10:03 05.04.2018
Թուրքիայի ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուն կրկին քննադատել է իշխող վերնախավին՝ ճոխ ապրելակերպի և չարդարացված ծախսերի համար: Քըլըչդարօղլուն անդրադարձել է նախագահական պալատի խոհանոցում օգտագործվող մթերքների վրա ծախսվող գումարներին: Այդ մասին հաղորդում է Ermenihaber.am-ը:
Ըստ քեմալական կուսակցության նախագահի՝ նախագահական պալատում օգտագործվում է նուշի ալյուր, որի 1 կգ արժեքը 87 թուրքական լիրա է (21.5 դոլար)՝ ի տարբերություն ցորենի ալյուրի, որի արժեքը 3.75 լիրա է (0.9 դոլար):
Քըլըչդարօղլուն քննադատական խոսքերն ուղղել է Թուրքիայի նախագահ Ռեջեփ Թայիփ Էրդողանին` առանց նրա անունը նշելու:
«Թող խորտակվեն քո պալատն էլ, քո բարքերն էլ: Պալատում շաքարավազ չեն օգտագործում, փոխարենը պարոնը ամենաթանկ մեղրով է սնվում»:
Նա, նաև փոխելով Ֆրանսիայի թագուհի Մարիա Անտուանետային վերագրվող հայտնի խոսքերը, ասել է. «Եթե մի օր ասեն «Ժողովուրդը սոված է, հաց չունի ուտելու», պալատից մի կին կասի. «Հաց չունեն, թող նուշի ալյուրով սնվեն»:
Քըլըչդարօղլուի քննադատության թիրախում են հայտնվել նաև Թուրքիայի արվեստի գործիչները, որոնք Էրդողանի հետ մեկնել էին Թուրքիայի Հաթայ նահանգ՝ Սիրիայի Աֆրին շրջանում Թուրքիայի ԶՈՒ կողմից իրականացվող «Ձիթենու ճյուղ» ռազմական օպերացիայի մասնակից զինվորներին ոգևորելու համար:
«Երկրի արվեստագետները պարտավոր են հաստատուն ու պատվով լինել: Գերիշխող ուժին չպետք է անձնատուր լինեն, պիտի պաշտպանեն օրենքը, արդարությունն ու իրավունքը: Ի հեճուկս բոլոր ճնշումների՝ պիտի ճնշվածների իրավունքները պաշտպանեն»:
Քըլըչդարօղլուն նշել է, որ ռազմական գործողության ժամանակ 52 թուրք զինվոր է զոհվել, հարյուրավորները՝ վիրավորել, և նման պայմաններում դհոլ զուռնայով, երգ ու պարով հավաքվելը անբարոյականություն է:
14:32 22.08.2025
ՀՀ-ԵՄ վիզաների ազատականացումը իրատեսական է գնահատվում․ ՆԳՆ
23:00 22.08.2025
Ինչո՞ւ շենքերի «կանաչապատումը» կենսական նշանակություն ունի կլիմայի փոփոխությանը հակազդելու գործումԻնչո՞ւ շենքերի «կանաչապատումը» կենսական նշանակություն ունի կլիմայի փոփոխությանը հակազդելու գործում: Այս մասին հոդված է հրապարակել «Հիդրոօդերևութաբանության և մոնիթորինգի կենտրոն» ՊՈԱԿ-ը: Մեքենաների աղմուկին զուգահեռ, շատ քաղաքների ձայնային ֆոնի անբաժանելի մասն է շինարարների աղմուկը։ Փաստացի, աշխարհում յուրաքանչյուր հինգ օրը մեկ կառուցվում են Փարիզի չափ տարածք զբաղեցնող շինություններ։ Սակայն, փորձագետների կարծիքով, այն եղանակը, որով մարդկությունը կառուցում և շահագործում […] ...
22:58 22.08.2025
Արթիկի համայնքային ոստիկանները Հոռոմում հայտնաբերել են կանեփի 113 բույսՀամայնքային ոստիկանության Արթիկի բաժնի ծառայողներն օպերատիվ տեղեկություն էին ստացել, որ Հոռոմ գյուղի 31-ամյա բնակիչը կանեփ է աճեցնում։ Նախաձեռնվել է քրեական վարույթ, որի շրջանակում 31-ամյա երիտասարդի բնակության վայրում կատարված զննությամբ հայտնաբերվել են կանեփի 113 բույս: Հանգամանքները նախաքննությամբ պարզվում են։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ […] ...
22:52 22.08.2025
Վարձով եք տալիս Ձեր անշարժ գույքը՝ իմացեք ինչ պետք է անելՊետական եկամուտների կոմիտեն հիշեցնում է, եթե անշարժ գույքը վարձակալության տրամադրելիս պետական գրանցում չի ստացել, ապա անհրաժեշտ է Հարկային մարմին ներկայացնել հայտարարություն և եկամտային հարկի տարեկան հաշվարկ-հայտարարագիր, ինչպես նաև պետական բյուջե վճարել 10 տոկոս եկամտային հարկ։ Հայտարարությունը կարող եք ներկայացնել www.e-request.am հարթակին էլեկտրոնային դիմում ուղարկելու կամ Հարկային մարմնի ցանկացած սպասարկման սրահ այցելելու միջոցով։ Իսկ եկամուտների հայտարարագիրը […] ...
22:48 22.08.2025
Արթուր Մկրտիչյանցը որոնվում է որպես անհետ կորածՈրպես անհետ կորած որոնվում է 1976 թվականին ծնված Արթուր Մկրտիչյանցը։ Նրա գտնվելու վայրի վերաբերյալ տեղեկություն ունեցողներին խնդրում ենք դիմել ոստիկանության մոտակա բաժին կամ զանգահարել 1-02։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: ...
22:39 22.08.2025
Երևանում 4.2 հա մակերեսի վրա հիմնվում է իր տեսակով եզակի քաղաքային նոր զբոսայգիԵրևանի քաղաքապետարանը, մասնավորի հետ գործակցությամբ, Նոր Նորք վարչական շրջանում գտնվող Տորք Անգեղի արձանին հարակից տարածքում հիմնում է իր տեղանքով տարբերվող ու տեսակով եզակի քաղաքային նոր զբոսայգի: Այս մասին հայտնել են Երևանի քաղաքապետարանից: 4.2 հա մակերես զբաղեցնող ձորափնյա զբոսայգում լինելու են կանաչ գոտիներ, խաղահրապարակ, ֆուտբոլի դաշտ, ամֆիթատրոն, ինչպես նաև ճեմուղիներ և հեծանվուղիներ: ...
22:34 22.08.2025
ԱՄՆ-ում գտնվելու ընթացքում բռնարարք, կողոպուտ կամ գողություն կատարելը իրավական հետևանքներից զատ կարող է հանգեցնել վիզայի հետկանչի. դեսպանատունԱՄՆ-ում գտնվելու ընթացքում բռնարարք, կողոպուտ կամ գողություն կատարելը իրավական հետևանքներից զատ կարող է հանգեցնել վիզայի հետկանչի և վիզա ստանալու հետագա հնարավորություններից զրկման։ Այս մասին հայտնել են ՀՀ-ում ԱՄՆ դեսպանությունից: Միացյալ Նահանգներում ընդգծված մոտեցում է դրսևորվում օրենքների ու հասարակական կարգի պահպանության հարցում, և օտարերկրացիներից ևս ակնկալվում է հետևել ԱՄՆ բոլոր օրենքներին։ ...
