17:35 12.11.2018
Գյումրիի ինֆեկցիոն-հակատուբերկուլյոզային հիվանդանոցի հակատուբերկուլյոզային բաժանմունքը փակման վտանգի տակ է: Օրեր առաջ առողջապահության նախարարի պաշտոնակատարն է հայտարարել, որ մարզերում հակատուբերկուլյոզային բաժանմունքները փակվելու են, և հիվանդների բուժումը կենտրոնացվելու է Աբովյանի համապատասխան մասնագիտացված հիվանդանոցում:
Հիմնավորումն այն է, որ Գյումրիի բաժանմունքը թերբեռնված է՝ այն 35 մահճակալ ունի, որոնք ամիսներով դատարկ են: Ինֆեկցիոն-հակատուբերկուլյոզային հիվանդանոցի աշխատակիցներն այսօր բողոքով եկել էին Շիրակի մարզպետարան, հայտնում է SHANTNEWs.am-ը:
Նրանք հանդիպել են Շիրակի փոխմարզպետ Սոֆյա Հովսեփյանի հետ ու ներկայացրել, որ բաժանմունքը թերբեռնված է աշխատում վերջին երկու տարիներին, իսկ այդ վիճակը ստեղծվել է արհեստականորեն՝ 2 տարի առաջ կառավարությունը դեղորայքակայուն հիվանդների բուժսպասարկումը կենտրոնացրել է Աբովյանում: 30 բուժաշխատող ունի բաժանմունքը. նրանք համաձայն են դրույքաչափերի և մահճակալների թվի կրճատմանը, միայն թե բաժանմունքը չփակվի:
«Բաժանմունքը այդքան էլ թերբեռնված չէ: Մենք միշտ էլ աշխատել ենք ծանրաբեռնված, վերջին երկու տարիներին է, որ քիչ են հիվանդները, իսկ եթե հիվանդները քիչ են, դա բժիշկների լավ աշխատանքի արդյունքն է: Օպտիմալացումը ճիշտ որոշում կարող է լինել, բայց բաժանմունքը փակելն անմտություն է: 30 բուժաշխատող գործազուրկ կդառնա»,- SHANTNEWS.am-ի հետ զրույցում նշել են Գյումրիի ինֆեկցիոն-հակատուբերկուլյոզային հիվանդանոցի աշխատակիցները:
Նրանք դրույքաչափերը և մահճակալների թիվը կրճատելու առաջարկով գրություն են ուղարկել Շիրակի մարզպետարան: Մարզպետի տեղակալ Սոֆյա Հովսեփյանը նշել է, որ գրությունն արդեն ուղարկվել է ՀՀ առողջապահության նախարարություն:
«Պետք է սպասենք առողջապահության նախարարության պատասխանին, տեսնենք, թե ինչ դիրքորոշում ունի նախարարությունը, հաջորդիվ հասկանանք, թե ինչ քայլերի պետք է գնանք: Հարց է՝ եթե գնանք օպտիմալացման ճանապարհով, եթե կրճատենք մահճակալների թիվը, արդյո՞ք և՛ բուժանձնակազմի վճարման, և՛ պահպանման ծախսերը դրանից չեն կրճատվի: Պետք է փորձենք թեկուզ կես դրույքով պահենք աշխատատեղերը: Ամեն ինչ կախված է նրանից, թե ինչ դիրքորոշում կունենա նախարարությունը»,- բուժաշխատողների հետ հանդիպմանն ասել է Շիրակի մարզպետի տեղակալը:
16:42 06.05.2025
Մայիսի 7-11-ը Երևանում կանցկացվի կարատեի Եվրոպայի մեծահասակների առաջնությունըՀայաստանն առաջին անգամ կհյուրընկալի կարատեի Եվրոպայի մեծահասակների առաջնությունը: Առաջնությանն ընդառաջ՝ այսօր տեղի է ունեցել մամուլի ասուլիս, որի բանախոսներն էին ՀՀ կրթության, գիտության, մշակույթի և սպորտի նախարարի տեղակալ Հասմիկ Ավագյանը, աշխարհի և Եվրոպայի կարատեի ֆեդերացիայի նախագահ Անտոնիո Էսպինոսը, Հայաստանի կարատեի ֆեդերացիայի նախագահ Վազգեն Հարությունյանը և Եվրոպայի կարատեի ֆեդերացիայի գլխավոր քարտուղար Դավոր Չեպեկը: Կարատեի Եվրոպայի առաջնությունն անցկացվելու […] ...
16:36 06.05.2025
Շիրակի մարզպետարանի նախկին վարչության պետը կաշառք ստանալու համար դատապարտվել է 5 տարի ժամկետով ազատազրկման. Գլխավոր դատախազությունՀակակոռուպցիոն դատարանի դատավճռով՝ Շիրակի մարզպետի աշխատակազմի կրթության, մշակույթի և սպորտի վարչության նախկին պետ Հ.Կ.-ն դատապարտվել է 5 տարի ժամկետով ազատազրկման. նրա նկատմամբ նշանակվել է նաև լրացուցիչ պատիժ՝ որոշակի պաշտոններ զբաղեցնելու իրավունքից զրկումը՝ 5 տարի ժամկետով: Հակակոռուպցիոն կոմիտեում քննված քրեական վարույթով հիմնավորվել է, որ 2024 թվականի հունիսի 17-ին Շիրակի մարզպետի աշխատակազմի կրթության, մշակույթի և սպորտի վարչության […] ...
16:30 06.05.2025
Շիրակի մարզպետն ընդունել է ԵՄ անդամ պետությունների արտակարգ և լիազոր դեսպանների՝ Վասիլիս Մարագոսի գլխավորությամբՄայիսի 6-ին Շիրակի մարզպետ Դավիթ Առուշանյանն ընդունել է Եվրոպական միության անդամ պետությունների արտակարգ և լիազոր դեսպանների, տեղակալների, դեսպանության գործերի հավատարմատարների՝ ԵՄ պատվիրակության ղեկավար, դեսպան Վասիլիս Մարագոսի գլխավորությամբ։ Այս մասին հայտնում են Շիրակի մարզպետի աշխատակազմից: Հանդիպմանը մասնակցել են ՀՀ-ում Չեխիայի Հանրապետության արտակարգ և լիազոր դեսպան Պետր Պիրունչիկը, ՀՀ-ում Գերմանիայի Դաշնային Հանրապետության արտակարգ և լիազոր դեսպան Կլաուդիա […] ...
16:24 06.05.2025
Գարդման-Շիրվան-Նախիջևան միությունը դատապարտել է Համայն Ռուսիո պատրիարք Կիրիլի այցն ԱդրբեջանԳարդման-Շիրվան-Նախիջևան համահայկական միությունն անդրադարձել է Համայն Ռուսիո պատրիարք Կիրիլի Բաքու կատարած այցին՝ դատապարտելով այն. «Ինչպես հայտնի դարձավ, Մոսկվայի և Համայն Ռուսիո պատրիարք Կիրիլն այցելել է Բաքու և հանդիպել Ադրբեջանի նախագահի և վերջինիս կնոջ հետ։ Նախ և առաջ դատապարտելի է պատրիարքի այցը մի երկիր, որն ի սկզբանե իր պատմությունը կերտում է հիմնված կրոնական և էթնիկ խտրականության […] ...
16:18 06.05.2025
Կայացել է սուբվենցիայի հայտերի գնահատման միջգերատեսչական հանձնաժողովի հերթական նիստըԱյսօր փոխվարչապետ Տիգրան Խաչատրյանի գլխավորությամբ տեղի է ունեցել ՀՀ պետական տարեկան բյուջեներով նախատեսված սուբվենցիաներից բացի Հայաստանի համայնքների տնտեսական և սոցիալական ենթակառուցվածքների զարգացմանն ուղղված 2025 թվականին կատարվելիք սուբվենցիայի հայտերի գնահատման միջգերատեսչական հանձնաժողովի հերթական նիստը: Նիստի ընթացքում հաստատվել է համայնքներից ստացված սուբվենցիայի 15 ծրագրային հայտ: ...
16:12 06.05.2025
Ապօրինի արդյունահանում՝ ձկնաբուծարան կառուցելու քողի տակՔրեական ոստիկանության կազմակերպված հանցավորության դեմ պայքարի վարչության ծառայողները ստացել էին հերթական օպերատիվ տեղեկությունը ապօրինի արդյունահանման վերաբերյալ: Ըստ տեղեկության` սահմանափակ պատասխանատվությամբ մի ընկերության տնօրեն, Մասիս համայնքի ղեկավարի որոշմամբ մեկ այլ ընկերությանը տրված ձկնաբուծական ջրավազանի կառուցման շինթույլտվության քողի տակ, Զորակ գյուղում գտնվող չորս հեկտար հողամասում 2023 թվականի հուլիսից մինչ օրս առանց հատուկ թույլտվության կազմակերպել է ապօրինի արդյունահանում: […] ...
