17:54 07.03.2025
ՀՀ բարձր տեխնոլոգիական արդյունաբերության նախարար Մխիթար Հայրապետյանը նախարարի առաջին տեղակալ Գևորգ Մանթաշյանի հետ մարտի 7-ին մասնակցել է Ամերիկայի Առևտրի Պալատի (American Chember of Commers in Armenia՝ AmCham) կողմից կազմակերպված եռակողմ աշխատանքային հանդիպմանը ՀՀ բարձր տեխնոլոգիական արդյունաբերության նախարարության, Հայաստանի տեղեկատվական համակարգերի գործակալության և AmCham-ի թվային փոխակերպման հանձնաժողովի միջև՝ քննարկելու «Կիբեռանվտանգության մասին» օրենքի նախագիծը։
Նախարար Մխիթար Հայրապետյանը կարևորել է պետություն-մասնավոր համագործակցությունը՝ ընդգծելով, որ օրենքի նախագծի մշակման ընթացքում հաշվի են առնվել մասնավոր հատվածի ներկայացրած բազմաթիվ առաջարկներ։ Նա նշել է, որ պետության մոտեցումը հիմնված է երկկողմ պատասխանատվության և շահերի համադրման վրա։
Նախարարն ընդգծել է՝ ՀՀ կառավարությունը մեծ ուշադրություն է դարձնում կիբեռանվտանգության մակարդակի բարձրացմանը, կիբեռհիգիենայի պահպանմանը և թվային միջավայրի անվտանգության ապահովմանը։ Նա ներկայացրել է օրենքի նախագծով նախատեսվող մի շարք դրույթներ, այդ թվում՝ մասնավոր հատվածի կողմից ձեռնարկվելիք քայլերը՝ կիբեռպաշտպանության ուղղությամբ։
Հանդիպման մասնակիցներին ողջունել է Ամերիկայի Առևտրի Պալատի գործադիր տնօրեն Անուշիկ Ավետյանը։ Նա նշել է, որ Պալատի անդամ կազմակերպությունները ձևավորել են օրենքի վերաբերյալ մի շարք հարցեր ու առաջարկներ, որոնք հիմնված են ինչպես տեղական, այնպես էլ միջազգային փորձի վրա։ Ավետյանը կարևորել է մասնավոր և պետական հատվածների միջև արդյունավետ համագործակցությունը՝ օրենսդրական բարեփոխումների իրականացման գործընթացում։ Նա շնորհակալություն է հայտնել ՀՀ բարձր տեխնոլոգիական արդյունաբերության նախարարությանը և Հայաստանի տեղեկատվական համակարգերի գործակալությանը՝ կառուցողական համագործակցության համար։
Տեղեկատվական համակարգերի գործակալության տնօրեն Ներսես Երիցյանը ևս հանդես է եկել ելույթով՝ ներկայացնելով գործակալության տեսակետը։
Այնուհետև AmCham-ի խորհրդի անդամները ներկայացրել են իրենց դիտարկումներն ու առաջարկները նախագծի վերաբերյալ։ Հանդիպման ընթացքում անդրադարձ է կատարվել օրենքի հիմնական դրույթներին, դրանց հնարավոր ազդեցությանը Հայաստանի թվային էկոհամակարգի վրա։ Քննարկման արդյունքում ձեռք են բերվել մի շարք պայմանավորվածություններ, որոնք կնպաստեն «Կիբեռանվտանգության մասին» օրենքի հետագա իրագործման արդյունավետությանը։
11:15 29.06.2025
Վլադիվոստոկի մոտակայքում հրդեհված տուրիստական նավը խորտակվել էՎլադիվոստոկի մոտակայքում հրդեհված «Մերլիոն» զբոսանավը խորտակվել է Պետրոս Մեծի ծոցի ջրերում։ Այս մասին հայտնում է «ՌԻԱ Նովոստի»-ն՝ հղում անելով իրավապահ մարմիններին։ Հրդեհի պահին նավի վրա եղել է 12 մարդ։ Նրանց բոլորին դուրս են բերել անցնող նավերը։ Միջադեպի պատճառները դեռևս հետաքննվում են։ ՏԱՍՍ-ի փոխանցմամբ՝ տուրիստական նավը պատկանում է «Կորսար» ընկերությանը։ Պրիմորսկիի տրանսպորտի քննչական վարչությունը հայտարարել է, […] ...
11:06 29.06.2025
Երևանի Էրեբունի վարչական շրջանում գործարկվելու են էլեկտրական շչակներՀունիսի 30-ին, ժամը 10:30-ից մինչև 13:00-ն ընկած ժամանակահատվածում, Երևանի Էրեբունի վարչական շրջանի Մուշավան 6-րդ, Էրեբունի, Վարդաշեն 3-րդ, 6-րդ, Ջրաշեն 1-ին, Նոր Արեշ 11-րդ փողոցների մի շարք հասցեներում գործարկվելու են էլեկտրական շչակներ։ Այս մասին հայտնում են ՆԳՆ ՓԾ-ից։ ...
11:00 29.06.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ ...
10:40 29.06.2025
Բելգրադի ցուցարարները կոչ են արել ոչնչացնել ՍերբիանԲելգրադում ցուցարարները կոչ են արել քաղաքացիական պատերազմով ոչնչացնել Սերբիան, սոցիալական ցանցերում հայտարարել է Սկուպշտինայի (խորհրդարանի խոսնակ) խոսնակ և նախկին վարչապետ Անա Բրնաբիչը։ Բողոքի ցույցի մասնակից ուսանողներն ու ընդդիմության կողմնակիցներն ավելի վաղ հրավառ նյութեր և այլ առարկաներ էին նետել նախագահական վարչակազմի դիմաց գտնվող այգում ոստիկանական պատնեշի վրա։ Զինված ոստիկանությունը կիրառել է արցունքաբեր գազ և մահակներ, հետ […] ...
10:20 29.06.2025
Հրշեջ-փրկարարները մարել են Ծիծեռնակաբերդի խճուղում բռնկված հրդեհըՀունիսի 28-ին, ժամը 22:16-ին Ճգնաժամային կառավարման ազգային կենտրոն ահազանգ է ստացվել, որ Ծիծեռնակաբերդի խճուղում այրվում է խոտածածկույթ։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 22։35-ին, մարվել՝ 23։00-ին։ Այրվել է մոտ 4000 քմ խոտածածկույթ և թփուտներ։ Ծավալված օպերատիվ գործողությունների արդյունքում հրշեջ-փրկարարներին հաջողվել է արագորեն […] ...
10:08 29.06.2025
Նիդերլանդների Մ19 հավաքականը` Եվրոպայի չեմպիոնՆիդերլանդները պատմության մեջ առաջին անգամ նվաճել է ֆուտբոլի մինչև 19 տարեկանների Եվրոպայի առաջնության չեմպիոնական տիտղոսը: Ռումինիայում ավարտված մրցաշարի եզրափակչում վճռորոշ է եղել ինքնագոլը. գնդակը սեփական դարպասն ուղարկել է Իսպանիայի Մ19 հավաքականի և «Վալենսիայի» երկրորդ թիմի դարպասապահ Ռաուլ Խիմենես Լատորեն: ...
