18:17 25.10.2023
Մաքսային մարմինների կողմից ենթաակցիզային ապրանքների զննման եւ հաշվառման համար առաջարկվում է սահմանել պետական տուրքի դրույքաչափերի բարձրացում: Դա վերաբերելու է այն ապրանքատեսակներին, որոնք ներմուծվել են Հայաստան, ձեռք են բերել ԵԱՏՄ ապրանքի կարգավիճակ եւ արտահանվում են ՀՀ տարածքից: Գործող դրույքաչափը մեկ տոննայի համար 1000 դրամ է, յուրաքանչյուր լրացուցիչ տոննայի համար եւս երեք հարյուրական դրամ: Առաջարկվում է բարձրացնել պետական տուրքի դրույքաչափը` սահմանելով մեկ տոննայի զննման համար բազային տուրքի տասնապատիկի չափով` 10.000 դրամ եւ յուրաքանչյուր տոննայի համար` եւս հազար դրամ:
«Պետական տուրքի մասին» օրենքում առաջարկվող լրացումներն առաջին ընթերցմամբ ներկայացնելիս վերոնշյալ կարգավորումները մանրամասնել է ՀՀ պետական եկամուտների կոմիտեի նախագահի տեղակալ Արթուր Մանուկյանը:
Հարակից զեկույցում ԱԺ տնտեսական հարցերի մշտական հանձնաժողովի դրական եզրակացությունը ներկայացրել է Դավիթ Առուշանյանը:
ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը փորձել է հասկանալ դրույքաչափի բարձրացման պատճառներն ու նպատակները:
Տնտեսական հարցերի մշտական հանձնաժողովի նախագահի տեղակալ Բաբկեն Թունյանն ի պատասխան` նշել է, որ անցած տարի կատարված օրենսդրական փոփոխությամբ լրացուցիչ հնարավորություն է տրվել արտաքին տնտեսական գործունեությամբ զբաղվողների համար: Եթե վերջիններս ներմուծում են ենթաակցիզային ապրանքներ, որոնց համար ակցիզային հարկ է վճարվում, հետո որոշում են այդ ապրանքներն արտահանել, ապա վճարված ակցիզային հարկի մի մասը Կառավարությունը վերադարձնում է, քանի որ դրանք ներքին շուկայում չեն սպառվել: Պայմանավորվածության համաձայն` ակցիզային հարկը վերադարձվելու էր 50-70 տոկոսի շրջանակում, քանի որ մաքսային մարմինը ռեսուրս է ծախսում եւ որակի վերահսկողություն է կատարում:
Բաբկեն Թունյանը նշել է, որ հետագայում Կառավարությունը հօգուտ տնտեսվարողների որոշել է այդ հարկն ամբողջությամբ վերադարձնել տնտեսվարողներին:
«Այս նախաձեռնությամբ Պետական եկամուտների կոմիտեն մի կողմից վերանայում է տարիներ շարունակ գործող դրույքաչափը, որը գնաճի ու մնացածի պատճառով երկար ժամանակ չէր ինդեքսավորվել, մյուս կողմից էլ փորձում է փոխհատուցել այն կորուստը, որը կարող էր լինել: Մենք մի օրենսդրական փոփոխությամբ լրացուցիչ 10 միավորի հնարավորություն ենք տվել տնտեսվարողին, հիմա հարաբերական մեկ միավորի չափով ՊԵԿ-ին հնարավորություն ենք տալիս իր գործունեությունը ծավալելու»,- պարզաբանել է հանձնաժողովի փոխնախագահը:
09:45 15.07.2025
Ճապոնիայի իշխող կուսակցությունը կկորցնի մեծամասնությունը խորհրդարանի երկու պալատներում էլ. KyodoՃապոնիայի իշխող «Լիբերալ-դեմոկրատական կուսակցությունը» (ԼԴԿ), որն արդեն կորցրել էր իր մեծամասնությունը խորհրդարանի ստորին պալատում 2024 թվականի աշնանը հուլիսի 20-ին կայանալիք ընտրություններից հետո, ամենայն հավանականությամբ, կկորցնի նաև իր մեծամասնությունը վերին պալատում, ըստ ճապոնական Kyodo գործակալության կողմից անցկացված հարցման։ Տվյալների համաձայն, առաջիկա ընտրություններում «Լիբերալ-դեմոկրատական կուսակցությունը» կհաղթի 125 տեղերից միայն 40-ը, ինչը կհանգեցնի Վերին պալատում մեծամասնության կորստին: Սա, […] ...
09:40 15.07.2025
Հուլիսի 14-ին Վրաստանից Հայաստան է մտել հեղուկ գազով բեռնված 44 բեռնատար. նախարար«Միայն հուլիսի 14-ին Վրաստանից Հայաստան է մտել հեղուկ գազով բեռնված 44 բեռնատար։ Վերջին 4 օրում՝ 143 մեքենա», – այս մասին ֆեյսբուքյան իր էջում գրել է ՀՀ էկոնոմիկայի նախարար Գևորգ Պապոյանը։ ...
09:35 15.07.2025
Ռուբիո. Թրամփի համար Ուկրաինայի կարգավորման գործում առաջնահերթությունը բանակցություններն ենԱՄՆ պետքարտուղար Մարկո Ռուբիոն Մեծ Բրիտանիայի, Գերմանիայի և Ֆրանսիայի արտաքին գործերի նախարարներին ասել է, որ ԱՄՆ նախագահ Դոնալդ Թրամփի առաջնահերթությունը Ուկրաինայի հարցում կայուն բանակցային կարգավորման հասնելն է։ «Այսօր պետքարտուղար Մարկո Ռուբիոն Ֆրանսիայի, Գերմանիայի և Մեծ Բրիտանիայի արտաքին գործերի նախարարների հետ քննարկել է Մերձավոր Արևելքում կայունության ամրապնդման և Իրանի կողմից միջուկային զենքի մշակման կամ ստացման կանխարգելման […] ...
09:25 15.07.2025
Կալասը Ուկրաինայում կարգավորման համար 50 օրը շատ երկար ժամանակահատված է անվանելԵՄ դիվանագիտական ծառայության ղեկավար Կայա Կալասը չափազանց երկար է անվանել ԱՄՆ նախագահ Դոնալդ Թրամփի կողմից ուկրաինական հակամարտության կարգավորման համար հայտարարված 50-օրյա ժամկետը։ «Մի կողմից, Թրամփի կոշտ դիրքորոշումը Ռուսաստանի նկատմամբ դրական բան է։ Մյուս կողմից, 50 օրը շատ երկար ժամանակ է», – Բրյուսելում լրագրողներին ասել է Կալասը։ Հուլիսի 14-ին Թրամփը հայտարարեց, որ Միացյալ Նահանգները Ռուսաստանի և […] ...
09:15 15.07.2025
Ճապոնիան մտահոգված է Հյուսիսային Կորեայի կողմից գերձայնային զենքի մշակմամբՀյուսիսային Կորեան մշակում է գերձայնային զենք, ինչը լուրջ մտահոգություն է առաջացնում Ճապոնիայում, ասվում է Ճապոնիայի պաշտպանության նախարարության ամենամյա «Սպիտակ գրքում»։ Ճապոնիայի պաշտպանության նախարարությունը նաև կարծիք է հայտնել, որ Փհենյանի կողմից գերձայնային զենքի մշակումը նպատակ ունի «խոչընդոտել պոտենցիալ թշնամու արձագանքը» ԿԺԴՀ-ի մասնակցությամբ ռազմական հակամարտության դեպքում։ Ճապոնիայի պաշտպանության նախարարությունը քննադատել է Փհենյանի կողմից միջուկային հրթիռային ծրագրի մշակումը՝ […] ...
09:08 15.07.2025
Զելենսկին ասել է, որ Թրամփը իրեն պատմել է Ռյուտեի հետ հանդիպման մասինՎլադիմիր Զելենսկին հայտարարել է, որ ԱՄՆ նախագահ Դոնալդ Թրամփը հեռախոսազրույցի ընթացքում իրեն պատմել է ՆԱՏՕ-ի գլխավոր քարտուղար Մարկ Ռյուտեի հետ իր հանդիպման մասին։ «Ես խոսեցի ԱՄՆ նախագահ Դոնալդ Թրամփի հետ։ Շատ լավ զրույց էր։ Նախագահ Թրամփը խոսել է ՆԱՏՕ-ի գլխավոր քարտուղար Մարկ Ռյուտեի հետ իր հանդիպման մասին։ Կարևոր է, որ մենք ունենք այդքան լավ հարաբերություններ, […] ...
