Թրամփի կանայք կամ ո՞վ է վաստակել «առաջին տիկին» տիտղոսը

Մինչ Դոնալդ Թրամփը քաղաքական դաշտում մի քանի ճակատով բանավիճում է համաշխարհային մյուս լիդերների հետ, այդ նույն ժամանակ ԱՄՆ տարածքում նրա նախկին և ներկա կանայք հիշել են հինն ու նորը և խառնել նախագահի անձնական կյանքի խաղաքարտերը:

Ինչպես նշել էինք վերջերս Դոնալդ Թրմափի նախկին կին Իվանա Թրամփը իր հարցազրույցներից մեկում իրեն առաջին տիկին է համարել: այս խոսքերին հաջորդել է Սպիտակ տնից Մելանյա Թրամփի մամլո խոսանկի պատասխանը վերոհիշյալ հայտարարությանը.

«Տիկին Թրամփին դուր է գալիս Վաշինգթոնը և նա մեծ հաճույքով է ապրում Սպիտակ տանը: Իսկ ինչ վերաբերում է «առաջին տիկին» տիտղոսին ապա Մելանյա Թրամփի համար մեծ պատվի է կրել նման տիտղոս և նա նպատակադրված է՝ օգտվելով իր դերից, աշխատել հիմնադրամների հետ, օգնել երեխաներին: Նա չի ցանականում պարապ նստել և գրքեր գրել Սպիտակ տան  և իր կյանքի մասին, քանի որ կարծում է որ դրա մեջ ոչ մի օգուտ չկա իր անձի շուրջը ուշադրություն գրավելուց զատ»- փոխանցել է առաջին տիկնոջ մամուլի քարտուղարը:

Նախկին և ներկա կանանց միջև խայթոցները նորություն չեն: 2015-ին Քարոզարշավի թեժ շրջանում Իվանա Թրամփը New York Daily Mail-ին տված հարցազրույցում հայտնել է իր սուր կարծիքը Մելանյայի մասին.

«Նա չի կարողանում խոսել, չի կարողանում ելույթ ունենալ, չի գնում միջոցառումներին: Ինձ թվում է, որ նա չի էլ ցանականում ընդգրկվել այդ լուրջ պրոցեսում»:

Իսկ իր մասին Good morning, America-ին տված հարցազրույցում Իվանան ասել է.

«Կարո՞ղ եմ արդյոք ես Սպիտակ տան անձնակազմը ցրել 14 օրվա ընթացքում: Իկարկե: Կարո՞ղ եմ  առանց սուֆլյորի 45 րոպե ելույթ ունենալ: Այո ես դա էլ կարող եմ: Կարո՞ղ եմ արդյոք կարդալ և հասկանալ պայմանագրեր և համագործակցության եզրեր գտնել: Այո, իհարկե: Բայց ես չեմ ցանակնում լինել այնտեղ (հեղ.-Սպիտակ տանը): Ես սիրում եմ իմ ազատությունը»:

Իվանան իր փառքի դափնիներին է ավելացրել նաև այն հանգամանքը, որ հենց ինքն է Դոնալդ Թրամփին հորդորել ավելի ակտիվ գործունեություն ծավալել Twitter սոցիալական ցանցում.

«Ես նրան ասացի՝ կարծում եմ դու պետք է թվիթերը քո շահի համար օգտագործես:Եթե ցանկանում ես, որ քո խոսքերը հասարակությունը ճիշտ ընկալի, ապա այդ հարթակը ամենա ճիշտ տեղն է կարծիք արտահայտելու, քան թե հայտնի The New York Times-ին տրված հարցազրույցդ: Բոլորիս համար էլ գաղտնիք չէ, որ նրանք վերջում քո խոսքերը կփոխեն և կգրեն իրենց համար հարմար տարբերակը»:

Փաստորեն Դոնլադ Թրամփի զավեշտալի գրառումների համար շնորհակալություն է պետք հայտնել նրա նախկին կնոջը:

Առհասարակ, Դոնալդ Թրամփը միշտ շրջապատված է եղել գեղեցիկ կանանցով, բայց շատերն են փաստում, որ Իվանան գեղեցկությանը զուգահեռ նաև շատ խելացի և հնարամիտ է: Նա երիտասարդ տարիքում մոդելային գործունեություն է ծավալել, բայց Դոնլադին հանդիպելուց հետո դադարեցրել է  մոդելային կարիերան և զբաղվել է բիզնեսով: Ամուսնու հետ երկար տարիներ աշխատել է Trump Organization-ում: Թրամփի երկրորդ կինը՝ Մարլա Մեյփլսը, ցանկացել է  թատերական ոլորտում իրեն փորձել, բայց մի քանի անհաջող և չհիշվող դերերից հետո լքել է բեմը: Իսկ ներկա կինը՝ Մելանյա Թրամփը իր ուժերը փորձել է Սլովենիայի Լյուբլյանսկի համալսարանում, բայց առաջին կուրսից հետո հասկացել է, որ ուսումը իրենը չէ և մեկնել է ԱՄՆ մոդելային գործունեությամբ զբաղվելու:

Լիլիթ Խաչատրյան