17:15 23.03.2020
Կանխարգելիչ միջոցառումների համակարգման մարզային օպերատիվ շտաբի ուշադրության կենտրոնում են բուժհաստատությունները. նրանք փորձում են բնակչության հետ սերտ շփման մեջ գտնվող առաջնային օղակի բուժանձնակազմին ապահովել անհրաժեշտ արտահագուստով ու պարագաներով, ժամանակին կազմակերպել վիրուսի կասկածելի ախտանշաններ ունեցող քաղաքացիների տեղափոխումն ինֆեկցիոն հիվանդանոց կամ ապահովել նրանց հետ շփման մեջ գտնվող մարդկանց ինքնամեկուսացումը։
Մարզային շտաբի ղեկավար, Շիրակի մարզպետ Տիգրան Պետրոսյանը SHANTNEWS.am-ի հետ զրույցում նշել է, որ այս ընթացքում դպրոցներում առկա արագ փչացող սնունդը տրամադրել են սոցիալապես անապահով ընտանիքներին, բացի դրանից, պարետի ցուցումով մարզային շտաբը հետևում և արձանագրում է շուկայում և սուպերմարկետներում առկա վիճակը, գնային փոփոխությունները։
«Ամեն մեկին երկու կիլոգրամ պանիր է տրվում, 2 կգ հավի միս, 5 կգ կաղամբ, 5 կգ խնձոր, սոխը, կարմիր ճակնդեղը և գազարն ընդհանուր՝ 3 կգ և կարտոֆիլը՝ 7 կգ»,- բաշխվող սննդամթերքն ու բանջարեղենն է ներկայացնում Գյումրիի թիվ 30 հիմնական դպրոցի տնօրեն Կարեն Ստեփանյանը։
Գյումրիի թիվ 30 հիմնական դպրոցի տնօրենը ցույց է տալիս բանջարեղենի ու սննդամթերքի այն տեսականին, որը մնացել էր դպրոցի պահեստներում։ Արդեն մեկ շաբաթ է՝ դպրոցներում դաս չկա, մարզպետի որոշմամբ՝ արագ փչացող սնունդը տնօրենները հավասարաչափ բաժանում են իրենց հաստատություններում սովորող սոցիալապես անապահով աշակերտների ընտանիքներին։
«Մենք ունենք ցուցակ անապահով ընտանիքների, որոնց երեխաները սովորում են մեր դպրոցում, բաշխել ենք այդ անապահով ընտանիքների միջև, մասնակցել է նաև դպրոցի ծնողական խորհրդի նախագահը»,- ասում է Գյումրիի թիվ 23 միջնակարգ դպրոցի տնօրեն Հակոբ Գևորգյանը։
Գյումրիի թիվ 23 միջնակարգ դպրոցի պահեստում մնացած բանջարեղենն ու սնունդն էլ բաշխվել է ութ սոցիալապես անապահով ընտանիքի միջև։ Այստեղ «Կայուն սնունդ» ծրագրում ներառված են նախակրթարանի ու առաջինից չորրորդ դասարանների 630 երեխաներ, նրանց տրամադրվող սնունդը դպրոցը ձեռք էր բերել մեկշաբաթյա արձակուրդից հետո, բայց արտակարգ դրություն հայտարարելու և դասապրոցեսը դադարեցնելու պատճառով ամբողջությամբ իրացնել չէր հասցրել։
Սնունդը բաշխելու հրահանգ մարզպետից ստացել էին նաև համայնքները, նույն ընթացակարգով առավել խոցելի ընտանիքներին էին տրամադրել իրենց ենթակայությամբ գործող մանկապարտեզների սննդամթերքը։ Ուշադրության կենտրոնում են նաև մարզի բուժհաստատությունները, մարզային օպերատիվ շտաբն իր հնարավորությունների սահմանում փորձում է հիվանդանոցներին ու բուժաշխատողներին տրամադրել անհրաժեշտ արտահագուստ։
«Այս փուլում առաջնահերթ ուշադրության կենտրոնում է մեր առողջապահական ոլորտը, որը առաջին պատվարն է ռիսկերի կանխարգելման գործում։ Այս տեսանկյունից շատ կարևոր է, որ մեր ոլորտի դերակատարներն անձամբ պաշտպանված լինեն, իրենք ունենան այդ հմտությունները, ինչն այս պարագայում նաև մեր գործընկեր կառույցների կողմից ենք փորձում լուծել»,- նշում է Շիրակի մարզպետ Տիգրան Պետրոսյանը:
Տարբեր գերատեսչությունների պատասխանատուներից ձևավորված օպերատիվ շտաբի ուշադրության կենտրոնում են հանրային միջոցառումներ անցկացնելու համար նախատեսված պետական ու մասնավոր կառույցները։
Հարսանյաց սրահներն արդեն դադարեցրել են իրենց գործունեությունը, իսկ թաղման արարողությունները կատարվում են խիստ սահմանափակ մարդկանց մասնակցությամբ։
Ռիսկային շղթան կոտրելու համար Գյումրիում ու մարզի մյուս բնակավայրերում կատարվում են նաև հանրային վայրերի, բազմաբնակարան շենքերի մուտքերի ու կանգառների, հանրային տրանսպորտի ախտահանման աշխատանքներ։
Պարետի հանձնարարությամբ օպերատիվ շտաբը վերահսկում ու արձանագրում է նաև շուկայի ու սուպերմարկետների գնային փոփոխությունները։
Իսկ հետագա աշխատանքներն ավելի համակարգված իրականացնելու համար մարզպետարանը սկսել է նաև կամավորների հավաքագրման գործընթաց։ Արդեն քաղաքացիներից աջակցության բազմաթիվ դիմումներ են ստացել։
«Մասնավոր զանգեր են գալիս, մարդիկ իրենց մեքենաներով պատրաստ են օգնել մեզ որոշակի գործառույթներ իրականացնել, շատ ոգևորված են նաև այն հանգամանքով, որ Գյումրիում Բժշկական համալսարանի ուսանողներ կան, բուժակներ կամ բուժքրոջ մասնագիտություն ունեցող մարդիկ, ովքեր պատրաստ են կամովին գալ և աջակցել թե՛ մեր բուժանձնակազմին, թե՛ հիվանդանոցներին»,- կամավորների հայտերի մասին է պատմում Տիգրան Պետրոսյանը:
09:40 05.05.2025
Al Jazeera. Իսրայելի հարվածները Գազայում 19 մարդու կյանք են խլել
08:55 05.05.2025
Ստեփանծմինդա-Լարս ավտոճանապարհը բաց է
08:30 05.05.2025
Պակիստանը հայտարարել է, որ պատրաստ է «պատշաճ պատասխան տալ թշնամուն»
08:13 05.05.2025
Հրդեհ ավտոմեքենայում
08:06 05.05.2025
Փրկարարները մասնատել և հեռացրել են ծառը երթևեկելի հատվածից
23:30 04.05.2025
Թրամփը բացառել է, որ Կանադան ուժով կմիանա ԱՄՆ-ին
21:28 04.05.2025
Կուբայի նախագահը մեկնել է Ռուսաստան՝ Հաղթանակի 80-ամյակի առթիվ
20:38 04.05.2025
Մայր Տաճարում կատարվել է քահանայական ձեռնադրություն
17:52 04.05.2025
ՃՏՊ Իջևան-Դիլիջան ավտոճանապարհին․ կան տուժածներ
17:18 04.05.2025
Հաղթանակի օրը Մոլդովայում նշվելու է ողջ երկրում
16:40 04.05.2025
Տեխասում երկրաշարժ է տեղի ունեցել
14:40 04.05.2025
SpaceX-ի Տեխասի բազան կդառնա անկախ քաղաք
10:14 04.05.2025
Երկրաշարժ Գավառ քաղաքից 13 կմ հարավ-արևելք
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
10:00 05.05.2025
Al Arabiya. ԱՄՆ-ը հարվածներ է հասցրել հութիների զենքի պահեստներին ՍանայումԱՄՆ զինվորականները մի շարք հարվածներ են հասցրել Սանայում տեղակայված թիրախներին, որը գրավել էին հութիները՝ «Անսար Ալլահ» ապստամբ շարժումից։ Այս մասին հայտնում է Al Arabiya հեռուստաալիքը։ Դրա աղբյուրների համաձայն՝ ԱՄՆ-ը առնվազն երեք ավիահարված է հասցրել այն պահեստներին, որոնք օգտագործում էին հութիները՝ Սանայի հարավում գտնվող Աս-Սավադ շրջանում զենք պահելու համար: Ավելի վաղ «Անսար Ալլահ»-ի կողմից վերահսկվող Al […] ...
09:51 05.05.2025
Թրամփը չի բացառել մայիսին Պուտինի հետ հանդիպումը Սաուդյան ԱրաբիայումԱՄՆ նախագահ Դոնալդ Թրամփը կիրակի օրը հայտարարել է, որ կքննարկի Ռուսաստանի առաջնորդ Վլադիմիր Պուտինի հետ Սաուդյան Արաբիայում մայիսի կեսերին թագավորություն այցի ժամանակ հանդիպելու հարցը: Լրագրողները պետության ղեկավարին հարցրել են, թե արդյոք նա մտադիր է հանդիպել իր ռուս գործընկերոջ հետ իր նախատեսվող շրջագայության ընթացքում։ «Չգիտեմ, պետք է մտածենք այդ մասին»,- պատասխանել է ԱՄՆ նախագահը։ Ավելի վաղ […] ...
09:40 05.05.2025
Al Jazeera. Իսրայելի հարվածները Գազայում 19 մարդու կյանք են խլելԳազայի հյուսիսում Իսրայելի նոր հարվածների հետևանքով առնվազն 19 մարդ է զոհվել։ Այս մասին հայտնում է քաթարյան Al Jazeera հեռուստաալիքը։ Երկուշաբթի օրը իսրայելական ուժերը հարվածներ են հասցրել Գազա եւ Բեյթ Լահիա քաղաքների բնակելի շենքերին։ Հարձակման հետեւանքով վիրավորվել է 15 մարդ, կան նաեւ անհետ կորածներ։ Մարտի 18-ին իսրայելական բանակը վերսկսել է ռազմական գործողությունները Գազայի հատվածում՝ լայնածավալ հարվածներ […] ...
09:33 05.05.2025
Սուրեն Պապիկյանի գլխավորած պատվիրակությունը մեկնել է Հունաստանի ՀանրապետությունՄայիսի 5-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Հունաստանի Հանրապետություն։ Այս մասին հայտնում են ՀՀ ՊՆ-ից։ ...
09:30 05.05.2025
Իրանը հայտարարել է 1200 կմ հեռահարությամբ նոր հրթիռի հաջող փորձարկման մասինԻրանը հաջողությամբ փորձարկել է 1200 կմ հեռահարությամբ նոր բալիստիկ հրթիռ։ Այս մասին IRIB հեռուստաալիքի եթերում հայտարարել է Իսլամական Հանրապետության պաշտպանության նախարար Ազիզ Նասիրզադեն։ Նրա խոսքով՝ հրթիռը «արձակվել է ավելի քան 1200 կմ հեռավորությունից», այն ունակ է ճշգրիտ հայտնաբերելու և խոցելու թիրախները, ինչպես նաև դիմադրում է միջամտությանը։ Նասիրզադեն ընդգծել է, որ Իրանն ունի հրթիռների զգալի պաշար […] ...
09:22 05.05.2025
Ծանրորդ Հարություն Հովհաննիսյանը՝ ոսկե մեդալակիրՊերուի մայրաքաղաք Լիմայում ավարտին է մոտեցում պատանիների և երիտասարդների աշխարհի առաջնությունը: Այս մասին հայտնում են Հայաստանի Ծանրամարտի ֆեդերացիայից։ «Գերծանր քաշային պատանի ծանրորդների պայքարում Հայաստանի հավաքականի անդամ Հարություն Հովհաննիսյանը պոկում վարժությունում երեք հաջող մոտեցմամբ բարձրացրեց 140 կգ,145 կգ ու 150 կգ: Այս ձևում մեր մարզիկն արժանացավ ոսկե մեդալի: Հրում վարժությունում Հովհաննիսյանը բարձրացրեց 173 կգ: Երկամարտի 323 […] ...
