20:13 21.05.2024
Արդարադատության նախարարի տեղակալներ Կարեն Կարապետյանը և Լևոն Բալյանն ընդունել են ԱՄՆ Պետքարտուղարության թմրամիջոցների դեմ պայքարի և իրավապահ համագործակցության հարցերով փոխպետքարտուղարի տեղակալ Բրենդոն Յոդերի գլխավորած պատվիրակությանը: Հանդիպմանը ներկա էր նաև Հայաստանում ԱՄՆ դեսպանատան Թմրամիջոցների դեմ պայքարի և իրավապահ համագործակցության գրասենյակի (ԹՊԻՀ) տնօրեն Ալեքսիս Հաֆտվանին։
Հայկական կողմը շնորհակալություն է հայտնել Արդարադատության նախարարության ու ԹՊԻՀ գրասենյակի միջև ձևավորված կայուն համագործակցության շրջանակի համար, որի արդյունքներով գրանցվել են զգալի հաջողություններ հակակոռուպցիոն և քրեակատարողական ծառայության ոլորտներում։ Մասնավորապես, աջակցություն է ցուցաբերվել հակակոռուպցիոն ռազմավարական փաստաթղթերի մշակմանը, քրեակատարողական հիմնարկներում փաստաբան-վստահորդ հաղորդակցությունը տեսազանգի միջոցով կազմակերպմանը, ինչպես նաև նախարարությունից մեկնարկած Պարեկային ծառայության ներդրմանը։
ԹՊԻՀ գրասենյակի գործընկերները նշել են, որ ԱՄՆ-ն հետաքրքրված է Հայաստանի հետ համագործակցության շրջանակի ընդլայնմամբ, որտեղ առանցքային դերակատարում կունենան նաև արդարադատության ոլորտի բարեփոխումները։
Այս լույսի ներքո հայկական կողմը ներկայացրել է դատաիրավական, հակակոռուպցիոն, քրեակատարողական ու պրոբացիայի ռազմավարական ոլորտներում վերջին տարիներին գրանցած զգալի առաջընթացը, ինչպես նաև առաջիկայում նախատեսված միջոցառումները: Քննարկվել է նաև վերջիններիս իրականացման շրջանակներում ԹՊԻՀ հնարավոր աջակցությունը։
Նախարարի տեղակալները ողջունել են ԹՊԻՀ գրասենյակի կողմից 2024թ. մեկնարկած Հակակոռուպցիոն բարեփոխումների խթանմանն ուղղված ծրագիրը (”Advancing Comprehensive Anti-Corruption Reforms project”) և ԹՊԻՀ պատրաստակամությունը նախարարության հետ համագործակցության ընդլայնելու ու այս ծրագրի շրջանակներում հակակոռուպցիոն բարեփոխումների իրականացման աջակցելու համար:
Հանդիպման շրջանակներում մանրամասն անդրադարձ է կատարվել նաև քրեակատարողական ու պրոբացիայի ոլորտի բարեփոխումներին, մասնավորապես շեշտվել է քրեակատարողական հիմնարկների անվտանգային կառավարման նոր մոդելի ներդրման անհրաժեշտությունը` անվտանգային կառավարման ստորաբաժանումում պաշտոնի նշանակման համար նախատեսված կարգավորումների ամբողջական վերանայմամբ։ ԹՊԻՀ գրասենյակը այս ոլորտում ևս կդիտարկի նախարարությանն աջակցության տրամադրման հնարավորությունը։
Հանդիպման ավարտին կողմերը վերահաստատել են պատրաստակամությունը շարունակելու և առավել խորացնելու նախարարության ու ԹՊԻՀ գրասենյակի միջև արդյունավետ համագործակցությունը։
11:59 25.05.2025
Տարադրամի փոխարժեքները մայիսի 25-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 432 դրամ, վաճառքի նվազագույն արժեքը՝ 438 դրամ: Ռուսական ռուբլու առքի առավելագույն արժեքն է 4․77 դրամ, վաճառքի նվազագույն արժեքը՝ 4.87 դրամ: ...
11:32 25.05.2025
Վթարային ջրանջատում` Արարատի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, մայիսի 25-ին՝ ժամը 11:20-19:00-ը, կդադարեցվի գյուղ Վերին Դվինի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
11:10 25.05.2025
Նոր Խարբերդ գյուղում ավտոմեքենա է այրվելՄայիսի 24-ին` ժամը 20:50-ին, Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Նոր Խարբերդ գյուղի 20-րդ փողոցում այրվում է ավտոմեքենա։ Դեպքի վայր է մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից երկու մարտական հաշվարկ։ Պարզվել է, որ հրդեհը բռնկվել է 23-րդ փողոցի տներից մեկի մոտակայքում կայանած «Mercedes-Benz» մակնիշի ավտոմեքենայում. […] ...
10:46 25.05.2025
Իրավիճակը Հայաստանի ավտոճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ ...
10:30 25.05.2025
Նոր ցիկլոն և անձրևներ են սպասվում. ՍուրենյանՀանրապետության տարածքում նոր ցիկլոն և անձրևներ են սպասվում: Այս մասին ֆեյսբուքյան իր էջում տեղեկացրել է Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը: «Մայիսի 27-30-ին նոր ցիկլոն և անձրևներ, բայց երեկոյան և գիշերային ժամերին»,-գրել է նա: ...
10:14 25.05.2025
Ջրանցքի մեջ դի է հայտնաբերվելՄայիսի 24-ին` ժամը 22։04-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շենիկ գյուղի ՋԷԿ-ի տարածքում՝ ջրանցքի մեջ, քաղաքացու դի է հայտնաբերվել․ դուրս բերելու համար անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները անձը չպարզված քաղաքացու դին դուրս են բերել ջրանցքից։ ...
