18:43 03.07.2025
Ա․ Սպենդիարյանի անվան օպերայի և բալետի ազգային ակադեմիական թատրոնում տեղի է ունեցել մամուլի ասուլիս՝ նվիրված «Նոր եվրոպական ոդիսական» նախագծին:
Ասուլիսի բանախոսներն էին ԿԳՄՍ նախարարի տեղակալ Դանիել Դանիելյանը, «Շանզ-Էլիզե» նվագախմբի գլխավոր տնօրեն Ժան-Լուի Գավատորտան, դիրիժոր, Օպերայի և բալետի ազգային ակադեմիական թատրոնի երգչախմբի ղեկավար Նարինե Ոսկանյանը, դիրիժոր Ֆիլիպ Հերվեգը, Հայաստանի ֆրանսիական ինստիտուտի գործադիր տնօրեն, Հայաստանում Ֆրանսիայի դեսպանության մշակութային կցորդ Դավիդ Տյուրսը:
«Նոր եվրոպական ոդիսական» նախագիծը նախաձեռնել են «Շանզ Էլիզե» նվագախումբը (Պուատիե, Ֆրանսիա), «Ջովաննի Պիերլուիջի դա Պալեստրինա» կոնսերվատորիան (Կալիարի, Իտալիա) և Ա․ Սպենդիարյանի անվան օպերայի և բալետի ազգային ակադեմիական թատրոնը (Երևան, Հայաստան): Նախագիծը կրում է «1824–2024|Բեթհովենը և Եվրոպան» խորագիրը։
«Նոր եվրոպական ոդիսական» նախագիծը Հայաստանի, Ֆրանսիայի և Իտալիայի մշակութային հաստատությունների միջև ստեղծված համագործակցություն է, որը միավորում է երեք երկրների երաժիշտներին ու կրթական գործիչներին՝ նշելու Բեթհովենի մնայուն ժառանգությունը և վերաիմաստավորելու նրա դերը ժամանակակից երաժշտարվեստի բնագավառում։
ԿԳՄՍ նախարարի տեղակալ Դանիել Դանիելյանը շնորհակալություն է հայտնել հյուրերին առաջին անգամ Հայաստան գալու և ՀՀ-ն Բեթհովենյան արշավի երկրների մեջ ընդգրկելու համար: Նա հատկապես ուրախալի է համարել այն փաստը, որ նվագախումբը կազմավորված է եվրոպական տարբեր երկրների նվագողներից, ու այդ միասնական բեթհովենյան ընտանիքի մի մասնիկն են նաև Հայաստանի երաժիշտները:
«Սա հրաշալի առիթ է, որպեսզի մենք հայ հնագույն երաժշտությունն արժևորենք համաշխարհային երաժշտության պատմության համատեքստում: Այս օրերին մեր երաժիշտներին փոխանցվող փորձառությունը երաժշտական վարպետության ու հմտությունների հրաշալի հնարավորություն է»,- ասել է Դանիել Դանիելյանը շնորհակալություն հայտնելով գործընկերներին համագործակցության համար:
Նախագծին անդրադարձել են նաև մյուս բանախոսները՝ ներկայացնելով «Նոր եվրոպական ոդիսական» նախագծի պատմությունը և հայաստանյան ծրագիրը։
2024 թվականի հուլիսին Կալիարիում տասը երիտասարդ երաժիշտ միացել են «Շանզ Էլիզե» նվագախմբին՝ մասնակցելով 10 համերգից բաղկացած եվրոպական շրջագայությանը, որը կազմակերպվել էր Ֆրանսիայի Հանրապետության նախագահ Էմանուել Մակրոնի և Եվրոպական հանձնաժողովի նախագահ Ուրսուլա ֆոն դեր Լայենի բարձր հովանու ներքո։
2025 թվականին նախագիծն անցկացվում է Երևանում (հունիսի 30–հուլիսի 6) Օպերայի և բալետի ազգային ակադեմիական թատրոնում։ Բեթհովեն II ակադեմիան կղեկավարեն աշխարհահռչակ դիրիժոր Ֆիլիպ Հերևեգեն և Օպերայի և բալետի ազգային ակադեմիական թատրոնի երգչախմբի ղեկավար, դիրիժոր Նարինե Ոսկանյանը։
«Նոր եվրոպական ոդիսական» նվագախմբի նախագիծը միավորում է տարբեր երկրների երաժիշտ-կատարողներին՝ խթանելով պատմամշակութային ժառանգության վերաիմաստավորումը և արվեստի նորարարական մոտեցումները՝ ստեղծելով հարթակ երիտասարդ երաժիշտների զարգացման, համագործակցության և մշակույթների միջև կապերի ձևավորման համար։ Նախագիծն ուղղված է եվրոպական երաժշտական ժառանգության և արվեստագետների հանրայնացմանը։
Ծրագիրն իրականացվում է Եվրոպական միության համաֆինանսավորմամբ:
22:10 03.07.2025
Դա պետք է Արմանը լինի. Մեթ Բրաունը՝ Ծառուկյան-Տոպուրիա հնարավոր մենամարտի մասինUFC-ի նախկին մարտիկ Մեթ Բրաունը ցանկանում է, որ թեթև քաշային կարգի տիտղոսի պայքարում մենամարտ կազմակերպվի վրացի Իլյա Տոպուրիայի և Արման Ծառուկյանի միջև: «Հնարավոր է՝ այդ մենամարտին մասնակցի Փեդի Փիմբլեթը, բայց ինձ համար մասնակիցը պետք է լինի Արմանը: Իլյան Փեդիին է հրավիրել մարտի: Չեմ ասում, թե նա խուսափել է Ծառուկյանի հետ կռվելուց, բայց շատ եմ ցանկանում, […] ...
22:05 03.07.2025
Իլհամ Ալիևը Ստեփանակերտում հյուրընկալելու է Իրանի նախագահինԱյսօր Իլհամ Ալիևի նախագահությամբ իր աշխատանքն է սկսել «Տնտեսական համագործակցության կազմակերպության» գագաթնաժողովը: Ադրբեջանի նախագահը այն որոշել է անցկացնել գրավված Ստեփանակերտում: Ինչո՞ւ հենց Արցախում: Թեմային՝ «Հորիզոնի» տաղավարում անդրադարձել է Արտյոմ Երկանյանը: ««Տնտեսական համագործակցության կազմակերպությունում» այժմ նախագահում է Ադրբեջանը: Այն ռոտացիոն կարգով է փոխանցվում: Նախագահող պետությունը իրավասու է ինքը որոշել, թե իր երկրի ո՞ր քաղաքում է անցկացվելու […] ...
21:50 03.07.2025
Թրամփը Պուտինի հետ զրույցում բարձրացրել է Ուկրաինայում մարտական գործողությունների դադարեցման հարցըՌուսաստանի նախագահ Վլադիմիր Պուտինի հետ զրույցի ժամանակ ԱՄՆ նախագահ Դոնալդ Թրամփը բարձրացրել է Ուկրաինայում ռազմական գործողությունների արագ դադարեցման հարցը, հայտարարել է Ռուսաստանի առաջնորդի օգնական Յուրի Ուշակովը։ «Քննարկվել է ուկրաինական հարցը։ Դոնալդ Թրամփը կրկին բարձրացրել է ռազմական գործողությունների արագ դադարեցման հարցը», – լրագրողներին ասել է Ուշակովը։ ...
21:40 03.07.2025
«Հայաստան» հիմնադրամը Գյումրիում ևս մեկ բնակելի կկառուցի․ զրույց ՀՀՀ տնօրենի ժ/պ Զարուհի Ազնաուրյանի հետ«Հայաստան» համահայկական հիմնադրամի հոգաբարձուների խորհրդի տարեկան նիստն է օրերս տեղի ունեցել, և այդ նիստի արդյունքների մասին «Հեռանկարը» զրուցել է հիմնադրամի գործադիր տնօրենի ժամանակավոր պաշտոնակատար Զարուհի Ազնաուրյանի հետ։ Անդրադարձ է եղել հիմնադրամի անցած տարի իրականացրած և ընթացքի մեջ գտնվող ծրագրերին, նաև առաջիկա նախագծերին։ «Հեռանկարում ունենք կառուցելու ևս մեկ շենք Գյումրիում երկրաշարժից տուժած ընտանիքների համար։ Հիմնադրամի նախկին […] ...
21:28 03.07.2025
30 միլիոն դոլարն ինձ համար մանրադրամ է, ես 500 միլիոն եմ ուզում․ ՖյուրիԲռնցքամարտի գերծանր քաշային կարգում աշխարհի նախկին չեմպիոն Թայսոն Ֆյուրին խոսել է կարիերան շարունակելու և UFC-ում մենամարտելու հնարավորության մասին։ «Այլևս ոչ մի մենամարտ: Ես կարող եմ պատկերացնել, որ մի օր հանդես կգամ UFC-ում, եթե նրանք մեծ գումար վճարեն: 30 միլիոն դոլարն ինձ համար մանրադրամ է, ես 500 միլիոն եմ ուզում», – ասել է Ֆյուրին: 37-ամյա բրիտանացին […] ...
