14:34 25.01.2019
Վենեսուելայում տեղի ունեցող հեղափոխությունը որևէ զուգահեռ չունի Հայաստանում տեղի ունեցած խաղաղ հեղափոխության հետ, քանի որ Հայաստանում որևէ բախում չի եղել ու որևէ զոհ չի եղել իշխանության փոխանցման ընթացքում, իսկ Վենեսուելայում այդպիսիք, ցավոք, եղել են։ Այս մասին Մոսկվայում լրագրողների հարցերին պատասխանելիս ասաց ՀՀ վարչապետ Նիկոլ Փաշինյանը։
Լրագրողը հիշեցրեց, որ աշխարհի մի քանի պետություններ, որոնց թվում են նաև ԱՄՆ-ն ու Վրաստանը, ճանաչում են Վենեսուելայի նոր ղեկավարին, իսկ մի քանի այլ պետություններ, որոնց թվում է Ռուսաստանը, ճանաչում են հին ղեկավարին՝ Մադուրոյին։ Լրագրողը հարցրեց՝ Փաշինյանը նմանություն տեսնո՞ւմ է Հայաստանում ու Վենեսուելայում տեղի ունեցող գործընթացների միջև, և ինչպիսի՞ն է Հայաստանի վերաբերմունքը։
«Ամբողջ գործընթացը, որ տեղի ունեցավ Հայաստանում, ամբողջությամբ, 100 տոկոսով համապատասխանում էր գործընթացներին, որոնք նախատեսված են Հայաստանի օրենսդրությամբ ու Սահմանադրությամբ։ Բայց այն, ինչ կատարվում է Վենեսուելայում, ճիշտ ասած, առաջին հայացքից այնքան էլ չի հասկացվում՝ որքանո՞վ են համապատասխանում Վենեսուելայի Սահմանադրությանը։ Ճիշտն ասած՝ չեմ կարող այդ մասին խոսել, բայց առաջին տպավորությունն այն է, որ այնտեղ ամենը չէ, որ Սահմանադրության տրամաբանությանը համապատասխան է իրականացվում։ Այս պահի դրությամբ Հայաստանի Հանրապետությունը որևէ հայտարարություն չի արել այս կապակցությամբ, և մենք շարունակում ենք հետևել զարգացումներին։ Մենք դեռ պետք է հասկանանք այս իրադարձությունների համապատասխանությունը Վենեսուելայի Սահմանադրությանը»,- ասաց Փաշինյանը։
ՀՀ վարչապետն ավելացրեց, որ ինչպիսի ելք էլ լինի, այն պետք է պայմանավորված լինի Վենեսուելայի ժողովրդի կամքով, ցանկացած ելք պետք է ընդունելի լինի հենց Վենեսուելայի ժողովրդի համար։
14:43 05.08.2025
Ճապոնիայում ջերմային հարվածից 18 մարդ է մահացելՃապոնիայում հուլիսի 28-ից օգոստոսի 3-ը ավելի քան 9500 մարդ շտապ տեղափոխվել է հիվանդանոցներ ջերմային հարվածներով՝ երկրում հաստատված շոգի ալիքի պատճառով, նրանցից 18-ը մահացել են: Այս մասին հայտնել է հրշեջ ծառայությունը, որը կատարում է շտապ բժշկական ծառայություններ երկրում: Այս մարդկանցից 225-ը ծանր վիճակում հոսպիտալացվել են ավելի քան երեք շաբաթ։ Ջերմային հարվածի զոհերի գրեթե 58%-ը 65 տարեկանից […] ...
14:34 05.08.2025
31-ամյա հետախուզվողը հայտնաբերվեց Վանաձորում․ նա տեղափոխվել է քրեակատարողական հիմնարկՀամայնքային ոստիկանության Բազումի բաժնի ծառայողների կողմից ձեռնարկված միջոցառումների արդյունքում օգոստոսի 1-ին Վանաձոր քաղաքի Չուխաջյան թաղամասում հայտնաբերվել և Համայնքային ոստիկանության Բազումի բաժին է տեղափոխվել 31-ամյա տղամարդ, որը հուլիսի 30-ից հետախուզման մեջ էր գտնվում ՀՀ քրեական օրենսգրքի 344-րդ հոդվածի 1-ին մասի հատկանիշներով (տրանսպորտային միջոցներ վարելու իրավունքից զրկված կամ այդ իրավունքը կասեցված կամ տրանսպորտային միջոցներ վարելու իրավունք չունեցող […] ...
14:26 05.08.2025
Կալիֆոռնիայում խոշոր անտառային հրդեհի դեմ պայքարում է ավելի քան 1000 փրկարարԿալիֆոռնիա նահանգում անտառային խոշոր հրդեհի մարման աշխատանքներին մասնակցում է ավելի քան 1000 փրկարար: Այս մասին հաղորդում է ABC News հեռուստաալիքը: Հրդեհի մակերեսը այժմ կազմում է գրեթե 30 հազար հեկտար: Հրդեհը մոլեգնում է Լոս Պադրես ազգային պարկում՝ Սանտա Բարբարա և Սան Լուիս Օբիսպո շրջաններում: Վերջին տեղեկությունների համաձայն՝ երեք մարդ վիրավորվել է: Բնակիչներին տարհանում են տուժած տարածքներից: […] ...
14:14 05.08.2025
Ինչպիսի եղանակ է սպասվում օգոստոսի 5-10-ըԵրևանում օգոստոսի 5-ի ցերեկը, 6-9-ին սպասվում է առանց տեղումների եղանակ։ Օգոստոսի 10-ին երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Երեկոյան ժամերին և ամպրոպի ժամանակ սպասվում է քամու ուժգնացում՝ 14-18 մ/վ արագությամբ։ Մարզերում օգոստոսի 5-ի ցերեկը, 6-9-ին սպասվում է առանց տեղումների եղանակ։ Օգոստոսի 10-ին առանձին շրջաններում սպասվում է կարճատև անձրև և ամպրոպ: […] ...
14:07 05.08.2025
Վերաֆինանսավորման տոկոսադրույքն անփոփոխ՝ 6.75 տոկոսՕգոստոսի 5-ին տեղի է ունեցել Հայաստանի Հանրապետության կենտրոնական բանկի խորհրդի նիստ, որի ժամանակ որոշվել է՝ քաղաքականության տոկոսադրույքը թողնել անփոփոխ, սահմանելով՝ 6․75% Հայաստանի Հանրապետության կենտրոնական բանկի կողմից տրամադրվող լոմբարդային ռեպոյի տոկոսադրույքը՝ 8.25 %, Հայաստանի Հանրապետության կենտրոնական բանկի կողմից բանկերից ներգրավվող միջոցների տոկոսադրույքը՝ 5.25 %: ...
14:04 05.08.2025
ՔՏՀԱՏՄ-ը բենզագազալցակայաններում հրդեհների և պայթյունների ռիսկի էական աճ է արձանագրելՀաշվի առնելով ՀՀ տարածքում վերջին օրերին արձանագրվող բարձր ջերմային ֆոնը, ինչպես նաև դրա հետևանքով հրդեհների և պայթյունների ռիսկի էական աճը, ՀՀ քաղաքաշինության, տեխնիկական և հրդեհային անվտանգության տեսչական մարմինը հորդորում է գազալցակայաններ և բենզալցակայաններ շահագործողներին, դրանց պատասխանատուներին, ինչպես նաև քաղաքացիներին. ցուցաբերել առավելագույն զգոնություն և բարձր իրավագիտակցություն, խստագույնս վերահսկել բենզա և գազալցակայանների տարածքում հրդեհային անվտանգության կանոնների պահպանումը, […] ...
