10:17 24.02.2025
Փետրվարի 17-ից 18-ը Փրկարար ծառայության տնօրեն-ՆԳ նախարարի տեղակալի հրամանով «Ճգնաժամային կառավարման պետական ակադեմիա» ՊՈԱԿ-ի Փրկարարական ֆակուլտետում կազմակերպվել և անց է կացվել «ՄՓՎ ՔՈՓ թիմերի ղեկավար կազմի վերապատրաստում» թեմայով INSARAG չափորոշիչներին համապատասխան վերապատրաստման դասընթաց, որին մասնակցել են ՆԳՆ փրկարար ծառայության Սյունիքի, Լոռու, Շիրակի, Տավուշի, Գեղարքունիքի և Արարատի մարզային փրկարարական վարչություններից թվով 14 փրկարարական ծառայող:
Դասընթացի նպատակն էր փրկարարների պատրաստականության բարձրացումը, միջազգային չափանիշներին համապատասխան թիմերի գործառույթների, կառավարման համակարգի մասին գիտելիքների ու հմտությունների զարգացումը, ինչպես նաև դրանց կիրառումը աղետների ընթացքում առավել արդյունավետ արձագանքման կազմակերպման համար:
Փրկարարներին ներկայացվել են INSARAG ՔՈՓ թիմերին ներկայացվող հիմնական պահանջները, առաքելությունները և պարտավորությունները, տուժած տարածքում հետախուզության անցկացման, աշխատանքային տեղամասերի բաժանման, թիմերի արձագանքման փուլերի և դրանց ընթացքում իրականացվող գործողությունների վերաբերյալ հիմնահարցերը։
Ուսումնասիրվել են նաև INSARAG ՔՈՓ թիմերի ղեկավար կազմի հիմնական գործառույթները և ղեկավարման գործընթացների համար անհրաժեշտ փաստաթղթերը և դրանց շրջանառության համակարգումը, կոորդինացման և կառավարման համակարգը, ինչպես նաև վարժանքների նախապատրաստական աշխատանքներում բուժապահովման պլանավորումն ու կազմակերպումը։
Փրկարարներն ակտիվ մասնակցություն են ունեցել դասընթացին, իսկ դասընթացավարները մեծ պատրաստակամությամբ ներկայացրել են բոլոր թեմաները և պատասխանել մասնակիցներին հետաքրքրող հարցերին։
Ձեռք բերած գիտելիքներն ու փորձը մասնակիցները կկարողանան հետագայում կիրառել իրենց աշխատանքում՝ ի նպաստ դրական արդյունքի:
Վերապատրաստման դասընթացի ավարտին մասնակիցներին տրամադրվել են լսարանային գործնական առաջադրանքներ, որոնց միջոցով ստուգվել են նրանց ձեռք բերած գիտելիքները և հմտությունները։
Կարևորելով մասնակիցների ցուցաբերած պատրաստվածությունը, որպես ամփոփում, նրանց հանձնվել են հավաստագրեր։
18:25 10.07.2025
Դանակահարություն գազալցակայանում․ Կոտայքի քրեական ոստիկանները մեղադրյալին ձերբակալել ենՀուլիսի 6-ին՝ ժամը 21․43-ին, ոստիկանություն հիվանդանոցից հաղորդում է ստացվել, որ մարմնական վնասվածքներով բուժօգնության է տեղափոխվել Արագածոտնի մարզի Ծաղկաշեն գյուղի բնակիչ 28-ամյա երիտասարդ: Քրեական ոստիկանության Կոտայքի մարզային վարչության և Համայնքային ոստիկանության Նաիրիի բաժնի ծառայողների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ ժամը 21.30-ի սահմաններում Պռոշյան գյուղի 5-րդ փողոցում գտնվող գազալցակայանում վիճաբանություն է եղել պռոշյանցի 49-ամյա […] ...
18:17 10.07.2025
86 հազար ԱՄՆ դոլարին համարժեք դրամ է փոխանցվել Վերականգնված միջոցների միասնական հաշվին՝ որպես պետությանը պատճառված վնասի վերականգնումՍյունիքի մարզում, քրեական երեք վարույթների շրջանակում (նախաքննության փուլում), Վերականգնված միջոցների միասնական հաշվին է փոխանցվել 86 հազար ԱՄՆ դոլարին համարժեք 33 միլիոն դրամ: Այս մասին հայտնում են ՀՀ գլխավոր դատախազությունից։ «Քրեական վարույթները վերաբերում են Քաջարան և Կապան համայնքներում գործող երեք ընկերությունների կողմից Հայաստանի Հանրապետության օրենսդրությամբ սահմանված պահանջները խախտելով՝ թանկարժեք մետաղների արդյունահանման աշխատանքներ իրականացնելուն և հարկեր չվճարելուն»,-նշված […] ...
18:08 10.07.2025
Քննարկվել են Հայաստանի և WIPO-ի միջև համագործակցության խորացման ուղիներըՄտավոր սեփականության համաշխարհային կազմակերպության (ՄՍՀԿ/WIPO) Գլխավոր համաժողովների 66-րդ նստաշրջանի շրջանակում՝ հուլիսի 9-ին ՀՀ էկոնոմիկայի նախարար Գևորգ Պապոյանը հանդիպում է ունեցել Կազմակերպության գլխավոր տնօրեն Դարեն Թանգի հետ։ Այս մասին հայտնում է ՀՀ էկոնոմիկայի նախարարությունը։ «Քննարկվել են Հայաստանի և WIPO-ի միջև համագործակցության խորացման ուղիները՝ ընդգծելով հատկապես ստեղծարար արդյունաբերության, մտավոր սեփականության պաշտպանության, նորարարական նախաձեռնությունների խթանման և Հայաստանի ազգային […] ...
17:51 10.07.2025
«Ուրարտուի» հայտացուցակը ԿԼ որակավորման առաջին փուլի համարՈՒԵՖԱ-ի պաշտոնական կայքում հրապարակվել է «Ուրարտուի» հայտացուցակը Կոնֆերենցիաների լիգայի որակավորման առաջին փուլի համար։ Դարպասապահներ. Գոռ Մատինյան, Անդրիյա Դրագոևիչ։ Պաշտպաններ. Էրիկ Փիլոյան, Արման Ղազարյան, Անտոն Բրատկով, Եվգենի Ցիմբալյուկ, Ժորա Դադամյան, Էրիկ Սիմոնյան, Ժիրայր Մարգարյան, Խարիտոն Այվազյան։ Կիսապաշտպաններ. Արտեմի Գունկո, Ալեֆ Սանթոս, Սերգեյ Մկրտչյան, Նարեկ Աղասարյան, Մաքսիմ Պալիենկո, Արտյոմ Պոլիարուս, Միքայել Միրզոյան, Բրունո Միշել, Արթուր Իսրայելյան, Օլեգ […] ...
17:44 10.07.2025
Տեղի է ունեցել Տիգրան Խաչատրյանի և գործարար համայնքի շահերը ներկայացնող միությունների ներկայացուցիչների միջև հերթական հանդիպումըԱյսօր տեղի է ունեցել փոխվարչապետ Տիգրան Խաչատրյանի և գործարար համայնքի շահերը ներկայացնող միությունների ներկայացուցիչների միջև հերթական հանդիպումը։ Հանդիպմանը ներկա է եղել նաև Բարձր տեխնոլոգիական արդյունաբերության նախարար Մխիթար Հայրապետյանը։ Հանդիպման ընթացքում մտքեր են փոխանակվել տնտեսական գործունեության և ներդրումային միջավայրի, ինչպես նաև առանձին ոլորտների զարգացման տեսանկյունից կարևորություն ներկայացնող հարցերի և դրանց հասցեագրման հնարավորությունների վերաբերյալ։ Պայմանավորվածություն է ձեռք […] ...
