Հայաստանը նշում է ազգային արժույթի 25-ամյակը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
02 08 2025
  • $
    383.55
  • RUBLE
    4.79
  • 437.67
WEATHER
+36.09 oC

Հայաստանը նշում է ազգային արժույթի 25-ամյակը

19:41 22.11.2018

Հայաստանի երրորդ հանրապետության ազգային արժույթը այս տարի դառնում է 25 տարեկան: Անկախության հռչակումից հետո Հայաստանի իշխանությունը ազգային դրամ ունենալու մասին մտածեց 1993թ.: Նոյեմբերի 22-ին ՀՀ Կենտրոնական բանկը հայտարարեց առաջին հայկական թղթադրամների թողարկման մասին: Դրանք այն ժամանակ միայն 10, 25, 50, 100 և 200 դրամի տեսքով էին: Հայկական դրամի արժեքը սկզբում այնքան մեծ էր, որ 1 դրամով կարելի էր ձեռք բերել 84 ռուսական ռուբլի, իսկ 100 դրամով՝ 7 ամերիկյան դոլար:

1993-1997թթ. ՀՀ ֆինանսների նախարար Լևոն Բարխուդարյանը SHANTNEWS.am-ի հետ զրույցում հիշեց այն դժվար ժամանակները, երբ Հայաստանի համար խնդիր էր օգտվել փլուզված ԽՍՀՄ-ի արժույթից, ռուսական ռուբլին դեռևս կայացման փուլում էր, իսկ նախկին ԽՍՀՄ պետությունները փորձում էին աշխատել կուպոններով:

Պատերազմի, շրջափակման, տնտեսական ճգնաժամի, խավարի ու արտագաղթի պայմաններում Հայաստանը կարողացավ աստիճանաբար կայացնել ազգային արժույթի ինստիտուտը, դարձնել միջազգային շուկաների համար ընդունելի, նաև տարեցտարի զարգացնել ու ավելացնել թղթադրամների ու մետաղադրամների տեսակները: 1994-ին շրջանառության մեջ դրվեցին 10, 20, 50 լումաները, 1, 3, 5, 10 մետաղադրամները, 1995-ին՝ 500, 1000 և 5000 թղթադրամները։ Լևոն Բարխուդարյանի ստորագրությամբ թղթադրամները ՀՀ և Արցախի բնակչության ձեռքին էին մինչև 1998 թվականը:

«Ինձ համար մեծ պատիվ էր, որ առաջին թղթադրամների վրա իմ ստորագրությունն էր: Իմ գործընկերները կատակում էին, թե մենք բոլորս կգնանք, բայց դու կմնաս պատմության մեջ քո ստորագրությամբ»,- հիշում է Լևոն Բարխուդարյանը:

1998-1999 թթ. շրջանառության մեջ դրվեցին երկրորդ սերնդի դրամները՝ 50, 100, 500, 1000, 5000 և 20000 արժեքով, որոնց վրա պատկերված են հայազգի նշանավոր գործիչները: 2001 թվականի հունիսի 6-ին թողարկվեց ՀՀ դրամաշրջանառության պատմության մեջ առաջին հոբելյանական թղթադրամը՝ 50.000 դրամ արժեքով: Այն նվիրված էր Հայաստանում Քրիստոնեությունը որպես պետական կրոն ընդունելու 1700-ամյակին: Տարեցտարի կատարելագործվեցին հայկական դրամի տպագրական որակն ու պաշտպանվածությունը: 2007թ. շրջանառության մեջ դրվեց նոր նմուշի 20000 դրամը, որը տարբերվում է չափսերով և պաշտպանական հատկանիշներով: Դրամի թողարկման վերջին նորությունը 2009-ին էր, երբ շուկա մտավ 100000 դրամը:

9 տարի անց, դրամի 25-ամյակի առիթով Կենտրոնական բանկը շրջանառության մեջ է դնում երրորդ սերնդի թղթադրամները՝ նոր տեսքով, ավելի բարձր որակի տպագրությամբ ու հերթական նորամուծությամբ: ՀՀ և Արցախի բնակիչները այսուհետ կկարողանան վճարել նաև 2000 դրամներով: Բացատրությունը՝ այդ արժեքի թղթադրամի կարիք շուկայում շատ է զգացվում: Նոր թղթադրամների վրա ևս հայոց պատմության, գրականության ու մշակույթի մեջ իրենց դրական հետքը թողած գործիչներ են՝ Կոմիտաս, Պարույր Սևակ, Այվազովսկի, Գրիգոր Լուսավորիչ:

Պատմաբանները շեշտում են՝ թեև ընդունված է հայկական ազգային արժույթի ծնունդը համարել 1993 թվականը, հայկական պետության խորհրդանիշներով դրամներ հայտնաբերվել են դեռևս Ք.ծ.ա. 6-րդ դարից սկսած, իսկ առավել հայտնի են արքայից արքա Տիգրան Մեծի դիմապատկերով մետաղադրամները, որոնք այդ ժամանակ կիրառվել են աշխարհի տարբեր երկրներում՝ որպես ամենաարժեքավոր արժույթներից մեկը:

Բոլոր լուրերը

Կապակցված լուրեր

Օմանը կկառուցի 270 միլիոն դոլար արժողությամբ գազատար

19:48 02.08.2025

Օմանը կկառուցի 270 միլիոն դոլար արժողությամբ գազատար

Օմանի Սուլթանությունը հայտարարել է ավելի քան 270 միլիոն դոլար արժողությամբ և օրական 13 միլիոն խորանարդ մետր հզորությամբ նոր գազատարի կառուցման մասին՝ որպես պետական էներգետիկ ենթակառուցվածքների զարգացման մաս, հաղորդում է Օմանի պետական ONA լրատվական գործակալությունը։ «Նախագիծը ներառում է 42 դյույմ տրամագծով, 193 կիլոմետր երկարությամբ գազատարի կառուցում, որը կանցնի Իբրի նահանգի Ֆահուդ շրջանից (ազ-Զահիրա նահանգ) մինչև Սուհար […] ...

«Ռեալի» պաշտպանը կարիերան կշարունակի Իտալիայում

19:36 02.08.2025

«Ռեալի» պաշտպանը կարիերան կշարունակի Իտալիայում

Մադրիդի «Ռեալի» իսպանացի պաշտպան Խակոբո Ռամոնը տեղափոխվել է իտալական «Կոմո»։ Այս մասին հաղորդում է ակումբի մամուլի ծառայությունը: Իսպանացի Սեսկ Ֆաբրեգասի գլխավորած թիմն ու 20-ամյա ֆուտբոլիստը 5 տարվա պայմանագիր են ստորագրել: «Կոմոն» տրանսֆերի համար 2,5 միլիոն եվրո է վճարել: Ռամոնը «Ռեալի» համակարգում էր 2013 թվականից։ Գլխավոր թիմի կազմում նա անցկացրել է 6 խաղ և խփել 1 […] ...

Գազայի հատվածում սովի հետևանքով զոհերի թիվը հասել է 169-ի

19:29 02.08.2025

Գազայի հատվածում սովի հետևանքով զոհերի թիվը հասել է 169-ի

Գազայի հատվածի շրջափակման ժամանակ թերսնման հետևանքով մահացածների թիվը հասել է 169-ի, այդ թվում՝ 93 երեխայի, շաբաթ օրը հայտնել է պաղեստինյան կիսանկլավի առողջապահության նախարարությունը։ «Գազայի հատվածի հիվանդանոցներում վերջին 24 ժամվա ընթացքում գրանցվել է սովից և թերսնուցումից յոթ մահվան դեպք, այդ թվում՝ մեկ երեխայի։ Այսպիսով, սովից մահացածների ընդհանուր թիվը հասցվում է 169-ի, այդ թվում՝ 93 երեխայի», – […] ...

Ադրբեջանը սկսել է գազի մատակարարումը Սիրիա՝ Թուրքիայի միջոցով

19:17 02.08.2025

Ադրբեջանը սկսել է գազի մատակարարումը Սիրիա՝ Թուրքիայի միջոցով

Ադրբեջանական կողմը սկսել է բնական գազ մատակարարել Սիրիային Թուրքիայի միջոցով, «ՌԻԱ Նովոստի»-ին հայտնել են Ադրբեջանի էկոնոմիկայի նախարարության մամուլի ծառայությունից։ «Կայացել է Քիլիս-Հալեպ սահմանային խողովակաշարի գործարկման արարողությունը, որը կապահովի ադրբեջանական գազի տեղափոխումը Սիրիա Թուրքիայի միջոցով։ Արարողությունը տեղի է ունեցել Թուրքիայի Քիլիս նահանգի Յավուզլու գյուղում՝ Ադրբեջանի էկոնոմիկայի նախարար Միքայիլ Ջաբարովի, Թուրքիայի էներգետիկայի և բնական պաշարների նախարար Ալփարսլան […] ...

Հայկ Մուսախանյանը՝ ԲԱՏԷ-ի ֆուտբոլիստ

19:05 02.08.2025

Հայկ Մուսախանյանը՝ ԲԱՏԷ-ի ֆուտբոլիստ

Հայկ Մուսախանյանը համալրել է ԲԱՏԷ-ի կազմը։ Այս մասին հայտնում է բելառուսական ակումբի մամուլի ծառայությունը: Կողմերը կնքել են կես տարվա պայմանագիր, որի ժամկետը կսպառվի 2026 թվականի հունվարի 1-ին: 27-ամյա Մուսախանյանը 2025 թվականի հունվարին միացել էր «Ալաշկերտին», որի կազմում մասնակցել է 12 հանդիպման: Նոր թիմում Հայկ Մուսախանյանը կխաղա «6» համարի մարզաշապիկով: ...

ՀԱՄԱՍ-ը հաստատել է, որ զենքը վայր չի դնի, քանի դեռ Իսրայելը շարունակում է օկուպացիան

18:58 02.08.2025

ՀԱՄԱՍ-ը հաստատել է, որ զենքը վայր չի դնի, քանի դեռ Իսրայելը շարունակում է օկուպացիան

Պաղեստինյան ՀԱՄԱՍ շարժումը հաստատել է, որ չի զինաթափվի քանի դեռ իսրայելական օկուպացիան շարունակվում է և պաղեստինցի ժողովրդի իրավունքները լիովին վերականգնված չեն։ Այս մասին ասվում է շարժման պաշտոնական Telegram ալիքում հրապարակված հայտարարության մեջ՝ կապված «որոշ լրատվամիջոցների կողմից ԱՄՆ նախագահի հատուկ դեսպան Սթիվեն Ուիթքոֆին հղում անելով ՀԱՄԱՍ-ի կողմից զենքը վայր դնելու պատրաստակամության մասին հաղորդագրությունների» հետ։ «Մենք կրկին […] ...

BACK_TO_TOP