12:14 05.06.2019
Խորհրդարանում 2018 թ. բյուջեի հաշվետվության քննարկման ժամանակ ՀՀ ֆինանսների նախարար Ատոմ Ջանջուղազյանին հարցեր ուղղեց «Բարգավաճ Հայաստան» խմբակցության անդամ Միքայել Մելքումյանը: Նա նշեց՝ ներդրումներ – ՀՆԱ ցուցանիշը վերջին տասը տարում 41 տոկոսից իջել է 17 տոկոսի:
«Սրանք պաշտոնական թվեր են, մոտավորապես 24-25 տոկոսով իջել է: Դուք ուզում եք 5 տարում 23 տոկոսի հասցնե՞ք, չգիտեմ՝ աճի տեմպը Դուք ո՞նց եք գնահատում, բայց հենց Ձեր ծրագրածը ցույց է տալիս, որ դա շատ չնչին է: Խնդրում եմ՝ բացահայտեք, թե ինչ եք ակնկալում՝ հաշվի առնելով նաև վերջին ամիսների վիճակը, որ ներդրումներ չկան: Այն, ինչ Դուք անում եք, բացահայտում եք կամ ոչ, հեղափոխական չէ, այն ցուցանիշները, որ ասում եք, միջոցառումները, որ նախատեսվում են, բացարձակ տնտեսական հեղափոխության հիմք չեն, գուցե տնտեսական գրագիտության մակարդակ ունեն, բայց դրա անունը չենք կարող դնել տնտեսական հեղափոխություն»,- ասաց Մելքումյանը:
Ջանջուղազյանն արձագանքեց, որ «վիճակը չի լավանում» ձևակերպմամբ վիճակը չի լավանում:
«Եթե ուզում ենք՝ վիճակը լավանա, վիճակը լավանում է: Դրական որևէ փոփոխություն չի կարող վիճակի լավացման չբերել: Եթե չենք ուզում տեսնել որևէ դրական փոփոխություն, դա էլ է մոտեցում, դրական էներգիան դրական վերադարձ է բերում, և ձևակերպումը «վիճակը չի լավանում», հակառակը՝ խորանում է»,- ասաց նա:
Նախարարը նշեց՝ ներդրումներ-ՀՆԱ ցուցանիշը և բովանդակությունն իրենք քննարկել են, արձանագրել, որ ոչ միայն վատացել է այդ հարաբերակցության ցուցանիշը, այլև խնդիր կա բովանդակության առումով, արտահանելի և ոչ արտահանելի հատվածում տնտեսությունն ունի շահութաբերության տարբեր մակարդակներ, որ հանգեցնում է նաև ներդրումների այդպիսի պատկերի: Ջանջուղազյանն ասաց, որ տնտեսության ոչ արտահանելի հատվածը 8 տոկոսային կետով ավելի շահութաբեր է, ինչն էլ հանգեցրել է ներդրումների այդպիսի կառուցվածքի, դա էլ իր հերթին աստիճանաբար նվազեցրել է ներդրումներ-ՀՆԱ հարաբերակցության մեծությունը:
«Մենք ասել ենք՝ պետք է այլևս չմտածենք, որ տնտեսությունը հիմնված է լինելու միայն հանքահումքային արդյունաբերության և հումքի արտահանման վրա: Մենք պիտի գտնենք լուծումներ, որոնք կփոխեն ճյուղային կառուցվածքը, աևրտահանմանը միտված կլինեն, հետևաբար՝ կունենանք այնպիսի ոլորտների արդյունքի արտահանում, որ գնահատվել է որպես նախապատվելի: Հնարավո՞ր էր սրան հասնել 2018 թ., թե՞ ոչ: Պիտի համաձայնեք, որ որևէ տնտեսության գործողություն կամ իրադարձության ազդեցությունը որոշակի շրջափուլ է ենթադրում: Մենք չենք կարող ակնկալել, որ եթե այս տարի գործողություն արեցինք, հենց այս տարի ունենալու ենք դրա արդյունքները: Եկեք՝ չհամաձայնենք, որ ոչինչ չի փոխվել»,- նշեց Ջանջուղազյանը:
14:35 14.05.2025
Արարատ Միրզոյանը և Ալեն Բերսեն քննարկել են ՀՀ-ԵԽ փոխգործակցության հարցերըԼյուքսեմբուրգում կայացած քննարկումների ընթացքում ՀՀ ԱԳ նախարար Արարատ Միրզոյանը և ԵԽ գլխավոր քարտուղար Ալեն Բերսեն անդրադարձ են կատարել ՀՀ-ԵԽ փոխգործակցության հարցերի, այդ թվում՝ առաջիկա ծրագրերին։ Այս մասին հայտնում են ՀՀ ԱԳՆ-ից։ ...
14:33 14.05.2025
Ռուսաստանը պատրաստ է մայիսի 15-ին Ուկրաինայի հետ ուղիղ բանակցությունների․ ՈւշակովՌուսաստանը պատրաստ է մայիսի 15-ին Ստամբուլում վերսկսել Ուկրաինայի հետ ուղիղ բանակցությունները, ինչպես նշել էր Ռուսաստանի նախագահ Վլադիմիր Պուտինը, հայտարարել է ՌԴ նախագահի օգնական Յուրի Ուշակովը։ «Դուք գիտեք նախագահի մայիսի 11-ի հայտարարությունը, որ մենք պատրաստ ենք մայիսի 15-ին Ստամբուլում ուղիղ բանակցություններ սկսել։ Ավելի ճիշտ՝ նույնիսկ չսկսել, այլ վերսկսել այն բանակցությունները, որոնք ընդհատվել էին ուկրաինական կողմի կողմից […] ...
14:28 14.05.2025
ՊԵԿ պատվիրակությունը Բրյուսելում մասնակցել է մաքսային հարցերով ենթակոմիտեի հինգերորդ նիստինՊետական եկամուտների կոմիտեի պատվիրակությունը ՊԵԿ նախագահի տեղակալ Ռաֆայել Գևորգյանի գլխավորությամբ Բրյուսելում մասնակցել է Հայաստանի Հանրապետության և Եվրոպական Միության միջև կնքված Համապարփակ և ընդլայնված գործընկերության համաձայնագրի ներքո գործող մաքսային հարցերով ենթակոմիտեի հինգերորդ նիստին։ Նիստի ընթացքում ներկայացվել են մաքսային ոլորտին առնչվող օրենսդրական բարեփոխումները, ինչպես նաև մաքսային գործառնությունների թվայնացման ուղղությամբ երկու կողմերի ձեռքբերումները և առաջիկա քայլերը։ Քննարկվել է […] ...
14:21 14.05.2025
Թրամփը ցանկանում է Իրանին գործարք առաջարկել միջուկային զենքից հրաժարվելու դիմացԱՄՆ նախագահ Դոնալդ Թրամփը հայտարարել է, որ ցանկանում է համաձայնագիր կնքել Իրանի հետ, եթե վերջինս հրաժարվի միջուկային զենքի մշակումից։ «Ես ուզում եմ գործարք կնքել Իրանի հետ, եթե հնարավոր է ինչ-որ բան անել։ Բայց նրանք պետք է դադարեն ահաբեկչությունը հովանավորելուց, արյունալի միջնորդական պատերազմներ վարելուց և միջուկային զենք ստեղծելու նպատակից», – ասել է Թրամփը Միացյալ Նահանգների և […] ...
14:18 14.05.2025
Քննարկվել են Հայաստան-Իրան երկկողմ հարաբերությունների օրակարգում ընդգրկված առանցքային հարցերըՓոխվարչապետ Մհեր Գրիգորյանն ընդունել է Հայաստանի Հանրապետությունում Իրանի Իսլամական Հանրապետության դեսպան Մեհդի Սոբհանիին: Զրուցակիցները քննարկել են Հայաստան-Իրան երկկողմ հարաբերությունների օրակարգում ընդգրկված առանցքային հարցերը, անդրադարձել համագործակցությանը էներգետիկ և առևտրատնտեսական ոլորտներում: Մտքեր են փոխանակվել նաև տարածաշրջանային զարգացումների շուրջ: ...
14:11 14.05.2025
Հայաստանը շարունակում է հաստատակամորեն նվիրված լինել Հարավային Կովկասում կայուն խաղաղության և բարօրության առաջմղմանը․ ՄիրզոյանՀՀ ԱԳ նախարար Արարատ Միրզոյանը ելույթ է ունեցել Եվրոպայի խորհրդի Նախարարների կոմիտեի 134-րդ նստաշրջանում։ «Հարգելի՛ նախարար Բետել, Ցանկանում եմ իմ անկեղծ գնահատանքը հայտնել Ձեզ և Լյուքսեմբուրգի նախագահությանն այս դժվարին ժամանակներում ցուցաբերած նվիրված առաջնորդության համար։ Հարգելի՛ գործընկերներ, Այսօր մենք կանգնած ենք լուրջ մարտահրավերների առաջ։ Բազմակողմանիության քայքայումը, մարդու իրավունքների համակարգի թուլացումը, ժողովրդավարական արժեքների նահանջի մտահոգիչ միտումը և […] ...
