույք […] ...
19:07 02.05.2025
Նախագահական նստավայրում հյուրընկալվել են ֆիզիկամաթեմատիկական մասնագիտացված դպրոցի աշակերտներըՆախագահական նստավայրում հյուրընկալվել են Երևանի Արտաշես Շահինյանի անվան ֆիզիկամաթեմատիկական մասնագիտացված դպրոցի աշակերտները։ Նրանք շրջայց են կատարել նստավայրում, ծանոթացել դրա պատմությանը, ճարտարապետական առանձնահատկություններին և գործունեության կարգին։ Այնուհետև Հանրապետության նախագահ Վահագն Խաչատուրյանն աշակերտների համար դասախոսություն է կարդացել՝ ներկայացնելով պետության և ազատ շուկայական տնտեսության փոխհարաբերությունները, դրանց նշանակությունն ու կիրառական դրսևորումները ժամանակակից կառավարման համակարգում։ Դասախոսությունից հետո նախագահն անմիջական մթնոլորտում […] ...
19:00 02.05.2025
Գողությունը բացահայտվել է. 25-ամյա հարևանուհին խոստովանել է արարքըՔրեական ոստիկանության Տավուշի մարզային վարչությունում հաղորդում տված քաղաքացին հայտնել էր, որ ապրիլի 28-ի ժամը 14-ից 18-ն ընկած ժամանակահատվածում Դիլիջանի Աթարբեկյան փողոցում գտնվող իր տնից գողացել են բջջային հեռախոս: Նշված հասցե օպերատիվ խումբ է մեկնել: Կազմված փաստաթղթերն ուղարկվել են Դիլիջանի քննչական բաժին, որտեղ քրեական վարույթ է նախաձեռնվել: Ձեռնարկված օպերատիվ-հետախուզական միջոցառումների արդյունքում մայիսի 1-ին հանցագործությունը բացահայտվել է: […] ...
18:54 02.05.2025
Իրանում գործող հայկական մի շարք կառույցներ դատապարտել են Թեհրանում Ցեղասպանության տարելիցի կապակցությամբ միջոցառման ժամանակ գրանցված միջադեպըԻրանում գործող հայկական մի շարք կառույցներ դատապարտել են Հայոց ցեղասպանության 110-րդ տարելիցի կապակցությամբ Թեհրանում կազմակերպված միջոցառման ժամանակ գրանցված միջադեպը՝ կոչ անելով հայկական մյուս կառույցներին և Իրանի խորհրդարանի հայ պատգամավորներին ևս դատապարտել այն։ «Հայոց ցեղասպանության 110-րդ տարելիցի ծրագրերի շարքում, Թեհրանում տեղի ունեցած ամենամյա ծաղկեմատույցի արարողության ժամանակ, ծրագրին մասնակցող ՀՀ դեսպանության դիվանագիտական կազմի նվիրաբերած ծաղկեկողովը, որը զարդարված […] ...
18:44 02.05.2025
Ընթացքի մեջ են Գարգառի կրթահամալիրի կառուցման աշխատանքները. վարչապետԸնթացքի մեջ են Գարգառի կրթահամալիրի կառուցման աշխատանքները: Կառավարությունը հատկացրել է 1 մլրդ 947 մլն դրամ: Կրթահամալիրը ներառելու է 200 երեխայի համար նախատեսված դպրոց և 80 երեխայի համար՝ մանկապարտեզ։ Այս մասին ֆեյսբուքյան իր էջում տեղեկացրել է վարչապետ Նիկոլ Փաշինյանը և տեսանյութ հրապարակել: ...
18:35 02.05.2025
Դատապարտյալը փոստային ծառայության միջոցով ստացել է թմրամիջոցների նմանվող զանգվածներով լցոնված կոնֆետներՄայիսի 2-ին՝ ժամը 11։30-ի սահմաններում, ՀՀ արդարադատության նախարարության Արմավիր քրեակատարողական հիմնարկի անվտանգության ապահովման բաժնի ծառայողները զննության են ենթարկել դատապարտյալ Մ․Մ․-ի անվամբ փոստային առաքման միջոցով ստացված հանձնուքը։ Հանձնուքում առկա շոկոլադե կոնֆետներից 45-ի միջից ծառայողները հայտնաբերել են մարիխուանա տեսակի թմրամիջոցին նմանվող, դեղնականաչավուն զանգվածներ, որոնց քաշը կոնֆետների հետ միասին կազմել է 264,94 գրամ։ Իսկ 27 կոնֆետի միջից հայտնաբերվել […] ...
