20:37 21.12.2023
2023 թվականին Պարեկային ծառայությունը մեկնարկեց նաև Արագածոտնի, Կոտայքի, Գեղարքունիքի, Տավուշի, Սյունիքի, Վայոց ձորի, Արարատի և Արմավիրի մարզերում։ Այսպիսով, այս տարվանից ծառայությունը ծածկում է հանրապետության ողջ տարածքը։ Այս մասին հայտնում են ՆԳՆ ոստիկանությունից:
«Կառավարության հովանու ներքո պրոֆեսիոնալ ու նոր գործելաոճով Պարեկային ծառայություն ունենալուն նախորդեցին լայնածավալ նախապատրաստական աշխատանքներ, որոնք իրականացվել են ներառական գործընթացներով՝ ԱՄՆ, Եվրամիության, ՄԱԶԾ և ԵԱՀԿ գործընկերների ու քաղհասարակության ներկայացուցիչների աջակցությամբ։
Համագործակցության այդ շրջանակում նաև միջազգային արդյունավետ փորձը տեղայնացվեց և կիրառվեց Ոստիկանության ակադեմիայում կազմակերպված ուսումնառության ընթացքում։ Կրթական նոր ծրագրերից զատ, նոր է նաև ծառայության դուրս եկած պարեկների սպառազինությունն ու տեխնիկան, համազգեստն ու անգամ հանցագործությունների կանխման, բացահայտման և դրանց դեմ ամենօրյա անզիջում պայքարի ձեռագիրը։
Ամիսներ անց Պարեկային ծառայությունը մայրաքաղաքում կունենա նաև նոր, տեխնիկապես հագեցած, արդի չափանիշներին համապատասխանող վարչական համալիր։ Կառուցման աշխատանքներն ընթանում են լայն թափով։
Պարեկներն իրենց ամենօրյա ու շուրջօրյա ծառայության ընթացքում բացահայտում են հանցագործություններ, հայտնաբերում հետախուզվողների, ապահովում հասարակական կարգն ու ճանապարհային երթևեկության անվտանգությունը։ Ի դեպ, չափազանց մեծ է պարեկների ներդրումը թմրամիջոցների անօրինական շրջանառության դեմ պայքարում։ Այդ հանցատեսակի դեմ պայքարում պարեկներն արդյունքներ են գրանցում գրեթե ամեն օր։
Ծառայության ստեղծման առաջին իսկ օրից նշվել էր, որ ստորաբաժանման առաջնային խնդիրներից է քաղաքացիների ահազանգերին արագ արձագանքումն ու օգնություն ցույց տալը։ Այդ առումով նույնպես ակնառու է օգնության կարիք ունեցող քաղաքացուն օպերատիվ արձագանքելու պարեկների գործելաոճը։
Պարեկային ծառայության գործարկման և կայացման ուղղությամբ աննախադեպ աշխատանք է իրականացրել Ոստիկանության բարեփոխումների աշխատանքային խումբը, որում ներգրավված են եղել միջազգային և հասարակական կազմակերպությունների գործընկերներն ու շահագրգիռ պետական կառույցների ներկայացուցիչները։
Բարեփոխումների ռազմավարությամբ պայմանավորված՝ հատուկ ուշադրություն է դարձվում նաև կանանց ներգրավվածությանը։ «Եղի՛ր ուժ մեր երկրի համար» խորագրով իրազեկման արշավները տալիս են ցանկալի արդյունք. կանանց ներկայությունը պարեկային ծառայությունում արդյունավետ է ու անհրաժեշտ։
Եվ այսպես, Կառավարության բարձր հովանու ներքո մեկնարկած և քաղհասարակության ու միջազգային գործընկերների աջակցությամբ կյանքի կոչված բարեփոխումների շրջանակում՝ 2023 թվականին Պարեկային ծառայությունը սկսեց գործել հանրապետության ողջ տարածքում, իսկ ծառայության զարգացման գործընթացը շարունակական է միշտ»,- նշված է ոստիկանության հաղորդագրությունում։
12:50 17.05.2025
ՀՀ դեսպանը հանդիպել է Վրաստանի Պետական անվտանգության ծառայության ղեկավարի հետՄայիսի 16-ին Վրաստանում ՀՀ դեսպան Աշոտ Սմբատյանին ընդունեց Վրաստանի Պետական անվտանգության ծառայության ղեկավար Անրի Օխանաշվիլին։ Հանդիպմանը քննարկվեցին ՀՀ և Վրաստանի համապատասխան գերատեսչությունների միջև փոխգործակցությանն առնչվող հարցեր։ ...
12:40 17.05.2025
Երկրի վրա մագնիսական փոթորիկ է սկսվելՇաբաթ օրը Երկրի վրա սկսվել է G2 դասի մագնիսական փոթորիկ, որը գնահատվում է որպես չափավոր։ Այս մասին իր Telegram ալիքում հայտնել է «Ֆոբոս» օդերևութաբանական կենտրոնի առաջատար մասնագետ Միխայիլ Լեուսը։ «Կեսգիշերից հետո միջմոլորակային մագնիսական դաշտի բաղադրիչների կոնֆիգուրացիայի փոփոխությունը դարձել է Երկրի մագնիսոլորտում թույլ խանգարումների պատճառ։ Մի քանի ժամ հետո այդ խանգարումները ուժգնացել են և հասել G2 […] ...
12:30 17.05.2025
Յամալը չափազանցրեց ամեն ինչ, ես նրան ասացի, որ դադարի սադրել․ Գոնսալես«Էսպանյոլի» գլխավոր մարզիչ Մոնոլո Գոնսալեսը մեկնաբանել է «Բարսելոնայի» դեմ խաղում պաշտպան Լեանդրո Կաբրերայի ստացած կարմիր քարտը: «Կաբրերան կարող էր խուսափել հեռացումից, բայց Յամալը չափազանցրեց ամեն ինչ: Ես նրան ասացի, որ դադարի սուզվել և սադրել: Յամալը շատ լավ ֆուտբոլիստ է, սակայն այդպիսի հարվածից հետո չէր կարող նման կերպ ընկնել»,- Գոնսալեսի խոսքերը մեջբերում է Marca-ն: Հիշեցնենք, որ […] ...
12:24 17.05.2025
Շարունակվում են կենսաչափական համակարգի ներդրման աշխատանքները․ քննարկվել են կենսաչափական անձնագրերի դիզայնին և կոնցեպտին վերաբերող հարցերՆերքին գործերի նախարար Արփինե Սարգսյանի գլխավորությամբ տեղի է ունեցել աշխատանքային քննարկում՝ կենսաչափական անձնագրերի և անձը հաստատող այլ փաստաթղթերի դիզայնին և կոնցեպտին վերաբերող հարցերի վերաբերյալ։ Մասնակցել են Հայաստանում կենսաչափական անձնագրերի և նույնականացման քարտերի նոր համակարգի ներդրման «պետություն-մասնավոր» գործընկերության ծրագրի շրջանակում դիզայնի աշխատանքային խմբի անդամները և կենսաչափական համակարգի ներդրման մրցույթը հաղթած «Հայփաս» ընկերության մասնագետները։ Նախարար Սարգսյանը նախանշել […] ...
12:15 17.05.2025
Լոռու մարզում կատարված 29-ամյա երիտասարդի սպանությունը բացահայտվեց թարմ հետքերով. կան ձերբակալվածներՄայիսի 16-ին’ ժամը 23:20-ին, մարմնի տարբեր մասերի կտրած-ծակած վերքերով ու գանգուղեղի կոտրվածքով Սպիտակի բժշկական կենտրոն է տեղափոխվել Արսեն Կիրակոսյանը։ Լոռու մարզի Ծաղկաբեր գյուղի բնակիչ, 29-ամյա երիտասարդը հոսպիտալացվելուց մեկ ժամ անց մահացել է։ ՆԳՆ ոստիկանության մի շարք ստորաբաժանումների համագործակցված աշխատանքի արդյունքում հանցագործությունը բացահայտվել է թարմ հետքերով։ Մասնավորապես, Քրեական ոստիկանության գլխավոր և Լոռու մարզային վարչությունների, Համայնքային ոստիկանության […] ...
12:05 17.05.2025
ՈՒԵՖԱ-ն կարող է փոխել ֆուտզալի Եվրոպայի առաջնության անցկացման վայրըՈՒԵՖԱ-ն դիտարկում է ֆուտզալի Եվրոպայի առաջնության տեղափոխությունն այլ երկիր, հայտնում է Sputnik Литва-ն: Խնդիրն այն է, որ մրցաշարն ընդունող Լիտվան և Լատվիան հրաժարվել են Բելառուսի հավաքականին հյուրընկալելուց: Եվրո-2026-ը տևելու է հունվարի 18-ից փետրվարի 8-ը: Հիշեցնենք, որ Եվրոպայի առաջնության եզրափակիչ փուլի ուղեգիր է նվաճել նաև Հայաստանի հավաքականը: ...
