16:45 20.02.2025
ԱՄՆ վերաքննիչ դատարանը թույլ չի տա նախագահ Դոնալդ Թրամփի վարչակազմին դադարեցնել ներգաղթյալների երեխաներին ծննդյան իրավունքով քաղաքացիության տրամադրումը։ «Արմենպրես»-ի փոխանցմամբ՝ այս մասին հայտնում է CNN-ը։
Սան Ֆրանցիսկոյում գտնվող ԱՄՆ 9-րդ շրջանի Վերաքննիչ դատարանը ուժի մեջ է թողել որոշումը, որն արգելում է Թրամփին սահմանափակել ծննդյան իրավունքով քաղաքացիության տրամադրումը՝ չնայած Արդարադատության նախարարության հայցին։ Սա նշանակում է, որ հարցը կարող է քննվել ԱՄՆ գերագույն դատարանում։
Ավելի վաղ ծննդյան իրավունքով քաղաքացիության տրամադրումը դադարեցնելու մասին Թրամփի հրամանագիրն արգելափակել էին Մերիլենդի, Մասաչուսեթսի և Նյու Հեմփշիրի դատավորները։
Հունվարի 20-ին՝ Սպիտակ տուն վերադառնալու առաջին օրը, Թրամփն ԱՄՆ գործակալություններին հանձնարարել էր հրաժարվել Միացյալ Նահանգներում ծնված երեխաների քաղաքացիությունը ճանաչելուց, եթե նրանց մայրը կամ հայրը ԱՄՆ քաղաքացի կամ օրինական ռեզիդենտ չեն:
Դեմոկրատ նահանգների գլխավոր դատախազները, ներգաղթյալների իրավունքների պաշտպանները և մի շարք այլ կազմակերպություններ հայցեր են ներկայացրել՝ պնդելով, որ Թրամփի կատարողական հրամանը խախտում է ԱՄՆ Սահմանադրությունը քաղաքացիության վերաբերյալ։
Տասնամյակներ շարունակ, համաձայն 1868 թվականի սահմանադրական փոփոխության և դրան նախորդող օրենսդրության, քաղաքացիություն տրամադրվել է ԱՄՆ-ում ծնված յուրաքանչյուրին՝ անկախ նրանց ծնողների ներգաղթի կարգավիճակից: Թրամփը ձգտում է դադարեցնել ծննդյան իրավունքով քաղաքացիության տրամադրումն այն երեխաներին, որոնց ծնողները կա՛մ փաստաթղթեր չունեն, կա՛մ օրինական կերպով գտնվում են Միացյալ Նահանգներում ժամանակավոր վիզաներով:
15:54 12.07.2025
ՆԳՆ-ն հերքում է նախատեսված հանրահավաքին ընդառաջ արցախցիների նկատմամբ ճնշումների մասին պնդումներըՀայաստանի ներքին գործերի նախարարությունը հերքում է Արցախցիների իրավունքների պաշտպանության խորհրդի հայտարարությունն այն մասին, թե ՀՀ իշխանությունների կողմից իրենց նկատմամբ բռնաճնշումներ են իրականացվում՝ հուլիսի 12-ին կայանալիք հանրահավաքին ընդառաջ։ «Բռնաճնշումների վերաբերյալ պնդումը բացարձակապես չի համապատասխանում իրականությանը: ՆԳՆ ոստիկանությունը ինչպես ցանկացած, այնպես էլ այս հավաքի կազմակերպիչների հետ կազմակերպչական բնույթի հարցեր է քննարկում: Արտոնված հավաքի ընթացքում ՆԳՆ ոստիկանությունը պարտավոր […] ...
15:35 12.07.2025
Կալասի այցն արդյո՞ք շրջադարձ է ՀՀ-ԵՄ հարաբերություններում. Հեռանկար բանավեճԿալասի այցն արդյո՞ք շրջադարձ է ՀՀ-ԵՄ հարաբերություններում: Որքա՞ն են մերձ Եվրոպական միությունն ու Հայաստանը: Ի՞նչ էր նշանակում ԵՄ բարձր ներկայացուցչի հայտարարությունը: Ի՞նչ կարող է ակնկալել Հայաստանը անվտանգության ու պաշտպանության ոլորտում: Ինչքա՞ն հեռանալ Ռուսաստանից, որքա՞ն մոտենալ ԵՄ -ին: Որտե՞ղ է հարաբերությունների բալանսավորման սահմանը։ Այս թեմաների մասին իրենց կարծիքն են հայտնել «Հանուն սոցիալական արդարության» կուսակցության նախագահ, քաղաքագետ […] ...
15:16 12.07.2025
Շղթայական ավտովթար Երևան-Սևան ավտոճանապարհին՝ Հրազդանի վարչական տարածքումԱյսօր՝ հուլիսի 12-ին, խոշոր ու շղթայական ավտովթար է տեղի ունեցել Կոտայքի մարզում։ Ժամը 12։30-ի սահմաններում Երևան-Սևան ավտոճանապարհի Հրազդանի վարչական տարածքում բախվել են «Lexus», «Mercedes», «Kia», «Toyota Altezza», «BYD», «Daewoo» և «ԶԻԼ» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան։ Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, որտեղ էլ […] ...
14:46 12.07.2025
Հուլիսի 13-ին Երևանում կմեկնարկի «Ոսկե ծիրան» միջազգային հեղինակավոր կինոփառատոնըԵրևանի քաղաքապետարանից տեղեկացնում են․ «Սիրելի’ երևանցիներ և քաղաքի հյուրեր, Վաղը՝ հուլիսի 13-ին, Երևանում կմեկնարկի «Ոսկե ծիրան» միջազգային հեղինակավոր կինոփառատոնը։ Մեկ շաբաթ շարունակ մայրաքաղաքը կդառնա համաշխարհային կինոյի կենտրոն՝ հյուրընկալելով տասնյակ ճանաչված ռեժիսորների, պրոդյուսերների, դերասանների և արվեստի ներկայացուցիչների։ Փառատոնը կմեկնարկի Կաննի կինոփառատոնի Ոսկե արմավենու ճյուղի դափնեկիր ֆիլմով՝ Ջաֆար Փանահի «Մի պարզ պատահար»: Միացեք Երևանի կինոմշակույթի ամենասպասված իրադարձությանը»: ...
14:30 12.07.2025
Դոնարուման օգնել է ՊՍԺ-ի պաշտպանին համբուրել կնոջըՖԻՖԱ-ի աշխարհի ակումբային առաջնության կիսաեզրափակչի ՊՍԺ – «Ռեալ Մադրիդ» խաղից հետո հետաքրքիր դրվագ է գրանցվել։ Փարիզյան թիմի բրազիլացի պաշտպան Լուկաս Բերալդոն թիմի հաղթանակից հետո մոտեցել է տրիբունային, որտեղ գտնվում էր իր կինը և ցանկացել համբուրել նրան։ Սակայն փորձը ձախողվել է։ Բերալդոյին օգնության է հասել թիմի իտալացի դարպասապահ Ջանլուիջի Դոնարուման, որը գրկել և վեր է բարձրացրել […] ...
