18:22 05.06.2025
ՀՀ կրթության, գիտության, մշակույթի և սպորտի նախարար Ժաննա Անդրեասյանը հանդիպել է պաշտոնական այցով Հայաստան ժամանած՝ Վրաստանի մշակույթի նախարար Թինաթին Ռուխաձեի գլխավորած պատվիրակությանը։
Հանդիպմանը ներկա են եղել նաև ԿԳՄՍ նախարարի տեղակալներ Արթուր Մարտիրոսյանը, Ալֆրեդ Քոչարյանը, Դանիել Դանիելյանը, Վրաստանի մշակույթի փոխնախարար Գեորգի Միրցխուլավան և Հայաստանի Հանրապետությունում Վրաստանի արտակարգ և լիազոր դեսպան Գիորգի Շարվաշիձեն։
Ողջունելով պատվիրակությանը՝ նախարարը ընդգծել է Հայաստանի և Վրաստանի միջև հաստատված բարեկամական և գործընկերային հարաբերությունները՝ շեշտադրելով հատկապես մշակույթի ոլորտում համագործակցության խորացման կարևորությունը։ Ժաննա Անդրեասյանը վստահություն է հայտնել, որ հունիսի 5–7-ը Երևանում անցկացվող Վրաստանի մշակույթի օրերը կնպաստեն երկկողմ մշակութային երկխոսության ակտիվացմանն ու գործընկերության նոր մակարդակի բարձրացմանը։
ԿԳՄՍ նախարարը կարևորել է ոլորտային համագործակցության ընդլայնումը՝ մասնավորապես ընդգծելով համատեղ կինոնախագծերի իրականացումը, ինչպես նաև փորձի փոխանակումը կինեմատոգրաֆիայի և նոր մեդիայի ոլորտներում։ Նախարարը նշել է, որ նման նախագծերը կարող են նպաստել երկու ժողովուրդների մշակույթի միջազգային առաջխաղացմանը և ազգային ավանդույթների տարածմանը ժամանակակից ձևաչափերով։
Հանդիպման ընթացքում քննարկվել է նաև Թբիլիսիի Պետրոս Ադամյանի անվան պետական հայկական դրամատիկական թատրոնի գործունեության և զարգացման հարցը։ Նախարարը շնորհակալություն է հայտնել վրացական կողմին՝ թատրոնի գործունեությանն աջակցելու համար՝ նշելով, որ ԿԳՄՍ նախարարությունը ևս շարունակում է աջակցել թատրոնին՝ ներկայացումների կազմակերպման և այլ նախաձեռնությունների իրագործման հարցում։ Այս համատեքստում քննարկվել է 2025 թ. թատրոնի վերաբացման շրջանակում համատեղ միջոցառման կազմակերպման հարցը։
Նախարարը առաջարկել է դիտարկել նաև Թբիլիսիի և Հայաստանի թատրոնների միջև համագործակցության հնարավորությունները՝ համատեղ բեմադրությունների, փոխայցելությունների և բեմարվեստի ոլորտում փոխանակման ծրագրերի միջոցով։ Նա ընդգծել է, որ դասական և ժամանակակից պիեսների փոխադարձ ներկայացումը կարող է էապես նպաստել ազգային գրականության արժեքների նորովի ընկալմանն ու տարածմանը երկու ժողովուրդների հանդիսատեսի շրջանում։ Թատերարվեստի ոլորտում համագործակցության շրջանակում արձանագրվել է, որ կայուն գործընկերություն է ձևավորվել Հակոբ Պարոնյանի անվան երաժշտական կոմեդիայի պետական թատրոնի և Վրաստանի անվանի ռեժիսոր Ռոբերտ Ստուրուայի գլխավորած Ռուստավելիի անվան թատրոնի միջև. իրականացվում են համատեղ բեմադրություններ, հյուրախաղեր։ Նշվել է նաև համագործակցությունը Ալեքսանդր Սպենդիարյանի անվան օպերայի և բալետի ազգային ակադեմիական թատրոնի և Վրաստանի օպերային թատրոնի միջև, այդ թվում՝ բեմադրիչ Նինո Անանիաշվիլիի մասնակցությամբ համատեղ նախաձեռնությունների իրականացումը։
Հանդիպման ընթացքում անդրադարձ է կատարվել նաև Ջավախքի Գանձա գյուղում գտնվող Վահան Տերյանի տուն-թանգարանի վերականգնման աշխատանքներին։ Կողմերը քննարկել են բանաստեղծի 140-ամյակի շրջանակում թանգարանի վերաբացման հանդիսավոր արարողության կազմակերպմանը վերաբերող հարցեր։
ԿԳՄՍ նախարարն անդրադարձել է նաև կրթության ոլորտում համագործակցությանը ՝ մասնավորապես շեշտելով Երևանի պետական համալսարանում 2024 թ. հիմնված վրացագիտության կենտրոնի գործունեությանը, որը կարևոր քայլ է Հայաստանում վրացերենի ուսումնասիրության և տարածման գործում։
Ժաննա Անդրեասյանը կարևորել է նաև Հայաստանի և Վրաստանի միջև երիտասարդական համաժողովների կազմակերպումը՝ ընդգծելով երկու երկրների երիտասարդների շփման և երկխոսության զարգացման, բարեկամական կապերի ամրապնդման և համատեղ նոր նախաձեռնությունների իրականացման կարևորությունը: Նախարար Անդրեասյանը տեղեկացրել է, որ 2025 թ. հուլիսին Ապարանում՝ Հայաստանի երիտասարդական մայրաքաղաքում, նախատեսվում է անցկացնել Հայաստանի և Վրաստանի երիտասարդական ամենամյա եռօրյա համաժողովը։ Նախարարի դիտարկմամբ՝ այն կծառայի որպես հարթակ երիտասարդ արվեստագետների միջև համագործակցությունը խթանելու, երկխոսությունը զարգացնելու և համատեղ ծրագրեր նախաձեռնելու համար։
Վրաստանի մշակույթի նախարար Թինաթին Ռուխաձեն շնորհակալություն է հայտնել ջերմ ընդունելության և Վրաստանի մշակույթի օրերի պատշաճ կազմակերպման համար՝ պատրաստակամություն հայտնելով խորացնելու համագործակցությունը մշակույթի ոլորտում։ Թինաթին Ռուխաձեն կարևորել է մշակութային պատվիրակությունների կանոնավոր փոխանակումների իրականացման անհրաժեշտությունը ստեղծագործական խմբերի, նկարիչների, երաժիշտների, կինոգործիչների և ճարտարապետների միջև: Ընդգծվել է նաև Հայաստանի և Վրաստանի թանգարանների միջև ուղիղ համագործակցության կարևորությունը:
Հանդիպման ընթացքում քննարկվել են նաև երկկողմ հետաքրքրություն ներկայացնող այլ հարցեր:
23:59 30.07.2025
ՀՀ քաղաքների մթնոլորտային օդում փոշու պարունակությունը հուլիսի 20-26-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է ՀՀ քաղաքների մթնոլորտային օդում փոշու պարունակությունը հուլիսի 20-26-ը (2025թ․): Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ հուլիսի 20-ին և 26-ին, Վարդանանց փողոցի հարակից տարածք՝ հուլիսի 22-ին, 23-ին և 24-ին, Հերացի փողոցի հարակից տարածք՝ հուլիսի 21-ին։ Հրազդան քաղաքում՝ հուլիսի 22-ին, 23-ին, […] ...
23:55 30.07.2025
Թրամփը կարծում է, որ ԱՄՆ-ն և Չինաստանը կկարողանան արդար առևտրային համաձայնագիր կնքելԱՄՆ նախագահ Դոնալդ Թրամփը կանխատեսում է, որ Միացյալ Նահանգները և Չինաստանը կկարողանան մշակել «շատ արդար» համաձայնագիր երկկողմ առևտրի ապագա պայմանների վերաբերյալ։ «Մենք առաջ ենք շարժվում Չինաստանի հետ։ Չինաստանի հետ ամեն ինչ լավ է ընթանում։ Կարծում եմ՝ ամեն ինչ շատ լավ կստացվի։ Կարծում եմ՝ մենք շատ արդար գործարք կունենանք Չինաստանի հետ», – Սպիտակ տանը լրագրողների հետ […] ...
23:49 30.07.2025
Չիլիի մայրցամաքային ափին տարհանում է սկսվել ցունամիի սպառնալիքի պատճառովՉիլիի իշխանությունները ծանուցումներ են ուղարկել երկրի մայրցամաքային մասի ափամերձ գոտիներում տարհանման անհրաժեշտության մասին: Այս մասին հայտնել է հանրապետության ներքին գործերի նախարար Ալվարո Էլիսալդեն։ «Բոլոր տարհանման ծանուցումները ուղարկվել են Արիկայից և Պարինակոտայից մինչև Լոս Լագոս շրջաններ», – ասել է նա մամուլի ասուլիսում։ Ավելի վաղ Կամչատկայում երկրաշարժի հետևանքով առաջացած ալիքների առաջին շարքը հասել է Չիլիի Զատկի կղզի: […] ...
23:45 30.07.2025
Իսակովի պողոտայում հաստաբուն ծառից ճյուղը կոտրվել և ընկել է կայանված «Ford Transit», «Mercedes» մեքենաների և «Hyundai» ավտոբուսի վրաՀուլիսի 30-ին, արտակարգ դեպք է տեղի ունեցել Երևանում։ Ժամը 13։10-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Իսակովի պողոտա թիվ 8 հասցեի մոտ ծառի ճյուղը կոտրվել և ընկել է կայանված ավտոմեքենաների վրա։ Ինչպես հայտնում է shamshyan.com-ը, դեպքի վայր են ժամանել Երևանի թիվ 1 հրշեջ-փրկարարական ջոկատից 1 […] ...
23:39 30.07.2025
Երևանի սրտաբանական հիվանդանոցի հարևանությամբ հրդեհ է բռնկվել․ հրշեջները կանխել են տարածումըՀուլիսի 29-ին, հրդեհ է տեղի ունեցել Երևանում։ Ժամը 19։00-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Քանաքեռ-Զեյթուն վարչական շրջանի սրտաբանական հիվանդանոցի հարևանությամբ գտնվող խոտածածկ տարածքում հրդեհ է բռնկվել։ Ինչպես հայտնում է shamshyan.com-ը, օպերատիվորեն ժամանել են Երևանի թիվ 5-րդ հրշեջ փրկարարական ջոկատից՝ 2 մարտական հաշվարկ։ Հրշեջները նախ […] ...
23:26 30.07.2025
Անահիտ Ավանեսյանը ծանոթացել է Ստեփանավանի բժշկական կենտրոնի հագեցվածությանն ու հնարավորություններինԱռողջապահության նախարար Անահիտ Ավանեսյանի Լոռու մարզ կատարած աշխատանքային այցի հաջորդ կանգառը Ստեփանավանի բժշկական կենտրոնն էր։ Այս մասին հայտնել են առողջապահության նախարարությունից: Չնախատեսված այցերը, թերևս, թույլ են տալիս ամենաօբյեկտիվ կերպով ծանոթանալ բժշկական կենտրոնի առօրյա աշխատանքին ու տիրող մթնոլորտին։ Նախարարը Ստեփանավանի բժշկական կենտրոնում եղել է բոլոր բաժանմունքներում, ծանոթացել տրամադրվող բուժծառայության ծավալին, հագեցվածությանն ու հնարավորություններին, զրուցել այստեղ բուժում […] ...
