12:00 02.07.2020
Ավստրալիայի վարչապետ Սքոթ Մորիսոնն արձագանքել է Չինաստանի կողմից Հոնկոնգում ազգային անվտանգության մասին նոր օրենքի ընդունմանը։ Reuters լրատվական գործակալության փոխանցմամբ՝ նա ասել է, որ Ավստրալիան պատրաստ է ապաստան տրամադրել Հոնկոնգի բնակիչներին։
Մինչև այս Բրիտանիայի վարչապետ Բորիս Ջոնսոնը Մեծ Բրիտանիայում ապրելու և աշխատելու հնարավորություն էր առաջարկել այն հոնկոնգցիներին, ովքեր ունեն բրիտանական միջազգային անձնագիր ստանալու իրավունք, հաղորդում է CNN-ը։ Ըստ հաշվարկների՝ այդ հնարավորությունից կարող է օգտվել շուրջ 3 մլն մարդ։ Չինաստանն արձագանքել է Բրիտանիայի այս հայտարարությանը՝ ասելով, որ համապատասխան միջոցներ կձեռնարկի հոնկոնգցիներին քաղաքացիություն շնորհելու ծրագիրն արգելափակելու համար։
Անվտանգության օրենքը ուժի մեջ է մտել հուլիսի 1-ին՝ Հոնկոնգի՝ Չինաստանի իրավասության տակ անցնելու 23-ամյակի օրը։ Հոնկոնգում բազմահազարանոց ցույց է տեղի ունեցել կենտրոնական իշխանությունների ընդունած օրենքի դեմ։ Reuters-ի փոխանցմամբ՝ ցույցը ցրելու համար ոստիկանությունն արցունքաբեր գազ է բաց թողել և ռետինե փամփուշտներ արձակել ակցիայի մասնակիցների վրա։ 300-ից ավելի մարդ ձերբակալվել է։
Պեկինի ընդունած նոր օրենքը կոչված է պայքարել այն գործողությունների դեմ, որոնք սպառնում են Հոնկոնգում ազգային անվտանգությանը։ Այդպիսի սպառալիքների թվում են անջատողականությունը, ահաբեկչությունը, պետական իշխանության խարխլումը և դավադրությունն օտարերկրյա ուժերի հետ։
Բրիտանիայի վարչապետի խոսքով՝ Պեկինի ընդունած օրենքը հակասում է 1984թ.-ին երկու երկրների ընդունած համատեղ հռչակագրին, որով բրիտանական անկլավ հանդիսացող Հոնկոնգը 1997թ.-ից անցնում էր Չինաստանի իրավասության ներքո, սակայն տարածքին 50 տարով ինքնավարություն էր տրվում՝ ըստ «մեկ երկիր, երկու համակարգ» համաձայնագրի։
12:32 19.08.2025
«Կալաշնիկովի» ինքնաձիգեր, ատրճանակ, պայթուցիչներով նռնակներ․ ապօրինի զենք-զինամթերքի հայտնաբերում Վայոց ձորի մարզումՔրեական ոստիկանության Վայոց Ձորի մարզային վարչության ծառայողների կողմից բնակչության շրջանում տարված բացատրական աշխատանքի շնորհիվ օգոստոսի 15-ին Վայոց Ձորի մարզի Ճգնաժամային կառավարման կենտրոն զանգահարել է մի տղամարդ ու հայտնել, որ Ագարակաձորի կամրջի տակ զենք-զինամթերք է թողել։ Մեկնած իրավապահները հայտնաբերել են «Կալաշնիկովի» ինքնաձիգեր, պահեստատուփեր, ատրճանակ, հրացանի փող՝ իր մեխանիզմով, տարբեր տեսակի նռնակներ՝ պայթուցիչներով, 9 հատ տրոտիլ, և […] ...
12:24 19.08.2025
Զելենսկու հետ հանդիպումից հետո Թրամփը զանգահարել է ՊուտինինՍպիտակ տունը X-ի իր էջում հրապարակել է ԱՄՆ նախագահ Դոնալդ Թրամփի լուսանկարը, որտեղ նա գտնվում է Օվալաձև աշխատասենյակում՝ Ռուսաստանի նախագահ Վլադիմիր Պուտինի հետ հեռախոսազրույցի ժամանակ։ Կադրում նաև պետքարտուղար Մարկո Ռուբիոն և փոխնախագահ Ջեյ Դի Վենսն են։ CNN-ը հայտնել է, որ Թրամփը Պուտինի հետ խոսել է բարձրախոսով։ Հեռախոսազրույցը տեղի է ունեցել Թրամփի, Ուկրաինայի նախագահ Վլադիմիր Զելենսկու […] ...
12:15 19.08.2025
Ինչ են միմյանց նվիրել Թրամփն ու ԶելենսկինՎլադիմիր Զելենսկին և ԱՄՆ նախագահ Դոնալդ Թրամփը նվերներ են փոխանակել Վաշինգտոնում կայացած հանդիպման ժամանակ. Զելենսկին գոլֆի մական է նվիրել, ամերիկացի առաջնորդին՝ Սպիտակ տան խորհրդանշական բանալիները, հայտնում է Զելենսկիի գրասենյակը։ «Զելենսկին Միացյալ Նահանգների նախագահին նվիրեց գոլֆի մական, որը նրան նվիրել էր Ուկրաինայի զինված ուժերի կրտսեր սերժանտը։ Դոնալդ Թրամփը ընդունեց նվերը և տեսանկարահանեց՝ շնորհակալություն հայտնելով ուկրաինացի զինվորին […] ...
12:05 19.08.2025
Օպերատիվ իրավիճակը հանրապետությունում օգոստոսի 18-19-ըԲացահայտվել է 161 հանցագործություն, որոնցից 10-ը՝ նախկինում կատարված: Մասնավորապես՝ 41 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 14 դեպք՝ ֆիզիկական ներգործության, 11-ական դեպք՝ անձնական ունեցվածքի գողության, խարդախության, 10-ական դեպք՝ թմրանյութի հայտնաբերման, թմրամիջոցներ պարունակող բույսեր ցանելու կամ աճեցնելու, 8-ական դեպք՝ մարմնական վնասվածք պատճառելու, հոգեկան […] ...
11:52 19.08.2025
Փաշինյանն ու Փեզեշքիանը նեղ կազմով հանդիպում են ունեցելՊաշտոնական այցով Հայաստան ժամանած ԻԻՀ նախագահ Մասուդ Փեզեշքիանի դիմավորման արարողությանը հաջորդեց նեղ կազմով հանդիպումը։ Այս մասին Ֆեյսբուքի իր էջում գրել է ՀՀ վարչապետ Նիկոլ Փաշինյանը։ ...
