16:11 04.07.2018
Հայաստանի զինված ուժերում ներդրվում է ծառայության նոր տեսակ, որին ներգրավվելու են թերքաշ ու գերքաշ ունեցող երիտասարդները, որոնք մինչ այս չէին մեկնում ծառայության։ Դրա համար ներկայում 2 կիլոգրամով իջեցվել է ծառայության մեկնող երիտասարդների քաշի նվազագույն շեմը՝ 45 կգ-ից 43 կգ, ու 4 կիլոգրամով բարձրացվել է առավելագույն քաշը։ Այս մասին կենտրոնական հավաքակայանում անցկացված ճեպազրույցի ընթացքում ասաց ՀՀ ԶՈւ ԳՇ կազմզորահավաքային վարչության պետ, գեներալ-մայոր Կամո Քոչունցը։
Գեներալի խոսքերով՝ այս խմբի զինծառայողները բանակ են մեկնելու «ծառայություն հեշտացված օրվա կարգացուցակով»։ Հավաքակայանում այս խմբի զինծառայողները վիճակահանությանը մասնակցելու են նույնանուն թմբուկից ընտրելով իրենց համար հատկացված ծառայության վայրերը։ Նրանք ծառայելու են հսկիչ անցագրային կետերում՝ կատարելով ոչ բարդ աշխատանք։
«Միևնույն է, անցագրային կետում մենք համապատասխան ծառայություն կատարում ենք, չէ՞։ Հիմա նրանք այդ ծառայությունը կարո՛ղ են կատարել։ Դա առողջության հետ կապված ոչինչ չի ունենալու։ Բայց այդ քանակը, որ ազատվելու է (անցագրային կետերում ծառայությունից), գնալու է այլ խնդրի կատարման՝ կապված և պետական սահմանի պահպանության հետ, ընդհանուր խնդիրների կատարման հետ»,- բացատրեց գեներալը։
Թերքաշ ու գերքաշ նորակոչիկների հետ այս խմբում լինելու են նաև գիշերամիզություն ու հեմոգլոբինի շեղված քանակ ունեցող զինապարտները։ Նրանք էլ ծառայելու են հոսպիտալներում կամ այնպիսի զորամասերում ու ստորաբաժանումներում, որոնք ունեն ամեն պահի լողանալու հնարավորություն։ Այս խմբի զորակոչիկները, ընդհանուր առմամբ, ծառայելու են բժշկական հաստատությունների մոտ տեղակայված հաստատություններում՝ առողջական խնդիրների առաջացման դեպքում անհապաղ օգնություն ստանալու համար։
Քոչունցը բացատրեց, որ այս զորակոչի ընթացքում ծառայության այս տեղակի համար առաջին անգամ են զորակոչ անցկացնելու։ Նախատեսում են 70-100 տեղ, բայց հաջորդ զորակոչերի ընթացքում այդ թիվը կավելանա։ Դրանից բացի, այս ձևով զորակոչվածների համար 6 ամիսը մեկ անգամ անցնելու է լրացուցիչ փորձաքննություն, և եթե նրա քաշային խնդիրը լուծվել է, նա կարող է տեղափոխվել սովորական ծառայության։
Ճշտող հարցին՝ այս խմբի զինծառայողները մինչ այս այլ ծառայության զորակոչվո՞ւմ էին, Քոչունցը պատասխանեց, որ քաշի հետ կապված խնդիրների դեպքում չէին զորակոչվում, իսկ, օրինակ, գիշերամիզություն ունեցողները հաճախ մեկնում էին ծառայության՝ թաքցնելով իրենց խնդիրները։ Սա, ըստ գեներալի, հոգեբանական խնդիրներ էր առաջացնում զինծառայողի մոտ, եթե բացահայտվում էր։ Հիմա այդ խնդիրն այլևս չի լինի։
Սակայն եթե զինապարտը նախկինում այս խնդիրների պատճառով մեկ անգամ տարկետում է ստացել զինծառայությունից, դա չի նշանակում, որ այլևս չի զորակոչվի։ Այս լուծումը տարածվում է բոլոր նրանց վրա, ում 27 տարին դեռ չի լրացել։
«Կարգը գործելու է 2018 թվականի ապրիլից հետո զորակոչվողների համար։ Նախկինում տարկետում տրվել է, թե չի տրվել, դա էական նշանակություն և կապ չունի»,- եզրափակեց Քոչունցը։
15:40 30.04.2025
Պետք է հրաշք գործենք Փարիզում․ Արտետա«Արսենալի» գլխավոր մարզիչ Միկել Արտետան ամփոփել է Չեմպիոնների լիգայի կիսաեզրափակչում ՊՍԺ-ի հետ դիմակայության առաջին խաղը, հաղորդում է Ֆաբրիցիո Ռոմանոն: «Այս խաղում որոշիչ դարձան դետալները: Գոլը չարձանագրվեց միլիմետրանոց խաղից դուրս վիճակի պատճառով, Մարտինելին մեն-մենակ հայտնվեց ու չգրավեց դարպասը, Լեանդրո Տրոսարը նույն իրավիճակում նույնպես վրիպեց: Կիսաեզրափակչում այսպիսի պահերը ճակատագրական են: Եզրափակիչ դուրս գալու համար հարկավոր է հրաշք […] ...
15:36 30.04.2025
Նախկինում օտարված՝ Դիլիջանի մանկապարտեզը վերադարձվել է համայնքինՏավուշի մարզի դատախազությունը պետական շահերի պաշտպանության լիազորության շրջանակում պարզել էր, որ Դիլիջան համայնքի ավագանու՝ 2006 թվականի որոշմամբ Դիլիջան համայնքի ղեկավարին թույլատրվել է Շահումյան փողոցի 34 հասցեում գտնվող 891 քառակուսի մետր մակերեսով մանկապարտեզի շենքն անհատույց օգտագործման իրավունքով տրամադրել մի կազմակերպության, որը կապվում է նախկինում նախարարի կարգավիճակ ունեցող անձին փոխկապակցված մեկ այլ անձի հետ: Նիկոլ Փաշինյանը Կառավարության […] ...
15:31 30.04.2025
Նոր Նորքի թաղապետարանում տեղի ունեցած միջադեպի առնչությամբ ձերբակալվել է 6 անձՆոր Նորք վարչական շրջանի թաղապետարանում տեղի ունեցած միջադեպի առնչությամբ ձերբակալվել է 6 անձ: «Արմենպրես»-ին այս մասին հայտնեցին ՀՀ ներքին գործերի նախարարությունից՝ մանրամասնելով, որ կազմվում են համապատասխան փաստաթղթեր նախաքննական մարմին փոխանցելու համար: Ավելի վաղ հայտնել էինք, որ Նոր Նորք վարչական շրջանի թաղապետարանում ծեծկռտուք է տեղի ունեցել թաղապետարանի աշխատակիցների և ակտիվիստ Արթուր Չախոյանի միջև։ Սոցիալական ցանցերում տարածված […] ...
15:25 30.04.2025
Կկառուցվի շուրջ 27,1 կմ երկարությամբ ճանապարհ, որը հնարավորություն կտա կրճատել Սիսիան-Քաջարան ճանապարհային հատվածի երկարությունըԿառավարությունը հավանություն է տվել 2025 թ. մարտի 18-ին ստորագրված «Հայաստանի Հանրապետության և Ասիական զարգացման բանկի միջև դիմակայուն և ներառական ճանապարհային հատվածի բարելավման ծրագրի համար Ասիական զարգացման բանկի միջոցներից վարկի տրամադրման մասին» համաձայնագիրը վավերացնելու մասին» ՀՀ օրենքի նախագծին: Ինչպես նշել է Տարածքային կառավարման և ենթակառուցվածքների նախարար Դավիթ Խուդաթյանը, ՀՀ-ի համար առաջնահերթություն համարվող Հյուսիս-հարավ ճանապարհային միջանցքի 4-րդ […] ...
15:20 30.04.2025
Պատասխան խաղում կզգանք արդեն մեր երկրպագուների աջակցությունը․ ԷնրիկեՊՍԺ-ի գլխավոր մարզիչ Լուիս Էնրիկեն մեկնաբանել է ՉԼ կիսաեզրափակչում «Արսենալի» հետ առաջին խաղը: «Ինձ համար հաճելի է տեսնել, թե ինչպես է իմ թիմը ցույց տալիս այն աշխատանքը, որ կատարում ենք ամեն օր: Սա էմոցիոնալ հանդիպում էր, քանի որ բարդ էր խաղալ նման մթնոլորտում: Գոլը մեզ մեծ վստահություն հաղորդեց: Պատասխան խաղում կզգանք արդեն մեր երկրպագուների աջակցությունը: […] ...
15:15 30.04.2025
Կապահովվեն Օմանի Սուլթանությունում ՀՀ դեսպանության պահպանման ծախսերըԿառավարությունը չզեկուցվող հարցերի փաթեթով ընդունել է որոշում, որով կապահովվի Օմանի Սուլթանությունում ՀՀ դեսպանության, նստավայրը՝ Մասկատ, պահպանման ծախսերը: Գումարից հիմնական մասը կհատկացվի ԱԳՆ բյուջեից, իսկ մնացածը՝ Կառավարության պահուստային ֆոնդից։ Օմանի Սուլթանությունում Հայաստանի Հանրապետության դեսպանության բացումը կնպաստի Հայաստանի և Օմանի միջև առկա ջերմ քաղաքական երկխոսության, առևտրատնտեսական կապերի ամրապնդմանը, զբոսաշրջային հոսքերի, փոխադարձ առևտրաշրջանառության, այդ թվում՝ տարանցիկ ավելացմանը: Այն […] ...
