23:09 20.04.2020
Չինացի գիտնականները հայտարարել են, որ հաջողությամբ կատարել են կորոնավիրուսի դեմ պատվաստանյութի փորձարկումներ մկների, առնետների և կապիկների վրա: Корреспондент պարբերականի փոխանցմամբ՝ իրենց փորձարկումների արդյունքները նրանք հրապարակել են bioRxiv գիտական գրադարանում:
Ըստ գիտնականների՝ PiCoVacc անվանումը ստացած մաքրված, ինակտիվացված պատվաստանյութի շնորհիվ՝ փորձարկվող կենդանիների օրգանիզմները հակամարմիններ են արտադրել, որոնք ունակ են չեզոքացնել SARS-CoV-2 վիրուսի առնվազն 10 տարբեր շտամմներ:
Այդ պատվաստանյութի քիչ կամ շատ դեղաչափերը մասամբ կամ լիովին պաշտպանել են COVID-19-ով վարակվելուց: Ինակտիվացված պատվաստանյութի ստեղծման համար գիտնականներն օգտագործել են Չինաստանում, Իտալիայում, Իսպանիայում և Մեծ Բրիտանիայում կորոնավիրուսով հիվանդացածների թոքերի հեղուկի նմուշներ: Դրանցում առկա վիրուսներից ամենակայունը գիտնականներն ընտրել են՝ որպես «ձևանմուշ» պատվաստանյութ ստանալու համար:
Մկների և առնետների վրա կատարված առաջին փորձարկումները ցույց են տվել, որ կենդանիները շատ լավ են ընդունել պատվաստումը և առաջին ներարկումներից մեկ կամ երկու շաբաթ հետո սկսել են մեծ քանակությամբ հակամարմիններ արտադրել: Այդ հակամարմինները չեզոքացրել են SARS-CoV-2-ի բոլոր 10 շտամմները:
Հաջողության հասնելուց հետո գիտնականները պատվաստանյութը փորձարկել են մակակների վրա: Կենդանիների մոտ իմունային ռեակցիա է առաջացել, որից հետո գիտնականները փորձել են նրանց վարակել նոր տեսակի կորոնավիրուսով:
Փորձերը ցույց են տվել, որ փոքր դեղաչափերի ներարկումը նվազեցրել է հիվանդության ախտանիշների սուր ընթացքը, իսկ դեղաչափի կրկնապատկումը մակակներին լիովին պաշտպանել է հիվանդությունից: Իսկ պատվաստումից հետո վիրուսի հետ երկրորդ անգամ շփվելիս կապիկների մոտ շատ ակտիվ իմունային պատասխան է գրանցվել:
Գործընթացը չի առաջացրել նաև այլ բացասական հետևանքներ, ինչից սովորաբար վախենում են վարակաբանները: Պատվաստանյութի հեղինակները գտնում են, որ սա թույլ կտա անցնել PiCoVacc-ի կլինիկական փորձարկումներին կամավորների վրա: Այդ փորձարկումները կսկսվեն մոտակա ժամանակներս:
Ի դեպ, ներկայումս աշխարհում մշակվում է կորոնավիրուսի դեմ շուրջ 70 պատվաստանյութ:
12:48 11.07.2025
Միացյալ Նահանգներն աջակցում է Հարավային Կովկասում խաղաղությունը և կայունությունը խթանելու ջանքերին․ Թեմի ԲրյուսՄիացյալ Նահանգներն աջակցում է Հարավային Կովկասում խաղաղության և կայունության խթանմանն ուղղված ջանքերին։ Այս մասին լրագրողների հետ ճեպազրույցում նշել է Միացյալ Նահանգների պետքարտուղարության խոսնակ Թեմի Բրյուսը։ Թեմի Բրյուսն պատասխանել է հարցին, թե արդյոք Վաշինգտոնը կոնկրետ պլան կամ առաջարկ ունի՝ աջակցելու Հայաստանի և Ադրբեջանի միջև խաղաղության համաձայնագրին։ «Միացյալ Նահանգներն աջակցում է Հարավային Կովկասում խաղաղությունը և կայունությունը խթանելու […] ...
12:40 11.07.2025
Հրայր Մկոյանը տեղափոխվել է «Վան»Գյումրիի «Շիրակի» պաշտպան Հրայր Մկոյանը պայմանագիր է կնքել «Վանի» հետ, հայտնում է Չարենցավանի ակումբի պաշտոնական էջը: 38-ամյա փորձառու կենտրոնական պաշտպանը, հարազատ «Շիրակից» բացի, խաղացել է նաև «Արարատում», «Ուլիսում», «Միկայում», «Գանձասարում», «Արարատ-Արմենիայում», «Ալաշկերտում», ինչպես նաև Ռուսաստանի, Իրանի և Չեխիայի առաջնություններում: Հրայր Մկոյանը Հայաստանի ազգային հավաքականում մասնակցել է 52 հանդիպման և խփել է 1 գոլ: Հիշեցնենք, որ […] ...
12:36 11.07.2025
Սիրանուշ Սահակյանը ՄԻԵԴ-ում փաստեր է ներկայացրել Բաքվի դատարանում Ռուբեն Վարդանյանի իրավունքների կոպտագույն խախտումների վերաբերյալՄարդու իրավունքների եվրոպական դատարանում (ՄԻԵԴ) հայ ռազմագերիների ներկայացուցիչ և փաստաբան Սիրանուշ Սահակյանը պարզաբանումներ է ներկայացրել Բաքվի դատարանում Ռուբեն Վարդանյանի իրավունքների կոպտագույն խախտումների վերաբերյալ: «Արմենպրես»-ի փոխանցմամբ՝ իրավապաշտպան Սիրանուշ Սահակյանը նշել է, որ կոպտորեն խախտվել են արդար դատաքննության երաշխիքները, մասնավորապես՝ կողմերի հավասարության և մրցակցության սկզբունքը: Թե՛ նախաքննական մարմինները, թե’ դատարանն անտեսել են պաշտպանական կողմի ներկայացրած բոլոր միջնորդությունները՝ […] ...
12:28 11.07.2025
ՆԱՏՕ-ում ԱՄՆ մշտական ներկայացուցիչը կարծում է, որ Եվրոպան պետք է ստանձնի Ուկրաինայի համար ծախսերի առյուծի բաժինըԵվրոպացիները պետք է ստանձնեն Ուկրաինային աջակցելու ծախսերի զգալի մասը, հինգշաբթի Newsmax-ին ասել է ՆԱՏՕ-ում ԱՄՆ մշտական ներկայացուցիչ Մեթյու Ուիթաքերը։ «Եվրոպացի դաշնակիցները պետք է ստանձնեն Ուկրաինային ցուցաբերվող աջակցության առյուծի բաժինը։ ՆԱՏՕ-ի դաշնակիցները մեծացրել են իրենց պատրաստակամությունը՝ ստանձնելու եվրոպական մայրցամաքի ավանդական պաշտպանությունը՝ միաժամանակ ավելի մեծ պատասխանատվություն ստանձնելով Ուկրաինային զենքի մատակարարման համար», – ասել է մշտական ներկայացուցիչը։ ...
12:17 11.07.2025
Լավրովը Ռուբիոյի հետ հանդիպման ժամանակ հաստատել է Ռուսաստանի նախկին դիրքորոշումն Ուկրաինայի հարցումՌուսաստանի արտաքին գործերի նախարար Սերգեյ Լավրովը հայտարարել է, որ Կուալա Լումպուրում ԱՄՆ պետքարտուղար Մարկո Ռուբիոյի հետ հանդիպման ժամանակ վերահաստատել է Ռուսաստանի նախկին դիրքորոշումը Ուկրաինայի իրավիճակի վերաբերյալ։ «Մենք քննարկեցինք Ուկրաինայի հարցը, հաստատեցինք Ռուսաստանի նախագահ Վլադիմիր Պուտինի արտահայտած դիրքորոշումը», – նշել է Լավրովը Կուալա Լումպուրում ԱՍԵԱՆ-ի միջոցառումներին մասնակցելուց հետո կայացած մամուլի ասուլիսում։ ...
12:07 11.07.2025
Ստեղծագործ երիտասարդները ներկայացրել են կենսաչափական նոր փաստաթղթերի մշակման նորարար գաղափարներՆԳ նախարարի տեղակալ Արմեն Ղազարյանն ու Միգրացիայի և քաղաքացիության ծառայության պետ Նելլի Դավթյանը հանդիպել են «Հակոբ Կոջոյան» կրթահամալիրի սաների հետ։ Կազմակերպված ցուցահանդեսի շրջանակում ՆԳՆ ներկայացուցիչները ծանոթացել են սովորողների աշխատանքներին։ Կրթահամալիրի սաները կիսվել են կենսաչափական նոր փաստաթղթերի մշակման վերաբերյալ իրենց նախագծերով, ներկայացրել նոր դիզայնի վերաբերյալ պատկերացումներն ու ժամանակից լուծումները։ «Հակոբ Կոջոյան» կրթահամալիրի տնօրեն Ռուզաննա Երեմյանի խոսքով՝ […] ...
