14:09 09.06.2025
ԱԺ տնտեսական հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում հունիսի 9-ին շարունակվել է «ՀՀ 2024 թվականի պետական բյուջեի կատարման մասին» տարեկան հաշվետվության քննարկումը:
Ֆինանսների նախարար Վահե Հովհաննիսյանը ներկայացրել է ոլորտային մի շարք մարմինների, գերատեսչությունների 2024 թվականին իրականացված ծրագրերի ֆինանսական ցուցանիշները:
Պետական եկամուտների կոմիտեի բյուջեն 2024 թվականին կազմել է 102,7 մլրդ դրամ, կատարողականը՝ 94,9 տոկոս: Իրականացվել են 2 ծրագիր, 17 միջոցառում: Կոմիտեն իրականացրել է 11 մլրդ 110 մլն դրամի գնումներ, որոնցից 806 մլն դրամը՝ մեկ անձից գնման եղանակով:
Էկոնոմիկայի նախարարության՝ 2024 թվականի բյուջեի կատարողականը կազմել է 96,4 տոկոս: Իրականացվել են 10 ծրագիր, 63 միջոցառում, 1 մլրդ 687 մլն դրամի գնումներ, որոնցից մեկ աղբյուրի գնումը կազմել է 152 մլն դրամ:
Տարածքային կառավարման եւ ենթակառուցվածքների նախարարության բյուջեն հաշվետու տարում կազմել է 274,6 մլրդ դրամ, 94,9 տոկոս: Փաստացի իրականացվել են 21 ծրագիր, 126 միջոցառում: Նախարարությունն իրականացրել է 72 մլրդ 781 մլն դրամի գնումներ, որոնցից 4 մլրդ 797 մլն դրամը՝ մեկ անձից գնման եղանակով:
Բարձր տեխնոլոգիական արդյունաբերության նախարարության ծախսերը 2024 թվականին կազմել են 16 մլրդ 300 մլն դրամ, կատարողականը՝ 77,1 տոկոս: Փաստացի իրականացվել են 5 ծրագիր, 23 միջոցառում, 3 մլրդ 281 մլն դրամի գնումներ, որոնցից 377 մլն դրամ՝ մեկ անձից գնման եղանակով:
Կադաստրի կոմիտեի ծախսերը 2024 թվականին կազմել են 4,4 մլրդ դրամ, կատարողականը՝ 96,2 տոկոս: Փաստացի իրականացվել են 1 ծրագիր, 3 միջոցառում: Կոմիտեն իրականացրել է 809 մլն դրամի գնումներ, որոնցից 274 մլն դրամը՝ մեկ անձից գնման եղանակով, հավաքագրել է 1 մլրդ 435 մլն դրամի պետական տուրքեր:
Մրցակցության պաշտպանության հանձնաժողովը հաշվետու տարում ծախսել է 605,5 մլն դրամ, կատարողականը 81,8 տոկոս: Փաստացի իրականացվել են 1 ծրագիր, 3 միջոցառում, 89 մլն դրամի գնումներ, որոնցից 65 մլն դրամը՝ մեկ անձից գնման եղանակով: Հանձնաժողովն ապահովել է 1 մլրդ 124 մլն դրամի այլ եկամուտներ:
Հանրային ծառայությունները կարգավորող հանձնաժողովի ծախսերը կազմել են 1 մլրդ դրամ, կատարողականը՝ 90,9 տոկոս: Իրականացվել են 1 ծրագիր, 3 միջոցառում, կատարվել են 55,8 մլն դրամի գնումներ, որոնցից 23 մլն դրամը՝ մեկ անձից գնման եղանակով: Կոմիտեն ապահովվել է 338,8 մլն դրամի պետական տուրքեր եւ 259 մլն դրամի այլ եկամուտներ:
Քաղաքաշինության կոմիտեի կատարողականը կազմել է 51 տոկոս: Իրականացվել են 1 ծրագիր, 9 միջոցառում, կատարվել են 1 մլրդ 535 մլն դրամի գնումներ, որոնցից 323 մլն դրամը՝ մեկ անձից գնման եղանակով: Պետական տուրքերի գծով հավաքագրվել է 826 մլն դրամ:
19:14 09.06.2025
Արարատ Միրզոյանը հանդիպել է ՅՈՒՆԵՍԿՕ-ի Գլխավոր քարտուղարի հետՀունիսի 9-ին ՀՀ ԱԳ նախարար Արարատ Միրզոյանը հանդիպում է ունեցել ՅՈՒՆԵՍԿՕ-ի գլխավոր քարտուղար Օդրի Ազուլեի հետ։ Զրուցակիցները քննարկել են ՅՈՒՆԵՍԿՕ-ի շրջանակներում Հայաստանի ակտիվ ներգրավվածությանը, ճգնաժամային իրավիճակներում մշակութային ժառանգության պաշտպանության և տարբեր ծրագրերի իրականացմանը վերաբերող հարցեր։ Նախարար Միրզոյանը նշել է, որ ՅՈՒՆԵՍԿՕ-ի Գործադիր խորհրդում իր անդամակցության այս ժամանակահատվածում, չնայած տարբեր զարգացումներին և դժվարություններին, Հայաստանը շարունակում է […] ...
19:08 09.06.2025
Մարտունու նորակառույց բժշկական կենտրոնը վերազինված և տեխնիկապես հագեցած է. վարչապետՄարտունու նորակառույց բժշկական կենտրոնը վերազինված և տեխնիկապես հագեցած է: Այս մասին ֆեյսբուքյան իր էջում գրել է վարչապետ Նիկոլ Փաշինյանը և տեսանյութ հրապարակել: ...
18:58 09.06.2025
Հանձնաժողովը դրական եզրակացություն է տվել օրենսդրական փաթեթինՕրենսդրական փաթեթի նպատակը ԵԱՏՄ «Համակարգված (համաձայնեցված) տրանսպորտային քաղաքականության մասին» արձանագրությամբ նախատեսված ԵԱՏՄ անդամ պետությունների տարածքում կաբոտաժային փոխադրումների իրականացման 2016-2026 թվականների փուլային ազատականացման ծրագրի ապահովումն է: Այդ մասին ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանն ասել է ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովի՝ հունիսի 9-ի նիստում: Փոխնախարարը քննարկման է ներկայացել ««Ավտոմոբիլային […] ...
18:41 09.06.2025
Երթևեկության կազմակերպման փոփոխություն՝ Երևանի Սուրբ Գրիգոր Լուսավորիչ փողոցումԵրևանի քաղաքապետարանից տեղեկացնում են, որ Սուրբ Գրիգոր Լուսավորիչ փողոցում տեղի կունենա երթևեկության կազմակերպման փոփոխություն: «Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով հունիսի 11-ից երթևեկության կազմակերպման փոփոխություն կկատարվի Սուրբ Գրիգոր Լուսավորչի փողոցում: Մասնավորապես՝ Սուրբ Գրիգոր Լուսավորչի – Արգիշտիի փողոցների խաչմերուկում՝ Արշակունյաց պողոտա – Սուրբ Գրիգոր Լուսավորչի – Ագաթանգեղոսի փողոցների խաչմերուկից եկող ուղղությամբ դեպի Արգիշտիի փողոց […] ...
18:33 09.06.2025
Ավտովթար՝ Կոտայքի մարզում. բախվել են «Ford Transit»-ն ու «Subaru»-նԱյսօր՝ հունիսի 9-ին, ավտովթար է տեղի ունեցել Կոտայքի մարզում: Ժամը 16:10-ի սահմաններում Երևան-Սևան ավտոճանապարհի «Արծվի թևեր»-ի հարևանությամբ՝ դեպի Երևան ընթանալիս, Երևանի բնակիչ 37-ամյա Գագիկ Հ.-ն իր վարած «Ford Transit» մակնիշի ավտոմեքենայով բախվել է Կոտայքի մարզի բնակիչ 47-ամյա Պողոս Ղ.-ի վարած, ճանապարհի թույլատրելի հատվածում կայանված «Subaru» մակնիշի ավտոմեքենային: «Subaru»-ն հարվածի հետևանքով դուրս է եկել երթևեկելի գոտուց […] ...
18:24 09.06.2025
Աթենքում տեղի է ունեցել Ինտերպոլի եվրոպական տարածաշրջանային կոնֆերանսՀունիսի 2-ից 4-ը Հունաստանի մայրաքաղաքում տեղի է ունեցել Ինտերպոլի եվրոպական տարածաշրջանային 52-րդ կոնֆերանսը: Մասնակցում էին 50 անդամ երկրների շուրջ 150 բարձրաստիճան պատվիրակներ, միջազգային կազմակերպությունների ներկայացուցիչներ: Կոնֆերանսի աշխատանքները նվիրված էին հանցավորության ոլորտում տարածաշրջանային մարտահրավերներին: Քննարկվել են եվրոպական տարածաշրջանում առկա անվտանգային իրավիճակը, սպառնալիք հանդիսացող հանցավոր արարքներին արդյունավետ հակազդելուն վերաբերող հարցեր։ Այս համատեքստում քննարկման առարկա են դարձել նաև […] ...
