16:57 31.08.2018
Արմավիրի մարզի Մրգաշատ համայնքի ղեկավար Գևորգ Դանիելյանը SHANTNEWS.AM-ի հետ զրույցում նշեց, որ եթե տրանսպորտի, կապի և տեղեկատվական տեխնոլոգիաների նախարարությունը լուծում չտա Մրգաշատ-Երևան ուսանողական ավտոբուսի հետ կապված խնդրին, ինքը և ավագանու անդամները հրաժարական կտան:
«96 երեխա ամեն օր այդ ավտոբուսով գնում է դասի և հետ գալիս: Ճանապարհը մայրուղու վրա է, 4-5 տարվա մեջ այդ ճանապարհը անցնելիս երիտասարդներ են մահացել: Ուսանողական ավտոբուս ստեղծեցինք, որ երեխաները ապահով դասի գնան և գան»,- նշեց նա:
Գևորգ Դանիելյանը ասաց, որ ՀՀ տրանսպորտի, կապի և տեղեկատվական տեխնոլոգիաների նախարարությունը, «անհիմն կերպով» 400 հազար դրամ տուգանք է դրել:
«Ասում են՝ ուրիշի գիծ է, ոչ մի ավելի երեխա այդ ավտոբուսով չի գնում: Չեմ հասկանում՝ ինչո՞ւ են այդպես արել»,- ասաց համայնքի ղեկավարը:
Մրգաշատի ղեկավարը մեզ հետ զրույցում նշեց, որ արդեն երկու անգամ այցելել է նախարարություն, սակայն խնդիրը լուծում չի ստացել:
SHANTNEWS.AM-ի այն հարցին, թե, ըստ տարածված տեղեկությունների, բնակիչները և ավագանու անդամները պատրաստվում են փակել ճանապարհը, Գևորգ Դանիելյանը պատասխանեց.
«Ես հիմա գտնվում եմ մարզպետարանում և խնդիրը զեկուցում եմ մարզպետին: Եթե լուծում չտրվի, ես էլ, ավագանին էլ հրաժարական կտանք, էլ ինչի՞ եմ աշխատում, եթե երեխեքը պիտի առանց տրանսպորտ մնան: Ինչ վերաբերում է ճանապարհ փակելուն, ապա ես թույլ չեմ տվել»:
SHANTNEWS.AM-ը կապ հաստատեց նաև ՀՀ տրանսպորտի, կապի և տեղեկատվական տեխնոլոգիաների նախարարության վարչության պետի տեղակալ Դավիթ Մելքոնյանի հետ, և վերջինս նշեց, որ նախարարությունը որևէ անօրինական գործողություն չի իրականացրել:
«Նախատեսված է մրցութային ընթացակարգ, չգիտեմ, գուցե արձանագրվել է, որ ավտոբուսը սպիտակ համարանիշներով է: Նախ և առաջ, դա բարեգործական ավտոբուս է և այն պետք է գրանցված լինի ըստ օրենքի: Մենք որևէ տեղեկատվություն չունենք այս երթուղու շահագործման համար»,- ասաց նա:
13:47 06.07.2025
Ճապոնիայում 5.4 մագնիտուդ երկրաշարժ է տեղի ունեցելՃապոնիայի հարավ-արևմուտքում գրանցվել է 5,4 մագնիտուդով երկրաշարժ, հայտնում է երկրի Ազգային օդերևութաբանական վարչությունը։ Էպիկենտրոնը գտնվել է համանուն կղզու Տոշիմա գյուղի մոտակայքում։ Էպիկենտրոնը գտնվել է 20 կմ խորության վրա։ Զոհերի կամ ավերածությունների մասին տեղեկություններ չեն եղել: Ցունամիի վտանգի մասին նախազգուշացում չի տրվել: ...
13:25 06.07.2025
Մասկը հայտարարել է «Ամերիկայի կուսակցություն» ստեղծելու մասինՄիլիարդատեր ձեռնարկատեր Իլոն Մասկը հայտարարել է, որ Միացյալ Նահանգներում ստեղծել է նոր քաղաքական կուսակցություն՝ «Ամերիկայի կուսակցություն»։ «Այսօր «Ամերիկայի կուսակցությունը» ստեղծվել է ազատությունը ձեզ վերադարձնելու համար», – գրել է նա X սոցիալական ցանցում։ Մասկը նշել է, որ կուսակցության ստեղծումը պայմանավորված է նրանով, որ այսօր Միացյալ Նահանգները ապրում է «սնանկության պայմաններում՝ վատնումների և կաշառակերության պատճառով, միակուսակցական համակարգում, […] ...
13:02 06.07.2025
ՀՀ ԱԳ նախարարությունը ցավակցություն է հայտնել ԱՄՆ Տեխաս նահանգում ավերիչ ջրհեղեղի զոհերի ընտանիքներին և տուժածներինՀՀ ԱԳ նախարարությունը ցավակցություն է հայտնել ԱՄՆ Տեխաս նահանգում ավերիչ ջրհեղեղի զոհերի ընտանիքներին և տուժածներին։ Այս մասին նշված է X-ում հրապարակված ՀՀ ԱԳՆ ուղերձում։ «Խորապես վշտացած ենք Տեխասում տեղի ունեցած ավերիչ ջրհեղեղի լուրից, որը բազմաթիվ կյանքեր է խլել։ Մեր խորին ցավակցությունն ենք հայտնում զոհերի ընտանիքներին և բոլոր տուժածներին: Հույս ենք հայտնում, որ նրանք, ովքեր համարվում […] ...
12:42 06.07.2025
Երևանի Կենտրոն վարչական շրջանում գործարկվելու են էլեկտրական շչակներՀուլիսի 7-ին՝ ժամը 10։30-ից 14։30-ը ընկած ժամանակահատվածում, Երևանի Կենտրոն վարչական շրջանի Կորյունի, Տերյան փողոցների, Իսակովի, Մաշտոցի, Մյասնիկյան և Բաղրամյան պողոտաների մի շարք հասցեներում գործարկվելու են էլեկտրական շչակներ։ ...
12:16 06.07.2025
Հրդեհի ահազանգ Գյումրի քաղաքի Խմելնիցկու փողոցումՀուլիսի 6-ին, ժամը 09։12-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Շիրակի մարզի Գյումրի քաղաքի Խմելնիցկու փողոցում գործող կտորի արտադրամասում։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է եռահարկ կարի արտադրամասի երրորդ հարկում (մոտ 300 քմ)։ Հրդեհը մեկուսացվել է […] ...
11:50 06.07.2025
Տեխասում ջրհեղեղի զոհերի թիվը հասել է 50-իԱՄՆ Տեխաս նահանգում երկարատև հեղեղատարափ անձրևների հետևանքով առաջացած ջրհեղեղների զոհերի թիվը հասել է 50-ի։ Փրկարարներն օգտագործում են ուղղաթիռներ, նավակներ և անօդաչու թռչող սարքեր՝ զոհերին և տուժածներին որոնելու համար։ ...
