Շիրակի մարզում նկատվում է վիրուսի ակտիվացում ՝ պայմանավորված նաև սուր շնչառական  վիրուսների սեզոնայնությամբ

ՀՎԿԱԿ-ի Շիրակի մասնաճյուղի բժիշկ-համաճարակաբան Արմինե Անդրյանը ներկայացրել է  Շիրակի մարզում նոր կորոնավիրուսի  տարածման ներկա ցուցանիշները։Ըստ համաճարակաբանի մարզում նկատվում է վիրուսի  ակտիվացում,ինչը պայմանավորված է նաև սուր շնչառական  վիրուսների սեզոնայնությամբ։

«Ցանկացած վարակիչ հիվանդություն ունի սեզոնայնություն։Եթե աղիքային վարակների կամ վիրուսային       հեպատիտների համար դրանք ամառ-աշուն սեզոնայնությունն ունեն,օդակաթիլային վարակների  համար       դա  գարուն-աշուն-ձմեռ սեզոնն է։Գրիպի և գրիպանման  հիվանդությունների շարքում մենք  տարվա մեջ         ունենում ենք երկու պիկ․օդակաթիլային վարակների պիկը  սկսվում է  փետրվարին և ավարտվում է             ապրիլի կեսերին,երկրորդ սեզոնը սկսվում է սեպտեմբերի վերջին և ավարտվում է հիմնականում մայիս ամսին »,- նշել է Արմինե Անդրյանը։

Ըստ համաճարակաբանի աշնանային  սեզոնին  կան վիրուսով վարակվելու բոլոր նպաստավոր պայմանները ՝ մարդիկ հիմնականում գտնվում են փակ շինություններում,որտեղ օդափոխության խնդիր կա,նաև երիտասարդները  հագնվում են ոչ սեզոնին բնորոշ ,ինչը մրսածության գործոնի   բարձրացման  և իմունիտետի անկման ֆոնի վրա կարող է նպաստավոր պայմաններ  ստեղծել։

«Մենք համավարակի  ծաղկման փուլում ենք,մարդիկ համարեցին,որ  հիվանդությունը ավարտվել է,մեր վերապրոֆիլավորված հիվանդանոցները նորից անցում կատարեցին  նախկին սպասարկմանը,բայց սա ժամանակավոր դադար է,մարդկանց զգոնությունը պակասեց,ինչը հանգեց նրան,որ  ունենք բավականին սեզոնին ոչ բնորոշ բարձր ֆոն,որը վարակի աղբյուր է։Անցած տարվա նույն ժամանակահատվածի համեմատ օդակաթիլային վարակները 9 տոկոսով ավելացել են»,-նշել է մարզի համաճարակաբանը։

Ըստ Արմինե Անդրյանի,այս ընթացքում թերախտորոշման գործընթաց է գնում,ինչը պայմանավորված է հիմնականում կրթական ոլորտում իրականացվող կանխարգելիչ միջոցառումների ու թեստավորման անցկացմամբ։

«Թերախտորոշում է հիմա գնում,կենտրոնացել ենք  էս հիվանդության վրա և բոլոր հիվանդներին  նախ դիտում ենք որպես պոտենցիալ կորոնավիրուսային հիվանդ,բացառում ենք վարակը,հետո նոր մտածում ենք այլ հիվանդությունների մասին կամ դա անում ենք զուգահեռ»,-ասում է Արմինե Անդրյանը։

Հունվարից մինչ օրս մարզում կատարվել է 14500 թեստավորում,որից 13000 -ը մարզային լաբորատորիայում։Թեստավորվածներից դրական դեպքերը 2726-ն են ։Օրական  թեստավորում են 210-ից 250 քաղաքացու։Իսկ որքանո՞վ են թեստերը որակյալ և արդյո՞ք հնարավոր են  արդյունքների անճշտություններ լինեն․այս հարցին ի պատասխան համաճարակաբանը նշել է,որ թեստերը սխալվելու  հավանականությունը հասցված է նվազագույնի և  լաբորատորիայում  նմուշառումները ստուգվում են համակարգչային տեխնիկայի միջոցով,որտեղ մարդկային գործոնը բացառված է։

«Մենք Առողջապահության համաշխարհային կազմակերպության 142 երկրների շարքում անցել ենք  թեստերի կույր  մեթոդով ստուգումների։Չի եղել մի դեպք,որ մեր բացասական թեստը այլ տեղ դրական արդյունք ունենա,թեստի արդյունքները 98 տոկոսով անառարկելի են,համակարգիչն է որոշում  դրականը,գոյություն ունի կոր՝ նորմի կոր,որի մոտ գտնվող նիշը համարվում է դրական,սա մենք չենք որոշում,սա համակարգն է որոշում և թեստը առանց մարդկային գործոնի կիրառության է ստուգվում։Ցանկացած թեստ,որը մտնում է լաբորատորիա նույնականացվում է,անձնավորության և նմուշի համարները նույնականացվում են և այդ նմուշը լաբորատորիա է մտնում կույր մեթոդով և հետազոտողը չգիտի՝ դա ում  նմուշն է»,- շեշտում է Արմինե Անդրյանը։

Ըստ մասնագետի,թեստերը որակի առումով ոչ մի խնդիր չունեն,անցնում են փորձաշրջան և Առողջապահության համաշխարհային կազմակերպությունը  հաստատում է  նրանց գործադրումը։Յուրաքանչյուր վերցված նմուշառում մասնագետները պարտադիր լաբորատորիայում ստուգում են 24 ժամվա ընթացքում։