12:10 09.12.2021
Ճանապարհային երթևեկության անվտանգության մակարդակը բարձրացնելու, ճանապարհատրանսպորտային պատահարները կանխելու, ինչպես և երթևեկության հապաղումները նվազեցնելու նպատակով ճանապարհային ոստիկանությունը շարունակում է ամենօրյա ռեժիմով գործնական քայլեր ձեռնարկել։ Այս համատեքստում ճանապարհային ոստիկանության ճանապարհային երթևեկության կազմակերպման և հսկողության բաժնի ծառայողները օրերս մի շարք աշխատանքներ են կատարել։ Համապատասխան ուսումնասիրություններից հետո չկարգավորվող հետիոտնային անցումներից առաջ տեղադրվել են, այսպես ասած՝ աղմուկային շերտեր։ Երբ դրանց վրայով մեքենաներ են անցնում, անիվների հետ շփումից աղմուկ է առաջանում, ինչը զգոնացնում է վարորդներին՝ հուշելով, որ առջևում հետիոտնային անցում կամ վտանգավոր հատված կա։ Արդեն 50-ից ավելի հետիոտնային անցումներից առաջ տեղադրվել են աղմուկային շերտեր։ Նման շերտեր տեղադրվել են նաև ճանապարհների այն հատվածներում, որտեղ, ըստ ուսումնասիրությունների և վերլուծությունների, հաճախ են տեղի ունենում ճանապարհատրանսպորտային պատահարներ։ Ճանապարհային երթևեկության անվտանգության առումով պակաս կարևոր չէ լուսացույցերի տեսանելիությունը։ Այս առումով ևս տարվում է ամենօրյա աշխատանք։ Վերջին 6 ամսվա ընթացքում մայրաքաղաքի 20-ից ավելի խաչմերուկներում լուսացույցերը ճանապարհի աջ մասից տեղափոխվել են կենտրոն, ինչն արվում է կա՛մ ճոպանների, կա՛մ մետաղական կոնստրուկցիաների միջոցով։ Մի առանձին խնդիր են երթևեկության հապաղումները, որոնք նվազեցնելու առումով ևս ամենօրյա ուսումնասիրություններ և գործնական քայլեր են ձեռնարկվում։ Օրերս Գայի պողոտայի և Աճառյան փողոցի լուսացույցերի աշխատանքը նորից կոորդինացվել է և ձևավորվել է, այսպես ասած՝ «կանաչ ալիք»՝ ինչպես Մաշտոցի պողոտայում։ Ճանապարհային ոստիկանությունը ամենօրյա ռեժիմով շարունակում է ճանապարհային երթևեկության անվտանգության մակարդակի բարձրացմանը միտված աշխատանքների կատարումը։
23:59 23.07.2025
Կենտրոնի բակերն ազատվում են ապօրինի ավտոտնակներիցԿենտրոն վարչական շրջանի Արամի 64 հասցեի բակային տարածքից ապամոնտաժվել են ապօրինի տեղադրված ավտոտնակները: Այս մասին հայտնել են Երևանի քաղաքապետարանից: Բակը կբարեկարգվի, զավթված տարածքների փոխարեն կձևավորվի հանգստի հարմարավետ գոտի: Մանրամասները՝ տեսանյութում: ...
23:58 23.07.2025
Օպերատիվ իրավիճակը հանրապետությունում հուլիսի 22-ից 23-ըԲացահայտվել է 128 հանցագործություն, որոնցից 2-ը՝ նախկինում կատարված: Մասնավորապես՝ 37 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 15 դեպք՝ մարմնական վնասվածք պատճառելու, 14 դեպք՝ թմրանյութի հայտնաբերման, 11 դեպք՝ ֆիզիկական ներգործության, 7 դեպք՝ խարդախության, 5-ական դեպք՝ հոգեկան ներգործության, գույքը ոչնչացնելու կամ վնասելու, 4 դեպք՝ […] ...
23:56 23.07.2025
Համաքաղաքացուն մարմնական վնասվածք պատճառած 63-ամյա տղամարդը ձերբակալվել էՀուլիսի 21-ին Ոստիկանության օպերատիվ կառավարման կենտրոն «Աստղիկ» բժշկական կենտրոնից հաղորդում է ստացվել, որ շտապօգնության խումբը կտրած-ծակած վերքերով բուժօգնության է տեղափոխել Երևանի բնակիչ 45-ամյա տղամարդու: Երևանի քրեական ոստիկանների և Մալաթիայի բաժնի համայնքային ոստիկանների համատեղ ձեռնարկած օպերատիվ-հետախուզական միջոցառումների արդյունքում պարզվել է, որ 45-ամյա տղամարդուն մարմնական վնասվածք է պատճառել 63-ամյա համաքաղաքացին։ Նա Դանիել Վարուժան փողոցում հայտնաբերվել, ձերբակալվել և […] ...
23:55 23.07.2025
Հաղթանակ կամրջի տակ՝ Հրազդան գետում, հայտնաբերվել է տղամարդու մարմինՀուլիսի 23-ին, ողբերգական դեպք է տեղի ունեցել Երևանում։ Ժամը 21:30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժնում օպերատիվ տեղեկություններ են ստացվել, որ Հաղթանակ կամրջի տակ դի կա։ Ինչպես հայտնում է shamshyan.com-ը, ժամանել են նաև ՀՀ ՆԳՆ փրկարար ծառայության Երևանի հրշեջ-փրկարարական ջոկատից 1 մարտական հաշվարկ։ Այս պահին փրկարարները հատուկ ճոպաններ են […] ...
23:52 23.07.2025
Խոշոր հրդեհ Սյունիքի մարզում․ վագոն տնակը վերածվել է մոխրակույտիՀուլիսի 23-ին, արտակարգ դեպք է տեղի ունեցել Սյունիքի մարզում։ Ժամը 17։35-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Տաթև վանքից Կապան տանող ավտոճանապարհի 2-րդ կմ հատվածում հրդեհ է բռնկվել վագոն-տնակում։ Ինչպես հայտնում է shamshyan.com-ը, hրշեջ փրկարարները նախ կանխել են կրակի տարածումը, ապար մարել այն, սակայն վագոն-տնակը […] ...
23:49 23.07.2025
Կարեն Խաչանովը բացատրել է, թե ինչու չի մասնակցում Վաշինգտոնի ATP-500 կարգի մրցաշարինԱշխարհի 16-րդ ռակետ, Ռուսաստանը ներկայացնող հայազգի թենիսիստ Կարեն Խաչանովը բացատրել է, թե ինչու չի մասնակցում Վաշինգտոնում մեկնարկած ATP-500 կարգի մրցաշարին, հայտնում է Чемпионат-ը: «Շատ լարված մրցաշրջան է։ Միշտ կան զոհողություններ, որոնք պետք է անել։ «Ուիմբլդոնում» ուշ ավարտեցի մրցաշրջանը, բավարար ժամանակ չունեի՝ ծածկույթը փոխելու և մարզվելու համար։ Գիտեի, որ չեմ խաղա Վաշինգտոնի մրցաշարում»,- ասել է Խաչանովը։ […] ...
