16:16 27.12.2017
Հայաստանում ապրող սիրիահայ փոքրիկների համար տոնական միջոցառում է կազմակերպվել Հայկական բարեգործական ընդհանուր միությունում (ՀԲԸՄ): Միությունն այս տարի, ընդհանուր առմամբ, մոտ 600 երեխայի ամանորյա նվերներ է հանձնել:
11:33 27.12.2017
Ռուսաստանը Միացյալ Նահանգներին առաջարկել է Սիրիայում ահաբեկիչների դեմ պայքարը կազմակերպել համատեղ, սակայն Վաշինգտոնը հրաժարվել է այս համագործակցությունից։ Այս մասին հայտարարել է Ռուսաստանի ԶՈւ գլխավոր շտաբի պետ Վալերի Գերասիմովը։
«Պլանավորման, հետախուզության անցկացման, ահաբեկիչների ոչնչացման համատեղ կազմակերպման մեր առաջարկները չեն ընկալվել, դրանք մերժվել են … Մենք նրանց կողմից չենք տեսել համագործակցության ցանկություն», — նշել է Գերասիմովը հարցազրույցի ժամանակ։
Երկու երկրներն էլ ներկայում զորքեր ունեն Սիրիայում։ Ամերիկյան ստորաբաժանումները հիմնականում կենտրոնացած են երկրի հյուսիսային՝ քրդերի վերահսկողության տակ գտնվող տարածքներում, հենց նրանց էլ օժանդակում են ամերիկացիները։ ԱՄՆ զորքերի՝ Սիրիայում ներկայությունը չի համաձայնեցվել Սիրիայի իշխանությունների հետ։
Ռուսական զորքերը՝ և՛ օդուժը, և՛ նավատորմը, և՛ ցամաքային ուժերը, Սիրիայում տեղակայվել են նախագահ Բաշար Ասադի համաձայնությամբ (նույնիսկ՝ խնդրանքով)։ Հենց Ասադի իշխանությանն էլ սատարում է պաշտոնական Մոսկվան։
Երկու գերտերություններից բացի Սիրիայում զորք ունեն նաև Իրանը (թեև հերքում է) և Թուրքիան (զբաղեցրել է երկրի հյուսիսային շրջանների մի մասը)։ Տարբեր գործողություններով Սիրիայում հակաահաբեկչական պայքարին մասնակցում են նաև ՆԱՏՕ-ի անդամ պետություններն ու արաբական երկրների որոշ ուժեր։
Այս բոլոր կողմերը Սիրիայում առաջ են մղում սեփական շահերը, ինչի հետևանքով բևեռները բազմաթիվ են։
12:57 26.12.2017
Ռուսաստանը Սիրիայում մշտական զինվորական միավոր կստեղծի: Այս մասին, ըստ РИА Новости-ի, հայտարարել է ՌԴ Պաշտպանության նախարար Սերգեյ Շոյգուն:
«Նախորդ շաբաթ երկրի գլխավոր հրամանատարը հաստատեց Տարտուս և Հմեյմիմ տեղակայման հստակ կետերն ու կառուցվածքը»,- ասել է նախարարը:
Դեկտեմբերի 26-ին ՌԴ ազգային խորհուրդը քննարկել է Տարտուսում տեղակայված ռազմական նավատորմի տեխնիկական հագեցման վերաբերյալ փաստաթուղթը:Համաձայնություն է ձեռք բերվել Սիրիայի տարածք ռուսական նավերի տեղափոխման վերաբերյալ: Հաղորդվում է, որ Տարտուսում կարող է միաժամանակ 11 նավ տեղակայվել: Կայանի տեխնիկական ընդլայնման համար կտրամադրվի տարեկան 3.2 միլիարդ ռուբլի:
Համաձայնությունը ուժի մեջ կմնա 49 տարի, որն այնուհետև հնարավոր կլինի երկարաձգել ևս 25-ական տարիներով:
Ավելի վաղ SHANTNEWS-ը հայտնել էր, որ Ռուսաստանը հայտարարել է Սիրիայի տարածքից ռուսական զորքերի վերջնական դուրսբերման մասին:
14:14 23.12.2017
Ռուսաստանի արտաքին գործերի նախարարությունը հայտարարել է Սիրիայի տարածքից զորքերի դուրսբերման գործընթացի ավարտի մասին:
12:21 23.12.2017
Իսրայելը հարվածել է Սիրիայում` Դամասկոսի մոտակայքում տեղակայված սիրիական կառավարական բանակի հենակետերից մեկին, հայտնում է ռուսական TASS գործակալությունը` հղում կատարելով արաբական Al Nashra-ին:
14:29 22.12.2017
Սիրիայից և Ֆրանսիայից հեռազոտողներն ուսումնասիրել են Սիրիայի արբանյակային լուսանկարները և դրանցում հայտնաբերել ամրությունների հնագույն համակարգ, որը ակնհայտորեն պաշտպանել է հարակից քաղաքները: Այս մասին հայտնում է Paléorient ամսագիրը, իսկ պաշտպանական համակարգը հակիրճ նկարագրված է Ֆրանսիայի գիտական հետազոտությունների ազգային կենտրոնի կայքում:
19:32 18.12.2017
Սիրիայի նախագահ Բաշար Ասադը հայտարարել է, որ ներկայումս «անիրական է» խոսել պատերազմի ավարտի մասին իր երկրում, հայտնում է RIA Novosti-ն:
19:06 18.12.2017
Սիրիայի նախագահ Բաշար Ասադը հայտարարել է, որ թեև «Իսլամական պետություն» ահաբեկչական խմբավորումը ջախջախված է, բայց դա չի նշանակում, որ Սիրիայում այլևս ահաբեկիչներ չկան:
16:57 16.12.2017
«Նախարարներն, այսպես ասած, «ստուգել են ժամացույցները» երկկողմ հարցերի լայն շրջանակում, քննարկել առաջիկա ժամանակահատվածում քաղաքական շփումների ժամանակացույցը: Միջազգային հարցերի շրջանակներում հատուկ ուշադրություն է դարձվել Սիրիայում տիրող իրավիճակի զարգացմանը», – ասված է հայտարարության մեջ
14:16 16.12.2017
Newsader-ը հադորդում,է որ ամերիկյան F-22 կործանիչը նախազգուշացնող կրակ է բացել այն բանից հետո, երբ 2 ռուսական «Սու-25» կործանիչներ մտել են համաձայնեցված դեսկալացիոն գոտի՝ Սիրիայում Եփրատ գետի արևելքում գտնվող օդային տարածք, որտեղ Մոսկվայի հետ ձեռք բերված պայմանավորվածության համաձայն, գործելու է ամերիկյան օդուժը:
11:55 16.12.2017
ԱՄՆ-ն նոր զորամիավորումներ է ձևավորում Սիրիայում: Այս մասին հայտնել է պատերազմող կողմերի հաշտեցման կենտրոնը, հայտնում է РИА Новости-ն:
11:48 13.12.2017
Ռուսաստանի նախագահ Վլադիմիր Պուտինը պետական դումայի քննարկմանն է հանձնել Սիրիայի հետ համաձայնագիրը, ըստ որի 49 տարով կընդլայնվի Տարտուսում ՌԴ ռազմածովային նավատորմի նյութատեխնիկական ապահովման կենտրոնի տարածքը: Այս մասին հայտնել է Тасс լրատվական գործակալությունը: Համաձայնագրում նշվում է, որ Սիրիայի քաղաքացիական և վարչական օրենսդրությունը չի տարածվում նյութատեխնիկական ապահովման կայանի վրա: Դրա շարժական և անշարժ գույքն անձեռնմխելի է: Բացի […]
17:00 12.12.2017
«Ինչ վերաբերում է Սիրիայի նախագահ Բաշար Ասադի նկատմամբ Թուրքիայի իշխանության վերաբերմունքին, ապա ասեմ, որ այն սկզբունքորեն չի փոխվել: Բոլորին հայտնի է, որ Ասադի ռեժիմին աջակցում է Թեհրանը, բայց նրա նկատմամբ Անկարայի վերաբերմունքը չի փոխվել»,-նշել է Թուրքիայի ԱԳ նախարարը:
14:09 11.12.2017
Այսօր Ռուսաստանի նախագահը մեկնել է Սիրիա և տեղի ռուսական ռազմաբազայում հայտարարել ռուսական զորքի դուրսբերման մասին։ Վլադիմիր Պուտինը հայտարարել է, որ «Իսլամական պետություն» ահաբեկչական խմբավորումը ջախջախված է, ըստ այդմ՝ ռուսական զորքի՝ այնտեղ մնալու անհրաժեշտություն
12:38 07.12.2017
Միացյալ Նահանգները պետք է ֆինանսական աջակցություն ցուցաբերի այն երկրներին, որոնք հյուրընկալել են քրիստոնյա փախստականներ Մերձավոր Արեւելքից, «Ամերիկայի Ձայն»-ին ասել է ԱՄՆ-ի կոնգրեսական Գաս Բիլիրակիսը.
16:33 05.12.2017
Սիրիայի Ակրամա շրջանի Հոմս քաղաքում մարդատար ավտոբուս է պայթել, հայտնում է Murasalon.com-ը:
10:50 05.12.2017
Սիրիական լրատվամիջոցերը հայտնում են, որ անցած գիշեր Իսրայելը դարձալ գրոհել է սիրիական մայրաքաղաքի արվարձաններում գտնվող ռազմական օբյեկտները: Հաղորդվում է, որ Սիրիայի հակաօդային պաշտպանությունը ոչնչացրել է մի քանի հրթիռ, որոնք Իսրայելը բաց է թողել Դամասկոսի մոտակայքում գտնվող գիտահետազոտական կենտրոնի վրա: Հիշեցնենք, որ դեկտեմբերի 2-ին Իսրակելը հրթիռներ է արձակել սիրիական ռազմաբազաներից մեկի վրա: Դրանից հետո Իսրայելի վարչապետը հայտարարել է, որ իր երկիրը չի հանդուրժի Սիրիայի տարածքում Իրանի ներկայությունը:
10:56 04.12.2017
Մեծ Բրիտանիայի կառավարությունը կասեցրել է բազմամիլիոնանոց դրամական օգնության ծրագիրն այն բանից հետո, երբ BBC-ի կողմից կատարված հետաքննությունը պարզել է, որ հարկատուների գումարն ուղղվել է Սիրիայում գործող ծայրահեղական խմբավորումներին: Բրիտանիայի կառավարության խոսնակի փոխանցմամբ՝ այս հայտարարություններին Լոնդոնը շատ լուրջ է վերաբերվում: Այս մասին հայտնել է BBC լրատվամիջոցը: Սիրիայում բախումներից հետո ստեղծվել է «Սիրիայի ազատ ոստիկանությունը», որը կոչված […]
17:37 02.12.2017
Ավելի վաղ հաղորդվել էր, որ ահաբեկիչների պահեստներում հայտնաբերված զինատեսակները եղել են ամերիկյան և եվրոպական արտադրության:
14:31 02.12.2017
Իսրայելը մի քանի հրթիռ է արձակել Սիրիայի մայրաքաղաք Դամասկոսի մոտ գտնվող ռազմական օբյեկտի ուղղությամբ:
13:04 02.12.2017
Սիրիայի Ռաքքա քաղաքն ԻՊ ահաբեկչական խմբավորման զինյալներից ազատագրելուց հետո ամերիկյան ծովային հետեվակի ավելի քան 400 զինվորականներ վերադարձել են ԱՄՆ: Այս մասին հայտնել է ԱՄՆ ղեկավարությամբ միջազգային կոալիցիան:
20:30 01.12.2017
Դեկտեմբերի 1-ին 6 «Տու-22Մ3» հեռահար ռմբակոծիչներ հարվածներ են հասցրել Սիրիայի Դեր Զորի շրջանում գտնվող իսլամիստների դիրքերին, դրա մասին հաղորդում է Ռուսաստանի պաշտպանության նախարարությունը:
14:34 01.12.2017
Հյուսիսային Սիրիայի ինքնահռչակ դաշնությունը ընտրություններ է անցկացնում քաղաքային իշխանության օղակներում, հաղորդում է Hawar քրդական գործակալությունը
12:37 29.11.2017
Թուրքիայի ազգային անվտանգության խորհուրդը, որ ղեկավարում է երկրի նախագահ Էրդողանը, երեկ կայացած նիստում հայտարարություն է հրապարակել, ըստ որի՝ Սիրիայի քրդական կառույցները (PYD/YPG) էթնիկ զտումներ են իրականացնում երկրի հյուսիսային, Թուրքիային սահմանակից հատվածներում:
12:45 28.11.2017
Սեպտեմբերի դրությամբ ամերիկյան զինծառայողների թիվը Սիրիայում հասնում է 1720-ի, թեև մինչ այս նշվում էր մինչև 500 հոգանոց զորախմբի մասին։ Նոր տվյալները հրապարակել է Պենտագոնը։
1720 զինծառայողից 1547-ը ակտիվ ծառայության մեջ են, մյուսները պահեստազորում են։ Ներգրավված են ինչպես բանակի, այնպես էլ օդուժի, նավատորմի, ծովային հետևակի ու ազգային գվարդիայի ստորաբաժանումներ։
10:37 28.11.2017
Մի քանի ամիս առաջ ՌԴ ՊՆ Սերգեյ Շոյգուն հայտարարել էր, որ Ռուսաստանը Սիրիայում «Իսլամական պետությունից» ավելի քան 500 հզ կմ2 տարածք է ազատագրել: Սա այն դեպքում, երբ պաշտոնական տվյալներով Սիրիայի տարածքը 185 հզ 180 կմ2 է: Նոյեմբերի 2-ին «Խոսում է Մոսկվան» ռադիոկայանը հայտնել էր, որ Մոսկվայի պետական համալսարանի ռազմական ամբիոնի վարիչ Իվան Մարուշյուկը դիմել է ՌԴ ԶՈՒ ԳՇ՝ պարզաբանում խնդրելով: Նրան պաշտոնական պատասխան է տրվել: Ռադիոընկերությունը, հղում անելով Մարուշյուկին, հրապարակել է ուղարկված փաստաթղթի լուսանկարը՝ քարտեզով: Դրանում պնդում են, որ Սիրիայի ընդհանրուր տարածքը 529 հզ 708 կմ2 է և Գլխավոր շտաբը դետալային քարտեզ ունի, որտեղ տեղանքի ռելիեֆն է պատկերված: Շատ կարճ ժամանակ հետո հրապարակումը հանվել է, սակայն Google-ում մնացել է դրա պատճենը:
09:25 27.11.2017
Ռուսաստանը ավիահարվածներ է հասցրել Սիրիայի Դեր-Զոր նահանգի Ալ-Շաֆահ բնակավայրի ուղղությամբ: BBC-ի հաղորդմամբ՝ ավիահարվածների հետևանքով զոհվել է 53 խաղաղ բնակիչ: Ավելի վաղ ռուս զինվորականները հաստատել էին, որ Ռուսաստանի օդուժին պատկանող 6 ռմբակոծիչներ հարվածներ են հասցրել այդ շրջանին: Ռուսական կողմը պնդում է, որ ավիահարվածների թիրախը եղել են ԻՊ ահաբեկչական խմբավորման զինյալները: Հիշեցնենք, որ նոյեմբերի 28-ին պետք է […]
19:16 25.11.2017
Տարտուսում և Խմեյմիմում ռուսական ռազմաբազաները կմնան Սիրիայում նաև այն բանից հետո, երբ Ռուսաստանն ավարտի հակաահաբեկչական գործողություններն այդ երկրում:
11:27 25.11.2017
Թուրքիայի նախագահ Ռեջեփ Թայիփ Էրդողանը չի բացառում, որ Սիրիայի քրդերի զինված ջոկատների հարցում կարող է բանակցային երկխոսություն լինել նաև Սիրիայի ղեկավար Բաշար Ասադի հետ: Խոսքը մասնավորապես վերաբերում է Սիրիայի հյուսիսում հսկայական տարածք վերահսկող YPG քրդական ջոկատներին, որոնց Անկարան համարում է ահաբեկչական խմբեր, և որոնց հետ վառ արտահայտված տարաձայնություններ ունի նաև Ասադի կառավարությունը:
«Ինչ էլ վաղը լինի, ամեն ինչ կախված է հանգամանքներից … քաղաքականության դռները բաց են մինչև վերջին պահը», — հայտարարել է Էրդողանը Սոչիում Ռուսաստանի և Իրանի նախագահների հետ հանդիպումից հետո լրագրողների համար ճեպազրույցում:
Թուրքական ղեկավարությունը սրանով փորձում է Սիրիայի քրդական կառույցներին դուրս մղել սիրիական ճգնաժամի կարգավորման հարցով սպասվելիք բանակցություններից: Ինքը՝ Էրդողանը, գագաթաժողովից հետո հայտարարել է, թե երեք պետությունները (ՌԴ, Թուրքիա, Իրան) իրենք են որոշելու, թե որ կողմերն են ներգրավված լինելու այդ բանակցություններին: Թուրքիայի նախագահի խոսքով՝ քրդական YPG կառույցի ներկայացուցիչներին չհրավիրելուն կողմ են նաև Ռուսաստանն ու Սիրիայի նախագահ Ասադը:
Նշենք, որ Սիրիայի քրդերը ներկայում զբաղեցնում ու իրենց վերահսկողության տակ են պահում Սիրիայի հյուսիսային, Թուրքիայի հետ սահմանի լայնքով ընկած տարածքների մեծ մասը: Թուրքիան, ունենալով քրդական ներքին խնդիր, փորձում է բացառել սահմանի երկու կողմում գտնվող քրդական համայնքների միավորումը: Դրա համար ինչպես իր սեփական տարածքում, այնպես էլ Սիրիայի տարածքում գործող քրդական կառույցները թուրքական իշխանությունները կոչում են ահաբեկչական ու պայքարում են դրանց դեմ:
17:58 24.11.2017
Միջսիրիական բանակցությունների 8-րդ փուլը տեղի կունենա նոյեմբերի 28-ին, հայտնել է ՄԱԿ-ի գլխավոր քարտուղարի՝ Սիրիայի հարցով հատուկ դեսպանորդ Ստաֆան դե Միստուրան Մոսկվայում ՌԴ ԱԳՆ ղեկավարՍերգեյ Լավրովի հետ հանդիպման ժամանակ:
