11:38 15.11.2019
ԱԺ-ն քննարկում է 2020թ. բյուջեի նախագիծը: Արտահերթ ելույթով այսօր հանդես կգան 3 նախարարերներ: Մինչ այդ, մտքերի փոխանակություն է, որի ժամանակ «Իմ քայլը» խմբակցության անդամ Վարազդատ Կարապետյանն առանձնացրեց այն կետերը, որոնք, իր կարծիքով, կարևորությամբ առանձնանում են:
«Կրթության մեջ կարևորում եմ 2 կետ՝ ռոբոտաշինության զարգացման ծրագիրը, որին մոտ 5 անգամ ավելի շատ գումար է հատկացվելու, քան 2018թ-ին: Այս ծրագրի շնորհիվ «Արմաթ» լաբորատորիաները հասանեի կլինեն գրեթե բոլոր դպրոցներում: Մյուս կարևոր պահը դպրոցական շենքերի, «Ապահով դպրոց» ծրագրի մեջ կատարվող 8 անգամ ավելի շատ ներդրումներն են լինելու: Անկախ նրանից, թե որ համայնքում է, Հայաստանում բոլոր աշակերտներն ունեն կրթական նույն պայմաններից օգտվելու իրավունք: Ինչքան շատ գումար հատկացնենք շենքային պայմանների բարելավմանը, այնքան ավելի լավ կրթություն կստանան Երևանից դուրս», ասաց Վարազդատ Կարապետյանը:
Սփյուռքի հետ կապված հարցերից նա կարևորեց և առանձնացրեց օտարերկրյա դպրոցներում հայոց լեզվի դասավանդման ծրագիրը, որտեղ մոտ 70 տոկոսով ավելի շատ գումար է հատկացվելու, քան 2018-ին: Ըստ նրա, սա պատասխանում է այն հարցին, թե ինչպիսի վերաբերմունք ունի Կառավարությունը, ԱԺ-ն հայոց լեզվի դասավանդմանն ընդհանրապես:
«Որ նախարարությունն ասում է՝ բուհերում հայոց լեզուն պարտադիր չլինի, քննարկումը պետք է տեղափոխվի այլ դաշտ: Բուհերին ասում ենք՝ դուք ունեք ակադեմիական ազատություն: Հայոց լեզու պետք է անցնենք դպրոցում, բուհում շարունակենք, բայց ինֆորմացիոն տեխնոլոգիաների մեջ դա մեկ այլ մասնագիտություն է, կենսաբանության մեջ՝ մեկ այլ: Բուհերն իրենք պետք է որոշեն, թե հայոց լեզուն ինչպես են շարունակում բուհերում։ Սա առողջ վերաբերմունք է դեպի հայոց լեզուն»,- նշեց նա:
Սոցիալական ոլորտում Վարազդատ Կարապետյանն առանձնացրեց երկրաշարժի հետևանքով անօթևան մնացածների բնակարանաշինության ծրագրին ուղղված 6.5 անգամ ավելի շատ գումարը, ինչը, ըստ նրա, նշանակում է, որ աղետի գոտին պետք է դադարի աղետի գոտի համարվել:
Տարածքային զարգացման առումով կարևորեց մի քանի ծրագրեր, այդ թվում ճանապարհաշինությանը հատկացվող գումարի քառակի աճը:
«Մինչև 10 անգամ աճում է «Հյուսիս-Հարավի» տարբեր հատվածերին տրվող գումարը, Գյումրի քաղաքում ճանապարահաշինությանը տրամադրվող գումարներն են աճում: Եթե այս տեմպով ճանապարհաշինությունը շարունակենք, 3-4 տարի հետո կարող ենք ասել, որ ճանապարհաշինության խնդիրը լուծված է», – ընդգծեց պատգամավորը:
Վարազդատ Կարապետյանը խոսեց նաև ծրագրերից, որոնք ունեն բարելավման կարիք: Մասնավորապես, առանձնացրեց 2 ծրագիր՝ կապված Երևանի հետ․ մեկը՝ լուսավորության, մյուսը՝ ճանապարհների փոսալցման:
«Դրանց հատկացվող գումարները մեծ են, Երևանին նման գումար տրամադրելով՝ խախտում ենք համաչափ զարգացման ծրագիրը: Երևանի բյուջեն առանց այդ էլ 3 անգամ ավելի շատ է, քան Հայաստանի մյուս շրջանների ծրագիրը: ՓՄՁ, արդյունաբերության և տուրիզմին ուղղվող ծրագրերը պետք է փոփոխվեն»,- նկատեց Վարազդատ Կարապետյանը:
Մանրամասները` տեսանյութում:
12:17 21.07.2025
Ռոմանոս Պետրոսյանն առաջին անգամ ներկայացել է ՀԷՑ՝ աշխատանքի
12:11 21.07.2025
ՀՀ-ն երբեւէ որեւէ մեկի հետ չի քննարկել, չի քննարկում և չի քննարկելու Ադրբեջանի նախագահի նշած անվանաբանությունը եւ դրանից բխող տրամաբանությունը. Վարչապետի խոսնակՎարչապետի մամուլի խոսնակ Նազելի Բաղդասարյանը «Արմենպրես»-ի խնդրանքով մեկնաբանել է Ադրբեջանի նախագահի վերջին հայտարարությունները։ -Տիկին Բաղդասարյան, Ադրբեջանի նախագահ Իլհամ Ալիևը միջազգային մեդիաֆորումի ընթացքում, զարգացնելով «Զանգեզուրի միջանցքի» խոսույթը, հայտարարել է, թե «ադրբեջանական բեռները և Ադրբեջանի քաղաքացիները չպետք է հանդիպեն հայկական սահմանապահ ծառայությանը կամ որևէ այլ մեկին», ու հաղորդակցության այդ ուղին ադրբեջանական կողմը դիտարկում է որպես անարգել և […] ...
12:07 21.07.2025
Տարադրամի փոխարժեքները հուլիսի 21-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383 դրամ, վաճառքի նվազագույն արժեքը՝ 385․50 դրամ: Եվրոյի առքի առավելագույն արժեքն է 442 դրամ, վաճառքի նվազագույն արժեքը՝ 450 դրամ: Ռուսական ռուբլու առքի առավելագույն արժեքն է 4․84 դրամ, վաճառքի նվազագույն արժեքը՝ 4.93 դրամ: ...
11:46 21.07.2025
Բացահայտվել են ՀՀ ՆԳՆ և ՊԵԿ պաշտոնատար անձանց կողմից շուրջ 800.000 ՀՀ դրամ և 10.000 ԱՄՆ դոլար կաշառք ստանալու դեպքերՀՀ հակակոռուպցիոն կոմիտեի կողմից իրականացված օպերատիվ-հետախուզական միջոցառումների հիման վրա նախաձեռնված քրեական վարույթով կատարված նախաքննությամբ պարզվել է, որ ՀՀ ՆԳՆ Արտաշատի հաշվառման-քննական բաժանմունքի պաշտոնատար անձը, իր ծառայողական լիազորություններն օգտագործելով մի շարք անձանց օգտին ապօրինի գործողություններ կատարելու համար, նրանցից ստացել է տարբեր չափերի կաշառք: Մասնավորապես՝ պարզվել է, որ ՆԳՆ պաշտոնատար անձը, 2025 թվականի հունվարից ապրիլն ընկած ժամանակահատվածում մի շարք անձանցից ձևական գործնական քննություն ընդունելու, դրական գնահատելու և նրանց վարորդական վկայականներում մեկ դեպքում «B», երկու այլ դեպքերում՝ «BE» և «CE» կարգեր ավելացնելու գործընթացը կազմակերպելու համար, իրեն օժանդակող 3 անձանց միջոցով նրանցից պահանջել և ստացել է համապատասխանաբար 180.000, 250.000 և 350.000 ՀՀ դրամ կաշառք: Արդյունքում՝ վերը նշված պաշտոնատար անձը նրանցից ընդունել է ձևական քննություններ և նշանակել դրական գնահատականներ՝ վերջիններիս տրամադրելով համապատասխան կարգերի վարորդական վկայականներ: Նույն քրեական վարույթով կատարված նախաքննությամբ բացահայտվել է նաև ՀՀ պետական եկամուտների կոմիտեի համալիր հարկային ստուգումների վարչության համապատասխան բաժնի գլխավոր հարկային տեսուչի կողմից խոշոր չափերով կաշառք ստանալու դեպք: Մասնավորապես՝ պարզվել է, որ վերջինս, հանդիսանալով ստուգող խմբի ղեկավար, նույն բաժնի երկու այլ գլխավոր հարկային տեսուչների հետ 2024 թվականի սեպտեմբերի 19-ից 2025 թվականի փետրվարի 12-ն ընկած ժամանակահատվածում հարկային համալիր ստուգում է իրականացրել վերը նշված ՆԳՆ պաշտոնյայի կողմից կաշառք ստանալուն օժանդակած անձանցից մեկին պատկանող ընկերությունում: Ստուգման ընթացքում հարկային տեսուչը նշված ընկերությունում առաջիկա 3 տարիների ընթացքում ստուգումներ չիրականացնելու համար տնտեսվարողից պահանջել է խոշոր չափերով՝ 4.000.000 ՀՀ դրամ կաշառք՝ պայմանով, որ վերջինս պետք է կատարի համալիր հարկային ստուգման ընթացքում հայտնաբերված և նախկինում չկատարված՝ շուրջ 6.000.000 ՀՀ դրամի չափով հարկային պարտավորությունները: Պայմանավորվածության համաձայն՝ 2025 թվականի փետրվարի 17-ին ՊԵԿ գլխավոր տեսուչն անձամբ ստացել է կաշառքի առարկա հանդիսացող 3.963.900 ՀՀ դրամին համարժեք 10.000 ԱՄՆ դոլար գումարը: Կաշառք ստանալու, տալու, կաշառք ստանալուն և տալուն օժանդակելու համար մեղադրանքներ են ներկայացվել 11 անձի, այդ թվում՝ ՀՀ ՆԳՆ Արտաշատի հաշվառման-քննական բաժանմունքի պաշտոնատար անձին և ՊԵԿ գլխավոր հարկային տեսուչին: Մեղադրյալներից 3-ի նկատմամբ որպես խափանման միջոց է ընտրվել կալանքը: Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան: ...
11:30 21.07.2025
ՀԱՄԱՍ. Գազայի ավելի քան 2 միլիոն բնակիչներ կանգնած են սովամահության վտանգի առաջԳազայի հատվածի ավելի քան 2 միլիոն բնակիչ սովամահության վտանգի տակ է Իսրայելի կողմից անկլավի շարունակական շրջափակման պատճառով: Այս մասին ասվում է պաղեստինյան արմատական ՀԱՄԱՍ շարժման հայտարարության մեջ, որը տեղադրվել է Telegram ալիքում: «Գազայում ավելի քան երկու միլիոն քաղցած մարդ կարող է մահանալ սովից, իսկ ավելի քան 650,000 երեխա տառապում է ծանր թերսնումից», -ասվում է հայտարարության […] ...
11:13 21.07.2025
Ֆրանսիայի արտգործնախարարը մեկնում է Կիև՝ դեսպանների հետ հանդիպմանՖրանսիայի արտաքին գործերի նախարար Ժան-Նոել Բարոն այսօր կլինի Կիևում։ Նա կմասնակցի դեսպանների հետ հանդիպմանը։ Այս մասին հայտնել է Բարոն X-ում: «Ես մեկնում եմ Կիև։ Ես կմասնակցեմ դեսպանների համաժողովին և Ֆրանսիայի անունից կվերահաստատեմ մեր անսասան աջակցությունը ուկրաինացի ժողովրդի ինքնիշխանությանը, տարածքային ամբողջականությանը և ազատությանը», – գրել է նա։ Ֆրանսիայի արտաքին գործերի նախարարության ղեկավարը նաև լուսանկար է հրապարակել […] ...
