17:38 11.09.2021
Գյումրիում ջրամատակարարման ցանցի նորացումներն այժմ առավելապես վերաբերում են այն թաղամասերին ու փողոցներին, որոնցում կապիտալ ասֆալտապատումներ են նախատեսվում։ Սա փողոցաշինական ծրագրերի պահանջներից մեկն է, սակայն դա կարծես թե չի վերաբերում կոյուղատար համակարգին, որը շատ հին է։
Ներքին կոմունիկացիաների նորացումները միայն հատվածային են, մասնակի։ Քաղաքի բազմաբնակարան շենքերով ու սեփական տներով խիտ բնակեցված տասնյակ թաղամասերում հաճախակի են կոյուղատար ցանցերում խցանումներն ու վթարները։
Երևանյան խճուղի 143/Ա շենքի բակում ու հարակից տարածքում մեծ ջրափոսեր են: Դրանք հորդառատ անձրևի հետևանք չեն, ջրերը՝ այն էլ ոչ մաքուր, փոսերում կուտակվում են խցանված դիտահորերից։ Մի քանի ամիս շարունակվող հակասանիտարական վիճակը բնակիչների համար դարձել է անտանելի, շրջակայքում գարշահոտություն է, բնակիչները պատուհան բացել ևս չեն կարող։
Առաջին հարկի բնակիչների վնասներն ավելին են․ կուտակվող կեղտաջրերի հետևանքով նկուղներում մշտական խոնավություն է։ Խցանված դիտահորերից արտահոսած ջրերն հասել են անգամ խմելու ջրի պոմպակայանին։
Երևանյան 143/Ա շենքի հասցեն ջրմուղի վթարավերացման բրիգադն անգիր է արել, բնակիչների ամեն զանգից հետո տեղում են։ Իսկ որ խցանումները հաճախակի են կրկնվում նույն հասցեում, ջրմուղագործներն ասում են, թե դա իրենց լավ կամ վատ աշխատանքից կախված չէ, հիմնական պատճառը կոյուղատար լցվող տարատեսակ առարկաներն են:
« Գուկանք լրիվ լուկերը կմաքրենք, նոր կերթանք, հիմի 2 օր է, 3 օր է, թե մի ամիս մաքուր կմնա՝ մենք երաշխավորել չենք կարող, կախված է նաև բնակիչների օգտագործելուց, որ մեջն ամեն ինչ չլցնեն»,- ասում է «Վեոլիա ջուր» ընկերության փականագործ Ռուբիկ Կիրակոսյանը։
Ըստ փականագործների, խցանումների առաջացման պատճառներից մեկն էլ բաց հատվածներից դիտահորեր լցվող քարերն ու հողային շերտն է, որոնք հեռացնելու, մաքրելու համար ստիպված են լինում բարձր ճնշմամբ ջուր մղել։
«Լվացրել ենք, մաքրել ենք, բայց ըդիգ ընդամենը տևել է 10 օր, իրանց անփույթ վերաբերմունքից է էս խնդիրը։ Նաև անձրևների ժամանակ բնակիչները դիտահորերը կբացեն, ավազը կլցվի մեջը»,- ասում է փականագործը։
Խցանված դիտահորերը մաքրելուց հետո կուտակված կեղտաջրերը հոսեցին դեպի կոյուղատար ցանց: Եթե էլի կրկնվեց, ջրամատակարար ընկերությունը ստիպված շենքի կոյուղատար ցանցում խողովակներ փոխելու աշխատանքներ պետք է կատարի, որպեսզի ձմռանը այլ խնդիրներ չծագեն։
Իս ընդհանուր առմամբ, խցանումների ու վթարների ահազանգերն ավելացել են, բոլոր զանգերին արձագանքել ու բոլորի հետևից անմիջապես գնալ ջրմուղի մասնագետները չեն հասցնում։ Ամբողջ մարզում կա ընդամենը երեք վթարավերացման բրիգադ։
17:51 18.06.2025
ՀՀ քաղաքների մթնոլորտային օդում փոշու պարունակությունը հունիսի 8-14-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է ՀՀ քաղաքների մթնոլորտային օդում փոշու պարունակությունը հունիսի 8-14-ը: Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. ◾️ Վանաձոր քաղաքում՝ ✔ Ծատուրյան փողոցի հարակից տարածք՝ հունիսի 8-ին, 10-ին, 13-ին և 14-ին, ✔ Վարդանանց փողոցի հարակից տարածք՝ գրեթե ամբողջ շաբաթ, ✔ Հերացի փողոցի հարակից տարածք՝ հունիսի 9-ին և 14-ին։ […] ...
17:39 18.06.2025
Տավուշում մեկնարկել է հայ-վրացական ռազմավարական գործընկերության փորձագիտական համաժողովըՀունիսի 18-20-ը ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի նախաձեռնությամբ Դիլիջանում անցկացվում է հայ-վրացական փորձագիտական երկրորդ համաժողովը, որը միտված է խորացնել երկու երկրների ռազմավարական համագործակցությունը։ Այսօր Տավուշի մարզպետի տեղակալ Նարեկ Ղուշչյանը մարզպետի աշխատակազմում դիմավորել է «Հայաստան-Վրաստան ռազմավարական գործընկերություն. դեպի համագործակցության նոր հորիզոններ» խորագրով համաժողովի մասնակիցներին։ Մարզպետի աշխատակազմում կայացած ճեպազրույցին մասնակցել են Տավուշի մարզպետի […] ...
17:24 18.06.2025
Օպերատիվ իրավիճակը հանրապետությունում հունիսի 17-18-ըԲացահայտվել է 169 հանցագործություն, որոնցից 7-ը՝ նախկինում կատարված: Մասնավորապես՝ ☑️19 դեպք՝ թմրանյութի հայտնաբերման, ☑️15-ական դեպք՝ խարդախության և տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, ☑️10 դեպք՝ անձնական ունեցվածքի գողության, ☑️9 դեպք՝ մարմնական վնասվածք պատճառելու, ☑️8 դեպք՝ ֆիզիկական ներգործության, ☑️6 դեպք՝ հոգեկան ներգործության, ☑️4-ական դեպք՝ […] ...
17:11 18.06.2025
Կայացել է «Hope for dreams» ներառական երաժշտական փառատոնըՀՀ կրթության, գիտության, մշակույթի և սպորտի նախարարության աջակցությամբ «Կողք կողքի» կրթամշակութային հասարակական կազմակերպության նախաձեռնությամբ իրականացվել է «Hope for dreams» ներառական երաժշտական փառատոնը: Նախագիծը միտված է զարգացման առանձնահատկություններով երեխաների և պատանիների ստեղծագործական ներուժի բացահայտմանը։ Նախագծի շրջանակում մասնագետները շարունակական աշխատանքի միջոցով զարգացնում ու կատարելագործում են երեխաների և պատանիների ստեղծագործական կարողությունները։ Այնուհետև մեկ հարթակում և մեկ գաղափարի շուրջ […] ...
17:00 18.06.2025
Նախագահ Վահագն Խաչատուրյանն այցելել է Հայաստանում Միացյալ Թագավորության դեսպանի կեցավայրՀանրապետության նախագահ Վահագն Խաչատուրյանը Մեծ Բրիտանիայի և Հյուսիսային Իռլանդիայի Միացյալ Թագավորության ազգային տոնի՝ թագավոր Չարլզ Երրորդի ծննդյան օրվա կապակցությամբ այցելել է Հայաստանի Հանրապետությունում Միացյալ Թագավորության դեսպանի կեցավայր: Ողջունելով դեսպան Ջոն Գալագերին և դեսպանատան անձնակազմին՝ նախագահը շնորհավորել է նրանց, մաղթել հաջողություններ, նոր ձեռքբերումներ և առողջություն: ...
