14:51 25.03.2019
Այսօր «ՏՏ ոլորտին արտոնություններ տալու մասին» օրենքի նախագծի քննարկման ավարտին «Լուսավոր Հայաստան» խմբակցության անդամ Արկադի Խաչատրյանն առաջարկեց ԱԺ տնտեսական հանձնաժողովի անդամներին հետաձգել քվեարկությունը հետևյալ պատճառաբանությամբ.
«Եթե օրենքն անհետաձգելի է և պետք է անպայման քվեարկության դրվի, կառաջարկեմ` արվի առանց օտարերկրյա ընկերությունների հարկման կետի և հարցին անդրադառնալ հետագա քննարկումների ժամանակ, մնացածով ընդունել: Երկրորդ տարբերակը՝ այսօր քվեարկության չդնել, մինչև ոլորտի միությունների ու ընկերությունների կողմից քվեարկության չդրվի, մեկ-երկու ներդրողներ կան, որ հետաքրքրված են, բայց նրանց ներդրումը չի կարող գերադասվել ոլորտի ամբողջ ընկերությունների ու միությունների համեմատ: Կոչ եմ անում դնել եզրակացության միայն նրանց հետ քննարկումների արդյունքում կամ դնել քվեարկության առանց օտարերկրյա մասի, իսկ եթե որոշվի, որ այս տեսքով պիտի դրվի, ես ձեռնպահ կմնամ, մինչև պլենար նիստից հետո որոշում արտահայտենք»:
Արձագանքելով նրա ելույթին՝ օրենքի նախագիծը ներկայացնող տրանսպորտի, կապի և ՏՏ նախարարի տեղակալ Գեղամ Վարդանյանը վստահեցրեց, որ քննարկում եղել է, ասաց.
«Չգիտեմ` որ ոլորտի աշխատողների մասին է, որովհետև նրանց հետ քննարկել ենք, միությունների ևս, ինչի՞ մասին է խոսքը»:
Խաչատրյանը հայտնեց, որ խոսքը գործատուների միության և ՏՏ ընկերությունների միության մասին է, որոնք շատ ուշ են ստացել օրենքի նախագիծը: Վարդանյանը կրկնեց, որ վերջիններիս ներկայացուցիչները ներկա են եղել քննարկման, իսկ հանձնաժողովի նախագահ Բաբկեն Թունյանն ասաց.
«Եթե աջ ղեկով մեքենաների հարցով տեղյակ չեն, հասկանալի է, բայց երբ ՏՏ օրենքը մտավ, առաջինը Գործատուների միությունը պետք է իմանար: Առաջարկներ իրենցից չի եկել, եթե լիներ, կքննարկեինք, պատգամավորների կողմից ևս առաջարկներ չեն հնչել»:
Խաչատրյանն առաջարկեց՝ քանի որ այսօր քննարկում լինելու է ՏՏ ոլորտի ներկայացուցիչների հետ, սպասել, նրանց առաջարկները հաշվի առնել, իսկ եթե ոչ, գոնե հնարավորություն լինի առաջինից երկրորդ ընթերցումների ընթացքում փոփոխություններ անել, եթե դրանց կարիքը կլինի:
Սակայն հարցը շատ ավելի արագ լուծվեց, երբ նախագծի փոփոխությունների հեղինակ Գեղամ Վարդանյանը հնչեցրեց այն անձանց անունները, որոնք տվյալ կազմակերպություններից ներկա են գտնվել քննարկումներին:
Որոշվեց քվեարկել, և նախագիծը միաձայն ընդունվեց:
21:00 17.05.2025
Լույս չի լինի Երևանի և մարզերի մի շարք հասցեներում
22:52 17.05.2025
Տավուշի ջրամբարում ավտոմեքենա է կողաշրջվել. օգնության են հասել փրկարարներըՄայիսի 17-ին, ժամը 18:49-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տավուշի ջրամբարում ավտոմեքենա է կողաշրջվել. անհրաժեշտ է փրկարարների օգնությունը: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և մեկ օպերատիվ խումբ։ Պարզվել է, որ Տավուշի ջրամբարի ավտոճանապարհին «Toyota» մակնիշի ավտոմեքենան դուրս է եկել ճանապարհի […] ...
22:39 17.05.2025
Գեղարքունիքում բախվել են «BMW X5»-ը ու «Toyota Land Cruiser»-ը, վերջինը հայտնվել է դաշտում․ կա տուժածԱյսօր՝ մայիսի 17-ին, ավտովթար է տեղի ունեցել Գեղարքունիքի մարզում։ Ժամը 17։40-ի սահմաններում Սևան-Մարտունի-Գետափ ավտոճանապարհի 18 կմ հատվածում բախվել են Երևանի բնակիչ 29-ամյա Էվելինա Ս․-ի վարած «Toyota Land Cruiser» մակնիշի և Գեղարքունիքի մարզի բնակիչ 22-ամյա Ռաֆիկ Ա․-ի վարած «BMW X5» մակնիշի ավտոմեքենաները, ինչի հետևանքով «Toyota Land Cruiser»-ը դուրս է եկել երթևեկելի գոտուց և հայտնվել դաշտում։ Ինչպես […] ...
22:26 17.05.2025
Գոյաբանական խնդիրների առջև կանգնած են աշխարհի շատ երկրներ. Հրաչյա Արզումանյանի հարցազրույցըԵրեկ Տիրանայում Հայաստանի վարչապետը շփումներ ունեցավ Թուրքիայի և Ադրբեջանի նախագահների հետ: Սա առաջին անգամ էր այն պահից ի վեր, երբ երկու կողմերը հայտարարեցին, որ տեքստը վերջնականացված է, սակայն Ադրբեջանը նոր պահանջներ է դնում: Վարչապետի այդ հանդիպումները տեղի ունեցան Եվրոպական քաղաքական համայնքի գագաթաժողովի շրջանակներում: Այս ու այլ հարցերի անդրադարձել է անվտանգության և ռազմական հարցերով փորձագետ Հրաչյա […] ...
22:12 17.05.2025
Ավարտվեց Հովհաննես Դանիելյանի հիշատակին նվիրված շախմատի միջազգային վարպետի նորմայով շրջանային մրցաշարըՀայաստանի շախմատի ակադեմիայում ավարտվեց Հովհաննես Դանիելյանի հիշատակին նվիրված միջազգային վարպետի նորմայով շրջանային մրցաշարը: Այս մասին հայտնել են Հայաստանի շախմատի ֆեդերացիայից։ Լավագույն եռյակը ունեցավ հետևյալ տեսքը. 1-ին տեղ՝ Ռուդոլֆ Փաշիկյան (Հայաստան) 2-րդ տեղ՝ Յաշ Բհարադիա (Հնդկաստան) 3-րդ տեղ՝ Էրիկ Չաքրյան (Հայաստան): Միջազգային վարպետի նորմա լրացրեցին Ռուդոլֆ Փաշիկյանը և Յաշ Բհարադիան: ...
21:52 17.05.2025
Երևանում Ուկրաինայի քաղաքացին «BMW»-ով բախվել է երկաթե էլեկտրասյանը․ նա շտապում էր օդանավակայան, որպեսզի կանխի ընկերուհու մեկնումը երկրիցՄայիսի 17-ին, ավտովթար է տեղի ունեցել Երևանում: Ժամը 07:00-ի սահմաններում Ուկրաինայի Հանրապետության քաղաքացի 28-ամյա Վադիմ Ուշակովը իր վարած «BMW» մակնիշի ավտոմեքենայով Իսակովի պողոտայում բախվել է բազալտե եզրաքարին, ապա երկաթե էլեկտրասյանը: Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան: Վարորդը տեղում ենթարկվել է սթափության փորձաքննության, եղել է խմածության ամենաբարձր աստիճանի, ինչի համար էլ […] ...
