12:51 15.02.2018
Ադրբեջանի զորամասերից մեկում անհայտ պայմաններում մահացել է ադրբեջանական բանակի զինծառայող Մեհդիև Ֆահմին Դաշգըն օղլուն (Mehdiyev Fəhmin Daşqın oğlu): Նրա զոհվելու մասին տեղեկությունները փետրվարի 10-ից սկսած հրապարակել են սոցցանցերի ադրբեջանցի օգտատերերը։
Ադրբեջանի պաշտպանության նախարարությունը, սակայն, կոծկել է զինծառայողի կորստի փաստը՝ որևէ կերպ չարձագանքելով միջադեպին։
Զինծառայողի մահվան մանրամասները հայտնի չեն, սակայն նշվում է, որ նա ուներ էպիլեպսիա, և այդ պայմաններում զորակոչվել ու Ադրբեջանի բանակում ծառայել էր առնվազն 7 ամիս։
Razm.info մասնագիտացած կայքը տարվա սկզբից ադրբեջանական բանակում արձանագրել է 6 զինծառայողի կորուստ, որոնցից 3-ը եղել է մարտական պայմաններում: Ադրբեջանի պաշտպանության նախարարությունն արձանագրել է նրանցից միայն երկուսի մահը, այն էլ միջադեպերի մասին սոցցանցերում աղմուկ բարձրանալուց հետո։
Նշված զինծառայողներից մի քանիսն առաջնագծում «անհայտ պայմաններում» մահացել են հունվարին, երբ Ադրբեջանի բանակը փորձում էր կրկին սրում հրահրել առաջնագծում ԵԱՀԿ Մինսկի խմբի համանախագահների՝ տարածաշրջան այցի նախօրեին։
Հունվարի 25-ին ադրբեջանական դիվերսիոն խմբերից մեկը 7 ամիս ընդմիջումից հետո հերթական անգամ դիվերսիայի փորձ արեց, սակայն «քոռ ու փոշման» հետ դարձավ։
Զինծառայողների կորստի մասին տեղեկությունները թաքցնելը Ադրբեջանի պաշտպանության նախարարության համակարգում առաջին անգամ հատկապես վառ արտահայտվեց 2014 թվականի օգոստոսի սրացման ժամանակ։ Չկարողանալով սեփական հանրությանը խոստովանել ունեցած կորուստների մասին՝ Ադրբեջանի բանակի ղեկավարությունը որոշեց պարզպես չհայտնել կորուստների մասին։ Սակայն տեղեկությունները շարունակեցին տարածվել սոցցանցերով։
Բանը հասավ նրան, որ Իլհամ Ալիևը հրաման արձակեց առաջնագծին մոտ տեղակայված բնակավայրերի բնակչության «բերանը փակելու», զոհերի մասին տեղեկությունների տարածումն արգելափակելու, առաջնագծին մոտ գտնվող տարածքներ լրագրողների մուտքը սահմանափակելու մասին։ Հրամանը գործում է մինչև հիմա։
15:40 30.04.2025
Պետք է հրաշք գործենք Փարիզում․ Արտետա«Արսենալի» գլխավոր մարզիչ Միկել Արտետան ամփոփել է Չեմպիոնների լիգայի կիսաեզրափակչում ՊՍԺ-ի հետ դիմակայության առաջին խաղը, հաղորդում է Ֆաբրիցիո Ռոմանոն: «Այս խաղում որոշիչ դարձան դետալները: Գոլը չարձանագրվեց միլիմետրանոց խաղից դուրս վիճակի պատճառով, Մարտինելին մեն-մենակ հայտնվեց ու չգրավեց դարպասը, Լեանդրո Տրոսարը նույն իրավիճակում նույնպես վրիպեց: Կիսաեզրափակչում այսպիսի պահերը ճակատագրական են: Եզրափակիչ դուրս գալու համար հարկավոր է հրաշք […] ...
15:36 30.04.2025
Նախկինում օտարված՝ Դիլիջանի մանկապարտեզը վերադարձվել է համայնքինՏավուշի մարզի դատախազությունը պետական շահերի պաշտպանության լիազորության շրջանակում պարզել էր, որ Դիլիջան համայնքի ավագանու՝ 2006 թվականի որոշմամբ Դիլիջան համայնքի ղեկավարին թույլատրվել է Շահումյան փողոցի 34 հասցեում գտնվող 891 քառակուսի մետր մակերեսով մանկապարտեզի շենքն անհատույց օգտագործման իրավունքով տրամադրել մի կազմակերպության, որը կապվում է նախկինում նախարարի կարգավիճակ ունեցող անձին փոխկապակցված մեկ այլ անձի հետ: Նիկոլ Փաշինյանը Կառավարության […] ...
15:31 30.04.2025
Նոր Նորքի թաղապետարանում տեղի ունեցած միջադեպի առնչությամբ ձերբակալվել է 6 անձՆոր Նորք վարչական շրջանի թաղապետարանում տեղի ունեցած միջադեպի առնչությամբ ձերբակալվել է 6 անձ: «Արմենպրես»-ին այս մասին հայտնեցին ՀՀ ներքին գործերի նախարարությունից՝ մանրամասնելով, որ կազմվում են համապատասխան փաստաթղթեր նախաքննական մարմին փոխանցելու համար: Ավելի վաղ հայտնել էինք, որ Նոր Նորք վարչական շրջանի թաղապետարանում ծեծկռտուք է տեղի ունեցել թաղապետարանի աշխատակիցների և ակտիվիստ Արթուր Չախոյանի միջև։ Սոցիալական ցանցերում տարածված […] ...
15:25 30.04.2025
Կկառուցվի շուրջ 27,1 կմ երկարությամբ ճանապարհ, որը հնարավորություն կտա կրճատել Սիսիան-Քաջարան ճանապարհային հատվածի երկարությունըԿառավարությունը հավանություն է տվել 2025 թ. մարտի 18-ին ստորագրված «Հայաստանի Հանրապետության և Ասիական զարգացման բանկի միջև դիմակայուն և ներառական ճանապարհային հատվածի բարելավման ծրագրի համար Ասիական զարգացման բանկի միջոցներից վարկի տրամադրման մասին» համաձայնագիրը վավերացնելու մասին» ՀՀ օրենքի նախագծին: Ինչպես նշել է Տարածքային կառավարման և ենթակառուցվածքների նախարար Դավիթ Խուդաթյանը, ՀՀ-ի համար առաջնահերթություն համարվող Հյուսիս-հարավ ճանապարհային միջանցքի 4-րդ […] ...
15:20 30.04.2025
Պատասխան խաղում կզգանք արդեն մեր երկրպագուների աջակցությունը․ ԷնրիկեՊՍԺ-ի գլխավոր մարզիչ Լուիս Էնրիկեն մեկնաբանել է ՉԼ կիսաեզրափակչում «Արսենալի» հետ առաջին խաղը: «Ինձ համար հաճելի է տեսնել, թե ինչպես է իմ թիմը ցույց տալիս այն աշխատանքը, որ կատարում ենք ամեն օր: Սա էմոցիոնալ հանդիպում էր, քանի որ բարդ էր խաղալ նման մթնոլորտում: Գոլը մեզ մեծ վստահություն հաղորդեց: Պատասխան խաղում կզգանք արդեն մեր երկրպագուների աջակցությունը: […] ...
15:15 30.04.2025
Կապահովվեն Օմանի Սուլթանությունում ՀՀ դեսպանության պահպանման ծախսերըԿառավարությունը չզեկուցվող հարցերի փաթեթով ընդունել է որոշում, որով կապահովվի Օմանի Սուլթանությունում ՀՀ դեսպանության, նստավայրը՝ Մասկատ, պահպանման ծախսերը: Գումարից հիմնական մասը կհատկացվի ԱԳՆ բյուջեից, իսկ մնացածը՝ Կառավարության պահուստային ֆոնդից։ Օմանի Սուլթանությունում Հայաստանի Հանրապետության դեսպանության բացումը կնպաստի Հայաստանի և Օմանի միջև առկա ջերմ քաղաքական երկխոսության, առևտրատնտեսական կապերի ամրապնդմանը, զբոսաշրջային հոսքերի, փոխադարձ առևտրաշրջանառության, այդ թվում՝ տարանցիկ ավելացմանը: Այն […] ...
