Երբ քաղաքական ելույթներ ենք ունենում, մտածում ենք` այդ օրը խուլիգանների կողմից ինչ հայհոյանքներ ենք շալակելու. Պետրոսյան

«Երբ մենք ելնում ենք թիվ մեկ քաղաքական ամբիոնից քաղաքական ելույթներ ունենալու, մենք ոչ թե ավելի շատ մտածում ենք, թե ինչպիսի իրավաքաղաքական գնահատական կտրվի մեր երլույթներին կամ ինչպիսի մասնագիտական, այսպես ասած, փորձաքննություն կանցնեն մեր ելւոյթները, այլ այդ օրը երեկոյան խուլիգանների կողմից ինչպիսի հայհոյանքներ ենք շալակելու»,- այսօր ԱԺ-ում ՀՀ գլխավոր դատախազի հետ հանդիպմանը հարց բարձրացրեց ԱԺ «Բարգավաճ Հայաստան» խմբակցության պատգհամավոր Գևորգ Պետրոսյանը:

Նա նաև նշեց.

«Իմ կարծիքով` այսօր ոստիկանությունն անհասկանալի անգործություն է դրսևորում, եթե կեղծ օգտատերի էջերից հնարավոր չէ պարզել, այլ բանը հասել է նրան, որ իսկական անձինք ամենավերջին հայհոյանքներ են քաղաքացիները հնչեցնում պատգամավորների նկատմամբ, ու իմ կարծիքով, նորմալ չէ, որ իրավապահ մարմինները անգործություն են դրսևորում սա նկատմամբ»:

«Համացանցային հարձակումները տհաճ են ցանկացած պաշտոնյայի համար, իմ գնահատականը` սա անընդունելի վերաբերմունք է, ձեր գնահատականների հետ համաձայն եմ, որ իրավապահ մարմինները  անգործություն են դրսևորում, իրիավապահ մարմինները իրենց լիազորությունների շրջանակներում չեզոքություն են դրսևորում, որովհետև դուք այդպես եք պատվիրակել: Հայհոյանքը խուլիգանություն դիտարելու օրինակ որևէ տեղ չեմ հանդիպել, բայց դա դասական վիրավորանքի դրսևորում է, հիմա կարծում եմ, որ դուք ոչ թե պետք է մտահոգություն բարձրացնեք, քրեականացնեք վիրավորանքը և մենք` իրավապահ մարմիններս, ձեր ասած անգործությունը չդրսևորենք, և բոլոր դեպքերում գնանք, փորձենք բացահայտել, ենթարկենք պատասխանատվության: Օրենսդրական այսօրվա կարգավորումը հնարավորություն չի տալիս, այ, եթե սպառնալիքներ, սպանության կամ առողջությանը վնաս պատճառելու հատկանիշներ կպարունակեն, անգործություն չենք դրսևորի»,- պատասխանեց Արթուր Դավթյանը:

Գևորգ Պետրոսյանը արձագանքեց, որ ինքը մտադիր է նման նախաձեռնությամբ հանդես գալ, բայց չհամաձայնեց դատախազի հետ, որ այսօրվա օրենսդրական պայմաններում հնարավոր չէ.

««Ավանակ», «անգրագետ». սա է վիրավորանք, բայց խոսքը սրա մասին չէ, այլ բացահայտ հայհոյանքների: Չի կարելի վիճարկել, որ այստեղ կա հասարակական կարգի կոպիտ խախտում, ո՞րն է այստեղ տարընկալումը, հասարակական կարգ է նաև սոցիալական կայքում շփումը: Եթե մեկին ասում է էսինչի տղա կամ էնինչ, չեմ կարող կրկնել, և վատն այն է, որ մենք` պատգամավորներս, հարգելի´ պարոն Դավթյան,  եթե արձագանքեք, անմիջապես վազում են ՀՔԾ ու դիմում ներկայացնում, թե պատգամավորը դրսևորել է ոչ հարիր վարքագիծ»:

«Խուլիգանության համար կարևոր չէ խուլիգանության հարկերի քանակը, իրավիճակ կա, որ ավանակն էլ խուլիգանություն լինի, իրավիճակ կա, որ բազմահարկ հայհոյանքն էլ կարող է խուլիգանություն չլինել, խուլիգանությունն այն է, որ կոնկրետ անձի է ուղղված»,- արձագանքեց Դավթյանը: