Աշխատանքային այցի ընթացքում ՆԳ նախարարի գլխավորած պատվիրակությունը Վրաստանի ՆԳՆ ենթակա ծառայություններում հանդիպումներ է ունեցել – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
24 07 2025
  • $
    383.90
  • RUBLE
    4.88
  • 450.08
WEATHER
+26.09 oC

Աշխատանքային այցի ընթացքում ՆԳ նախարարի գլխավորած պատվիրակությունը Վրաստանի ՆԳՆ ենթակա ծառայություններում հանդիպումներ է ունեցել

12:05 23.07.2025

ՀՀ ներքին գործերի նախարար Արփինե Սարգսյանի գլխավորությամբ երկօրյա աշխատանքային այցով Վրաստանում գտնվող Հայաստանի ՆԳ նախարարության պատվիրակությունը հուլիսի 21-ին այցելել է Վրաստանի ՆԳՆ «112» հանրային անվտանգության կառավարման կենտրոն։
Վրաստանի ՆԳ փոխնախարարներ Գիորգի Բութխուզիի և Ալեքսանդրե Դարախվելիձեի ուղեկցությամբ Արփինե Սարգսյանն ու ՆԳ նախարարության պատվիրակության անդամները շրջել են կենտրոնում։ Կենտրոնի տնօրեն Գիորգի Արսոշվիլին մանրամասն ծանոթացրել է կենտրոնի հիմնական գործառույթներին, ենթակառուցվածքներին, ներկայացրել է ճգնաժամային իրավիճակներում իրականացվող գործողությունները։
Պատվիրակության անդամներին ներկայացվել են նաև ճանապարհային երթևեկության տեսալուսանկարահանման ու ընտանեկան բռնության կանխարգելման նպատակով կիրառվող էլեկտրոնային մոնիթորինգի համակարգերի աշխատանքը։
Նույն օրը Հայաստանի պատվիրակությունը այցելել է նաև Վրաստանի ՆԳ նախարարության ակադեմիա։ Վրաստանի ՆԳ նախարարի տեղակալ Շալվա Թադումաձեն և ակադեմիայի ռեկտոր Լելա Չիկովանին ներկայացրել են ուսումնապրոցեսի մանրամասները։
Պատվիրակության անդամները հետևել են դասախոսություններին և ցուցադրական պարապմունքներին։
Այցի ընթացքում քննարկել են երկու երկրների ՆԳ նախարարությունների կրթական հաստատությունների միջև փոխգործակցության զարգացման ու համատեղ ծրագրերի իրականացման վերաբերյալ հարցեր, ինչպես նաև կրթության և մասնագիտական վերապատրաստման ոլորտներում երկկողմ համագործակցության ընդլայնման ու փորձի փոխանակման հնարավորությունները։
Հունիսի 22-ին նախարար Սարգսյանի գլխավորած պատվիրակությունն այցելել է Արդարադատության նախարարության Հանրային ծառայությունների կենտրոն։ Տնօրեն Վախթանգ Ժվանիան ներկայացրել է պետական ծառայությունների մատուցման վրացական մոդելը։
Պատվիրակության անդամները շրջել են տարածքում, ծանոթացել նորարարական ծրագրերին և տեխնոլոգիական լուծումներին, ինչպես նաև շարժական ծառայություններին, ինչը հասանելի է երկրի ողջ տարածքում՝ 125 մասնաճյուղերի միջոցով։
Նույն օրը Հայաստանի պատվիրակությունն այցելել է պարեկային ոստիկանության վարչություն, ծանոթացել իրականացված բարեփոխումներին և ապագա ծրագրերին։
Փոխնախարար Դարախվելիձեն և վարչության ղեկավար Լևան Մայսուրաձեն տեղում ներկայացրել են ծառայության հիմնական գործառույթները, ծանոթացրել ավտոպարկին ու Միասնական սպասարկման կենտրոնին, որտեղ քաղաքացիներին ծառայությունները մատուցվում են «մեկ պատուհանի» սկզբունքով։
Վրաստանի ՆԳՆ ծառայությունների գործակալությունում՝ նախարար Սարգսյանի գլխավորած պատվիրակությունը ծանոթացել է տրանսպորտային միջոցների հաշվառման ու համարանիշների թողարկման գործընթացներին, ինչպես նաև վարորդական իրավունքի տեսական ու գործնական քննությունների անցկացման կարգին։
ՀՀ ՆԳ նախարար Արփինե Սարգսյանը շնորհակալություն է հայտնել գործընկերներին ջերմ ընդունելության և արդյունավետ հանդիպումների համար՝ ընդգծելով երկու գերատեսչությունների միջև սերտ համագործակցության կարևորությունը՝ որպես երկու երկրների միջև ձևավորված բարեկամական հարաբերություններն ամրապնդող գործոն։
Բոլոր լուրերը

Կապակցված լուրեր

Կենտրոնի բակերն ազատվում են ապօրինի ավտոտնակներից

23:59 23.07.2025

Կենտրոնի բակերն ազատվում են ապօրինի ավտոտնակներից

Կենտրոն վարչական շրջանի Արամի 64 հասցեի բակային տարածքից ապամոնտաժվել են ապօրինի տեղադրված ավտոտնակները: Այս մասին հայտնել են Երևանի քաղաքապետարանից: Բակը կբարեկարգվի, զավթված տարածքների փոխարեն կձևավորվի հանգստի հարմարավետ գոտի: Մանրամասները՝ տեսանյութում: ...

Օպերատիվ իրավիճակը հանրապետությունում հուլիսի 22-ից 23-ը

23:58 23.07.2025

Օպերատիվ իրավիճակը հանրապետությունում հուլիսի 22-ից 23-ը

Բացահայտվել է 128 հանցագործություն, որոնցից 2-ը՝ նախկինում կատարված: Մասնավորապես՝ 37 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 15 դեպք՝ մարմնական վնասվածք պատճառելու, 14 դեպք՝ թմրանյութի հայտնաբերման, 11 դեպք՝ ֆիզիկական ներգործության, 7 դեպք՝ խարդախության, 5-ական դեպք՝ հոգեկան ներգործության, գույքը ոչնչացնելու կամ վնասելու, 4 դեպք՝ […] ...

Համաքաղաքացուն մարմնական վնասվածք պատճառած 63-ամյա տղամարդը ձերբակալվել է

23:56 23.07.2025

Համաքաղաքացուն մարմնական վնասվածք պատճառած 63-ամյա տղամարդը ձերբակալվել է

Հուլիսի 21-ին Ոստիկանության օպերատիվ կառավարման կենտրոն «Աստղիկ» բժշկական կենտրոնից հաղորդում է ստացվել, որ շտապօգնության խումբը կտրած-ծակած վերքերով բուժօգնության է տեղափոխել Երևանի բնակիչ 45-ամյա տղամարդու: Երևանի քրեական ոստիկանների և Մալաթիայի բաժնի համայնքային ոստիկանների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ 45-ամյա տղամարդուն մարմնական վնասվածք է պատճառել 63-ամյա համաքաղաքացին։ Նա Դանիել Վարուժան փողոցում հայտնաբերվել, ձերբակալվել և […] ...

Հաղթանակ կամրջի տակ՝ Հրազդան գետում, հայտնաբերվել է տղամարդու մարմին

23:55 23.07.2025

Հաղթանակ կամրջի տակ՝ Հրազդան գետում, հայտնաբերվել է տղամարդու մարմին

Հուլիսի 23-ին, ողբերգական դեպք է տեղի ունեցել Երևանում։ Ժամը 21:30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժնում օպերատիվ տեղեկություններ են ստացվել, որ Հաղթանակ կամրջի տակ դի կա։ Ինչպես հայտնում է shamshyan.com-ը, ժամանել են նաև ՀՀ ՆԳՆ փրկարար ծառայության Երևանի հրշեջ-փրկարարական ջոկատից 1 մարտական հաշվարկ։ Այս պահին փրկարարները հատուկ ճոպաններ են […] ...

Խոշոր հրդեհ Սյունիքի մարզում․ վագոն տնակը վերածվել է մոխրակույտի

23:52 23.07.2025

Խոշոր հրդեհ Սյունիքի մարզում․ վագոն տնակը վերածվել է մոխրակույտի

Հուլիսի 23-ին, արտակարգ դեպք է տեղի ունեցել Սյունիքի մարզում։ Ժամը 17։35-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Տաթև վանքից Կապան տանող ավտոճանապարհի 2-րդ կմ հատվածում հրդեհ է բռնկվել վագոն-տնակում։ Ինչպես հայտնում է shamshyan.com-ը, hրշեջ փրկարարները նախ կանխել են կրակի տարածումը, ապար մարել այն, սակայն վագոն-տնակը […] ...

Կարեն Խաչանովը բացատրել է, թե ինչու չի մասնակցում Վաշինգտոնի ATP-500 կարգի մրցաշարին

23:49 23.07.2025

Կարեն Խաչանովը բացատրել է, թե ինչու չի մասնակցում Վաշինգտոնի ATP-500 կարգի մրցաշարին

Աշխարհի 16-րդ ռակետ, Ռուսաստանը ներկայացնող հայազգի թենիսիստ Կարեն Խաչանովը բացատրել է, թե ինչու չի մասնակցում Վաշինգտոնում մեկնարկած ATP-500 կարգի մրցաշարին, հայտնում է Чемпионат-ը: «Շատ լարված մրցաշրջան է։ Միշտ կան զոհողություններ, որոնք պետք է անել։ «Ուիմբլդոնում» ուշ ավարտեցի մրցաշրջանը, բավարար ժամանակ չունեի՝ ծածկույթը փոխելու և մարզվելու համար։ Գիտեի, որ չեմ խաղա Վաշինգտոնի մրցաշարում»,- ասել է Խաչանովը։ […] ...

BACK_TO_TOP