15:43 24.06.2021
ՀՀ բարձր տեխնոլոգիական արդյունաբերության նախարարի պաշտոնակատար Հայկ Չոբանյանը հունիսի 23-ին այցելել է Գյումրու տեխնոլոգիական կենտրոն:
Նախարարի պաշտոնակատարը շրջել է կենտրոնում, եղել ճարտարագիտության և մուլտիմեդիայի լաբորատորիաներում, համակարգչային լսարաններում, ծանոթացել է տեխնոկենտրոնի էկոհամակարգին, գործող ընկերություններին, ընթացիկ և առաջիկա ծրագրերին:
«Սինոփսիս» ընկերության Գյումրու մասնաճյուղում նախարարի պաշտոնակատարը ծանոթացել է ընկերության գործունեությանը, ինչպես նաև կրթական ծրագրերին և վերապատրաստման դասընթացներին։
Նշվել է, որ ներկայումս կրթական ծրագրերում ընդգրկված է 40 ուսանող: Հայաստանի «Սինոփսիս»-ը ազգային պոլիտեխնիկական համալսարանի և Երևանի պետական համալսարանի հետ կրթական ծրագրերը սկսել է իրականացնել 2019 թվականի սեպտեմբերին, ինչին հաջորդել է ընկերության բիզնես գործունեության մեկնարկը 2020 թվականի փետրվարին:
«Սիներջի Ինթընեշընլ Սիսթըմզ» ընկերության Գյումրու գրասենյակում նախարարին ներկայացվել է ընկերության ընթացիկ ծրագրերը, մասնավորապես՝ ընկերությունը նախատեսում է ամառային դպրոց բացել, որտեղ փորձառու դասավանդողները տեխնոդասընթացներ կանցկացնեն, իրենց փորձն ու հմտությունները կփոխանցեն երիտասարդներին:
Հաջորդիվ Հայկ Չոբանյանն այցելել է «Ռեսալ Սոֆտ» ընկերության գրասենյակ, որը ԲՏԱ նախարարության կողմից հայտարարված Կորոնավիրուսի տնտեսական հետևանքների չեզոքացման 17-րդ միջոցառման ծրագրի շրջանակներում հաղթող կազմակերպություններից մեկն է: Ընկերության ղեկավար Արտակ Գևորգյանը ներկայացրել է ընկերության գործունեությունը, նշել, որ հիմնականում իրականացնում են կազմակերպությունների բարդ և ընթացիկ աշխատանքային պրոցեսների ավտոմատացում, մանրամասնել ապահովագրական ծառայությունների միասնական հարթակ ստեղծելու ծրագիրը:
Նախարարի պաշտոնակատարն այցելել է նաև մի շարք այլ տեխնոլոգիական ընկերությունների գրասենյակներ, զրուցել է աշխատակիցների հետ՝ նշելով, որ տեխնոհամայնքը կարող է դրական փոփոխություններ բերել գյումրեցիների կյանքում:
Գյումրու տեխնոլոգիական կենտրոնը տարածաշրջանում ամենամեծ տեխնոլոգիական ինկուբատորն է: Այն ստեղծվել է 2013 թվականին ՀՀ կառավարության, Ձեռնարկությունների ինկուբատոր հիմնադրամի և Համաշխարհային բանկի կողմից: Կենտրոնն աջակցություն է տրամադրում տարածաշրջանում արդեն գործող և սկսնակ ձեռնարկություններին առաջարկելով՝ գրասենյակային տարածքներ, բիզնես աջակցության, համագործակցության և խորհրդատվության լայն շրջանակներ:
15:35 12.07.2025
Կալասի այցն արդյո՞ք շրջադարձ է ՀՀ-ԵՄ հարաբերություններում. Հեռանկար բանավեճԿալասի այցն արդյո՞ք շրջադարձ է ՀՀ-ԵՄ հարաբերություններում: Որքա՞ն են մերձ Եվրոպական միությունն ու Հայաստանը: Ի՞նչ էր նշանակում ԵՄ բարձր ներկայացուցչի հայտարարությունը: Ի՞նչ կարող է ակնկալել Հայաստանը անվտանգության ու պաշտպանության ոլորտում: Ինչքա՞ն հեռանալ Ռուսաստանից, որքա՞ն մոտենալ ԵՄ -ին: Որտե՞ղ է հարաբերությունների բալանսավորման սահմանը։ Այս թեմաների մասին իրենց կարծիքն են հայտնել «Հանուն սոցիալական արդարության» կուսակցության նախագահ, քաղաքագետ […] ...
15:16 12.07.2025
Շղթայական ավտովթար Երևան-Սևան ավտոճանապարհին՝ Հրազդանի վարչական տարածքումԱյսօր՝ հուլիսի 12-ին, խոշոր ու շղթայական ավտովթար է տեղի ունեցել Կոտայքի մարզում։ Ժամը 12։30-ի սահմաններում Երևան-Սևան ավտոճանապարհի Հրազդանի վարչական տարածքում բախվել են «Lexus», «Mercedes», «Kia», «Toyota Altezza», «BYD», «Daewoo» և «ԶԻԼ» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան։ Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում, որտեղ էլ […] ...
14:46 12.07.2025
Հուլիսի 13-ին Երևանում կմեկնարկի «Ոսկե ծիրան» միջազգային հեղինակավոր կինոփառատոնըԵրևանի քաղաքապետարանից տեղեկացնում են․ «Սիրելի’ երևանցիներ և քաղաքի հյուրեր, Վաղը՝ հուլիսի 13-ին, Երևանում կմեկնարկի «Ոսկե ծիրան» միջազգային հեղինակավոր կինոփառատոնը։ Մեկ շաբաթ շարունակ մայրաքաղաքը կդառնա համաշխարհային կինոյի կենտրոն՝ հյուրընկալելով տասնյակ ճանաչված ռեժիսորների, պրոդյուսերների, դերասանների և արվեստի ներկայացուցիչների։ Փառատոնը կմեկնարկի Կաննի կինոփառատոնի Ոսկե արմավենու ճյուղի դափնեկիր ֆիլմով՝ Ջաֆար Փանահի «Մի պարզ պատահար»: Միացեք Երևանի կինոմշակույթի ամենասպասված իրադարձությանը»: ...
14:30 12.07.2025
Դոնարուման օգնել է ՊՍԺ-ի պաշտպանին համբուրել կնոջըՖԻՖԱ-ի աշխարհի ակումբային առաջնության կիսաեզրափակչի ՊՍԺ – «Ռեալ Մադրիդ» խաղից հետո հետաքրքիր դրվագ է գրանցվել։ Փարիզյան թիմի բրազիլացի պաշտպան Լուկաս Բերալդոն թիմի հաղթանակից հետո մոտեցել է տրիբունային, որտեղ գտնվում էր իր կինը և ցանկացել համբուրել նրան։ Սակայն փորձը ձախողվել է։ Բերալդոյին օգնության է հասել թիմի իտալացի դարպասապահ Ջանլուիջի Դոնարուման, որը գրկել և վեր է բարձրացրել […] ...
14:14 12.07.2025
Միջազգային համագործակցության ուրուգվայական գործակալության տնօրենի հետ քննարկվել են համագործակցության հեռանկարներըՈւրուգվայում Հայաստանի Հանրապետության դեսպան Մարիամ Գևորգյանը հուլիսի 10-ին հանդիպում է ունեցել Ուրուգվայի նախագահի աշխատակազմին առընթեր Միջազգային համագործակցության ուրուգվայական գործակալության (AUCI) գործադիր տնօրեն Մարտին Կլավիխոյի հետ։ Ինչպես տեղեկացնում է Ուրուգվայում ՀՀ դեսպանությունը, կայացած հանդիպման շրջանակներում զրուցակիցներն անդրադարձ են կատարել փոխադարձ հետաքրքրություն ներկայացնող մի շարք ոլորտներում համագործակցության հեռանկարներին: ...
