19:53 09.04.2020
Շիրակի մարզում արձանագրվել է կորոնավիրուսով վարակման 13 դեպք: Ըստ մարզպետ Տիգրան Պետրոսյանի՝ վարակակիրները հիմնականում մարզի երկու համայնքներից են` Գյումրիից և Անիի տարածաշրջանից: Այս ընթացքում գրանցվել է նաև կորոնավիրուսից բուժման երեք դեպք, հիվանդներից երկուսը Գյումրիի ինֆեկցիոն հիվանդանոց էին տեղափոխվել հանրապետության այլ բնակավայրերից:
«Էս պահին մենք Շիրակի մարզում ունենք մեկ մահվան դեպք, դա Մարալիկ քաղաքի 68-ամյա բնակիչն էր: 13 վարակակիրներ ունենք ինֆեկցիոն հիվանդանոցում, նրանց հետ շփված անձանց օղակը բացահայտելու և լոկալիզացնելու քայլեր են իրականացվում: Հիմա, երբ մարդկանց մեծ մասը տանն են նստած, մեր ամբողջ գործողությունները միտված են ռիսկի շղթայի նվազեցմանը, և շատ կարևոր է, որ ամբողջությամբ կարողանանք նպատակակետին հասնենք»,- նշեց Տիգրան Պետրոսյանը:
Շիրակի մարզպետի հավաստմամբ՝ մեկուսացվածների թիվը հարաբերական է և փոփոխական, քանի որ քաղաքացիների մի մասը մեկուսացվել է հիվանդանոցում և հատուկ նախատեսված վայրերում, իսկ մի մասը ինքնամեկուսացված է:
«Հիմա շատ կարևոր է, որ մեր մոտ օրեր առաջ տեղափոխվածների մեջ բուժման ավարտին մոտեցող մարդկանց քանակ ենք ստանում, մեկ հոգի արդեն դուրս է գրվել ինֆեկցիոն հիվանդանոցից, հետագա օրերին ևս սպասում ենք դուրս գրվողների, և սա կդառնա շարունակական գործընթաց»,- ասաց Շիրակի մարզպետը:
Անդրադառնալով Գյումրիի ինֆեկցիոն հիվանդանոցի ծանրաբեռնվածությանն ու առկա պայմաններին՝ Տիգրան Պետրոսյանը նշել է, որ դեռևս նախկին տուբերկուլյոզային բաժանմունքի մասնաշենքի հիվանդասենյակները բավարարում են մեկուսացված հիվանդների բուժման գործընթացը կազմակերպելու համար:
«Քանի որ այստեղ որոշակի սպեցիֆիկա կա, մի սենյակը տրամադրվում է հիմնականում մեկ հիվանդի, էս տեսանկյունից մենք էստեղ մոտենում ենք ծանրաբեռնվածության շեմին, բայց, քանի որ հիմա նաև մեկուսացված քաղաքացիների դուրս գրվելու ժամկետներն են մոտենում, մենք ակնկալիք ունենք, որ այլ տեղերում ծավալ մեծացնելու կարիք չենք ունենա, եթե ունենանք, նաև դրան ենք պատրաստ, էդ սցենարներն առողջապահության նախարարությունն ու ոլորտային պատասխանատուներն արդեն քննարկել են»,- SHANTNEWS.am-ի հետ զրույցում նշեց Տիգրան Պետրոսյանը:
Շիրակի մարզպետը հայտնել է նաև, որ մարզում արձանագրվել է ևս մեկ բուժաշխատողի կորոնավիրուսով վարակման դեպք, որը Ինֆեկցիոն հիվանդանոցի աշխատակիցներից է:
«Մեկ բժիշկ ունենք վարակված, դեպքը հաստատվել է երեկ, ինքն ուղղակիորեն աշխատանք չի ունեցել տուբերկուլյոզային բլոկում մեկուսացված հիվանդների հետ, էնտեղ չի աշխատել, բայց նաև, մեծ հավանականությամբ, շփում է ունեցել վարակակիր մարդու հետ` մինչև թեստավորումը, որին կարիք էր եղել բժշկական աջակցություն ցուցաբերել»,- նշել է Տիգրան Պետրոսյանը:
Իսկ Գյումրիի Ինֆեկցիոն հիվանդանոցի տնօրեն Աստղիկ Բեյբությանն էլ SHANTNEWS.am-ին հայտնել է, որ կորոնավիրուսով վարակվածը իրենց բժշկուհիներից է, և այս պահին վիճակը լավ է:
«Մեր բժշկուհիներից է, մեկուսացված է, բայց ոչ մեր հիվանդանոցում, այլ վայրում է, իր ընտանիքի անդամները ևս մեկուսացված են, թե ինչպես վարակվեց, դեռ հայտնի չէ, առողջական վիճակը կայուն է»,- նշել է Աստղիկ Բեյբությանը:
Օրեր առաջ մեկուսացված «Գյումրի» ԲԿ-ի 29 աշխատակիցների վիճակը ևս լավ է, նրանք բարձր ջերմություն կամ կորոնավիրուսին բնորոշ ախտանշաններ չունեն:
18:53 14.05.2025
Արագածոտնի մարզում «ՎԱԶ 2106»-ը բախվել է երկաթբետոնե արգելապատնեշին. կա տուժածԱյսօր՝ մայիսի 14-ին, ավտովթար է տեղի ունեցել Արագածոտնի մարզում: Ժամը 15:50-ի սահմաններում Արագածոտնի մարզի բնակիչ 44-ամյա Էդգար Հ.-ն իր վարած «ՎԱԶ 2106» մակնիշի ավտոմեքենայով Արտենի գյուղի վարչական տարածքում, դեռևս անհայտ հանգամանքներում, բախվել է երկաթբետոնե արգելապատնեշին: Ինչպես հայտնում է shamshyan.com-ը, վթարի հետևանքով 1 հոգի մարմնական վնավածքներով տեղափոխվել է «Թալին» բժշկական կենտրոն: Վթարի փաստով Թալինի քննչական բաժնում […] ...
18:44 14.05.2025
«Արթիկ» քրեակատարողական հիմնարկում հայտնաբերվել են արգելված իրեր և կասկածելի զանգվածներՔրեակատարողական ծառայության կենտրոնական մարմնի օպերատիվ վարչության «Արթիկ» տարածքային բաժնի ծառայողները նույն հիմնարկի անվտանգության ապահովման բաժնի ծառայողների հետ համատեղ, իրացնելով նախապես ստացված օպերատիվ տեղեկությունները, հատուկ հսկողություն են սահմանել դատապարտյալներ Ա․Հ․-ի և Ա․Ս․-ի, ինչպես նաև նրանց մոտ կարճատև տեսակցության եկած երկու քաղաքացու նկատմամբ։ Տեսակցությունների ընթացքում ծառայողները նկատել են, որ դատապարտյալ Ա․Հ․-ն փորձում է մյուս դատապարտյալին փոխանցել կասկածելի […] ...
18:33 14.05.2025
Տեղի է ունեցել Կանանց հարցերով խորհրդին կից աշխատանքային խմբի հանդիպումըՀՀ գենդերային քաղաքականության իրականացման 2025-2028թթ․ ռազմավարության շրջանակում 2025 թ․ ընթացքում կատարման ենթակա միջոցառումները քննարկելու նպատակով այսօր տեղի է ունեցել Կանանց հարցերով խորհրդին կից աշխատանքային խմբի հանդիպումը, որին մասնակցել են շահագրգիռ գերատեսչությունների, կանանց հիմնահարցերի ոլորտում ակտիվ գործունեություն իրականացնող միջազգային և հասարակական կազմակերպությունների ներկայացուցիչներ։ Ընդգծելով Ռազմավարության մշակման և իրականացման գործընթացում փորձագիտական համայնքի, զարգացման գործընկերների ակտիվ մասնակցության դերը՝ […] ...
18:23 14.05.2025
Սուրեն Պապիկյանը ՄԱԿ-ի խաղաղապահության նախարարական հանդիպման շրջանակում հանդես է եկել ելույթովՄայիսի 14-ին ՀՀ պաշտպանության նախարար Սուրեն Պապիկյանը ՄԱԿ-ի խաղաղապահության նախարարական հանդիպման շրջանակում հանդես է եկել ելույթով: Ողջունելով հանդիպման մասնակիցներին՝ Սուրեն Պապիկյանն իր ելույթում նշել է միջազգային խաղաղապահ գործընթացներին Հայաստանի աջակցության մասին և ներկայացրել ՀՀ նոր հանձնառությունները՝ ՄԱԿ-ի խաղաղապահ առաքելություններում ներգրավվելու համար համապատասխան պատրաստությամբ անձնակազմի տրամադրում, խաղաղապահների պատրաստության միջազգային դասընթացների կազմակերպում Հայաստանում և ՄԱԿ-ի առաքելություններում կին […] ...
18:14 14.05.2025
Թրամփը չի բացառել իր մասնակցությունը Ստամբուլում կայանալիք ռուս-ուկրաինական բանակցություններինԱՄՆ նախագահ Դոնալդ Թրամփը չի բացառել Ռուսաստանի և Ուկրաինայի միջև մայիսի 15-ին Թուրքիայում նախատեսված բանակցություններին իր մասնակցությունը, սակայն չգիտի՝ արդյոք Ռուսաստանի նախագահ Վլադիմիր Պուտինը կմասնակցի՞, թե՞ ոչ։ Ինչպես «Արմենպրես»-ը տեղեկանում է Reuters-ից, այս մասին Կատար մեկնելիս նախագահական ինքնաթիռում լրագրողների հետ զրույցում նշել է Թրամփը։ «Նա (խմբ.՝ Պուտինը) կցանկանար, որ ես այնտեղ լինեմ, և դա հնարավոր […] ...
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
