21:00 25.10.2019
ՀՀ ԱԺ նախագահ Արարատ Միրզոյանը Եվրոպայի խորհրդի անդամ պետությունների խորհրդարանների նախագահների համաժողովի շրջանակում հոկտեմբերի 25-ին Ստրասբուրգում հանդիպել է Ֆրանսիայի Սենատի նախագահ Ժերար Լարշեի հետ:
Արարատ Միրզոյանը գոհունակություն է հայտնել հայ-ֆրանսիական հարաբերությունների ներկա մակարդակից և կարևորել բարձր մակարդակի կանոնավոր երկխոսության շարունակականությունը: Նա շեշտել է, որ դրա կարևորագույն բաղկացուցիչն են երկու խորհրդարանների միջև շփումները՝ հատկապես միջազգային խորհրդարանական կազմակերպություններում:
Կողմերը բարձր են գնահատել նաև հայ-ֆրանսիական բարեկամական խմբերի միջև սերտ համագործակցությունը:
Արարատ Միրզոյանը, մասնավորապես, բարձր է գնահատել Արցախի հետ Ֆրանսիայի Սենատի անդամների բարեկամության շրջանակի գործունեությունը, այդ թվում՝ դրա անդամների և ընդհանրապես խորհրդարանական պատվիրակությունների այցերն Արցախ:
Անդրադառնալով ԵՄ շրջանակում համագործակցությանը՝ Արարատ Միրզոյանը նշել է, որ Ազգային Ժողովը միջազգային իր բոլոր գործընկերներին հորդորում է հնարավորինս կարճ ժամկետում ավարտել ՀՀ-ԵՄ Համապարփակ և ընդլայնված համաձայնագրի վավերացման գործընթացը, որից հետո հնարավոր կլինի մեկնարկել վիզաների ազատականացման շուրջ երկխոսությունը Եվրամիության հետ: Նա, մասնավորապես, շեշտել է, որ Թավշյա հեղափոխությունից հետո և ժողովրդավարության զարգացմանը զուգահեռ հայ հասարակության շրջանում կան մեծ սպասումներ, և Հայաստանն ակնկալում է բարեկամ Ֆրանսիայի աջակցությունն այդ հարցում:
Ֆրանսիայի Սենատի նախագահի խնդրանքով Արարատ Միրզոյանն անդրադարձել է Լեռնային Ղարաբաղի հակամարտության խաղաղ կարգավորման արդի փուլին՝ ընդգծելով, որ Լեռնային Ղարաբաղի բնակչության բոլոր իրավունքները պետք է հարգվեն, անկախ այն հանգամանքից՝ Արցախը ճանաչված պետություն է, թե՝ ոչ:
Կարևորվել է Եվրոպայում առկա միտումը՝ դյուրացնելու միջազգային և Եվրոպայի խորհրդի կառույցների ներկայացուցիչների այցելությունը «գորշ գոտիներ»:
Վերահաստատելով հայ-ֆրանսիական առանձնահատուկ կապերը՝ Սենատի նախագահ Ժերար Լարշեն նշել է, որ ՀՀ-ԵՄ Համապարփակ և ընդլայնված համաձայնագրի վավերացումը գտնվում է Սենատի օրակարգում, և Սենատը մոտ ապագայում անդրադարձ կկատարի դրան: Բարձր գնահատելով Հայաստանի հանձնառությունը Լեռնային Ղարաբաղի հակամարտության բացառապես խաղաղ լուծմանը՝ Ժերար Լարշեն վերահաստատել է, որ Ֆրանսիան՝ որպես ԵԱՀԿ Մինսկի խմբի համանախագահ երկիր, կշարունակի ջանքեր գործադրել հիմնախնդրի խաղաղ և տևական կարգավորման համար:
16:26 12.07.2025
ԱՄՆ Պետդեպարտամենտի ավելի քան 1000 աշխատակից ազատվել է աշխատանքիցՈւրբաթ օրը ԱՄՆ Պետդեպարտամենտի 1107 քաղաքացիական աշխատակից և 246 դիվանագետ աշխատանքից ազատվելու մասին ծանուցումներ են ստացել, այս մասին հայտնում է CBS News-ը։ Փախստականների ընդունմամբ զբաղվող գրեթե բոլոր աշխատակիցները, այդ թվում՝ Աֆղանստանի վերաբնակեցման համակարգման գրասենյակը, ազատվել են աշխատանքից: Սոցիալական ցանցերում տեղադրված տեսանյութերում երևում է, թե ինչպես են Պետդեպարտամենտի աշխատակիցները ծափահարությունների ներքո լքում իրենց իրերը՝ իրենց հետ […] ...
16:10 12.07.2025
Էլինա Դանիելյանը և Լիլիթ Մկրտչյանը պարտվել են 2-րդ փուլի թայ-բրեյքում2025 թվականի շախմատի կանանց աշխարհի գավաթի երկրորդ փուլի թայ-բրեյքում Էլինա Դանիելյանը զիջեց գրոսմայստեր Անտոանետա Ստեֆանովային, իսկ Լիլիթ Մկրտչյանը՝ միջազգային վարպետ Ալեքսանդրա Մալցևսկայային: Այս մասին հայտնում են Հայաստանի շախմատի ֆեդերացիայից։ Երկրորդ փուլում պայքարից դուրս մնաց նաև աշխարհի ներկայիս գավաթակիր, գրոսմայստեր Ալեքսանդրա Գորյաչկինան, ով թայ-բրեյքում զիջեց միջազգային վարպետ Մերուերտ Կամալիդենովային: ...
15:54 12.07.2025
ՆԳՆ-ն հերքում է նախատեսված հանրահավաքին ընդառաջ արցախցիների նկատմամբ ճնշումների մասին պնդումներըՀայաստանի ներքին գործերի նախարարությունը հերքում է Արցախցիների իրավունքների պաշտպանության խորհրդի հայտարարությունն այն մասին, թե ՀՀ իշխանությունների կողմից իրենց նկատմամբ բռնաճնշումներ են իրականացվում՝ հուլիսի 12-ին կայանալիք հանրահավաքին ընդառաջ։ «Բռնաճնշումների վերաբերյալ պնդումը բացարձակապես չի համապատասխանում իրականությանը: ՆԳՆ ոստիկանությունը ինչպես ցանկացած, այնպես էլ այս հավաքի կազմակերպիչների հետ կազմակերպչական բնույթի հարցեր է քննարկում: Արտոնված հավաքի ընթացքում ՆԳՆ ոստիկանությունը պարտավոր […] ...
15:35 12.07.2025
Կալասի այցն արդյո՞ք շրջադարձ է ՀՀ-ԵՄ հարաբերություններում. Հեռանկար բանավեճԿալասի այցն արդյո՞ք շրջադարձ է ՀՀ-ԵՄ հարաբերություններում: Որքա՞ն են մերձ Եվրոպական միությունն ու Հայաստանը: Ի՞նչ էր նշանակում ԵՄ բարձր ներկայացուցչի հայտարարությունը: Ի՞նչ կարող է ակնկալել Հայաստանը անվտանգության ու պաշտպանության ոլորտում: Ինչքա՞ն հեռանալ Ռուսաստանից, որքա՞ն մոտենալ ԵՄ -ին: Որտե՞ղ է հարաբերությունների բալանսավորման սահմանը։ Այս թեմաների մասին իրենց կարծիքն են հայտնել «Հանուն սոցիալական արդարության» կուսակցության նախագահ, քաղաքագետ […] ...
15:16 12.07.2025
Շղթայական ավտովթար Երևան-Սևան ավտոճանապարհին՝ Հրազդանի վարչական տարածքումԱյսօր՝ հուլիսի 12-ին, խոշոր ու շղթայական ավտովթար է տեղի ունեցել Կոտայքի մարզում։ Ժամը 12։30-ի սահմաններում Երևան-Սևան ավտոճանապարհի Հրազդանի վարչական տարածքում բախվել են «Lexus», «Mercedes», «Kia», «Toyota Altezza», «BYD», «Daewoo» և «ԶԻԼ» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան։ Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, որտեղ էլ […] ...
