Ամփոփվել են պետական աջակցության 17-րդ միջոցառման առաջին ու երկրորդ ծրագրերով դրամաշնորհային մրցույթների արդյունքները – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
11 07 2025
  • $
    383.74
  • RUBLE
    4.93
  • 450.05
WEATHER
+28.09 oC

Ամփոփվել են պետական աջակցության 17-րդ միջոցառման առաջին ու երկրորդ ծրագրերով դրամաշնորհային մրցույթների արդյունքները

15:41 17.09.2020

Կորոնավիրուսի (COVID-19) տնտեսական հետևանքների չեզոքացմանն ուղղված պետական աջակցության 17-րդ միջոցառման առաջին և երկրորդ ծրագրերի շրջանակներում հայտարարված դրամաշնորհային մրցույթների արդյունքներն արդեն հայտնի են: Այս մասին տեղեկացրին ԲՏԱ նախարարությունից։

17-րդ միջոցառումը նպատակ ունի լուծելու երկու կարևոր խնդիր՝

  • Ապահովելու արդյունավետ աշխատատեղերի պահպանումը ոլորտում,
  • Խթանելու արտադրանք՝ պրոդուկտ ստեղծող ընկերությունների զարգացումը երկրում կորոնավիրուսի տարածման պայմաններում:

Ծրագրի արդյունքները սեպտեմբերի 17-ին մամուլի ասուլիսի ժամանակ ներկայացրել է ՀՀ բարձր տեխնոլոգիական արդյունաբերության նախարարի տեղակալ Վիկտորիա Պողոսյանը:

Առաջին և երկրորդ ծրագրերի հայտերն ընդունվել են հունիսի 1-ից հուլիսի 1-ն ընկած ժամանակահատվածում, իսկ երրորդ ծրագրի՝ համաֆինանսավորման դրամաշնորհների հայտերն ընդունվելու են մինչև դեկտեմբերի 1-ը։

Առաջին և երկրորդ ծրագրերի հայտերի առաջին փուլի գնահատումն ավարտվել է օգոստոսի 11-ին, երկրորդ՝ փիչինգի փուլն անց է կացվել օգոստոսի վերջին՝ 20-29-ն ընկած ժամանակահատվածում:

Գնահատումն իրականացվել է անկախ մասնագիտական հանձնաժողովի կողմից, որի կազմում ընդգրկված են եղել փորձագետներ տեղական ստարտափ էկոհամակարգի, տեխնիկական, թվային զարգացման, ինովացիոն էկոհամակարգի ոլորտներից, տեխնոլոգիական սարքավորումների (hardware) մասնագետներ, ներկայացուցիչներ տեղական ասոցիացիաներից, ԲՏ նախարարությունից՝ որպես ծրագրի համակարգող՝ մեկ ներկայացուցիչ:

Հանձնաժողովը ծրագրի առաջին փուլում գնահատել է  հայտատուների կողմից ներկայացված դիմումներն ըստ հետևյալ չափորոշիչների՝

  • Առաջին դրամաշնորհ․

արտադրանքը՝ 15%, նորարարությունը՝ 20%, թիմը՝ 15%, շուկան՝ 10%, բիզնես պլանը՝ 15%, ռիսկը՝ 10%, ֆինանսները՝ 15%:

  • Երկրորդ դրամաշնորհ․

արտադրանքը՝ 20%, նորարարությունը՝ 15%, թիմը՝ 15%, շուկան՝ 10%, բիզնես պլանը՝ 15%, ռիսկը՝ 10%, ֆինանսները՝ 15%:

 

Երկրորդ՝ փիչինգի փուլում գնահատվել են բիզնես պլանը՝ 25%, իրագործելիությունը՝ 25%, ֆինանսական համապատասխանելիությունը և հիմնավորումը՝ 30%, ներկայացումը՝ 20%:

17-րդ միջոցառման առաջին ծրագրի շրջանակներում նորարարական դրամաշնորհներ կտրամադրվեն և պայմանագրեր կկնքվեն վերջին 2 տարում ՀՀ-ում գրանցված և արտադրանք ստեղծող իրավաբանական անձանց հետ: Ծրագրի շրջանակներում նախատեսված է մինչև 10 մլն ՀՀ դրամի չափով դրամաշնորհ յուրաքանչյուր հաղթող նախագծի համար:

Մրցույթն անցկացվել է երկու փուլով: Առաջին փուլին դիմել է 141 կազմակերպություն, որոնցից գնահատվել է 117 հայտ (24 հայտ անվավեր է  ճանաչվել): Հանձնաժողովի կողմից առավելագույն 10 միավորից 7.5 և ավել միավոր հավաքած հայտատուներն անցել են երկրորդ փուլ: Արդյունքում մրցույթի երկրորդ՝ փիչինգի փուլ է անցել 35 կազմակերպություն, որոնցից 23-ի հետ կկնքվեն դրամաշնորհային պայմանագրեր նախարարության կողմից, քանի որ բավարարել են բոլոր՝ նախանշված չափորոշիչներին:

Իրենց գաղափարների իրականացման համար այս կազմակերպություններին կտրամադրվի ընդհանուր շուրջ 227 մլն ՀՀ դրամ:

Ընկերությունները, որոնց հետ առաջին ծրագրի շրջանակներում կկնքվեն դրամաշնորհային պայմանագրեր, ունեն հետևյալ ոլորտային բաշխումը․

  • Արհեստական բանականություն՝ 32%,
  • Տվյալագիտություն՝ 19%,
  • Իրերի ինտերնետ՝ 14%,
  • Ռոբոտաշինություն՝ 11%,
  • Կապի ժամանակակից տեխնոլոգիաներ՝ 5%,
  • Բիոինժեներական տեխնոլոգիաներ՝ 5%,
  • Ռադիոէլեկտրոնիկա և միկրոէլեկտրոնիկա՝ 5%,
  • Էներգիայի պահեստավորման տեխնոլոգիաներ՝ 3%,
  • Գերհաղորդիչներ՝ 3%,
  • Այլ՝ 3%:

 

17-րդ միջոցառման երկրորդ ծրագրով՝ «Գաղափարից մինչև բիզնես» ծրագրի շրջանակներում դրամաշնորհներ կտրամադրվեն 2 և ավել տարիներ ՀՀ-ում գրանցված ծառայություններ մատուցող տեխնոլոգիական ընկերություններին, որոնք պատրաստել և մշակել են պրոդուկտներ, մրցույթի արդյունքում ճանաչվել են հաղթող:

Ծրագրի շրջանակներում նախատեսված է մինչև 20 մլն ՀՀ դրամի չափով դրամաշնորհ յուրաքանչյուր հաղթող նախագծի համար:

Մրցույթն անցկացվել է երկու փուլով: Առաջին փուլին դիմել է 148 կազմակերպություն, որոնցից գնահատվել է 143 հայտ (5 հայտ անվավեր է ճանաչվել): Հանձնաժողովի կողմից առավելագույն 10-ից 7.5 և ավել միավոր հավաքած հայտատուներն անցել են երկրորդ փուլ:  Արդյունքում մրցույթի երկրորդ փուլ է անցել 46 կազմակերպություն: Փիչինգի արդյունքներով 41-ի հետ կկնքվի դրամաշնորհային պայմանագիր:

Իրենց նախագծերի իրականացման համար այս կազմակերպություններին կտրամադրվի ընդհանուր շուրջ 788 մլն 895 հազ․ դրամ: Կազմակերպությունների մեծ թվով պայմանավորված՝ հատկացվել են լրացուցիչ ֆինանսական միջոցներ՝ 460մլն դրամի փոխարեն հատկացնելով ևս լրացուցիչ 328,8 մլն դրամ:

Ընկերությունները, որոնց հետ երկրորդ ծրագրի շրջանակներում կկնքվեն դրամաշնորհային պայմանագրեր, ունեն հետևյալ ոլորտային բաշխումը․

  • Արհեստական բանականություն՝ 19,4%,
  • Տվյալագիտություն՝ 11,3%,
  • Ռոբոտաշինություն՝ 8,1%,
  • Ռադիոէլեկտրոնիկա և միկրոէլեկտրոնիկա՝ 8,1%,
  • Իրերի ինտերնետ՝ 8,1%
  • Կապի ժամանակակից տեխնոլոգիաներ՝ 6,5%,
  • Օպտիկա-լազերային տեխնոլոգիաներ՝ 3,2%,
  • Կիբերանվտանգություն՝ 3,2%,
  • Էներգիայի ստացման այլընտրանքային տեխնոլոգիաներ՝ 3,2%,
  • Էներգիայի պահեստավորման տեխնոլոգիաներ՝ 3,2%,
  • Բժշկական սարքավորումների արտադրություն՝ 3,2%,
  • Բարձր ճշտության արտադրական տեխնոլոգիաներ՝ 3,2%,
  • Նանոտեխնոլոգիաներ՝ 1,6%,
  • Բլոկչեյն տեխնոլոգիաներ՝ 1,6%,
  • Բիզնեսի ավտոմատացման համակարգեր՝ 1,6%,
  • Ավիատիեզերական տեխնոլոգիաներ՝ 1,6%,
  • Այլ՝ 12,9%:

Հատկանշական է, որ 17-րդ միջոցառման երրորդ ծրագրի համար դիմումների ընդունումը դեռ ընթացքի մեջ է: Հայտերն ընդունվելու են թղթային և էլեկտրոնային տարբերակներով մինչև 01.12.2020թ. ժամը 18:00-ն:

17-րդ միջոցառման երրորդ ծրագրի մասին առավել մանրամասն տեղեկատվություն ներկայացված է ՀՀ ԲՏԱ նախարարության պաշտոնական կայքում՝ https://hti.am/pages.php?lang=1&id=7550&page_name=news

Բոլոր լուրերը

Կապակցված լուրեր

ԱՄՆ-ն օգոստոսի 1-ից 35% մաքսատուրք կսահմանի Կանադայից ապրանքների ներմուծման վրա․ Թրամփ

11:40 11.07.2025

ԱՄՆ-ն օգոստոսի 1-ից 35% մաքսատուրք կսահմանի Կանադայից ապրանքների ներմուծման վրա․ Թրամփ

ԱՄՆ նախագահ Դոնալդ Թրամփը նամակ է ուղարկել Կանադայի վարչապետ Մարկ Քարնիին՝ տեղեկացնելով նրան օգոստոսի 1-ից Կանադայից ներմուծվող ապրանքների վրա ներմուծման մաքսատուրքեր մտցնելու մասին: Նա նամակը հրապարակել է Truth Social-ի իր էջում: «Օգոստոսի 1-ից Միացյալ Նահանգները 35% մաքսատուրք կսահմանի Միացյալ Նահանգներ առաքվող կանադական ապրանքների վրա՝ արդյունաբերական մաքսատուրքերից անկախ», – ասվում է նամակում: Թրամփը որպես իր որոշման […] ...

Տարադրամի փոխարժեքները հուլիսի 11-ին

11:28 11.07.2025

Տարադրամի փոխարժեքները հուլիսի 11-ին

Shantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 383․5 դրամ, վաճառքի նվազագույն արժեքը՝ 386 դրամ: Եվրոյի առքի առավելագույն արժեքն է 446 դրամ, վաճառքի նվազագույն արժեքը՝ 450 դրամ: Ռուսական ռուբլու առքի առավելագույն արժեքն է 4.91 դրամ, վաճառքի նվազագույն արժեքը՝ 4.97 դրամ: ...

Բիչախչյանի շքեղ գոլը հաղթանակ է բերել «Լեգիային»․ ԵԼ

11:14 11.07.2025

Բիչախչյանի շքեղ գոլը հաղթանակ է բերել «Լեգիային»․ ԵԼ

Վարշավայի «Լեգիան» Հայաստանի ազգային հավաքականի կիսապաշտպան Վահան Բիչախչյանի շքեղ գոլի շնորհիվ հաղթել է ղազախական «Ակտոբեին»։ ՈՒԵՖԱ-ի Եվրոպա լիգայի որակավորման առաջին փուլի առաջին խաղը կայացել է Լեհաստանում: Բիչախչյանը 25-րդ րոպեին մոտ 20 մետրից կատարած հուժկու հարվածով գրավել է մրցակցի դարպասը: Պատասխան խաղը տեղի կունենա հուլիսի 17-ին Ղազախստանում։   ...

«Պիցցա Տաշիր» ՍՊԸ տնօրեն Վաղինակ Ղազարյանը կալանավորվել է

11:08 11.07.2025

«Պիցցա Տաշիր» ՍՊԸ տնօրեն Վաղինակ Ղազարյանը կալանավորվել է

«Պիցցա Տաշիր» ՍՊԸ տնօրեն Վաղինակ Ղազարյանի նկատմամբ հարուցվել է հանրային քրեական հետապնդում` առանձնապես խոշոր չափերով հարկերից խուսափելու մեղադրանքով: «Արմենպրես»-ի հետ զրույցում այս մասին ասաց ՔԿ նախագահի մամուլի քարտուղար Կիմա Ավդալյանը։ ««Պիցցա Տաշիր» ՍՊԸ տնօրենի նկատմամբ հարուցվել է հանրային քրեական հետապնդում՝ Քրեական օրենսգրքի 290-րդ հոդվածի 3-րդ մասի 1-ին և 2-րդ կետերով (մի խումբ անձանց կողմից նախնական […] ...

Նեթանյահուն հույս ունի շուտով խաղաղություն հաստատել արաբական մի շարք երկրների հետ

11:00 11.07.2025

Նեթանյահուն հույս ունի շուտով խաղաղություն հաստատել արաբական մի շարք երկրների հետ

Իսրայելի վարչապետ Բենիամին Նեթանյահուն ակնկալում է, որ հրեական պետությունը մոտ ապագայում խաղաղության համաձայնագրեր կստորագրի մի շարք արաբական երկրների հետ։ «Մեր արաբ հարևանները թեթևացած շունչ քաշեցին Իրանի դեմ ռազմական գործողության կապակցությամբ։ Մենք արդեն հաշտություն ենք կնքել նրանցից մի քանիսի հետ, և շուտով խաղաղություն կկնքեն նրանցից մի քանիսի հետ», – ասել է նա Newsmax-ին տված հարցազրույցում։ Իսրայելի […] ...

Գալուզինը մեկնաբանել է Ռուսաստանի մասնակցությունը Բաքվի և Երևանի միջև կարգավորմանը

10:45 11.07.2025

Գալուզինը մեկնաբանել է Ռուսաստանի մասնակցությունը Բաքվի և Երևանի միջև կարգավորմանը

Ռուսաստանը պատրաստ է նպաստել Երևանի և Բաքվի միջև հարաբերությունների կարգավորմանը, «Իզվեստիա»-ին ասել է Ռուսաստանի Դաշնության փոխարտգործնախարար Միխայիլ Գալուզինը։ «Մենք կարծում ենք, որ պետք է շարժվենք այս ուղղություններով՝ պատրաստել խաղաղության պայմանագիր, բացել տարածաշրջանի տնտեսական կապերը և տրանսպորտային հաղորդակցությունները, սահմանազատել սահմանները, հաստատել երկխոսություն քաղաքացիական հասարակությունների և Հայաստանի ու Ադրբեջանի խորհրդարանների միջև։ Եվ, իհարկե, ռուսական կողմը, որպես եռակողմ […] ...

BACK_TO_TOP