Հոկտեմբերին սպասվող 5 գլխավոր կինոպրեմիերաները

Աշունը ֆիլմեր դիտելու համար լավագույն ժամանակն է:  Հոկտեմբերը մեզ խոստանում է վառ պրեմիերաներ:

«Ջոկեր» (Joker)

Ֆիլմի պրեմիերան կլինի հոկտեմբերի 3-ին:

Այն ամերիկյան հոգեբանական թրիլլեր է, որում ներկայացվում է լեգենդար չարագործ Ջոկերը: Մեկ ամիս առաջ ֆիլմն արժանացել է Վենետիկի կինոփառատոնի մրցանակին՝ էլ ավելի գրավելով կինոմաններին: Նշենք, որ ժապավենը ներկայացնում է, թե ինչպես է ամաչկոտ և անհաջողակ ծաղրածու Արթուր Ֆլեքը վերածվում չարագործի, որից սարսափում է ողջ աշխարհը:

«Մալիֆիսենտա 2» (Maleficent: Mistress of Evil)

Պրեմիերան կկայանա հոկտեմբերի 17-ին:

Սա արկածային ֆիլմի շարունակությունն է, որը մեծ էկրաններին է դուրս եկել 2014 թվականին:

Մի քանի տարի անց, Մալիֆիսենտան (Անջելինա Ջոլի) անիծում է թագավորի դուստր Ավրորային (Էլ Ֆենինգ): Կախարդն ու երիտասարդ թագուհին անում են ամեն ինչ, որպեսզի չար ուժերից պաշտպանեն անտառը և դրա բնակիչներին:

«Մարդ-երկվորյակ» (Gemini Man)

Պրեմիերա՝ հոկտեմբերի 10:

Ֆանտաստիկ մարտաֆիլմի հիմքում ընկած է «Շազամ» և «Ընդմիշտ Շրեկ» ժապավենների վրա կատարած աշխատանքներով հայտնի Դարեն Լեմկեի պատմությունը: «Մարդ-երկվորյակ»-ի գաղափարը հանրաճանաչ ամերիկացի սցենարիստը հրապարակել է դեռ 1997-ին:

Ֆիլմի գլխավոր հերոս Հենրի Բրոգենը (Ուիլ Սմիթ) աշխատել է որպես վարձու մարդասպան: Տղամարդը որոշում է թոշակի անցնել և վերջապես խաղաղ ապրել: Նա հանդիպում է մի երիտասարդի, ով ապշեցուցիչ կերպով նման է իրեն: Հենրին ձգտում է պարզել, թե որտեղից է հայտնվել իր կլոնը:

«Ջեքսի» (Jexi)

Պրեմիերան կլինի հոկտեմբերի 10-ին:

Կինոն ստեղծողները շարունակում են պատկերացնել, թե ինչպիսին կլինի մեր ապագան և ակտիվորեն նկարահանում են արհեստական ​​ինտելեկտի վերաբերյալ ժապավեններ: Այդպիսի մի կինոֆանտազիա է «Ջեքսի» կատակերգությունը:

Օրվա ընթացքում գլխավոր հերոսը ձանձրալի աշխատանք է կատարում, իսկ երեկոն անցկացնում է համացանցում: Վերջերս նա գնել է սմարթֆոն, որն ունի զարմանալի ֆունկցիա: Վիրտուալ օգնական «Ջեքսին» ոչ միայն կարող է պատասխանել իր տիրոջ հարցերին, այլև համացանցում գտնել այն ամենը, ինչ հարկավոր է:

«Անձրևոտ օր Նյու Յորքում» (A Rainy Day in New York)

Պրեմիերա՝ 17 հոկտեմբերի:

Վուդի Ալլենի երկրպագուները երջանկությունից իրենց տեղը չեն գտնում: Պատճառն այն է, որ շուտով էկրաններին կհայտնվի նոր ռոմանտիկ կատակերգություն, որի ռեժիսորն ու սցենարիստն իրենց կուռքն է:

Իրադարձությունները տեղի են ունենում Նյու Յորքում: Կինը սկսնակ լրագրող է, որն անչափ ուրախանում է հայտնի ռեժիսորից հարցազրույց վերցնելու հնարավորությունիցամբ: Սակայն անձրևը փչացնում է բոլոր ծրագրերը…