00:25 07.11.2018
«Իրանում տնտեսական խնդիրները առաջանալու են ոչ թե հենց այսօր, այլ այդ պատժամիջոցների մասին հայտարարությունը կամ Միացյալ Նահանգների կողմից Միջուկային համաձայնությունից դուրս գալուց հետո, նույնիսկ դրանից առաջ արդեն իսկ դա իր բացասական հետևանքը ունեցել էր Իրանի տնտեսության վրա», – Իրանի նկատմամբ ամերիկյան նոր պատժամիջոցների ազդեցության մասին ShantNews.am-ի հետ հարցազրույցի ժամանակ ասել է իրանագետ Արմեն Իսրայելյանը։
Այսօր ուժի մեջ են մտել Իրանի նկատմամբ երբևէ եղած ամենածանր պատժամիջոցները, ինչպես պնդում է ԱՄՆ նախագահ Դոնալդ Թրամփը։ Իրանագետի խոսքով՝ հարևան երկրի կառավարությունը արդեն երկար ժամանակ է, ինչ պատրաստվում էր այդ պատժամիջոցներին, և սրանք Իրանի համար նորություն չեն։ Բայց այս պատժամիջոցները, միևնույն է, ազդեցություն կթողնեն։ Թեհրանը հիմա փորձում է ներկայացնել իր ռազմական ուժը, ներսից պատրաստվել պատժամիջոցներին, բայց ազդեցությունը, միևնույն է, լինելու է։
«… Որովհետև ներկայում Իրանը ավելի շատ է մխրճված մերձավորարևելյան գործընթացների մեջ, քան, օրինակ, մինչև պատժամիջոցները, օրինակ, Մահմուդ Ահմադինեժադի կառավարության շրջանում։ Այսինքն՝ Իրանը հիմա ավելի մեծ առավելություններ ունի, ավելի մեծ ազդեցություն ունի տարածաշրջանում, հետևաբար այս Միջուկային համաձայնությունից հետո տարածաշրջանում իր այս ընդլայնվածության պարագայում անհրաժեշտ են ֆինանսական միջոցներ իր այդ կարևոր ռազմավարական կետերում ներկայությունը պահպանելու համար»,- մանրամասնել է իրանագետը։
Իրանը հիմա ներգրավված է Սիրիայի հակամարտությանը, Լիբանանի ու Իրաքի ներքին կյանքի, ոչ պաշտոնապես՝ Եմենի հակամարտության մեջ և այլն։ Իրանագետի խոսքերով՝ այս բոլոր տեղերում Իրանը պետք է կարողանա ապահովել ոչ միայն ռազմական, այլև տնտեսական ազդեցություն, ու դեռ մի բան էլ՝ տնտեսական օգնություն ցուցաբերի այդ տեղերի իր դաշնակիցներին։ Այս պայմաններում երկրի նախագահը, որ ամենևին ամենաբարձր պաշտոնյան չէ, պետք է կարողանար տնտեսական որոշ հաջողությունների հասնել՝ այս ամենի հաջողումն ապահովելու համար։
«Կարելի է ասել՝ վերջին մեկ-երկու ամսվա ընթացքում, կարծես թե, Ռոհանիին հաջողվեց համեմատաբար կարգավորել ներքին իրավիճակը, և իր կառավարման շրջանում նա տնտեսական որոշ բարեփոխումներ իրականացրեց, դա ամրագրվեց նաև բյուջեում, որպեսզի բյուջեն ամբողջությամբ կախված չլինի նավթի վաճառքից»,- նշել է Իսրայելյանը։
Նրա խոսքերով՝ Իրանում եղած ցույցերն էլ հենց այդ պատճառով էին, որովեհտև երկրի նախագահը փորձում էր նավթի վաճառքից ստացված միջոցներն ուղղել տնտեսության դիվերսիֆիկացիային։ Սակայն հարց է՝ հասցրե՞ց արդյոք այդ ամենն անել մինչև պատժամիջոցների վրա հասնելը։
Հիշեցնենք, որ նոյեմբերի 5-ից ուժի մեջ մտնող պատժամիջոցների երկրորդ փաթեթը վերականգնում է նավթի արտահանման, էներգետիկ ոլորտի, նավագնացության և նավաշինության, ինչպես նաև ֆինանսական կազմակերպությունների հանդեպ սահմանափակումները:ԱՄՆ ֆինանսների նախարարության հրապարակած պատժամիջոցների ցանկում են ներառվել ավելի քան 700 իրավաբանական և ֆիզիկական անձինք: Այդ ցանկում հայտնված կազմակերպություններից են Իրանի Ատոմային էներգիայի կազմակերպությունը, ֆինանսական 70 կազմակերպություն, Իրանի պետական տանկերային ընկերությունը:
Ի դեպ, ամերիկյան պատժամիջոցները կանդրադառնան նաև այն երկրների վրա, որոնք իրանական նավթ են արտահանում և որոնք կշարունակեն աշխատել պատժամիջոցների ցանկում հայտնված իրանական ընկերությունների հետ:
23:59 02.08.2025
Էդգար Անդրեասյանը լրացրել է իր առաջին միջազգային վարպետի նորմանԷդգար Անդրեասյանը Ռումինիայում անցկացված «Brasov Grand Prix Classic 2025» շախմատի միջազգային մրցաշարի շրջանակներում լրացրեց իր առաջին միջազգային վարպետի նորման։ Այս մասին հայտնել է Հայաստանի շախմատի ֆեդերացիան: Էդգարը 9 հնարավորից վաստակեց 6 միավոր և 158.8 կետով բարելավեց իր միջազգային վարկանիշը: ...
23:55 02.08.2025
Հրդեհ՝ Երևանում․ հրշեջներն ու քաղաքացիները կանխել են կրակի տարածումը․ հրդեհի պատճառը եղել է 3 կգ-ոց գազաբալոնից առաջացած արտահոսքըՕգոստոսի 2-ին, հրդեհ է տեղի ունեցել Երևանում։ Ժամը 19։40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Նորք վարչական շրջանի Վիլնյուսի փողոցի թիվ 55 շենքի երկրորդ հարկի բնակարաններից մեկից կրակ և ծուխ է նկատվում։ Ինչպես հայտնում է shamshyan.com-ը, ժամանել են Երևանի թիվ 9-րդ հրշեջ փրարարական ջոկատից […] ...
23:44 02.08.2025
Երևանի քաղաքապետարանը ձեռնարկել է նոր նախաձեռնություն կենդանասերների համարԵրևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում: Այս մասին հայտնել են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ […] ...
23:32 02.08.2025
Արագածոտնի մարզում բախվել են «VOYAH» էլեկտրոմոբիլը և «Opel Astra»-ն․ երկու ավտոմեքենաները հայտնվել են դաշտում․ կան վիրավորներՕգոստոսի 2-ին, ավտովթար է տեղի ունեցել Արագածոտնի մարզում։ Ժամը 16։00-ի սահմաններում Ալագյազ-Ապարան ավտոճանապարհին բախվել են Երևանի բնակիչ 32-ամյա Աշոտ Խ․-ի վարած «VOYAH» մակնիշի էլեկտրոմոբիլը և Լոռու մարզի բնակիչ 33-ամյա Վլադմիրի Հ․-ի վարած «Opel Astra» մակնիշի ավտոմեքենան, ինչի հետևանքով 2 ավտոմեքենաներն էլ հայտնվել են դաշտում։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել […] ...
23:18 02.08.2025
Ըմբշամարտի Մ17 ԱԱ. Եղիշե Մոսեսյանը հաղթել է թուրք մրցակցին և դուրս եկել կիսաեզրափակիչՄ17 ԱԱ. Ազատ ոճային ըմբիշ 71կգ Եղիշե Մոսեսյանը 9:7 հաշվով հաղթեց թուրք մրցակցին և դուրս եկավ կիսաեզրափակիչ: Այս մասին հայտնել է ըմբշամարտի ֆեդերացիան: Մինչև այդ, նա հաղթել էր ռուս մրցակցին: Կիսաեզրափակչում հայ ըմբիշը կմրցի ԱՄՆ ներկայացուցչի հետ: ...
23:04 02.08.2025
Շիրակի մարզում «Ղոջի աղբյուր» կոչվող հատվածում ռուսական համարանիշներով «Tank»-ը դուրս է եկել երթևեկելի գոտուց և կողաշրջված հայտնվել ձորում․ կա 2 զոհ, 1 վիրավորOգոստոսի 2-ին, ողբերգական ավտովթար է տեղի ունեցել Շիրակի մարզում։ Ժամը 20։10-ի սահմաններում Բավրա-Գյումրի ավտոճանապարհին, ժողովրդին հայտնի «Ղոջի աղբյուր» կոչվող հատվածում ռուսական համարանիշներով «Tank» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե արգելապատնեշին, կոտրել այն և կողշարջված հայտնվել ձորում։ Ինչպես hայտնում է shamshyan.com-ը, վթարի հետևանքով 2 հոգի տեղում մահացել են, 1 հոգի ծայրահեղ ծանր […] ...
