22:36 21.07.2025
Շրջակա միջավայրի նախարար Համբարձում Մաթևոսյանը մասնակցել է «Սևան Ստարտափ Սամմիթ 2025»-ի շրջանակում անցկացված «Greenovate» երիտասարդական գագաթնաժողովին, որը միտված էր խթանել երիտասարդների ակտիվ ներգրավումը բնապահպանական գլոբալ գործընթացներին՝ մասնավորապես՝ Կենսաբազմազանության մասին կոնվենցիայի կողմերի 17-րդ գագաթնաժողովի (COP17) նախապատրաստական փուլի շրջանակում։ Այս մասին հայտնել են ՀՀ շրջակա միջավայրի նախարարությունից:
Գագաթնաժողովին մասնակցել են Գեղարքունիքի մարզպետ Կարեն Սարգսյանը, Հայաստանում ՄԱԿ-ի մշտական համակարգող Ֆրանսուազ Ժակոբը, պետական գերատեսչությունների ներկայացուցիչներ, քաղաքացիական հասարակության կառույցների և միջազգային կազմակերպությունների գործընկերներ, ինչպես նաև բնապահպանական հարցերով հետաքրքրված երիտասարդներ Հայաստանի տարբեր համայնքներից։
Բացման արարողության ժամանակ նախարար Մաթևոսյանը հանդես է եկել ողջույնի խոսքով՝ կարևորելով բնապահպանական կրթության և իրազեկվածության մակարդակի բարձրացումը։ Նա ընդգծել է երիտասարդության դերը ոչ միայն բնապահպանական քաղաքականությունների ձևավորման, այլև դրանց իրագործման գործընթացներում՝ որպես գաղափարների նորարար աղբյուր և փոփոխության շարժիչ ուժ։
Իր ելույթում նախարարը ներկայացրել է նաև COP17-ի ճանապարհային քարտեզը՝ որպես միջոցառման բանախոս։ Նա առանձնացրել է Հայաստանի դիրքորոշումը և տեսլականը՝ որպես գագաթնաժողովը հյուրընկալող և նախագահող երկիր՝ նշելով, որ Հայաստանը նպատակ ունի COP17-ը վերածել գաղափարական նշանակություն ունեցող հարթակի։ Ըստ նախարարի՝ գագաթնաժողովը պետք է դառնա վերաիմաստավորման փուլ մեր հարաբերության՝ բնության հետ, և բացի լոգիստիկ կամ կազմակերպչական պատասխանատվությունից, Հայաստանը ստանձնում է առաջնորդի դեր նաև բովանդակային ու գաղափարական մակարդակներում։
Նախարարը շեշտել է, որ անհրաժեշտ է անցում կատարել հատվածական մոտեցումներից դեպի ամբողջական ու ինտեգրված էկոհամակարգային լուծումներ՝ խթանելով համընդհանուր և ներառական կառավարում։
Տիկին Ժակոբն իր ելույթում կարևորել է COP17-ին արդյունավետ և բովանդակային նախապատրաստվելու անհրաժեշտությունը՝ ընդգծելով, որ Հայաստանը կարող է հանդես գալ որպես առաջատար երկիր այս հարցում։
Գագաթնաժողովի շրջանակում նախարար Մաթևոսյանը մասնակցել է նաև թեմատիկ քննարկումների և հարցուպատասխանի ձևաչափով հանդիպումների, որի ընթացքում պատասխանել է ներկաների հարցերին՝ անդրադառնալով COP17-ի օրակարգին, Հայաստանի առաջնահերթություններին և երիտասարդության ներգրավման ուղիներին։
Նախարարը հանդիպումներ է ունեցել նաև «Սևան Ստարտափ Սամմիթ»-ի հիմնադիր թիմի և կազմակերպիչների հետ։ Քննարկվել են հետագա համագործակցության հնարավորություններն ու ձևաչափերը՝ հատկապես՝ երիտասարդական հարթակների և բնապահպանական նորարարական նախագծերի համատեղ զարգացման ուղղությամբ։
23:59 23.07.2025
Կենտրոնի բակերն ազատվում են ապօրինի ավտոտնակներիցԿենտրոն վարչական շրջանի Արամի 64 հասցեի բակային տարածքից ապամոնտաժվել են ապօրինի տեղադրված ավտոտնակները: Այս մասին հայտնել են Երևանի քաղաքապետարանից: Բակը կբարեկարգվի, զավթված տարածքների փոխարեն կձևավորվի հանգստի հարմարավետ գոտի: Մանրամասները՝ տեսանյութում: ...
23:58 23.07.2025
Օպերատիվ իրավիճակը հանրապետությունում հուլիսի 22-ից 23-ըԲացահայտվել է 128 հանցագործություն, որոնցից 2-ը՝ նախկինում կատարված: Մասնավորապես՝ 37 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 15 դեպք՝ մարմնական վնասվածք պատճառելու, 14 դեպք՝ թմրանյութի հայտնաբերման, 11 դեպք՝ ֆիզիկական ներգործության, 7 դեպք՝ խարդախության, 5-ական դեպք՝ հոգեկան ներգործության, գույքը ոչնչացնելու կամ վնասելու, 4 դեպք՝ […] ...
23:56 23.07.2025
Համաքաղաքացուն մարմնական վնասվածք պատճառած 63-ամյա տղամարդը ձերբակալվել էՀուլիսի 21-ին Ոստիկանության օպերատիվ կառավարման կենտրոն «Աստղիկ» բժշկական կենտրոնից հաղորդում է ստացվել, որ շտապօգնության խումբը կտրած-ծակած վերքերով բուժօգնության է տեղափոխել Երևանի բնակիչ 45-ամյա տղամարդու: Երևանի քրեական ոստիկանների և Մալաթիայի բաժնի համայնքային ոստիկանների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ 45-ամյա տղամարդուն մարմնական վնասվածք է պատճառել 63-ամյա համաքաղաքացին։ Նա Դանիել Վարուժան փողոցում հայտնաբերվել, ձերբակալվել և […] ...
23:55 23.07.2025
Հաղթանակ կամրջի տակ՝ Հրազդան գետում, հայտնաբերվել է տղամարդու մարմինՀուլիսի 23-ին, ողբերգական դեպք է տեղի ունեցել Երևանում։ Ժամը 21:30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժնում օպերատիվ տեղեկություններ են ստացվել, որ Հաղթանակ կամրջի տակ դի կա։ Ինչպես հայտնում է shamshyan.com-ը, ժամանել են նաև ՀՀ ՆԳՆ փրկարար ծառայության Երևանի հրշեջ-փրկարարական ջոկատից 1 մարտական հաշվարկ։ Այս պահին փրկարարները հատուկ ճոպաններ են […] ...
23:52 23.07.2025
Խոշոր հրդեհ Սյունիքի մարզում․ վագոն տնակը վերածվել է մոխրակույտիՀուլիսի 23-ին, արտակարգ դեպք է տեղի ունեցել Սյունիքի մարզում։ Ժամը 17։35-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Տաթև վանքից Կապան տանող ավտոճանապարհի 2-րդ կմ հատվածում հրդեհ է բռնկվել վագոն-տնակում։ Ինչպես հայտնում է shamshyan.com-ը, hրշեջ փրկարարները նախ կանխել են կրակի տարածումը, ապար մարել այն, սակայն վագոն-տնակը […] ...
23:49 23.07.2025
Կարեն Խաչանովը բացատրել է, թե ինչու չի մասնակցում Վաշինգտոնի ATP-500 կարգի մրցաշարինԱշխարհի 16-րդ ռակետ, Ռուսաստանը ներկայացնող հայազգի թենիսիստ Կարեն Խաչանովը բացատրել է, թե ինչու չի մասնակցում Վաշինգտոնում մեկնարկած ATP-500 կարգի մրցաշարին, հայտնում է Чемпионат-ը: «Շատ լարված մրցաշրջան է։ Միշտ կան զոհողություններ, որոնք պետք է անել։ «Ուիմբլդոնում» ուշ ավարտեցի մրցաշրջանը, բավարար ժամանակ չունեի՝ ծածկույթը փոխելու և մարզվելու համար։ Գիտեի, որ չեմ խաղա Վաշինգտոնի մրցաշարում»,- ասել է Խաչանովը։ […] ...
